سعودی عرب میں آج 24 اپریل 2025 کو 24 قیراط سونے کی فی تولہ قیمت میں معمولی کمی ریکارڈ کی گئی ہے۔
فاریکس ڈاٹ پی کے کے مطابق سعودی عرب میں 24 قیراط فی تولہ سونا معملی کمی کے بعد 4 ہزار 806 ریال کا ہوگیا جو گزشتہ روز 4 ہزار 808 ریال کا تھا۔
اسی طرح مملکت میں 10 گرام سونا کمی کے بعد 4 ہزار 125 ریال اور فی اونس 12 ہزار 829 ریال میں فروخت کیا جا رہا ہے۔
یہ بھی پڑھیں: ویڈیو: دنیا کا ہر شخص سونے (GOLD) کا مالک ہے، مگر کیسے؟
امریکا اور چین کے درمیان جاری ٹیرف جنگ کی وجہ سے عالمی اور مقامی مارکیٹوں میں سونے کی قیمت میں مسلسل اتار چڑھاؤ دیکھا جا رہا ہے۔ غیر یقینی معاشی صورتحال کے باعث لوگ زیادہ سے زیادہ سونا خریدنے کی کوشش کر رہے ہیں۔
آج پاکستانی اوپن مارکیٹ میں سعودی ریال کی قدر میں اضافہ دیکھا گیا، ایک ریال 74.9 پاکستانی روپے کے برابر ہے۔
فاریکس ایسوسی ایشن آف پاکستان کے مطابق کاروباری ہفتے کے چوتھے دن ریال کی قدر میں بھی اضافہ ہوا اور یہ 75.44 روپے میں فروخت ہو رہا ہے۔
سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔ اسے صدیوں سے کرنسی اور دولت کی شکل کے طور پر استعمال کیا جاتا رہا ہے۔
جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں، پاکستان میں گذشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
