Tag: SECP

کراچی: سکیورٹیز اینڈ ایکسچینج کمیشن (ایس ای سی پی) نے سٹیک ہولڈرز اور عوام سے آراء حاصل کرنے کے لئے پبلک سیکٹر کمپنیز کے قواعد2013میں ترامیم کا مسودہ جاری کردیا ہے۔

مروجہ قواعد پر عمل درآمد کے تجربہ کو سامنے رکھتے ہوئے پبلک سیکٹر کمپنیوں (پی ایس سیز) کی متعلقہ وزارتوں اوردیگر سٹیک ہولڈرز کی آراء کی بنیاد پرتعمیل میں آسانی کو یقینی بنانے کے لئے یہ ضروری تھا کہ قواعد میں بعض ترامیم لائی جائیں، پبلک سیکٹر کمپنیاں معیشت کا ایک نمایاں جزو ہیں جو معاشی شعبوں میں اہم خدمات انجام دے رہی ہیں ۔

ان قواعد کا مقصد متعدد اقدامات، جیسے بورڈ آف ڈائریکٹرز کو با اختیار بنانا، حکومت کو اپنے اونرشپ فنکشن کے استعمال میں آسانی، داخلی کنٹرول کے نظام کو مستحکم بنانیسمیت پی ایس سیز کے نظم و نسق میں بہتری لانا تھا، وہ قواعد جن میں ترمیم یا قواعد میں اضافے کی تجویز دی گئی ہے۔

ان میں پبلک سیکٹر کمپنیوں کو جلانے کے لئے بہترمعیار متعارف کرانا، بورڈ میں غیر جانبدار ڈائریکٹرز کے تناسب میں اکثریت سے ایک تہائی میں تبدیلی، ڈائریکٹرز کا کام میں غفلت پر برطرفی کی مزید بنیادوں کی صراحت، چیئرمین اور چیف ایگزیکٹیو کے تقرر کے شرائط پر نظر ثانی، ڈائریکٹرز کے تقرر کے وقت حکومت کو مطلوب پرفارمنس کو ملازمت کے معاہدہ کا حصّہ بننا،اور ڈائریکٹر کے لئے شرائط کا کے بہتر معیار مقرر کرنا ہے۔

کراچی : سیکورٹیز اینڈ ایکسچینج کمیشن ( ایس ای سی پی ) نے شفاف اور ذمہ دارانہ کاروبار کے لئے نان لسٹڈ کمپنیوں کیلئے نئے اصول جاری کئے ہیں ۔

ایس ای سی پی کے متعارف کردہ اصول کاروباری شعبہ کو بہترین بین الاقوامی معیارات سے ہم آہنگ کرتے ہوئے نان لسٹڈ کمپنیوں کیلئے کاروباری شعبے کے نظام میں تبدیلی کا باعث ہوں گے۔

ترجمان کے مطابق یہ اصول رضاکارانہ راہنمائی فراہم کرتے ہوئے پاکستان میں کام کرنے والی ایسی ساٹھ ہزار سے زائد کمپنیوں کواندرونی اور بیرونی اصلاح کے لئے نظم و نسق کی ایک ٹول کٹ فراہم کرتے ہیں۔

ان اصولوں کا مقصد کمپنیوں کے لئے بہتر فریم ورک فراہم کرتے ہوئے کاروباری طریق کار میں بہتری لانا ہے، ان اصولوں کا نفاذ ایس ای سی پی کے کاروباری شعبے کے فروغ اور ترقی کے لئے بڑے منصوبے کا حصہ ہے۔

ان اصولوں کے اطلاق سے کاروباری شعبے کو زیادہ بہتر انداز میں منضبط کرنے میں بھی مدد ملے گی۔

کراچی: سکیورٹیز اینڈ ایکسچینج کمیشن ( ایس ای سی پی ) نے اردو اور انگریزی دونوں زبانوں میں تمام خصوصیات سے مزین اپنی نئی ویب سائٹ لانچ کردی ہے، نئے سرے سے تیار کی گئی۔

ویب سائٹ میں عوام الناس، سرمایہ کاروں، سٹیک ہولڈروں اور میڈیا کے لئے معلومات تک فوری اور جامع رسائی آسان تر بنا دی گئی ہے تاکہ ایس ای سی پی اور اس کے انضباطی نظام کے بارے میں بہتر آگاہی فراہم کی جا سکے۔

ایس ای سی پی کے چیئرمین ظفر حجازی نے اس حوالے سے کہا کہ نئی ویب سائٹ صارفین کے لئے آگہی کا بہترین وسیلہ ثابت ہوگی، ساتھ ہی ساتھ یہ ویب سائٹ سرمایہ کاروں اور عوام الناس کے لئے اردو اور انگریزی دونوں زبانوں میں سرمایہ کاری سے متعلقہ تمام ضروری اور تازہ ترین معلومات کا فوری ذریعہ بھی ہے۔

اس ویب سائٹ کا مقصد پاکستان میں مضبوط انضباطی اصول کے تابع جدید اور کار گزار کاروباری شعبہ کا فروغ اور کیپٹل مارکیٹ کے لئے سہولیات کی فراہمی ہے۔