عالمی رینکنگ 2024 کے دورا ن سعودی پاسپورٹ اہم سنگ میل عبور کرتے ہوئے 65ویں نمبر سے 61ویں نمبر پر پہنچ گیا ہے۔ 2023 میں سعودی پاسپورٹ 65ویں نمبر پر موجود تھا۔
بین الاقوامی خبر رساں ادارے کی رپورٹ کے مطابق ہینلی اینڈ پارٹنرز جو دنیا کے مضبوط اور کمزور پاسپورٹ کی درجہ بندی کرتی ہے 200 سے زیادہ ملکوں کو شامل کیا ہے۔
سعودی پاسپورٹ 2021 میں 71 اور 2022 میں 65 میں نمبر پر تھا۔جس میں اب مزید بہتری آگئی ہے، سعودی پاسپورٹ ہولڈر بغیر ویزے کے 89 ممالک میں جا سکتے ہیں جبکہ 137 ممالک میں داخلے کیلیے ویزے کی ضرورت ہے۔
ہینلی اینڈ پارٹنرز کی رپورٹ انٹرنیشنل ایئر ٹرانسپورٹ ایسوسی ایشن(ایاٹا) کے ڈیٹا پر کی مدد سے تیار کی گئی ہے۔
رپورٹ کے مطابق لندن میں قائم ایڈوائزری فرم ہینلی اینڈ پارٹنرز جو دنیا کے مضبوط اور کمزور پاسپورٹ کی درجہ بندی کرتی ہے کے سالانہ جائزے کے مطابق 2024 کی فہرست میں فرانس، جرمنی، اٹلی، سپین، جاپان اور سنگاپور کے پاسپورٹ سرفہرست ہیں۔
ان ممالک کے شہریوں کو 194 میں ویزا فری یا ویزا آن آرائیول کی سہولت حاصل ہے۔فن لینڈ، جنوبی کوریا اور سویڈن کے پاسپورٹ دوسرے نمبر پرہیں۔ آسٹریا، ڈنمارک، آئرلینڈ اور ہالینڈ تیسرے، بیلجیئم، مالٹا، برطانیہ اور سوئٹزرلینڈ چوتھے نمبر پر موجود ہے۔
خلیجی ممالک میں امارات کا پاسپورٹ 11، قطر 53، کویت 55 اور بحرین 59 ویں نمبر پر ہے۔
ہوٹل کی 26 ویں منزل سے چھلانگ لگانے والی لڑکی سے متعلق اہم انکشاف
سب سے کمزور پاسپورٹس کا تعلق افغانستان، شمالی کوریا، بنگلہ دیش، سری لنکا، اریٹیریا، شام، عراق، یمن، صومالیہ، فلسطین، سوڈان، نائجیریا، لبنان اور ایران سے بتایا گیا ہے۔
