ARYNews.tv | Urdu – Har Lamha Bakhabar

Tag: says

  • روسی جاسوس پر حملہ، ملزمان روسی شہری ہیں کرمنل نہیں، صدر پیوٹن

    روسی جاسوس پر حملہ، ملزمان روسی شہری ہیں کرمنل نہیں، صدر پیوٹن

    ماسکو : برطانیہ میں سابق روسی جاسوس پر اعصاب شکن حملے سے متعلق روسی صدر ولادی میر پیوٹن نے کہا ہے کہ دو مشتبہ افراد کی شناخت کرلی ہے، امید ہے دونوں ملزمان خود سامنے آکر سارا ماجرا خود بتادیں گے۔

    تفصیلات کے مطابق روسی حکام نے برطانیہ میں کچھ ماہ قبل سابق روسی جاسوس سرگئی اسکریپال اور ان کی بیٹی پر اعصاب شکن کیمیکل سے حملہ کرنے والے دو مشتبہ افراد کی شناخت ہوگئی ہے۔

    روسی صدر ولادی میر پیوٹن نے ڈبل ایجنٹ پر حملہ کرنے والوں سے ’دنیا کے سامنے آکر کہانی بتانے‘ کی امید کا اظہار کیا ہے۔

    روس کے سربراہ کا کہنا ہے کہ ’ہمارے سیکیورٹی اداروں نے تحقیقات مکمل کرلی ہے اور روسی حکام جانتے ہیں کہ وہ کون ہیں انہیں جلد تلاش کرلیا جائے گا‘۔

    ولادی میر پیوٹن نے امید ظاہر کی ہے کہ دونوں مشتبہ افراد میڈیا کے سامنے آکر واقعے کی حقیقت خود دنیا کو بتائیں گے اور یہی سب کے حق میں بہتر ہوگا، انہوں نے کہا کہ وہ لوگ کرمنل نہیں ہیں۔

    غیر ملکی خبر رساں ادارے کا کہنا تھا کہ برطانیہ نے 6 ستمبر کو روسی جاسوس پر ہونے والے اعصاب شکن کیمیکل حملے کا اصل ذمہ دار روسی صدر کو ٹہراتے ہوئے معاملہ اقوام متحدہ میں اٹھانے کا فیصلہ کیا تھا۔

    یاد رہے رواں برس 4 مارچ کو روس کے سابق جاسوس 66 سالہ سرگئی اسکریپال اور اس کی 33 سالہ بیٹی یویلیا اسکریپال پر نویچوک کیمیکل سے حملہ کیا گیا تھا، جس کے نتیجے میں دو روسی شہری کئی روز تک اسپتال میں تشویش ناک حالت میں زیر علاج تھے۔

    خیال رہے کہ برطانوی حکام نے الزام عائد کیا تھا کہ مذکورہ حملے میں ملوث دونوں ملزمان روسی ایجنسی ’جی آر یو‘ کے افسر ہیں، روسی جنرل اسٹاف اور وزارت دفاع کے سینئر ممبران نے صدارتی دفتر سے احکامات پر عمل کیا۔

    برطانوی خبر رساں ادارے کے مطابق ولادی میرپیوٹن نے کہا ہے کہ دونوں مشتبہ افراد روسی شہری ہیں۔

  • اعتزاز احسن پیپلز پارٹی کا سرمایہ ہیں، بلاول بھٹو

    اعتزاز احسن پیپلز پارٹی کا سرمایہ ہیں، بلاول بھٹو

    کراچی : چیئرمین بلاول بھٹو نے کہا ہے کہ پیپلز پارٹی کی جانب سے صدارتی امیدوار کو آصف زرداری نے نامزد کیا ہے، اعتزاز احسن پیپلز پارٹی کا سرمایہ ہیں مخالفین بھی انہیں ووٹ دیں۔

    تفصیلات کے مطابق پاکستان پیپلز پارٹی کے چیئرمین بلاول بھٹو زرداری نے وزیر اعلیٰ ہاوس میں صدارتی انتخابات سے متعلق منعقدہ اجلاس سے خطاب کرتے ہوئے کہا ہے کہ اعتزاز احسن بہترین شخصیت اور پیپلز پارٹی کا سرمایہ ہیں جنہیں مخالفین بھی ووٹ دیں گے۔

    چیئرمین پیپلز پارٹی کا کہنا تھا کہ وزیر اعلیٰ ہاوس میں منعقد آج کا یہ اجلاس صدارتی انتخاب کے لیے نامزد امیدوار کی مہم کا حصّہ ہے۔

    چیئرمین بلاول بھٹو نے کہا ہے کہ صدراتی امیدوار کے لیے اعتزاز احسن کو شریک چیئرمین آصف علی زرداری نے منتخب کیا ہے، ہمارا پہلا دوسرا اور تیسرا امیدوار  بھی اعتزاز احسن ہی ہیں کیوں کہ وہ شہید بھٹو سے لے کر  آج تک ہمارے ساتھ ہیں۔

    چیئرمین پی پی پی بلاول بھٹو زرداری کا مزید کہنا تھا کہ پیپلز پارٹی کی جڑیں عوام میں ہیں جو ہر روز مضبوط ہو رہی ہیں۔

    مزید پڑھیں : جانتا ہوں، سندھ میں بہت مسائل ہیں، روزگار سمیت تمام مسائل حل کریں گے: بلاول بھٹو

    یاد رہے کہ گذشتہ روز بلاول بھٹو نے پولنگ ایجنٹس اور کارکنان سے خطاب کرتے ہوئے کہا تھا کہ پاکستان پیپلزپارٹی ایک خاندان کانام ہے، اس میں شہیدوں کا خون شامل ہے۔

    بلاول بھٹوزرداری کا کہنا تھا کہ کارکنان میری آنکھیں اورکان ہیں، معلوم ہے کہ پی پی کارکن کھلے دل سے کھری باتیں کرنے والا ہوتا ہے۔

    انھوں نے کہا کہ ہمیں بھٹوازم کے نظریے اورفکر کے ساتھ آگےبڑھنا ہے، پورے ملک میں اپنی جدوجہد کومزید فعال اورمؤثربنانا ہے، جیت اورشکست اپنی جگہ، لیکن کارکنان نےمیراساتھ دیا۔

  • ایرانی پالیسیاں خطے میں طاقت کے توازن کو بگاڑ رہی ہیں، امریکی جنرل

    ایرانی پالیسیاں خطے میں طاقت کے توازن کو بگاڑ رہی ہیں، امریکی جنرل

    واشنگٹن : امریکی سینٹر کمانڈ کے جنرل جوزف نے کہا ہے کہ ایرانی جنرل قاسم سلیمانی اور قدس فورس نے  توسیع پسندانہ پالیسیوں کے باعث خطے کے امن کو خطرے میں ڈال رکھا ہے۔

    تفصیلات کے مطابق امریکا کی سینٹر کمانڈ کے سربراہ جنرل جوزف نے ایران کو شدید تنقید کا نشانہ بناتے ہوئے کہا ہے کہ مشرق وسطیٰ میں ایران کی توسیع پسندانہ سرگرامیاں اور دیگر ممالک کے اندرونی معاملات میں مداخلت خطے کے امن کو نقصان پہنچا رہی ہے۔

    امریکی سینٹرل کمانڈ کی جانب سے جنرل جوزف ووٹیل کے جاری کیے جانے والے بیان میں کہا گیا ہے کہ ’یہ بات بالکل واضح ہے کہ ایرانی جنرل قاسم سلیمانی اور انقلابی قدس فورس خطے ایک انتہائی مہنگی اور توسیع پسند حکمت عملی پر عمل پیرا ہیں جس سے خطے میں طاقت کا توازن بگڑ رہا ہے‘۔

    غیر ملکی خبر رساں ادارے کے مطابق جنرل جوزف ووٹیل کا جاری بیان میں کہنا تھا کہ شام، یمن، بحرین اور لبنان سمیت دیگر ممالک میں القدس بریگیڈ کی سرگرمیاں ایران کی گھناؤنی پالیسیوں کو واضح کرتی ہیں۔

    امریکی سینٹرل کمانڈ کے سربراہ کا کہنا تھا کہ تہران نے اپنی ضرر رساں پالیسیوں کے باعث مملکت سمیت پورے مشرق وسطیٰ کے امن و استحکام کو تباہی کے دہانے پر پہنچا دیا ہے، جو ایرانی عوام کے مفاد میں نہیں ہے۔

    یاد رہے کہ اس سے قبل سینیٹر لینڈی گراہم کا نے طنز کرتے ہوئے کہا کہ ’ایران کی موجودہ حکومت کا مؤقف دوسری عالمی جنگ اور جرمن آمر ہٹلر کی پالیسیوں اور رویوں سے شباہت پیش کرتا ہے‘۔

    یاد رہے کہ جوہری معاہدے سے نکلنے کے بعد ٹرمپ نے ایران پر نئی اقتصادی پابندیاں عائد کرنے کا کہا تھا اور 7 اگست کو امریکی صدر ڈونلڈ ٹرمپ نے ایگزیکٹو آرڈر پر دستخط کر دیے تھے، جس کے بعد ایران پر اقتصادی شعبے میں اسی روز رات 12 بجے سے پابندیوں کا اطلاق ہوگیا تھا تاہم یورپی ممالک کی جانب سے امریکی صدر کے فیصلے کو سرے مسترد کردیا گیا تھا۔

  • پرویز مشرف کو مسلم لیگ ن نے ملک سے فرار کروایا تھا، فیصل واوڈا

    پرویز مشرف کو مسلم لیگ ن نے ملک سے فرار کروایا تھا، فیصل واوڈا

    کراچی : پاکستان تحریک انصاف کے رہنما فیصل واوڈا نے کہا ہے کہ مسلم لیگ نواز نے کبھی الیکشن جیتا نہیں بلکہ اقتدار خریدا ہے، نواز شریف بہت جلد اپنے انجام کو پہنچے والے ہیں۔

    تفصیلات کے مطابق پاکستان تحریک انصاف کے رہنما فیصل واوڈا نے کہا ہے کہ ن لیگ کو جسٹس قیوم جیسے ججز چاہیئں، مسلم لیگ نواز نے کھبی الیکشن میں کامیابی حاصل نہیں کی بلکہ اقتدار خریدا ہے۔

    رہنما تحریک انصاف کا کہنا تھا کہ نواز شریف جلد جیل جانے والے ہیں، پورا ملک دیکھے گا کہ نواز شریف جلد انجام کو پہنچنے گے، مسلم لیگ نواز نے اپنے دورِ حکومت میں ہی سابق صدر پرویز مشرف کو ملک سے فرار کروایا تھا۔

    فیصل واوڈا نے کہا ہے کہ سابق آرمی چیف پرویز مشرف کو واپس پاکستان آنا چاہئے اور ملکی عدالتوں کا سامنا کرنا چاہئے۔

    ان کا کہنا تھا کہ مجھے نہیں لگتا ریحام خان کی کتاب برطانیہ میں شائع بھی ہوگی، کتاب میں حمزہ عباسی کا ذکر کیا گیا ہے لیکن حمزہ عباسی پی ٹی آئی کے رہنما نہیں ہیں، حامی ہیں۔

    پاکستان تحریک انصاف کے رہنما کا کہنا تھا کہ عمران خان نے کرپشن کے خلاف 22 سال سے جدوجہد کررہے ہیں، عمران خان کے خلاف اور کوئی الزام نہیں ملا تو ذاتی حملے شروع کردیے۔

    فیصل واوڈا کا نے بتایا کہ مسلم لیگ ن نے ماضی میں بھی شہید محترمہ بے نظیر بھٹو کےخلاف مہم چلائی تھی، کمزور آدمی کی نشانی ہے کہ وہ ذاتی حملے شروع کردیتا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • فہمیدہ مرزا کو پیپلز پارٹی پر الزام تراشی زیب نہیں دیتی: نفیسہ شاہ

    فہمیدہ مرزا کو پیپلز پارٹی پر الزام تراشی زیب نہیں دیتی: نفیسہ شاہ

    کراچی: پاکستان پیپلز پارٹی کی سیکریٹری اطلاعات نفیسہ شاہ نے کہا ہے کہ پارٹی جب مرزا فیملی کو نواز رہی تھی تو کیا اس وقت سب ٹھیک تھا؟ فہمیدہ مرزا کو پیپلز پارٹی پر الزام تراشی زیب نہیں دیتی۔

    ان خیالات کا اظہار انہوں نے سابق اسپیکر قومی اسمبلی فہمیدہ مرزا کے بیان پر ردعمل دیتے ہوئے کیا، نفیسہ شاہ کا کہنا تھا کہ جسے پارٹی نے بڑا عہدہ دیا اسے ایسی الزام تراشی زیب نہیں دیتی، چار بار بدین سے رکن اسمبلی منتخب ہوئیں، اس وقت علاقے کی محرومی یاد نہیں آئی؟

    انہوں نے کہا کہ مرزا فیملی نے ماضی میں جو قرضے معاف کرائے اسے بھی ریکارڈ پر لایا جائے، مرزا خاندان شہید بی بی کے خاندان اور جماعت پر الزام تراشی پر اتر آیا ہے، یہ لوگ ایک طرف بی بی شہید کا تدکرہ کرتے ہیں تو دوسری طرف دشمنوں سے اتحاد بناتے ہیں۔

    پیپلزپارٹی کے انتخابی نشان تیر پر الیکشن نہیں لڑوں گی، فہمیدہ مرزا

    خیال رہے کہ آج اے آر وائی نیوز کے پروگرام ’الیونتھ آور‘ میں خصوصی انٹرویو دیتے ہوئے سابق اسپیکز قومی سمبلی فہمیدہ مرزا نے کہا تھا کہ پیپلز پارٹی کے منشور میں اب روٹی کپڑا اور مکان نہیں رہا، پیپلز پارٹی کے انتخابی نشان تیر پر الیکشن نہیں لڑوں گی، پارٹی کو ٹکٹ کے لیے درخواست بھی نہیں دوں گی۔

    انہوں نے یہ بھی کہا تھا کہ پیپلز پارٹی کی جماعت اب نہیں رہی، پی پی کا مطلب ہے عوام کی جماعت اور اس میں اب عوام نہیں ہے، ہمیشہ پیپلز پارٹی پر تنقید کی ہے، اسمبلی میں بھی آواز اٹھائی ہے، جب بھی اسمبلی میں بات کی اپنے حلقے کی عوام کی بات کی ہے، میرا نظریہ وہ ہے جو بدین کے عوام کا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ویرات کوہلی نے داڑھی نہ منڈوانے کا فیصلہ کر لیا

    ویرات کوہلی نے داڑھی نہ منڈوانے کا فیصلہ کر لیا

    ممبئی: بھارتی کرکٹ ٹیم کے کپتان ویرات کوہلی نے اپنی داڑھی سے متعلق اہم فیصلہ لیتے ہوئے کہا کہ وہ مستقبل میں اپنی داڑھی منڈوانے کا کوئی ارادہ نہیں رکھتے ہیں۔

    تفصیلات کے مطابق عالمی شہرت یافتہ بھارتی کرکٹر ویرات کوہلی نہ صرف اپنے عمدہ صلاحیتوں کی وجہ سے جانے جاتے ہیں بلکہ اب تو ان کی خوبصورت داڑھی بھی ان کی پہنچان بن چکی ہے جسے وہ کٹوانے کا کوئی ارادہ نہیں رکھتے۔

    بھارت میں تقریب کے دوران ایک فین نے ان سے سوال پوچھا کہ کیا آپ اپنی داڑھی کٹوانا چاہتے ہیں یا پھر کوئی دوسرا اسٹائل اپنانا چاہتے ہیں، جس کے جواب میں ویرات کوہلی نے بڑی شائستگی سے کہا کہ وہ داڑھی منڈوانا نہیں چاہتے کیوں کہ یہ ان پر ججتی ہے۔

    انگلش ویمن کرکٹرکی ویرات کوہلی کو شادی کی پیشکش

    انہوں نے کہا کہ میں اپنی داڑھی چھوٹی بھی نہیں کرنا چاہتا اور نہ ہی میری سوچ ہے کہ میں اس اسٹائل کو تبدیل کروں، یہ مجھے بے حد پسند ہے اور جب بھی داڑھی بڑھ جاتی ہے تو مجھے تراشنا پڑتا ہے۔

    دنیا بھر میں سب سے زیادہ تنخواہ حاصل کرنے والے بھارتی کرکٹر ویرات کوہلی نے یہ بھی انکشاف کیا ہے کہ وہ اپنے کرکٹ شیوز اپنے ہاتھوں سے صاف کرتے ہیں جس پر انہیں کوئی قباحت محسوس نہیں ہوتی۔

    آئی سی سی ون ڈے رینکنگ، ویرات کوہلی بیٹنگ اور راشد خان باؤلنگ میں سرفہرست

    خیال رہے کہ ویرات کوہلی کی داڑھی کا اسٹائل بھارت سمیت دنیا بھر میں مقبول ہے جسے دیکھ کر دیگر شہرت یافتہ کھلاڑیوں نہ بھی داڑھی رکھی، جن میں پاکستانی کرکٹر محمد حفیظ سمیت متعدد اسٹارز شامل ہیں۔

    علاوہ ازیں گذشتہ دنوں ویرات کوہلی کی اہلیہ انوشکا شرمنا نے سوشل میڈیا پر اپنے شوہر کو ازراہ مذاق یہ تنبیح بھی کی تھی کہ وہ اپنی داڑھی ہرگز نہیں کٹوائیں گے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • آئی ایم بیک – آرنلڈ ایک بار پھرواپس آگئے

    آئی ایم بیک – آرنلڈ ایک بار پھرواپس آگئے

    واشنگٹن: ہالی وڈ کے لیجنڈری اداکارآرنلڈ شوازنیگر کے دل کے سرجری کے فوری بعد ادا کیا گیا جملہ ’آئی ایم بیک‘ سوشل میڈیا پرٹرینڈ بن گیا۔

    تفصیلات کے مطابق ہالی وڈ کے 70 سالہ اداکار آرنلڈ شوارزینگر کو دل میں تکلیف کے باعث لاس اینجیلس کے اسپتال میں داخل کیا گیا تھا، جہاں اداکار کے دل کی سرجری کی گئی اور انتہائی نگہداشت وارڈ میں منتقل کردیا تھا۔

    اسپتال میں داخل کروائے جانے کے بعد اداکار کے مختلف ٹیسٹ کروائے گئے، جن سے اندازہ ہوا کہ آرنلڈ کے دل کا ایک وال بند ہوچکا ہے جس کے بعد ڈاکٹرز نے فوری دل کی سرجری کا مشورہ دیا تھا۔

    اداکار کے ترجمان کا کہنا تھا کہ جمعرات کے روز ایکشن فلموں کے شہنشاہ کی دل کی سرجری کے بعد طبیعت میں واضح بہتری آئی۔ ہوش میں آنے بعد انھوں نے کہا ،’آئی ایم بیک‘۔

    ہالی وڈ کے لیجینڈری اداکار آرنلڈ شوارتزنگر

    ترجمان نے کہا کہ آرنلڈ شوازنیگر کے 20 سال قبل سرجری کے دوران دل کے وال تبدیل کیے گئے تھے، جن کی مدت پوری ہوچکی تھی، جس کے باعث آپریشن ناگزیر تھا۔

    کیلیفورنیا  کے سابق گورنر آرنلڈ شوازنیگر کی طبعیت پہلے سے بہتر ہے، انہوں نے امریکی خبر رساں ادارے سے امریکا کی ریپبلکن پارٹی میں ہونے والی تبدیلیوں کے حوالے بات کرتے ہوئے کہا کہ ڈونلڈ ٹرمپ کی صدارتی انتظامیہ کے لیے سابق سیاست دانوں کی بہت اہمیت ہے۔

    واضح رہے کہ آسٹریا میں پیدا ہونے والے لیجیڈری اداکار کی بیس سال قبل 1997 میں دل کی سرجری کے دوران پالمونیک وال تبدیل کیے گئے تھے۔ جن کی مدت معیاد ختم ہوچکی تھی، جس کے باعث ان کی جان کو خطرہ لاحق تھا۔

    ہالی وڈ کی ایکشن فلموں کے شہنشاہ آرنلڈ شواز نیگر ماضی میں ٹرمینیٹر جیسی متعدد ایکشن سے بھر پور فلموں میں کام کرچکے ہیں اور ساتھ ہی ساتھ امریکی ریاست کیلیفورنیا میں 2003 میں ہونے والے انتخابات میں کامیابی حاصل کرکے گورنر بھی منتخب ہوچکے ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔