ARYNews.tv | Urdu – Har Lamha Bakhabar

Tag: scared

  • آسٹریلوی کھلاڑی نے بھارتی بلے باز کو ڈرپوک قرار دے دیا

    آسٹریلوی کھلاڑی نے بھارتی بلے باز کو ڈرپوک قرار دے دیا

    نئی دہلی : بھارت اور آسٹریلیا کے درمیان کھیلی جانے والی ٹیسٹ سیریز کے موقع پر سابق آسٹریلوی کپتان ایلن بارڈر نے بھارتی کھلاڑی کی بیٹنگ کو کڑی تنقید کا نشانہ بنایا ہے۔

    تیسرے ٹیسٹ کے تیسرے دن بھارتی ٹیم کی بیٹنگ پالیسی پر نکتہ چینی کرتے ہوئے ایلن بارڈر نے بھارتی بلے باز چتیشور پجارا پر سخت تنقید کی اور کہا کہ وہ شاٹ کھیلنے سے ڈرتے رہے۔

    انہوں نے کہا کہ میچ کے دوران چتیشور پجارا شاٹ کھیلنے سے واضح طور پر ڈرے ہوئے لگ رہے تھے اور ایسا لگ رہا تھا کہ جیسے وہ رن بنانے کے بجائے کریز پر ٹکے رہنے کے لئے کھیل رہے ہیں۔

    ایک اسپورٹس ویب سائٹ کو انٹرویو دیتے ہوئے ایلن بارڈ کا کہنا تھا کہ کیا ایسا نہیں ہے کہ وہ رن بنانے کے بجائے اپنی وکٹ بچانے کے لئے کھیل رہے ہیں۔

    انہوں نے کہا کہ چتیشور پجارا نے سیریز میں اس کا زیادہ اثر نہیں لیا ہے، انہوں نے اپنے رن بنانے میں اتنا لمبا وقت لیا، ایسا لگ رہا تھا کہ وہ کریز پر جم گئے ہیں جس کا بھارتی ٹیم پر برا اثر پڑا۔

    سابق آسٹریلوی کپتان کا کہنا تھا کہ چتیشور پجارا آسٹریلوی بالنگ پر حاوی ہوتے ہوئے نہیں نظر آئے جس کا سہرا آسٹریلوی بالرز کو جاتا ہے جنہوں نے اچھی کارکردگی کا مظاہرہ کیا۔

    ایلن بارڈر نے کہا کہ آسٹریلوی بالرز نے انہیں کبھی دباؤ سے باہر نہیں نکلنے دیا، آدھی جنگ تو یہی ہے تاہم بالرز کو وکٹ لینے میں کافی مشکل ہو رہی تھی لیکن اگر اسکور بورڈ ہی نہیں بڑھ رہا تو آخر میں یہ آپ کا انعام ہی ہے۔

    اس کے علاوہ سابق آسٹریلوی کپتان رکی پونٹنگ نے بھی ٹوئٹر میسج میں چتیشور پجارا کی بیٹنگ پر تنقید کی اور کہا کہ انہیں اپنی اسکورنگ رفتار میں تھوڑی تیزی لانی چاہئے تھی کیونکہ مجھے لگتا ہے کہ اس سے ان کے دیگر بلے باز ساتھیوں پر زیادہ دباؤ پڑرہا تھا۔

    چتیشور پجارا کی سست رفتار بیٹنگ پر پوچھے گئے ایک سوال کے جواب میں رکی پونٹنگ نے کہا کہ مجھے نہیں لگتا کہ یہ صحیح رویہ ہے لیکن یہ ضروری ہے کہ چتیشور پجارا کو رن بنانے کی رفتار اور بڑھانی چاہئے۔

  • گھر کے صحن میں پراسرار چیز ملنے پر اہل خانہ خوفزدہ

    گھر کے صحن میں پراسرار چیز ملنے پر اہل خانہ خوفزدہ

    فونیکس : امریکی ریاست ایروزونا میں میاں بیوی کو اپنے گھر کے پچھلے صحن کے اندر ایک ہوائی جہاز کا ٹکڑا ملا ہے جسے دیکھ کر وہ خوفزدہ ہوگئے۔

    اریزونا کے علاقے فونیکس میں رہائش پذیرمیاں بیوی نے میڈیا کو بتایا کہ انہیں اپنے پچھلے صحن میں ایک پراسرار چیز ملی ہے جسے دیکھ کر ایسا لگتا ہے ک یہ کسی ہوائی جہاز سے گر گیا ہے۔

    چارلی اور جیکلن ہائی کا کہنا تھا کہ دھات کا یہ سفید ٹکڑا جو دیکھنے میں ہوائی جہاز کا چھوٹا سا دروازہ لگتا ہے، ان کے گھر کے پچھلے حصے میں قائم صحن میں پایا گیا تھا۔

    چارلی ہائی نے میڈیا کو بتایا کہ سفید رنگ کا یہ ٹکڑا صحن کی زمین پر پڑا ہواتھا، میں نے اسے اٹھایا اور دیکھا تو اس پر کچھ لکھا ہوا تھا جس سے مجھے فوراً خیال آیا کہ یہ یقیناً کسی جہاز سے گرا ہے۔

    میں نے خدا کا شکر ادا کیا کہ اس وقت گھر کے صحن میں بچے موجود نہیں تھے یہاں تک کہ میرے پالتو کتے بھی گھر کے اندر تھے، اس کے علاوہ ہمارا پالتو کچھوا بھی یہیں ہوتا ہے جو محفوظ رہا۔

    غیر ملکی خبر رساں ادارے کے مطابق چارلی نے بتایا کہ میں نے اس ٹکڑے کے ارد گرد نظر ڈالی یہ دیکھنے کے لیے کہ یہاں کوئی اور چیز تو موجود نہیں جیسے کوئی اور ٹکڑا ہو یا اس کے علاوہ کوئی اور چیز ہے۔

    اس جوڑے نے بتایا کہ ان کا گھر اسکاٹسڈیل ہوائی اڈے سے صرف چند میل کے فاصلے پر ہے، جیکلن ہائی نے کہا کہ انہوں نے پراسرار چیز کے بارے میں جاننے کی غرض سے فیڈرل ایوی ایشن ایڈمنسٹریشن سے رابطہ کیا ہے تاکہ اس قسم کے حادثات سے بچا جاسکے۔

  • ایم کیو ایم کو پیپلزپارٹی سے نہیں ہم سے خطرہ ہے، مصطفیٰ کمال

    ایم کیو ایم کو پیپلزپارٹی سے نہیں ہم سے خطرہ ہے، مصطفیٰ کمال

    کراچی : چیئرمین پاک سر زمین پارٹی مصطفیٰ کمال نے پریس کانفرس سے خطاب کرتے ہوئے کہا ہے کہ ایم کیو ایم پاکستان کو پیپلز پارٹی سے نہیں بلکہ پاک سر زمین پارٹی سے خطرہ ہے۔

    تفصیلات کے مطابق پاک سر زمین پارٹی کے سربراہ مصطفیٰ کمال نے پریس کانفرنس سے خطاب کرتے ہوئے کہا ہے کہ کیا ٹنکی گراؤنڈ میں جلسہ منعقد کرنے سے زخموں پر مرہم رکھ دیا جائے گا۔

    چیئرمین پی ایس پی مصطفیٰ کمال نے ایم کیو ایم پاکستان کے سربراہان کو متوجہ کرتے ہوئے کہا کہ جب پیپلز پارٹی مہاجروں ختم کرنے میں لگی ہوئی تھی اس وقت خیال کیوں نہیں آیا، کیا مہاجر آپ کے جلسے کے محتاج ہیں۔

    پی ایس پی کے سربراہ کا کہنا تھا کہ پیپلز پارٹی کی وجہ سے غلط حلقہ بندیاں ہوئیں اس وقت مہاجر یاد نہیں آئے، کیوں کہ سنہ 2008 سے 2013 تک پی پی پی کے ساتھ ہی حکومت میں رہے۔

    مصطفیٰ کمال کا کہنا ہے کہ شہر کا میئر اور بلدیاتی نمائندے آپ کے ہیں 10 سالوں میں کیا کام کیا، ایم کیو ایم پاکستان نے خود تمام اختیارات پیپلز پارٹی کو سونپے ہیں۔

    ان کا کہنا تھا کہ ایم کیو ایم پاکستان تو سنہ 2013 میں بھی سندھ حکومت کا حصّہ تھی 2015 میں انہیں الگ کردیا گیا، اس مدت میں آپ نے کبھی مہاجروں کے لیے پانی و بجلی کے مسئلے پر احتجاج کیا۔

    چیئرمین پی ایس پی نے کہا ہے کہ ایم کیو ایم پاکستان نے چوروں کے ساتھ مل کر مہاجروں کو لوٹا ہے، مہاجر اب اتنا باشعور ہوگیا ہے کہ آپ کے ناپاک جرائم میں ساتھ نہیں دے گا۔ ایم کیو ایم کو پیپلز پارٹی سے نہیں بلکہ پاک سر زمین پارٹی سے خطرہ ہے۔

    مصطفیٰ کمال نے میڈیا سے گفتگو کرتے ہوئے کہا ہے کہ 34 برس قبل بھی یہی نعرہ لگایا تھا جاگ مہاجر جاگ آج بھی یہ ہی نعرہ لگایا جارہا ہے۔ مہاجروں کی ایک نسل قبرستانوں میں اور ایک نسل لاپتہ اور بھاگ رہی ہے۔

    انہوں نے کہا ہے کہ زخم دینے والے آج بھی مہاجروں کو نوچنے میں لگے ہوئے ہیں، ایم کیو ایم پاکستان اور پی پی پی کے درمیان رومانس کوئی نئی بات نہیں ہے، ایم کیو ایم پاکستان والے کیا سمجھتے ہیں کہ مہاجروں کے پاس کوئی اور آپشن نہیں ہے۔

    ان کا مزید کہنا تھا کہ شہرمیں پانی صرف مہاجروں کو نہیں بلکہ ہر قومیت کو ملنا چاہئے، اپنی سیاست کیلئےمہاجروں کودوسری کمیونٹی سےلڑانانہیں چاہتا، مہاجروں کو لڑایا تو تنکے کے برابر بھی بھلا نہیں کرپاؤں گا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔