کراچی : سی ویو پر واقع شاپنگ پلازا میں آتشزدگی سے بھگدڑ مچ گئی تاہم کسی جانی نقصان کی اطلاع نہیں ملی ۔ آگ پلازا میں قائم فوڈ کورٹ میں لگی۔
تفصیلات کے مطابق کراچی کے ساحلی علاقے سی ویو پر واقع ایک مشہور شاپنگ پلازا کے اندر آگ لگنے سے وہاں موجود سیکڑوں افراد میں خوف و ہراس پھیل گیا جس کے باعث بھگدڑ مچ گئی۔
خوش قسمتی سے واقعے میں کوئی جانی نقصان نہیں ہوا، عمارت میں ہر طرف دھواں پھیل گیا۔ امدادی کام کے دوران دو افراد بے ہوش ہوگئے۔
آگ کی شدت کے وجہ سے فائر بریگیڈ کے اہلکاروں کو امدادی کارروائیوں میں دشواریاں پیش آرہی ہیں، آخری اطلاعات تک آگ پر مکمل طور پر قابو پالیا گیا ہے،آگ لگنے کی وجہ معلوم نہ ہو سکی۔
