Tag: scotland yard

لندن: اسکاٹ لینڈ یارڈ نے ایم کیو ایم کی رابطہ کمیٹی کے رکن محمد انورکو منی لانڈرنگ کے الزام میں گرفتار کرلیا ہے۔

لندن سے موصول ہونے والی ابتدائی اطلاعات کے مطابق 64 سالہ شخص کو اسکاٹ لینڈ یارڈ نے تفتیش کے لئے طلب کیا تھا اور وہیں ان کو حراست میں لیا گیا ہے۔

اسکاٹ لینڈ یارڈ نارتھ ویسٹ لندن میں واقع محمد انور کے گھر کی تلاشی بھی لی گئی ہے۔

ذرائع کا کہنا ہے کہ اس کیس میں کل پانچ افراد ملوث ہیں جن میں سے دو افراد کو 5 دسمبر 2013 کو گرفتار کیا گیا تھاجبکہ ایک 61 سالہ شخص سال3 جون 2014 میں گرفتار کیا گیا تھا۔

اسی کیس میں ایم کیوایم کے قائد الطاف حسین سے گزشتہ سال 3 دن تک تفتیش کی جاچکی ہے اوروہ ضمانت پررہا ہیں۔

 متحدہ قومی موومنٹ کے رہنماء حیدر عباس رضوی نے گرفتاری کی تصدیق کی ہے۔ ان کا کہنا ہے کہ معاملے کی تفصیلات ابھی موصول نہیں ہوئی ہیں اورمحمد انورکوقانونی معاونت فراہم کی جائے گی۔

 اےآروائی نیوز کے اینکرپرسن کے مطابق محمد انورایم کیو ایم کے مالی معاملات میں کلیدی حیثیت رکھتے ہیں۔

برطانیہ میں منی لانڈرنگ ایک انتہائی سنگین جرم ہے اور اس میں عمر قید تک کی سزا دی جاسکتی ہے۔