پشاور: خیبر پختونخوا کے تعلیمی اداروں میں موسم بہار کی چھٹیوں کا اعلان ہو گیا۔
صوبہ خیبر پختونخوا میں تمام سرکاری و نجی تعلیمی اداروں میں موسم بہار کی یکم سے 8 اپریل تک چھٹیاں ہوں گی۔
ایلیمنٹری اینڈ سیکنڈری ایجوکیشن ڈیپارٹمنٹ نے اعلامیہ جاری کر دیا، جس میں کہا گیا ہے کہ تمام پرنسپلز اور ہیڈ ٹیچرز اور کلریکل اسٹاف کی تعطیلات نہیں ہوں گی۔
اعلامیے کے مطابق اسکول اسٹاف نئے بچوں کے داخلے اور مفت کتابوں کی تقسیم کے لیے موجود اسکولوں میں رہیں گے۔
کراچی : شہر قائد کے اسکولوں میں دی جانے والی موسم سرما کی چھٹیاں سردیاں شروع ہونے سے پہلے ختم ہوگئیں، اب بچوں کو سخت سردی میں جانا پڑے گا، محکمہ موسمیات کی واررننگ کو محکمہ تعلیم نے کوئی اہمیت نہ دی۔
تفصیلات کے مطابق ایک طرف سردی بڑھنے کی پیش گوئی تو دوسری طرف بچوں کی چھٹیاں ختم ہونے کا وقت آگیا، محکمہ موسمیات کے خبردارکرنے کے باوجود اس مرتبہ بھی چھٹیوں کا شیڈول تبدیل نہ ہوا۔
سردیوں کی چھٹیاں سردی شروع ہونے سے پہلے ہی ختم ہوگئیں، واضح رہے کہ چھٹیوں سے قبل محکمہ موسمیات نے حکومت سندھ کو خبردار بھی کیا تھا کہ سردی جنوری میں زیادہ پڑے گی لہٰذا اسکول کی چھٹیوں کا شیڈول تبدیل کریں مگر متعلقہ حکام نے کوئی نوٹس نہ لیا۔
محکمہ موسمیات کے مطابق یکم جنوری سے سردی کی نئی لہر ملک بھر کو لپیٹ میں لے لے گی۔
چاہے سوئیٹر پہنیں یا ٹوپی، بچوں کو اسی سردی سے لڑتے ہوئے اسکول جانا پڑے گا، بچوں کی صحت کے بارے میں پریشان ہونے والے والدین شکوہ کرتے ہیں کہ ماحولیاتی تبدیلی کے اثرات سے محکمہ تعلیم بے خبر نظرآتا ہے۔
کراچی: سیکیورٹی خدشات کے پیشِ نظر موسمِ سرما کی تعطیلات میں دس دن کی توسیع کردی گئی ہے۔
محکمۂ تعلیم کے ترجمان کے مطابق صوبہ سندھ سینئر وزیرِ تعلیم نثار کھوڑو نے تعطیلات کیلئے سمری کی منظوری بھی وزیر اعلیٰ سندھ سے حاصل کرلی ہے اور سمری پر دستخط بھی کردیئے گئے ہیں۔
اس سے قبل سندھ کے تمام تعلیمی اداروں میں اکتیس دسمبر تک تعطیلات کا نوٹی فکیشن جاری کیا گیا تھا اور یکم جنوری سے تعلیمی سرگرمیاں اکیڈمک کلینڈر کے مطابق بحال ہونا تھی۔
تاہم محکمہ تعلیم نے سیکیورٹی کے سنگین خدشات کے پیشِ نظر تعطیلات میں توسیع کا فیصلہ کیا ہے اور سندھ بھر کے نجی و سرکاری تعلیمی ادارے اب گیارہ جنوری کو کھولے جائیں گے۔