کراچی کے علاقے لیاری میں گزشتہ روز 6 منزلہ رہائشی عمارت گرنے کے افسوسناک واقعے نے سننے والوں کو غمزدہ کردیا۔
سندھ حکومت نے فوری کارروائی کرتے ہوئے تحقیقات کے لیے اعلیٰ سطح کمیٹی قائم کردی اور ساتھ ہی متعلقہ ایس بی سی اے افسران کو بھی معطل کردیا ہے۔
اس حوالے سے ڈائریکٹر جنرل ایس بی سی اے کا کہناہے کہ لیاری کے علاقر بغدادی میں عمارت کیسے گری؟ اس کی تحقیقات خصوصی کمیٹی کرے گی۔
اے آر وائی نیوز کی رپورٹ کے مطابق پورے شہر کراچی میں مخدوش عمارتوں کی مجموعی تعداد 578 ہیں، سب سے زیادہ تعداد ضلع جنوبی میں ہے جہاں 456عمارتیں ناقابل رہائش ہیں۔
ضلع وسطی دوسرے اور ضلع کیماڑی تیسرے نمبر پر ہے، جبکہ ضلع کورنگی میں مخدوش عمارتوں کی تعداد 14 ضلع شرقی میں 13، ملیر میں 4 اور ضلع غربی میں دو ہے۔
رپورٹ کے مطابق لیاری میں زمیں بوس ہونے والی عمارت 50 سال قبل تعمیر کی گئی تھی۔ ایس بی سی اے کے مطابق چند سال قبل عمارت کو خطرناک قرار دے کر خالی کرانے کا حکم جاری کیا گیا تھا۔
انتطامیہ کا دعویٰ ہے کہ کئی بار انتظامیہ کو نوٹسز جاری کیے گئے، بجلی بھی کاٹی لیکن لوگوں نے گھر خالی نہیں کیے۔
مزید پڑھیں : عمارت گرنے کی تحقیقات، ایس بی سی اے کے افسران معطل
وزیر بلدیات سعیدغنی نے عمارت گرنے کی تحقیقات کیلئے اعلیٰ سطح کمیٹی قائم کردی،ترجمان نے بتایا کہ کمیٹی 3دن میں ذمہ دارافسران کی نشاندہی کرکے رپورٹ وزیر بلدیات کوپیش کرے گی۔
وزیر بلدیات سندھ سعید غنی نے واقعے کا فوری نوٹس لیتے ہوئے ڈائریکٹر ایس بی سی اے، ڈپٹی ڈائریکٹر اور بلڈنگ انسپکٹر کو معطل کردیا۔
ترجمان سی ٹی ڈی کے مطابق دہشت گردوں سے فائرنگ کا تبادلہ ہوا جس میں 3 دہشت گرد ہلاک ہوئے اور 6 فرار ہوگئے جن کی گرفتاری کے لیے سرچ آپریشن جاری ہے۔
