لاہور: پنجاب فوڈ اتھارٹی کا ناقص اور غیرمعیاری کھانے پینے کی اشیا فروخت کرنے والے ریستورانوں کے خلاف کاروائیوں کا سلسلہ جاری ہے اور نامور ریستورانوں کی حقیقت بھی کھل کھل کر سامنے آرہی ہے۔
تفصیلات کے مطابق پنجاب فوڈ اتھارٹی حفظانِ صحت کے اصولوں کی پاسداری نا کرنے پر گلبرگ ٹاؤن، علامہ اقبال ٹاؤن اور داتا گنج بخش ٹاؤن میں واقع کئی بڑے ریستورانوں پر چھاپہ مار کاروائی کی۔
پزا ہٹ
گلبرگ ٹاؤن کے علاقے ایم ایم عالم روڈ پر واقع پزا ہٹ کو کلف ملے کیچپ، گندے فریزرز اور آئیس کریم اور گوشت ایک ہی فریزر میں ہونے پر بھاری جرمانہ عائد کیا گیا ہے اور
ساتھ ہی ساتھ آخری وارننگ بھی جاری کی گئی ہے بصورت دیگر پزا ہٹ بند کردیا جائے گا۔
Pizza Hut M.M.Alam road heavy fine imposed by GULBERG TOWN TEAM with last warning of sealing due to presence of starch in ketchup, dirty freezer, ice cream and meat in same freezer
Posted by Punjab Food Authority on Monday, August 17, 2015
پیلیلوس ریستوران
ایم ایم عالم روڈ پر ہی واقع پیلیلوس نامی ریستوران کو بھی بھاری جرمانہ عائد کرتے ہوئے آخری وارننگ جاری کی گئی ہے۔ جرمانے کا سبب فریزر میں غیر معیاری معدنیات کی موجودگی، بیکری آئٹمز پر تاریخِ تنسیخ کا موجود نہ ہونا، فریزرز میں گندگی ، گندے چلرز اور کچی اور تیار اشیا کا ایک فریزر میں ہونا بتایا جارہا ہے۔
طوبہٰ ریستوران
داتا گنج بخش ٹاؤن کے علاقے ایبٹ روڈ پر واقع طوبہٰ ریستوران کو بھی اسٹاف کے حفظانِ صحت کے اصولوں پر عمل پیرانہ ہونے اور کھانا اسٹور کرنے کی جگہ غیر معیاری ہونے کے سبب بھاری جرمانہ عائد کیا گیا۔
الفضل ریستوران
داتا گنج بخش ٹاؤن میں ہی واقع الفضل نامی مشہور ریستوران کو کچن کے اندر گندے واش روم کی موجودگی، اسٹاف کی صحت و صفائی کے بنیادی اصولوں کے حوالے سے غیر اطمینان بخش حالت اور بغیر لائسنس کام کرنے کی بنا پر سیل کردیا گیا ہے۔
ملک جاوید ہوٹل
ایبٹ روڈ پر واقع ملک جاوید ہوٹل کو بھی ملازمین کی صحت و صفائی کے حوالے سے ناقص حالت، بغیر طبی معائنے کے کام کرنے، برتنوں کی دھلائی کا معقول انتظام نہ ہونے اور فریزر میں پرانی اور ناقابل استعمال کھانے پینے کی اشیا کی موجودگی کی بنا پرسیل کردیا گیا ہے۔
Malik javaid hotel abbot road sealed due to unhygienic conditions no madical of workers no soap for washing utensils, old food kept in freezer dirty washing area
Posted by Punjab Food Authority on Monday, August 17, 2015
شاہی مرغ چنے
داتا گنج بخش کے علاقے ایبٹ روڈ پر واقع شاہی مرغ چنے نامی نامور ریستوران کو بھی صحت وصفائی کی ناقص صورتحال، کچن میں واش روم کی موجودگی، اور اسٹاف کی غیر اطمینان بخش حالت کے سبب سیل کردیا گیا۔
ڈیرہ فضل الحق
علامہ اقبال ٹاوٗن میں واقع ڈیرہ فضل الحق نامی ریستوران کو بھی گندے اور بے ترتیت فریزرز، معیاد پوری کئے ساسز کے استعمال، گنجائش سے زیادہ اشیا فریزر میں رکھنے، گندے آلات اور کٹنگ بورڈ، مصلاحہ جات رکھنے کے لئے انتہائی گندے ڈبے اور جراثیم کش ادوایات نہ اسپرے کرنے کے سبب سیل کردیا گیا ہے۔
