Tag: sean-spicer

واشنگٹن : امریکی محکمہ کے ترجمان شان اسپائسر کا کہنا ہے کہ ٹرمپ کی پالیسی جلد بحال کی جائیں گی۔

ٹرمپ انتطامیہ اپنے فیصلے پر ڈٹ گئی، وائٹ ہاوس کے ترجمان شان اسپائسر کا کہنا ہے کہ ٹرمپ کی مسلمان ممالک پر پابندی کا فیصلہ جلد بحال کیا جائےگا، ٹرمپ نے پابندی امریکہ کو محفوظ بنانے کیلئے لگائی ۔

دوسری جانب امریکہ کے محکمۂ انصاف نے ڈونلڈ ٹرمپ سے کی سفری پابندیوں کا دفاع کیا ہے اور کورٹ میں اپیل کی ہے کہ قومی سلامتی کے مفاد میں اس پابندی کو بحال کر دے۔

یاد رہے کہ امریکی ریاست واشنگٹن کے وفاقی جج نے جمعے کو مسلمان ممالک پر پابندی کو ختم کرنے کا فیصلہ دیا تھا۔

مزید پڑھیں : عدالتیں ہماراکام مشکل کررہی ہیں‘ڈونلڈ ٹرمپ

گزشتہ روز امریکی صدر ڈونلڈ ٹرمپ نے سات ممالک پر سفری پابندی کے حکم نامے کے خلاف عدالتی فیصلے پر تنقید کرتے ہوئے کہا تھا کہ عدالتیں ہمارا کام مشکل کررہی ہیں اور حکام کو کہا تھا کہ وہ امریکہ آنے والے لوگوں کی محتاط جانچ پڑتال کریں۔

واضح رہے کہ اس سے قبل گزشتہ ہفتے 29 جنوری کو بھی امریکا کی ریاست نیو یارک اور ڈلاس کی مقامی عدالتوں نے ڈونلڈ ٹرمپ کے ان احکامات کو عارضی طور پر معطل کیا تھا، مگر ان عدالتوں کے احکامات امریکا بھر میں نافذ العمل نہیں تھے۔

خیال رہے کہ ڈونلڈ ٹرمپ نے گزشتہ ماہ 28 جنوری کو ایک ایگزیکٹو آرڈر جاری کرتے ہوئے امریکا میں تارکین وطن کے داخلے کے پروگرام کو 120 دن کے لیے معطل کردیا تھا، جب کہ ایران، عراق، شام، لیبیا، صومالیہ، سوڈان اور یمن کے شہریوں پر بھی 90 دن تک امریکا کے ویزوں کے اجرا پر پابندی عائد کردی تھی۔