لندن : برطانوی وزیر اعظم بورس جانسن نے ملک کو بحران سے نکالنے کےلیے سخت فیصلے کرنے کا فیصلہ کرلیا۔
غیر ملکی میڈیا کے مطابق برطانیہ کے وزیر اعظم کو اس وقت پیٹرول بھروانے کے لیے پیٹرول پمپس کی لائنوں میں لگے شہریوں کی شدید تنقید کا سامنا ہے۔
بورس جانسن کو چھوٹے تاجر بھی کرسمس پر سامان کی کمی کے خدشے کا شکار ہو کر حکومت کو تنقید کا نشانہ بنا رہے ہیں جبکہ گیس کمپنیاں بھی تنقید کر رہی ہیں کہ ہول سیل کی قیمتوں میں اضافہ ہوا ہے۔
بورس جانسن سے اس حوالے سے کہا ہے کہ کرونا کی وبا کے بعد ملک کو تبدیل کرنے کے لیے ’بڑے اور بہادرانہ فیصلے‘ کریں گے۔
برطانوی وزیر اعظم کے بہادرانہ فیصلوں سے مراد عوام کے لیے سوشل کیئر، ملازمتوں کے لیے تعاون، موسمیاتی تبدیلیوں سے نمٹنا اور جرائم کے انسداد کا کام شامل ہے۔
انہوں نے کہا کہ برطانیہ کرونا کی وبا سے نکل آیا ہے اور اب پہلی والی حالت پر نہیں جانا چاہتے بلکہ مزید بہتری کی جانب قدم بڑھانا چاہتے ہیں۔
