ARYNews.tv | Urdu – Har Lamha Bakhabar

Tag: Saudi princes

  • ٹوئٹر کی خریداری : سعودی شہزادے نے ایلن مسک کو صاف جواب دے دیا

    ٹوئٹر کی خریداری : سعودی شہزادے نے ایلن مسک کو صاف جواب دے دیا

    ریاض : سعودی ارب پتی شہزادہ الولید بن طلال نے ٹیسلا کے مالک ایلون مسک کی جانب سے سوشل میڈیا پلیٹ فارم ٹوئٹ خریدنے کی پیش کش مسترد کردی ہے۔

    عرب نیوز کے مطابق شہزادہ الولید بن طلال نے اپنے ذاتی ٹوئٹر اکاؤنٹ سے جاری کیے گئے ایک بیان میں کہا کہ ایلون مسک کی جانب سے ٹوئٹر کے لیے دی گئی پیش کش اس کی گروتھ کے بعد کی قدر کے مطابق نہیں ہے۔

    ٹوئٹر کے ایک بڑے شراکت دار کی حیثیت سے کنگڈم ہولڈنگ اور میں اس پیش کش کو مسترد کرتے ہیں، ارب پتی ایلون مسک نے ٹوئٹر کو41 ارب 39 کروڑ ڈالر میں خریدنے کی پیش کش کی ہے۔

    ایلون مسک کی پیش کش 54.20 ڈالر فی حصص بنتی ہے جو کہ یکم اپریل کو ٹوئٹر کے سٹاک کی اختتامی قیمت کے 38 فیصد پریمیئم کی نمائندگی کرتی ہے۔

    یاد رہے کہ الیکٹرک کاریں بنانے والی کمپنی ٹیسلا کے بانی سربراہ ایلون مسک نے سوشل میڈیا پلیٹ فارم ٹوئٹر کو اکتالیس بلین ڈالر نقد کے عوض خریدنے کی پیشکش کی تھی۔ اس پیشکش کے فوری بعد ٹوئٹر کے شیئرز کی قیمتوں میں واضح اضافہ ہوگیا تھا۔

    ارب پتی کاروباری شخصیت ایلون مسک نے اپنی اس پیشکش کے ساتھ یہ بھی کہا تھا کہ مائیکرو بلاگنگ پلیٹ فارم ٹوئٹر ایک عظیم الجثہ سوشل میڈیا پلیٹ فارم ہے تاہم اس کے مزید ترقی کرنے اور آزادی اظہار رائے کا مزید مؤثر ذریعہ بننے کے لیے ضروری ہے کہ اسے پرائیویٹ بنا دیا جائے۔

  • گرفتار سعودی شہزادوں اور وزرا کیلئے فائیو اسٹار ہوٹل جیل میں تبدیل

    گرفتار سعودی شہزادوں اور وزرا کیلئے فائیو اسٹار ہوٹل جیل میں تبدیل

    ریاض : گرفتار سعودی شہزادوں اور وزرا کیلئے فائیو اسٹار ہوٹل کو جیل میں تبدیل کردیا گیا، گرفتار افراد کی گدوں پر سونے کی تصویر وائرل ہوگئی۔

    تفصیلات کے مطابق سعودی عرب حکومت نے کرپشن کے الزام میں گرفتارشہزادوں کیلئے ریاض کے فائیواسٹار ہوٹل کو جیل کا درجہ دیا گیا ہے، جہاں گرفتار کیے گئے شہزادوں سمیت افراد کو زمین پر بچھائے گئے بغیرچادروں کےگدوں پر سوتے دیکھا جاسکتا ہے۔

    رپورٹس کے مطابق سعودی پولیس نے کرپشن کے الزام میں گرفتارسعودی شہزادوں کوفائیوسٹارہوٹل میں نظر بندکردیا۔اب تک شاہی ہوٹل میں11شہزادے،38وزراء اور دیگراہم لوگ نظربند ہیں۔

    ترجمان ہوٹل کے مطابق صورتحال کا جائزہ لے رہے ابھی کچھ نہیں کہہ سکتے۔

    دوسری جانب سعودی اٹارنی جنرل شیخ سعود المجیب کا کہنا ہے کہ شاہی شخصیات، وزرا اور کاروباری افراد کی گرفتاری بد عنوانی کے خلاف جاری مہم کا آغاز ہے، گرفتار کئے گئے افراد کےخلاف تحقیقات کےذریعےثبوت پہلی ہی جمع کئے جا چکے ہیں، مشتبہ افرادکو قانونی وسائل کےاستعمال کاحق ہوگا۔

    انہوں نے یقین دہانی کرائی ہے کہ مقدمات جلد اورشفافیت کےساتھ قائم کئے جائیں گے۔

    مزید پڑھیں : سعودی عرب میں کرپشن کےالزام میں 11 شہزادے اور4 وزیرگرفتار

    واضح رہے کہ ہفتے کے روز شاہ سلمان کے حکم پرانسداد بدعنوانی کمیٹی نے گیارہ شہزادوں، چار وزرا اور کئی سابق وزرا کو حراست میں لے لیا تھا، ان افراد پر کرپشن کا الزام ہے۔

    سعودی عرب میں بڑے پیمانے پر گرفتاریاں ولی عہد محمد بن سلمان کی زیر صدارت سعودی عرب کی اینٹی کرپشن کمیٹی کے فیصلے کے بعد کی گئیں۔

    اینٹی کرپشن کمیٹی نے یہ بھی اعلان کیا ہے کہ وہ 2009 میں جدہ میں آنے والے سیلاب کی فائل بھی دوبارہ کھول رہی ہے جبکہ کورونا وائرس کی بھی تحقیقات کی جائیں گی۔

    سعودی عرب میں کرپشن کیخلاف ایکشن اور امیر ترین شہزادے کی گرفتاری پر سعودی سسٹاک مارکیٹ میں مندی کا رجحان دیکھا گیا اور سعودی اسٹاک مارکیٹ میں منافع کی شرح1.5فیصد تک گرگئی تھی جبکہ شہزادہ الولید طلال کی کمپنی کے شیئر9.9 فیصد گرگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • قطری شہزادے تلور کاشکار کرنے کے بعد وطن لوٹ گئے

    قطری شہزادے تلور کاشکار کرنے کے بعد وطن لوٹ گئے

    اسلام آباد : وزیراعظم نواز شریف کی دعوت پر آئے قطری شہزادے تلور کا شکار کرنے کے بعد اپنے ملک لوٹ گئے۔

    تفصیلات کے مطابق قطری شہزادے سولہ روز تک تلور کا شکار کرنے کے بعد اپنے دیس واپس چلے گئے، قطری شہزادے حمد بن جاسم سمیت تین شہزادوں نے بھکر اور جھنگ میں تلور شکار کیے۔

    قطری شہزادے فیصل آباد سے خصوصی طیارے کے ذریعے اپنے وطن روانہ ہوئے، ایئرپورٹ اور اطراف سخت سیکورٹی تھی۔

    قطری شہزادے اپنے دوستوں کے ہمراہ وزیراعظم نواز شریف کی دعوت پر شکار کھیلنے آئے تھے۔

    یاد رہے کہ قطری خاندان کو شکارگاہوں کی منظوری وزارت خارجہ نے دی، صوبوں کو خط بھی وزارت خارجہ کی جانب سے جاری کیا گیا، اس سے پہلے یہ خبریں بھی آئی تھیں کہ خیبرپختون خوا حکومت نے وزارت خارجہ کی درخواست کو مسترد کردیا ہے۔

    مزید پڑھیں : تلور کے شکار کے لیے وفاقی حکومت کی درخواست مسترد

    اس سے قبل تلور کا شکار کرنے پر کسانوں نے قطری شہزادے جاسم کی خیمہ بستی کے باہر پرامن احتجاج بھی کیا تھا۔

    مظاہرین کا کہنا تھا کہ قطری شاہی خاندان کے بارہ افراد تلور کے شکار کے لیے اُن کی زمینوں پر موجود ہیں جس کے باعث ان کی فصلیں تباہ ہورہی ہیں‘ حکومت فوری طور پر شکار کا یہ عمل روکے۔

    مزید پڑھیں : غریب کسانوں کا قطری شہزادوں کے خلاف احتجاج

    ملک میں عام طورپر اس پرندے کے شکار پر سرکاری طورپر پابندی عائد ہے لیکن جب عرب شاہی خاندان کے افراد تلور کے شکار کے لیے اپنے سفر کا آغاز کرتے ہیں تو ان کے لیے کوئی روک ٹوک نہیں ہوتی۔

    واضح رہے کہ موسم سرما میں یہ پرندے بڑی تعداد میں پاکستان کا رخ کرتے ہیں اور ان کے شکار کے دلداہ خلیج اور عرب ریاستوں کے شاہی خاندانوں کے افراد بھی تواتر سے پاکستان آتے ہیں۔

    رواں ماہ کے اوائل میں قطری شہزادوں نے پنجاب کے علاقے بھکر میں بھی اس پرندے کے شکار کے لیے کئی روز تک قیام کیا تھا۔