Tag: Saudi Transport Authority

  • سعودی ٹرانسپورٹ اتھارٹی نے غیر ملکیوں کو خبردار کردیا!

    سعودی ٹرانسپورٹ اتھارٹی نے غیر ملکیوں کو خبردار کردیا!

    سعودی ٹرانسپورٹ جنرل اتھارٹی کی جانب سے وضاحت کی گئی ہے کہ ’غیرملکیوں کا ایپلیکیشن ٹیکسی سے منسلک ہونا غیرقانونی ہے، خلاف ورزی پرسروس کو سیز کر دیا جائے گا۔‘

    عرب خبر رساں ادارے عکاظ کی رپورٹ کے مطابق ایپ ٹیکسی سروس کے لیے مقررکردہ قوانین کا مقصد سواریوں اور کمپنی کے مفادات کا تحفظ ہے۔

    ایپلیکیشن قوانین کے مطابق ایپ ٹرانسپورٹ سروس سے منسلک کمپنی کے لیے ضروری ہے کہ وہ ایپلیکیشن کو اتھارٹی کے مرکزی سسٹم سے مربوط کرے۔

    ایپلیکیشن قوانین کے مطابق ایپلیکیشن ٹیکسی سروس میں صرف سعودی شہریوں کو کام کرنے کی اجازت ہے۔ دیگر ممالک سے تعلق رکھنے والے افراد کا اس سروس میں کام کرنا غیرقانونی تصور کیا جائے گا۔

    ایسے ڈرائیور جو ایک ماہ میں 5 بار سواریوں کی جانب سے موصول ہونے والی طلب کو قبول کرنے کے بعد انہیں کینسل کریں انکا لائسنس سیز کردیا جائے گا، ایپ ڈرائیور کے لیے ضروری ہے کہ جس سواری کی طلب کو قبول کرے اسے اس کی منزل پر اتارے۔

    اسرائیل، سعودی تعلقات بحال کرانے کی کوششیں، خامنہ اِی کا اہم بیان

    ایپ کمپنی اس امر کی پابند ہے کہ وہ اپنی ایپلیکیشن کی تمام تر تفصیلات سے اتھارٹی کے سسٹم میں اپ ڈیٹ کرے۔

    اتھارٹی کو فوری طورپر کسی بھی تبدیلی کی اطلاع فراہم کی جائے بصورت دیگر خلاف ورزی شمار کرتے ہوئے کمپنی کے خلاف ایکشن لیا جائے گا۔

  • سعودی عرب : مال بردار گاڑی مالکان کو ہدایات، مہلت ختم ہونے والی ہے

    سعودی عرب : مال بردار گاڑی مالکان کو ہدایات، مہلت ختم ہونے والی ہے

    ریاض : سعودی عرب میں تجارتی سامان کی منتقلی کرنے والے مال بردار ٹرک مالکان کو حکومت کی جانب سے اہم ہدایات جاری کی گئی تھیں جس کی مہلت ختم ہونے میں کم وقت رہ گیا ہے۔

    اس حوالے سے سعودی ذرائع ابلاغ کا کہنا ہے کہ ٹرانسپورٹ جنرل اتھارٹی کی جانب سے لوڈنگ ٹرکس کے مالکان کو دی جانے والی مہلت سات دسمبر کو ختم ہوگی۔

    غیر ملکی خبر رساں ادارے کی رپورٹ کے مطابق مذکورہ مہلت ایسے ٹرک مالکان کے لیے ہے جنہوں نے اپنی گاڑیوں کی رجسٹریشن کمرشل کے طور پر نہیں کرائی ہے۔

    ذرائع کے مطابق ٹرانسپورٹ جنرل اتھارٹی نے مملکت میں مال بردار ٹرک مالکان کو ہدایت کی تھی کہ وہ سات دسمبر2022 تک اپنے ٹرکوں کو جنہیں وہ مملکت میں سامان کی منتقلی کے لیے تجارتی بنیادوں پراستعمال کرتے ہیں، کی نمبرپلیٹ اور رجسٹریشن کو نجی کے بجائے کمرشل کرالیں۔

    اتھارٹی کی جانب سے کہا گیا تھا کہ قانون کے مطابق وہ لاجسٹک کمپنیاں یا نقل وحمل کے لیے استعمال ہونے والی ہیوی ڈیوٹی گاڑیوں کے جن مالکان نے ہیوی لوڈنگ گاڑیوں کی رجسٹریشن کمرشل کے بجائے نجی کرائی ہے وہ بغیر کسی اضافی رقم یا جرمانے کے اپنی گاڑیوں کی رجسٹریشن کمرشل کے طور پر کرالیں۔

    مہلت کے ختم ہونے کے بعد ٹرانسپورٹ جنرل اتھارٹی کی جانب سے مملکت کے تمام شہروں میں تفتیشی کارروائیاں شروع کی جائیں گی ایسے افراد جو قانون شکنی کے مرتکب پائے جائیں گے ان کے خلاف سخت تادیبی کارروائی کی جائے گی۔