Tag: SBP

کراچی: بینک دولت پاکستان نے برابری پر بینکاری پالیسی کے ذریعے مالی شعبے میں صنفی تنوع اور شمولیت کو ترقی دینے کے لیے سازگار ماحول کی فراہمی کے سلسلے میں اہم قدم اٹھا لیا۔

تفصیلات کے مطابق صدر پاکستان ڈاکٹر عارف علوی اسٹیٹ بینک آف پاکستان کی ’برابری پر بینکاری‘ پالیسی کا 17 ستمبر 2021 کو اسلام آباد میں افتتاح کریں گے۔

’برابری پر بینکاری‘ پالیسی اسٹیٹ بینک کا نمائندہ پالیسی اقدام ہے، جس کا مقصد مالی شمولیت میں صنفی فرق کو کم کرنا ہے، پالیسی ٹیگ لائن ’مالی شمولیت صنفی امتیاز کے بغیر‘ کا مقصد خواتین دوست کاروباری پالیسیاں اور روایات اختیار کر کے بینکاری شعبے میں بنیادی تبدیلی متعار ف کرانا ہے۔

اس پالیسی کا بنیادی تصور مالی خدمات تک خواتین کی رسائی کو بہتر بنانا ہے، اس کے تحت خواتین کے لیے مخصوص مصنوعات کی پیش کش کی جائے گی جو ان کی مالی ضروریات پوری کرنے میں مدد کریں گی۔

’برابری پر بینکاری‘ اسٹیٹ بینک کا خواتین کیلیے زبردست اقدام

پالیسی کے تحت صارف کے بہتر تجربے کے لیے تمام صارفی ٹچ پوائنٹس پر خواتین کے لیے الگ سہولتیں فراہم کی جائیں گی، خواتین کی مالی شمولیت کو ترجیح دی جائے گی۔

اسٹیٹ بینک کے مطابق یہ پالیسی ملکی اور بین الاقوامی، فکری اور صنفی ماہرین دونوں متعلقہ فریقوں سے جامع مشاورت کے بعد تیار کی گئی ہے۔

کراچی: گورنر اسٹیٹ بینک رضا باقر نے کہا ہے کہ وزیر اعظم عمران خان کی اسکیم کے تحت قرض کے لیے شرائط کو مزید آسان بنا دیا گیا ہے۔

اے آر وائی نیوز کے مطابق اسٹیٹ بینک آف پاکستان کے گورنر کا کہنا ہے کہ عام طور پر 10 لاکھ کے قرضے پر ماہانہ قسط 11 ہزار بنتی ہے، لیکن وزیر اعظم اسکیم میں قرضے کی قسط 6 ہزار سے کچھ ہی زائد ہے۔

رضا باقر نے کہا وزیر اعظم کی اسکیم کے تحت محنت کش طبقے کو آسان قرضے دے رہے ہیں، شرائط میں مزید آسانی کر دی گئی ہے، ملک میں اسٹیٹ بنک کے 16 دفاتر ہیں، اور ہر برانچ میں ہیلپ ڈیسک بنا دیا گیا ہے۔

گورنر اسٹیٹ بینک کا کہنا تھا وزیر اعظم کا وژن ہے کہ تعمیرات اور ہاؤسنگ انڈسٹری آگے بڑھے، اس لیے اب آسان شرائط پر بینکوں سے قرضے مل رہے ہیں، ماضی میں ہاؤسنگ کے سیکٹر پر توجہ نہیں دی گئی۔

ایک لاکھ سے ایک کروڑتک کا آسان قرضہ : نوجوانوں کیلئے اہم خبر آگئی

انھوں نے کہا ہاؤسنگ سیکٹر کے لیے چند ماہ میں بینکوں نے 42 ارب سے قرضے بڑھائے ہیں، اس میں اب تک 40 ارب کی درخواستیں آ چکی ہیں۔

کراچی: بیرون ملک مقیم ہزاروں پاکستانیوں نے روشن ڈیجیٹل اکاؤنٹس کھلوا لیے۔

تفصیلات کے مطابق گورنر اسٹیٹ بینک رضا باقر نے کہا ہے کہ 97 ممالک میں مقیم 86 ہزار پاکستانیوں نے روشن ڈیجیٹل اکاؤنٹس کھلوائے ہیں۔

گورنر اسٹیٹ بینک کے مطابق اب تک روشن ڈیجیٹل اکاؤنٹ میں 48 کروڑ ڈالر آ چکے ہیں۔

کراچی میں روشن ڈیجیٹل اکاؤنٹ کی تقریب سے خطاب میں رضا باقر نے کہا وزیر اعظم کا وژن ہے کہ سمندر پار پاکستانیوں کے لیے بینکاری آسان ہو جائے، اس ٹیکنالوجی کا فائدہ اٹھاتے ہوئے سمندر پار پاکستانی آسانی سے بینکاری کر سکیں گے۔

تقریب سے خطاب میں وزیر اعظم کے مشیر برائے اصلاحات ڈاکٹر عشرت حسین نے کہا روشن ڈیجیٹل اکاؤنٹ اسٹیٹ بینک اور حکومت پاکستان کی مشترکہ کاوش ہے، اب شہری گھر بیٹھے بینک اکاؤنٹ کھول سکتے ہیں۔

ڈاکٹر عشرت حسین کا کہنا تھا پاکستانی بیرون ملک سے بھی جائیداد اور اسٹاک مارکیٹ میں سرمایہ کاری کر سکتے ہیں۔

یاد رہے کہ فروری میں روشن ڈیجیٹل اکاؤنٹ پروگرام کے تحت میسر آنے والی سہولیات کا جائزہ لینے کے لیے اجلاس منعقد ہوا تھا، جس میں بتایا گیا کہ روزانہ کی بنیاد پر 600 سے700 اکاؤنٹس کھل رہے ہیں، اور روزانہ 6 سے 7 ملین ڈالرز کی ترسیلات اور ادائیگیاں ہو رہی ہیں۔