Tag: saudia arab

ریاض: منشیات اسمگلنگ کے الزام میں گرفتار برزگ خاتون باعزت بری

قاہرہ/ریاض : منشیات اسمگلنگ کے الزام میں گرفتار 75 سالہ مصری خاتون کو سعودی عرب کی عدالت نے باعزت بری کرتے ہوئے سرکاری خرچ پر رواں برس جج کی ادائیگی کی پیش کش کردی۔

تفصیلات کے مطابق سعودی عرب کی عدالت نے 4 ماہ قبل عمرے کی غرض سے سعودی عرب آنے والی عمر رسیدہ مصری خاتون ’سعدیہ‘ کو منشیات اسمگلنگ کیس میں باعزت بری کرتے ہوئے مصر واپس مصر روانہ کردیا ہے۔

عرب میڈیا کا کہنا تھا کہ 75 سالہ ’سعدیہ عبد السلام‘ بدھ کے روز مصر کے دارالحکومت قاہرہ کے بین الااقوامی ہوائی اڈے پر پہنچی تو ان کے اہل خانہ اور دیگر افراد نے ان کا پرتپاک استقبال کیا۔

عربی خبر رساں ادارے کے مطابق 75 سالہ بزرگ خاتون نے مصری ہوائی اڈے پر میڈیا دے گفتگو کرتے ہوئے کہا کہ ’مجھے یقین نہیں ہورہا کہ میں واپس اپنے وطن پہنچ گئی ہوں، میں غلط تھی خدا نے مجھے بچالیا‘۔

غیر ملکی خبر رساں ادارے کا کہنا تھا کہ سعدیہ عبد السلام کا تعلق مصر کے گاؤں دارین سے ہے، جو رواں برس مارچ سے خبروں کا حصّہ بنی جب انہیں عمرے کے دوران سعودی عرب کے بین الااقوامی ہوائی اڈے پر منشیات اسمگلنگ کے الزام میں گرفتار کیا گیا۔

غیر ملکی خبر رساں ادارے کا کہنا تھا کہ خاتون نے اپنا دفاع کرتے ہوئے حکام کو بتایا کہ ’میں عمرہ کرنا چاہتی تھی، اسی بات کا فائدہ اٹھاتے ہوئے میرے پڑوسی نے عمرے کے تمام اخراجات اٹھانے پورے کرنے کا وعدہ کیا اور انتظامات مکمل ہونے کے بعد ایک تھیلا دیا جسے جدہ کے ہوائی اڈے پر کسی شخص کو دینا تھا۔

عمر رسیدہ خاتون سعدیہ کے مطابق انہیں بتایا کہ بیگ میں حاملہ اہلیہ کے کچھ کپڑے ہیں جو سعودی عرب میں ہے اور اس بیگ کو خاتون تک پہنچانا ہے۔

سعدیہ عبد السلام نے بتایا کہ ’سعودی عرب کے ینبو ہوائی اڈے پر مجھے گرفتار کرلیا گیا اور جب حکام نے میرے سامان کی تلاشی لی تو توقع برخلاف ایک بیگ میں سے 75 ہزار ‘ٹراما ڈول‘ نامی نشہ آور گولیاں اور دیگر منشیات برآمد ہوئی‘۔

غیر ملکی خبر رساں ادارے کا کہنا تھا کہ مصری حکام نے خاتون کی گرفتاری کے بعد واقعے کی تحقیقات کی اور منشیات اسمگلنگ کے اصل مجرم کر گرفتار کرلیا۔ جس کے بعد سعودی حکومت نے عمر رسیدہ مصری خاتون کو باعزت بری کرتے ہوئے سعودی حکومت کے خرچے پر رواں برس جج کرنے کی پیشکش کی۔

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

جولائی 21, 2018
چین اور سعودی عرب کی پاکستان میں دہشت گرد حملوں کی مذمت

بیجنگ : عالمی برادری کی جانب سے پاکستان میں دہشت گرد حملوں میں قیمتی جانوں کے نقصان پرافسوس کا اظہار کیا گیا، چین اور سعودی عرب کا کہنا ہے کہ دہشت گردی کیخلاف پاکستان کے ساتھ ہیں۔

تفصیلات کے مطابق عالمی برادری کی جانب سے پاکستان میں دہشت گرد حملوں کی مذمت کی گئی اور قیمتی جانوں کے نقصان پرافسوس کا اظہار کیا گیا۔

چین نے مستونگ دھماکے پر دکھ کا اظہار کرتے ہوئے کہا کہ یہ واقعہ بھی آرمی بپلک اسکول کی طرح افسوسناک اور قابل مذمت ہے، دہشتگردی کے خلاف پاکستانی عوام کے ساتھ ہیں۔

سعودی عرب نے بھی مستونگ اور بنوں دھماکوں کی شدید مذمت کی اور جانوں کے نقصان پرافسوس کا اظہار کیا گیا، سعودی وزارت خارجہ کے کہنا تھا کہ دہشت گردی اور انتہا پسندی کیخلاف پاکستان کے ساتھ کھڑے ہیں۔

مزید پڑھیں : امریکا کی پاکستان میں انتخابی امیدواروں پرحملوں کی مذمت

اس سے قبل امریکی محکمہ خارجہ نے پاکستان میں انتخابی امیدواروں پر حملوں کی شدید مذمت کرتے ہوئے حملوں میں جاں بحق افراد کے لواحقین سے اظہارہمدردی کی ہے۔

ترجمان امریکی محکمہ خارجہ ہیتھرنوئرٹ کا کہنا تھا کہ بزدلانہ حملے پاکستانی عوام کوجمہوری حق سے محروم رکھنے کی سازش ہیں۔ امریکہ دہشت گردی کے خلاف جنگ میں پاکستان کے عوام کی حمایت جاری رکھے گا۔

یاد رہے گذشتہ روز صوبہ بلوچستان کے ضلع مستونگ میں گزشتہ روز بلوچستان عوامی پارٹی کی کارنرمٹینگ میں دھماکا ہوا جس کے نتیجے میں 129 افراد شہید جبکہ146 زخمی ہوگئے تھے، جن میں سے متعدد کی حالت تشویش ناک ہے۔

واضح رہے کہ انتخابی سرگرمیوں کے دوران ایک ہفتے میں 4 دہشت گرد حملے ہوچکے ہیں جن میں ہارون بلور اور سراج رئیسانی سمیت 150 سے زائد افراد جاں بحق اور 130 سے زائد زخمی ہوئے۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

جولائی 14, 2018
فیفا کا نجی نشریاتی ادارے کے خلاف قانونی چارہ جوئی کا فیصلہ، سعودیہ کا خیر مقدم

ریاض: سعودی عرب نے فیفا کی جانب سے فٹبال ورلڈ کپ کے میچز دکھانے کے جرم میں نجی ٹی وی چینل کے خلاف قانونی چارہ جوئی کرنے کے فیصلے کا خیر مقدم کیا ہے۔

تفصیلات کے مطابق فٹبال کی عالمی فیڈریشن (فیفا) کی جانب سے بی آؤٹ کیو نامی نجی ٹی وی چینل کے خلاف روس میں منعقدہ فٹبال میچز کو غیر قانونی طور پر نشر کرنے کے جرم میں قانونی کارروائی کرنے کا فیصلہ کیا ہے، جس کا سعودی حکومت نے خیر مقدم کیا ہے۔

سعودی عرب کی وزارت میڈیا امور کے ترجمان کا کہنا تھا کہ فٹبال کی عالمی فیڈریشن کے نجی ٹی وی چینل کے خلاف کارروائی کرنے سے سعودی عرب کو بی آؤٹ اور بی ان کی غیر قانونی نشریات پر پابندی لگانے میں مزید تقویت ملے گی۔

غیر ملکی خبر رساں ادارے کے مطابق سعودی عرب کے حکام اپنی سرحدوں کے اندر انٹلیکچوئل پراپرٹی رائٹس ک حفاظت کے لیے کوشاں ہے۔

غیر ملکی خبر رساں ادارے کے مطابق سعودی عرب کا حکام کا کہنا ہے کہ بی ان ٹی وی چینل الجزیرہ میڈیا گروپ کا ذیلی ادارہ ہے، جسے فیفا کی جانب سے میچ دکھانے کا لائسنس دیا گیا ہے تاہم مذکورہ قطری چینل نے مملکت کے خلاف مہم شروع کی ہوئی ہے۔

غیر ملکی خبر رساں ادارے کا کہنا تھا کہ سعودی حکام نے الجزیرہ ٹی وی چینل پر دہشت گردوں اور دہشت گرد گروپس کی حمایت اور معاونت کرنے کے جرم میں سعودی عرب میں چینل کی نشریات پر پابندی عائد کی ہوئی ہے۔

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

جولائی 13, 2018
سعودی عرب: پولیس چیک پوسٹ پر حملہ، پولیس اہل کار سمیت دو افراد جاں بحق

ریاض : سعودی عرب شہر بریدہ میں پولیس چیک پوسٹ پر دہشت گردوں کے حملے میں 1 پولیس اہلکار سمیت دو افراد ہلاک ہوگئے جبکہ سیکیورٹی اداروں کی جوابی کارروائی میں دو دہشت گرد اور ایک زخمی ہوگیا۔

تفصیلات کے مطابق سعودی عرب کے شمال وسطی شہر بریدہ میں گذشتہ روز ایک چیک پوسٹ پر دہشت گردوں کی جانب سے حملہ کیا گیا ہے، دہشت گردانہ حملے میں سعودی پولیس کا ایک اہلکار اور شہری جاں بحق ہوا ہے۔

سعودی عرب کی سرکاری خبر ایجنسی کا کہنا تھا کہ حملے کے بعد سیکیورٹی فورسز نے جوابی کارروائی کرتے ہوئے 2 دہشت گردوں کو ہلاک کردیا، جبکہ تیسرا دہشت گرد زخمی گرفتار کرلیا گیا تھا، جسے پولیس اہلکاروں نے اسپتال منتقل کردیا تھا۔

سعودی خبر رساں ادارے سے گفتگو کرتے ہوئے سعودی عرب کے وزارت داخلہ کے ترجمان کا کہنا تھا کہ اتوار کے روز شام 4 بجے کے قریب 3 دہشت گردوں نے القصیم کے دارالحکومت بریدہ شہر کی سیکیورٹی فورسز کی ایک چیک پوسٹ پر حملہ کیا تھا۔

غیر ملکی خبر رساں ادارے کا کہنا تھا کہ القصیم سعودی کا اہم شہر ہے، جہاں وہابی مکتب فکر کا سب سے بڑا اسکول موجود ہے۔

یاد رہے کہ رواں برس 24 اپریل کو سعودی عرب کے صوبہ عسیر میں چیک پوسٹ پرفائرنگ کے نتیجے میں 4 سیکورٹی اہلکار جان کی بازی ہار گئے۔

عرب نیوز کے مطابق چیک پوسٹ پرحملے کے بعد پولیس نے حملہ آوروں کا تعاقب کیا اور اس دوران جوابی کارروائی میں ایک حملہ آور مارا گیا جبکہ دو کو گرفتار کرلیا گیا۔

خیال رہے کہ گذشتہ برس اکتوبر میں سعودی وزارت داخلہ کی جانب سے جاری بیان میں کہا گیا تھا کہ گاڑی میں سوار حملہ آور نے جدہ میں شاہی محل کے قصرالسلام گیٹ پر فائرنگ کی جس کے نتیجے میں رائل گارڈز کے 2 اہلکار جاں بحق اور 3 زخمی ہوگئے۔

سیکورٹی فورسز کی جوابی کارروائی میں حملہ آور بھی مارا گیا اور اس کی گاڑی سے کلاشنکوف اور 3 دستی بم برآمد ہوئے ہیں جبکہ حملہ آور کی شناخت 28 سالہ منصور الاامری کے نام سے ہوئی ہے جو سعودی شہری ہے اور اس کا کوئی کرمنل ریکارڈ نہیں ہے۔

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

جولائی 9, 2018
سعودی افواج نے جازان شہر پر داغا گیا میزائل فضا میں ہی تباہ کردیا

ریاض : سعودی عرب کے سرحدی شہر جازان پر یمن میں برسرپیکار حوثی جنگجوؤں کی جانب سے گذشتہ شام داغا گیا بیلسٹک میزائل سعودی فورسز نے فضا میں ہی تباہ کردیا۔

تفصیلات کے مطابق سعودی کے شہر جازان پر یمن میں برسرپیکار حوثی جنگجوؤں کی جانب جمعے کی شام داغا جانے والا بیلسٹک میزائل سعودی عرب کی اتحادی افواج نے سرحد پر ہی مار گرایا ہے۔

عربی خبر رساں ادارے کا کہنا تھا کہ ایرانی حمایت یافتہ حوثی جنگجوؤں کی جانب سے فائر کیا جانے والا بیلسٹک میزائل گذشتہ روز شام 7 بج کر 17 منٹ پر سعودی عرب کے سرحدی شہر جازان پر داغا گیا تھا۔

عرب خبر رساں ادارے سے گفتگو کرتے ہوئے عرب اتحادی افواج کے ترجمان کرنل ترکی المالکی کا کہنا تھا کہ سعودی عرب کی جانب سے یمن میں آئینی حکومت کی معاونت کے لیے اتحاد بنایا گیا تھا، اس لیے حوثی جنگجو سعودی عرب کی شہری آبادی کو جان بوجھ پر ہدف بناتے ہیں۔

کرنل ترکی المالکی کا کہنا تھا کہ حوثی جنگجوؤں کو ایران کی مدد حاصل ہے، اس لیے وہ آئے روز سعودی عرب کی شہری آبادی کو نشانہ بنانے کی کوشش کرتے رہتے ہیں، حوثی جنگجو شہری آبادی پر میزائل حملے کرکے اقوام متحدہ کے قوانین کی خلاف ورزی کررہے ہیں۔

سعودی عرب کی اتحادی افواج کے ترجمان کا کہنا تھا کہ گذشتہ روز پیش آنے والے واقعے میں کسی کے زخمی ہونے کی اطلاعات موصول نہیں ہوئی ہیں۔

خیال رہے کہ حوثی جنگجوؤں کی جانب سے گذشتہ کئی ماہ سے سعودی عرب کی شہری آبادی کو نشانہ بنانے کےلیے کوششیں کررہا ہے اور اب تک 100 سے زائد بیلسٹک میزائل حملے کرچکا ہے جسے سعودی فضائی افواج فضا میں ہی تباہ کردیا تھا۔

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

جولائی 7, 2018
بینائی سے محروم سعودی بچے نے کمپیوٹر میں مہارت حاصل کرلی

ریاض : سعودی عرب کے 12 سالہ نایبنا بچے نے کمپیوٹر اور اسمارٹ ڈیوائسز میں مہارت کرنے کے ساتھ قرآن کریم حفظ کرنے میں بھی اپنی صلاحیتوں کا لوہا منوایا ہے۔

تفصیلات کے مطابق سعودی عرب کے بینائی سے محروم بچے نے اپنے بلند حوصلے اور مسلسل محنت کے باعث کمپیوٹر اور اسمارٹ دیوائسز کی ٹیکنالوجی میں تربیت لینے کے ساتھ ساتھ ونڈوز اور میکنٹوش سسٹمز میں بھی مہارت حاصل کرلی ہے۔

پیدائشی طور پر بینائی کی نعمت سے محروم بارہ سالہ سعودی شہری کہنا تھا کہ ’میری معذوری کبھی کامیابی کی راہوں میں رکاوٹ نہیں بن سکتی، کیوں کہ میں ہر مشکل کو چیلنج کرنے کی صلاحیت رکھتا ہوں، اس لیے جدید پروگرامنگ لیگنویج سیکھنے کا بھی خواہاں ہوں۔

سعودی خبر رساں ادارے کا کہنا تھا کہ مازن الحربی نامی نابینا بچہ مستبل میں کمپیوٹر یا انگریزی کے شعبے میں اعلیٰ تعلیم حاصل کرنے کا خواہاں ہے، مازن کے اعلیٰ تعلیم حاصل کرنے کے جذبے کو دیکھتے ہوئے اس کے بھائی اور دیگر عزیز ع اقارب اس کا حوصلہ بڑھا رہے ہیں۔

عربی خبر رساں ادارے سے گفتگو کرتے ہوئے 12 سالہ سعودی شہری کے والد کا کہنا تھا کہ ’ہمارا بیٹا قدرتی طور پر نابینا ہے، جس کے باعث اہل خانہ اس کے مستقبل کے حوالے سے کافی پریشان تھے، لیکن مازن نے 12 برس کی عمر میں کمپیوٹر اور اسمارٹ ڈیوائسز میں مہارت حاصل کرکے اپنی صلاحیتوں کو ثابت کردیا ہے‘۔

مازن کے والد ابراہیم الحربی کا کہنا تھا کہ ’اسمارٹ ڈیوائسز کی تربیت حاصل کرنے کے ساتھ ساتھ مازن نے قرآن پاک حفظ کرنے میں بھی اپنی صلاحیتوں کا لوہا منوایا ہے‘۔

ابراہیم الحربی نے کہا کہ ہمارے بیٹے کو بینائی سے محروم افراد کی سوسائٹی بریدہ کا بھی بھرور تعاون حاصل ہے، انہوں نے ہی مازن کو اسمارٹ ڈیوائسز کی تربیت دی ہے۔

نابینا سعودی بچے کے والد کا مزید کہنا تھا کہ ’مازن کی صلاحیتوں اور حوصلے کو دیکھتے ہوئے جامعہ القصیم کے سربراہ نے بینائی سے محروم کے استعمال کرنے والا موبائل بھی مازن کو تحفے میں دیا ہے۔ مازن اپنی مہارت سے عزیز و اقارب کے کمپیوٹر گھر میں ٹھیک کردیتا ہے‘۔

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

جولائی 5, 2018
سعودی عرب: پولیس کی کارروائی میں منشیات فروش ہلاک 4 گرفتار، 1 اہلکار جاں بحق

ریاض : سعودی عرب میں منشیات فروشوں کے ٹھکانے پر سیکیورٹی اداروں کی چھاپہ مار کارروائی کے دوران ایک منشیات فروش ہلاک 4 گرفتار، جبکہ فائرنگ کے تبادلے میں ایک اہلکار شہید ہوگیا۔

تفصیلات کے مطابق سعودی عرب کے شہر عسیر میں منشیات فروشوں کی موجودگی کی خفیہ اطلاعات موصول ہونے پر سیکیورٹی اداروں نے چھاپہ مارا تو منشیات فروشوں نے پولیس اہلکاروں کو دیکھ کر فائرنگ شروع کردی جس کے نتیجے میں ایک سیکیورٹی اہلکار جاں بحق ہوگیا۔

غیر ملکی خبر رساں ادارے کا کہنا تھا کہ چھاپہ مار کارروائی کے دوران ملزمان کی فائرنگ سے پولیس سارجنٹ عبداللہ عسیری شدید زخمی ہوگیا تھا جسے انتہائی تشویش ناک حالت میں اسپتال منتقل کیا گیا تاہم وہ جانبر نہ ہوسکا۔

غیر ملکی خبر رساں ادارے کے مطابق سعودی عرب کے جنوبی شہر عسیر کے سیکیورٹی اداروں کے ترجمان کا کہنا تھا کہ پولیس اہلکاروں نے خفیہ اطلاعات پر غیر ملکی منشیات فروشوں کے خلاف چھاپہ مار کارروائی کی تھی۔

جنرل سیکیورٹی کے ترجمان کا کہنا تھا کہ پولیس کی چھاپہ مار کارروائی کے دوران پولیس ملزمان نے اہلکاروں پر فائرنگ کرکے موقع سے فرار ہونے کی کوشش کی تاہم پولیس کی جوابی فائرنگ کے نتیجے میں ایک غیر ملکی منشیات فروش ہلاک جبکہ سعودی ڈرگ ڈیلر زخمی ہوگیا۔

جنرل سیکیورٹی کے ترجمان نے غیر ملکی میڈیا کو بتایا کہ سیکیورٹی اہلکاروں کی فائرنگ سے ہلاک ہونے والے منشیات فروش کا تعلق ایتھوپیا سے تھا، جبکہ موقع سے فرار کی کوشش کرنے والے دیگر 4 ایتھوپیائی منشیات فروشوں کو حراست میں لے کر مزید تفتیش کے لیے نا معلوم مقام پر منتقل کردیا گیا۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

جون 20, 2018
قطری شہریوں پر عمرے کی پابندی، سعودی حکومت نے خبر کی تردید کردی

ریاض : پاکستان میں موجود سعودی سفارت خانے نے جاری بیان میں کہا ہے کہ سعودی عرب نے قطر سے سیاسی اختلافات کے باوجود قطری شہریوں پر عمرہ کرنے کی پابندی عائد نہیں کی ہے.

تفصیلات کے مطابق چند روز قبل سعودی عرب سے متعلق پاکستانی خبر رساں ادارں میں شائع ہونے والی خبروں کی تردید کرتے ہوئے کہا ہے کہ سعودی حکومت نے قطر سے مخالفت کو بنیاد بناکر قطری شہریوں کے عمرہ کرنے پر پابندی نہیں لگائی ہے۔

سعودی سفارت خانے کے ترجمان کا کہنا تھا کہ خبر رساں اداروں کی جانب سے دعویٰ کیا گیا تھا کہ سعودی حکومت نے سیاسی مخالفت کی بنیاد پر قطری شہریوں پر سعودیہ میں موجود مقدس مقامات کی زیارات اور عمرے کی ادائیگی پر پابندی عائد کردی گئی ہے۔

پاکستان میں موجود سعودی سفیر کی جانب سے جمعرات کے روز بیان جاری کیا گیا تھا کہ ’سعودی عرب کو قطر کا سفارتی بائیکاٹ کیے ہوئے ایک برس گزر گیا ہے لیکن اس کے باوجود سعودی حکام نے کبھی قطری شہریوں پر جج اور عمرے کی ادائیگی کے لیے رکاوٹ نہیں بنے‘۔

غیر ملکی خبر رساں ادارے کے مطابق پاکستانی میں قائم سعودی سفارت خانے نے بیان میں کہا ہے کہ پاکستان کے بعض اخبارات نے 7 جون کو قطری شہریوں پر عمرے اور جج کی اداگئی کے حوالے سے جو خبر شائع کی گئی تھی وہ بے بنیاد اور من گھڑت ہے۔

سعودی ایمبیسی کے حکام نے جاری بیان میں کہا کہ پاکستانی خبر رساں اداروں کی جانب سے قطری شہریوں پر مذہبی رسومات کی ادائیگی پر پابندی کے حوالے شائع کی جانے والی انتہائی مایوس کن ہیں۔

سعودی سفارت کا جاری بیان میں کہنا تھا کہ سعودی حکام اور عوام کبھی بھی سیاسی اختلافات کو جج اور عمرے جیسے مناسک اور مقدس مقامات کی زیارت پر ہابندی نہیں لگاتے، سعودی حکام کی جانب سے اختلافات کے باوجود جج و عمرہ کی ادائیگی کے لیے آنے ولے شہریوں کا بھرپور استقبال کیا جاتا ہے۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

جون 8, 2018
بھارت کا پہلا مسافربردار طیارہ تل ابیب پہنچ گیا

تل ابیب/ نئی دہلی: بھارت کی سرکاری فضائی کمپنی کی اسرائیل کے لیے پہلی پرواز سعودی عرب کی فضائی حدود کا استعمال کرتے ہوئے اپنی منزل پر پہنچ گئی۔

تفصیلات کے مطابق بھارت کی سرکاری فضائی کمپنی ایئر انڈیا نے اسرائیل جانے کے لیے سعودی عرب کی فضائی حدود کا استعمال کرتے ہوئے اپنی پہلی پرواز مکمل کرلی ہے۔

جمعرات کو ایئر انڈیا کی دہلی سے اڑان بھرنے والی پرواز اے آئی 139 تل ابیب کے بن گوريان ہوائی اڈے پر عالمی وقت کے مطابق شام سات بج کر پنتالیس منٹ پر لینڈ ہوئی۔ ہفتے میں تین پروازیں سعودی فضائی حدود کا استعمال کرتے ہوئے دہلی سے تل ابیب اور تل ابیب سے دہلی کا سفر کریں گی۔

اس موقع پراستقبال کے لیے ہوائی اڈے پرموجود اسرائیلی وزرت سیاحت ياريف ليفين کا کہنا تھا کہ ’یہ ایک نئے دور کا آغاز ہے۔

ياريف ليفين کا کہنا تھا سعودی فضائی حدود کے استعمال سے سفری اوقات میں دو گھنٹے کی کمی کے ساتھ ساتھ ٹکٹ کے کرائے میں بھی واضح کمی ہوگی۔

اسرائیل کے وزیر برائے ٹرانسپورٹ يسرائيل كاٹس کا کہنا ہے کہ ایئر انڈیا کی دہلی سے تل ابیب آنے والی بھارت کی پہلی پرواز اسرائیل اور سعودی عرب کے درمیان پہلا باضابطہ تعلق ہے۔

واضح رہے کہ اسرائیل کی سرکاری ہوائی کمپنی ایل عال بھارتی شہر ممبئی کے لیے پرواز کرتی ہے جس کے لیے وہ سعودی عرب اور ایران کی فضائی حدود کے بجائے بحیرۂ احمر کا راستہ اختیار کرتے ہوئے بھارت پہنچتی ہے۔ اسرائیلی فضائی کمپنی کے ترجمان کا کہنا تھا کہ ایئر انڈیا کو غیرمنصفانہ فوقیت حاصل ہوگئی ہے۔

خیال رہے سعودی عرب نے کئی دہائیوں نے اسرائیل جانے والی کمرشل پروازوں پر اپنی فضائی حدود کے استعمال پر پابندی عائد کر رکھی تھی۔

یاد رہے کہ رواں سال کے آغاز میں اسرائیلی وزیراعظم 6 روزہ دورے پر بھارت گئے تھے، اس دوران بن یامین نیتن یاہو نے بھارتی وزیراعظم نریندرمودی سے حیدرآباد ہاؤس میں ملاقات کی اوراس موقع پردونوں ملکوں کےدرمیان سول ایوی ایشن، آئل، گیس، سائبرسکیورٹی، ٹیکنالوجی، فلم پروڈکشن سمیت مفاہمت کی 9 یادداشتوں پر دستخط کیے گئے۔

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

مارچ 23, 2018
سعودی عرب: ماں بیٹے سے زیادتی اور قتل، چار پاکستانیوں کا سرقلم

ریاض: سعودی حکومت نے ماں بیٹے کو زیادتی کے بعد قتل کرنے کا الزام ثابت ہونے پر چار پاکستانیوں کے سرقلم کردیے۔

سعودی وزارتِ داخلہ سے جاری اعلامیے کے مطابق چار افراد ریاض میں رہائش پذیر خاتون کے گھر میں چوری کی نیت سے داخل ہوئے اور انہوں سونے اور نقدی سمیٹنے کے بعد خاتون اور بچے کو زیادتی کا نشانہ بنایا۔

وزارتِ داخلہ کے مطابق چاروں ملزمان نے خاتون اور بچے کو زیادتی کے بعد گھر میں ہی قتل کیا اور وہاں سے نقدی لے کر فرار ہوگئے تھے مگر پولیس نے شواہد اکھٹے کر کے چاروں مجرمان کو حراست میں لیا۔

مزید پڑھیں: سعودی عرب: 1 پاکستانی اور 5 سعودی باشندوں‌ کے سرقلم

سعودی وزارتِ داخلہ کے مطابق گرفتاری کے بعد چاروں پاکستانیوں کو صفائی کا موقع فراہم کیا گیا مگر انہوں نے عدالت میں اپنے جرم کا اعتراف کیا جس کی بنیاد پر انہیں جمعرات 8 فروری 2018 کے روز سزائے موت (سر قلم) دی گئی۔

واضح رہے کہ سعودی حکومت نے رواں سال کے آغاز کے بعد سے اب تک 20 افراد کے سر قلم کیے جبکہ گزشتہ برس 141 لوگوں کو سزائے موت دی گئی تھی۔

یہ بھی پڑھیں: سعودی عرب میں دو افراد کا سرقلم، ایک پاکستانی شہری بھی شامل

خیال رہے کہ گزشتہ برس جولائی کے مہینے میں سعودی عدالت نے 6 پاکستانیوں پر انسانی اسمگلنگ کا الزام ثابت ہونے پر سزا سنائی تھی علاوہ ازیں پانچ سعودی باشندوں کے بھی سر قلم کیے گئے تھے۔

یاد رہے کہ سعودی عرب میں سر قلم کیے گئے افراد کی تعداد دنیا میں سب سے زیادہ ہے جن افراد کے سرقلم کیے جاتے ہیں ان میں منشیات کی اسمگلنگ، دہشت گردی، قتل، زیادتی، مسلح ڈکیتی کے جرائم شامل ہیں۔

اسے بھی پڑھیں: سعودی عرب: دہشت گردی میں ملوث 4 افراد کے سرقلم

برطانیہ سے تعلق رکھنے والی انسانی حقوق کی عالمی تنظیم ایمنسٹی انٹرنیشنل کے اعدادو شمار کے مطابق گزشتہ برس سعودی عرب میں ان جرائم پر 153 افراد کو سر قلم کی سزا دی گئی۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

فروری 8, 2018