بھارت کے بہار میں ایک پانچ سالہ بچہ اسکول میں بندوق لے آیا، جس نے تیسری کلاس کے بچے کو فائرنگ کرکے زخمی کردیا۔
بین الاقوامی خبر رساں ادارے کی رپورٹ کے مطابق پولیس ذرائع کا اس حوالے سے کہنا ہے کہ بچہ نرسری کا طالب علم ہے، جو اپنے بیگ میں اسلحہ چھپا کر اسکول لے آیا تھا۔
اسکول پہنچنے کے بعد طالب علم نے ایک 10 سالہ لڑکے پر گولی چلائی، جو اسی اسکول میں کلاس 3 کا طالب علم ہے، گولی لڑکے بازو پر لگی، جس پر اسے فوری طور پر اسپتال منتقل کیا گیا۔
پولیس کا کہنا ہے کہ معاملے کے حوالے سے مزید تحقیقات کا آغاز کردیا ہے۔
دوسری جانب بھارت کے تلنگانہ کے کھمم ضلع میں ایک دلخراش حادثہ پیش آیا جس میں 3 نوجوان زندگی کی بازی گئے۔
رپورٹ کے مطابق حادثہ سڑک پر ٹھہرے ہوئے ٹرک پر تیز رفتار موٹر سائیکل ٹکرانے کے سبب پیش آیا۔وائرل ہونے والی ویڈیو میں دیکھا جاسکتا ہے کہ تیز رفتار موٹر سائیکل سوار موقع پر ہی زندگی کی بازی گئے۔