ARYNews.tv | Urdu – Har Lamha Bakhabar

Tag: Save

  • اے آر وائی نیوز کی نشاندہی پر نایاب نابینا ڈولفن کو بچا لیا گیا

    اے آر وائی نیوز کی نشاندہی پر نایاب نابینا ڈولفن کو بچا لیا گیا

    محکمہ وائلڈ لائف سکھر نے فوری کارروائی کرتے ہوئے روہڑی کینال میں پھنسی نابینا ڈولفن کو ریسکیو کرکے بحفاظت دریائے سندھ میں چھوڑ دیا

    دنیا کی نایاب نابینا ڈولفن کا مسکن دریائے سندھ ہے انسانوں کی دوست یہ ڈولفن اکثر دریائے سندھ سے نکلنے والی نہروں میں پھنس جاتی ہیں جنہیں ریسکیو کرکے واپس دریائے سندھ میں چھوڑا جاتا ہے۔

    .اے آر وائی نیوز نے 30 سے زائد نابینا ڈولفنز کی زندگیوں‌ کو لاحق خطرات کی نشاندہی کی تھی

    اتوار کے روز ایک نابینا ڈولفن روہڑی کینال سکرنڈ روڈ برانچ میں پھنس گئی جس کی اطلاع پر محکمہ وائلڈ لائف سکھر کا عملہ حرکت میں آگیا۔

    وائلڈ لائف عملے نے نابینا ڈولفن کو روہڑی کینال کرنڈ روڈ برانچ سے ریسکیو کرکے واپس دریائے سندھ میں بحفاظت چھوڑ دیا۔

    ڈولفن کو قاضی احمد کے قریب آمرئی کے مقام پر دریائے سندھ میں واپس چھوڑا گیا۔

    محکمہ وائلڈ لائف کے مطابق ریسکیو کی گئی ڈولفن کی لمبائی 5 فٹ اور وزن 55 کلو ہے۔

    واضح رہے کہ اےآروائی نیوزنے 30 سے زائد نابینا ڈولفنز کی زندگی کو لاحق خطرات کی نشاندہی کی تھی۔

  • عازمین حج فرضی اور جعلی حج کمپنیوں کے جھانسے میں نہ آئیں، سعودی عرب

    عازمین حج فرضی اور جعلی حج کمپنیوں کے جھانسے میں نہ آئیں، سعودی عرب

    ریاض : سعودی وزارت حج نے جاری بیان میں کہا ہے کہ حج کی رجسٹریشن کے لیے صرف حکومت سعودی عرب کی فراہم کردہ سرکارہ آن لائن سروس استعمال کریں۔

    تفصیلات کے مطابق سعودی عرب کی وزارت حج وعمرہ نےاندرون ملک مقیم غیرملکی مسلمان شہریوں اور مقامی عازمین حج پر زور دیا ہے کہ وہ حج کی رجسٹریشن کرتے ہوئے احتیاط سے کام لیں، جعلی حج کمپنیوں کے جھانسے میں نہ آئیں بلکہ حج کی رجسٹریشن کے لیے فراہم کردہ سرکارہ آن لائن سروس استعمال کریں اور مجاز حج ٹور آپریٹرز کے ذریعے حج کے لیے رجسٹریشن کرائیں۔

    غیر ملکی خبر رساں ادارے سعودی وزارت حج کی طرف سے مقامی عازمین حج کی رجسٹریشن کے لیے آن لائن رجسٹریشن سروس فراہم کی گئی ہے، اس کے علاوہ شہری قابل بھروسہ اور مجاز حج فرموں کے ذریعے بھی اپنی رجسٹریشن کراس کر اسکتے ہیں۔

    وزارتِ حج نے ایک بیان میں کہا کہ بہت سے دھوکہ باز عناصر جعلی حج کمپنیوں کے ذریعے شہریوں سے حج کی آڑ میں رقوم اینٹھ کر انہیں نقصان پہنچا سکتے ہیں،ایسے افراد جو جنہوں نے فرضی اور جعلی حج کمپنیوں کے ذریعے رجسٹریشن کرائی ہو وہ سرکاری سطح پر حج کے لیے اہل انہیں ہوں گے۔

    سعودی عرب کے نائب وزیر حج وعمرہ ڈاکٹر عبدالفتاح بن سلیمان مشاط نے کہا کہ عازمین حج کی رجسٹریشن کی نگرانی کمیٹیاں غیرمجاز حج کی مہمات، سوشل میڈیا پران کی سرگرمیوں اور جعلی حج ٹور آپریٹرکے نام پر لوگوں کو دھوکہ دینے والوں پر گہری نظر رکھے ہوئے ہیں۔

    غیر ملکی میڈیا کا کہنا تھا کہ اس حوالے سے سعودی شہریوں اور غیرملکی باشندوں کو کسی فرضی اور جعلی نیٹ ورک کی فوری متعلقہ حکام کو اطلاع دینا چاہیے۔

    انہوں نے کہا کہ حج درخواستوں کی آن لائن رجسٹریشن کے لیے صرف ایک رابط لنک بنایا گیا ہے، تمام مجاز کمپنیاں اپنے ہاں آنے والے عازمین حج کی اسی لنک پر رجسٹریشن کرا رہی ہیں۔

    انہوں نے کہا کہ مقامی سطحپر عازمین حج کی رجسٹریشن حج کے عمل کو شفاف بنانے کی کوششوں کا حصہ ہے تاکہ حج کے موقع پر غیرمتعلقہ لوگوں کو حجاج میں شامل ہونے سے روکا جاسکے۔

  • جرمن حکومت ایران اور جوہری معاہدے کو بچانے کے لیے کوشاں

    جرمن حکومت ایران اور جوہری معاہدے کو بچانے کے لیے کوشاں

    برلن : جرمن وزارت خارجہ کے پولیٹیکل ڈائریکٹر ینس بلوٹنر نے دورہ تہران کے دوران ثالثی کا کردار ادا کرنے کی یقین دھانی کرائی ہے۔

    تفصیلات کے مطابق جرمنی کی حکومت ایران کے ساتھ بحران میں ثالثی کا کردار ادا کرنا چاہتی ہے، جرمن اخبار کے مطابق جرمن وزارت خارجہ کے پولیٹیکل ڈائریکٹر ینس بلوٹنر نے تہران کا دورہ کیا۔

    اس دوران انہوں نے ایران کے نائب وزیر خارجہ سید عباس اراگشی سے ملاقات میں جوہری بحران پر تبادلہ خیال کیا۔ اراگشی سال 2015 میں طے پانے والے جوہری معاہدے کی مذاکراتی ٹیم میں شامل تھے۔

    جرمن وزارت خارجہ کے مطابق خلیج اور خطے میں صورت حال نہایت خطر ناک ہے۔ اسی طرح 2015 مین ویانا میں ایران کے ساتھ طے پانے والے جوہری معاہدہ بھی خطرے میں ہے۔

    خیال رہے کہ رواں ماہ یکم مئی کو ایران کے نائب وزیر خارجہ نے متنبہ کیا تھا کہ امریکی پابندیاں عالمی طاقتوں کے ساتھ طے شدہ ایٹمی معاہدے کو سبوتاژ کردیں گی۔

    امریکی پابندیوں کے باعث جوہری ڈیل کو خطرہ ہے، نائب ایرانی وزیر خارجہ

    ایرانی نائب وزیر خارجہ عباس عراقچی نے خبردار کیا تھا کہ امریکی پابندیوں کے نتیجے میں عالمی قوتوں کے ساتھ سن 2015 میں طے شدہ جوہری ڈیل ختم ہوتی دکھائی دے رہی ہے۔

  • جوہری ڈیل میں‌ شامل ممالک معاہدے کی بقاء کیلئے زبانی دعوے کررہے ہیں، جواد ظریف

    جوہری ڈیل میں‌ شامل ممالک معاہدے کی بقاء کیلئے زبانی دعوے کررہے ہیں، جواد ظریف

    تہران : امریکی پابندیوں میں سختی کے بعد ایرانی وزیر خارجہ محمد جواد ظریف نے سفارتی کوششیں مزید تیز کرتے ہوئے کہا ہے کہ جوہری معاہدے میں شامل ممالک معاہدے کو بچانے کیلئے صرف زبانی دعوے کررہے ہیں۔

    تفصیلات کے مطابق امریکا کی جانب سے ایران پر نئی پابندیوں کے نفاذ اور یورپی ممالک کی طرف سے ایران کو بچانے کی کوششوں میں ناکامی کے بعد ایرانی وزیر خارجہ نے جوہری پروگرام کے معاہدے میں شامل ممالک پر زور دیا ہے کہ وہ ایران کے ساتھ طے پائے جوہری معاہدے کو بچانے کے لیے زبانی دعووں سے آگے بڑھ کر عملی اقدامات کریں۔

    ایرانی ٹی وی کے مطابق یورپی یونین کی طرف سے ایران کے ساتھ تجارتی امور جاری رکھنے کے لیے یورپی لائحہ عمل کے نام سے ایک نیا پروگرام شروع کرنے کا اعلان کیا گیا تھا مگر اب تک ایسے کسی پروگرام پر عمل درآمد نہیں کیا گیا۔

    دوسری جانب امریکا کی ایران پر پابندیوں میں سختی کے بعد ایرانی وزیر خارجہ محمد جواد ظریف نے سفارتی کوششیں مزید تیز کردیں۔

    گزشتہ روز ایک پریس کانفرنس سے خطاب میں جواد ظریف نے جوہری معاہدہ کرنے والے دوست ممالک جس میں یورپی یونین، فرانس، برطانیہ، چین اور روس شامل ہیں، کی سست روی کو تنقید کا نشانہ بنایا۔

    وزیر خارجہ جواد ظریف کا کہنا تھا کہ اب تک جوہری معاہدے کے شراکت دار ممالک اس معاہدے کو بچانے کے لیے صرف زبانی دعوے کرتے رہے ہیں، انہوں نے عملی طور پر کوئی قدم نہیں اٹھایا۔

    ان کا کہنا تھا کہ اگر عالمی برادری، جوہری معاہدے میں شامل ممالک اور چین اور روس جیسے دوست ممالک چاہیں تو جوہری معاہدے کو بچا سکتے ہیں، اس حوالے سے ایران کی طرف سے موثر اقدامات کئے گئے مگر معاہدے کے دوسرے شراکت داروں کی طرف سے ابھی تک کوئی موثر قدم نہیں اٹھایا گیا۔

  • شارجہ میں چاقو زنی کی واردات، 1 شخص ہلاک 2 خواتین زخمی

    شارجہ میں چاقو زنی کی واردات، 1 شخص ہلاک 2 خواتین زخمی

    ابوطبی : اماراتی ریاست شارجہ میں نامعلوم چاقو بردار حملہ آور نے ایک شخص کو قتل جبکہ دو خواتین کو زخمی کردیا۔

    تفصیلات کے مطابق متحدہ عرب اماراتی کی ریاست شارجہ کے علاقے البوتینا میں واقع عمارت میں گزشتہ روز چاقو زنی کی افسوس ناک واردات رونما ہوئی جس میں ایک 48 سالہ سوڈانی شخص ہوگیا۔

    پولیس کا کہان ہے کہ چاقو زنی کی واردات میں 33 سالہ بھارتی خاتون اور اس کی بیٹی شدید زخمی ہوئے ہیں جنہیں اسپتال میں طبی امداد فراہم کی جارہی ہے۔

    اماراتی خبر رساں ادارے کا کہنا ہے کہ پولیس فلیٹ میں چاقو بردار شخص کے حملے کی فون کال موصول ہوئی، سیکیورٹی اہلکار جائے وقوعہ پر پہنچنے تو دو خواتین شدید زخمی حالت میں اور ایک شخص مردہ حالت میں پڑا تھا جبکہ ایک سوڈانی شخص ہاتھ میں چاقو لیے کھڑا لیا۔

    پولیس کا کہنا ہے کہ زخمی خاتون کو فوری طور پر الکویتی اسپتال منتقل کردیا گیا تھا جہاں اسے انتہائی نگہداشت کے وارڈ میں طبی امداد فراہم کی جارہی ہے جبکہ بیٹی القاسمی اسپتال میں زیر علاج ہے۔

    پولیس کا کہنا ہے کہ تاحال قتل کی وجوہات معلوم نہیں ہوسکی ہیں لیکن واقعے کی تحقیقات جاری ہیں۔

    پولیس نے بتایا کہ جائے وقوعہ سے گرفتار ہونے والے شخص کے انگلیوں کے نشانات آلہ قتل سے ملنے والے نشانات سے مماثلت رکھتے ہیں لیکن مزید کارروائی متاثرہ خاتون کا بیان ریکارڈ ہونے کے بعد کی جائے گی۔

  • سوشل ویب سائٹس پر اب آپ کی تصاویر چوری نہیں ہوسکے گی

    سوشل ویب سائٹس پر اب آپ کی تصاویر چوری نہیں ہوسکے گی

    کراچی: (ویب ڈیسک) سوشل میڈیا پر اپنی تصاویر محفوظ رکھنا چاہتے ہیں تو پھر ویکر اپیلیکیشن ڈاون لوڈ کرلیں اور بے فکر ہو جائے۔

    سو شل ویب سائٹس پر اب آپ کی تصاویر چوری نہیں ہوسکے گی، کیونکہ اب ” ویکر ” نامی ایپلی کشن نے اس کا حل نکال لیا ہے۔

     ایپلی کیشن انسٹال کرنے کے بعد آپکی تصویر زیادہ سے زیادہ ایک سو اکاون لوگوں کو ہی نظر آسکے گی ۔

     ان افراد کے لیے یہ تصویر وکرفیڈ میں اگلے چوبیس گھنٹے کے دوران دستیاب رہے گی اور پھر خودکار طریقے سے ختم ہوجائے گی، جب کہ باقی لوگوں کو صرف بلیوں کی تصاویر نظر آئیں گی۔