ARYNews.tv | Urdu – Har Lamha Bakhabar

Tag: section 144

  • کراچی: ساحل سمندر پہ دفعہ 144 لگانے کا فیصلہ

    کراچی: ساحل سمندر پہ دفعہ 144 لگانے کا فیصلہ

    کراچی: صوبہ سندھ کے دارالحکومت کراچی میں عید کے موقع پر سمندر کے مقامات پر پولیس کی نفری تعینات کرنے کا فیصلہ کیا گیا ہے، ایس ایس پی ساؤتھ اسد رضا کا کہنا ہے کہ لوگ فیملی کے ساتھ ساحل پر آسکتے ہیں، پانی میں جانے کی اجازت کسی کو نہیں ہوگی۔

    تفصیلات کے مطابق ایس ایس پی ساؤتھ اسد رضا کا کہنا ہے کہ سمندر میں جانے پر دفعہ 144 لگانے کا فیصلہ کیا ہے، سمندر کے مقامات پر پولیس کی نفری تعینات کی جائے گی۔

    ایس ایس پی ساؤتھ کا کہنا ہے کہ لوگ فیملی کے ساتھ ساحل پر آسکتے ہیں، پانی میں جانے کی اجازت کسی کو نہیں ہوگی۔

    انہوں نے کہا کہ عید کے روز ساؤتھ میں ریس یا ون ویلنگ کرنے والا جیل جائے گا، ون ویلنگ کرنے والوں کے خلاف مقدمہ درج کیا جائے گا۔

    ایس ایس پی کا مزید کہنا تھا کہ ون ویلنگ کرنے والوں کی ریس جان لیوا حادثے کا سبب بنتی ہے، قانون ہاتھ میں لے کر شہریوں کو پریشان کرنے کی اجازت کسی کو نہیں۔

  • کراچی کے ساحلی مقامات پر دفعہ 144 نافذ

    کراچی کے ساحلی مقامات پر دفعہ 144 نافذ

    کراچی: صوبہ سندھ کے دارالحکومت کراچی میں ساحلی مقامات پر دفعہ 144 نافذ کردی گئی، پولیس کو خلاف ورزی کرنے والوں کے خلاف قانونی کارروائی کا حکم بھی دیا گیا ہے۔

    تفصیلات کے مطابق کمشنر کراچی نے ساحلی مقامات پر دفعہ 144 نافذ کر دی، کمشنر کراچی کا کہنا ہے کہ دفعہ 144 کا نفاذ کراچی کے تمام ساحلی مقامات سمیت حب نہر پر بھی ہوگا۔

    کمشنر کا کہنا ہے کہ سمندر میں بلند لہروں اور بارشوں کے باعث پابندی لگائی گئی ہے، سمندر میں نہانے، غوطہ خوری، تیراکی اور کشتی رانی پر پابندی ہوگی۔

    پولیس کو خلاف ورزی کرنے والوں کے خلاف قانونی کارروائی کا حکم بھی دیا گیا ہے، پابندی کا اطلاق کراچی کی حدود میں 17 اگست تک ہوگا۔

  • حقیقی آزادی مارچ : وفاقی دارالحکومت میں 2ماہ کیلئے دفعہ 144 نافذ

    حقیقی آزادی مارچ : وفاقی دارالحکومت میں 2ماہ کیلئے دفعہ 144 نافذ

    اسلام آباد : وفاقی دارالحکومت میں 2ماہ کیلئے دفعہ 144 نافذ کر دی گئی اور دفعہ 144کااطلاق مختلف شاہراہوں تک بڑھایا گیا ہے۔

    تفصیلات کے مطابق پاکستان تحریک انصاف کا لانگ مارچ روکنے کیلئے وفاقی دارالحکومت میں 2ماہ کیلئے دفعہ 144 نافذ کر دی گئی اور اس حوالے سے نوٹیفکیشن جاری کردیا گیا۔

    نوٹیفکیشن میں کہا گیا ہے کہ دفعہ 144 کا دائرہ ریڈ زون کے ایک کلو میٹر تک بڑھا دیا گیا ، دفعہ 144کااطلاق مختلف شاہراہوں تک بڑھایا گیا۔

    نوٹیفکیشن کے مطابق تھرڈ ایونیو،مری روڈ ، خیابان سہروردی،جناح ایونیو،ایمبسی روڈ ، سرینہ چوک ،ڈھوکری چوک پر بھی دفعہ 144نافذ کی گئی ہے۔

    دوسری جانب اسلام آباد میں متعدد جگہوں پر روڈ بلاک کردیےگئے ہیں ، تھرڈ ایونیو مری روڈ کی ٹرننگ ، سری نگرہائی وے موٹر  وے کی ٹرننگ پر روڈ بندکردیاگیا جبکہ ڈھوکری چوک پر کنٹینر لگا دیے گئے۔

    سریناچوک، ایمبیسی روڈ ، نادراچوک اور میریٹ چوک کو بھی بلاک کردیا گیا ہے۔

  • پشاور ایئر پورٹ کی حدود میں دفعہ 144 نافذ کرنے کی تجویز

    پشاور ایئر پورٹ کی حدود میں دفعہ 144 نافذ کرنے کی تجویز

    پشاور: صوبہ خیبر پختونخواہ کے دارالحکومت پشاور کے باچا خان ایئر پورٹ کی حدود میں ایک سال کے لیے دفعہ 144 نافذ کرنے کی تجویز دی گئی ہے۔

    تفصیلات کے مطابق چیف سیکریٹری کی زیر صدارت اجلاس میں پشاور ایئر پورٹ اور ہوائی روٹس کے اطراف سخت حفاظتی اقدامات کا فیصلہ کیا گیا ہے۔

    اجلاس میں ایک سال کے لیے ایئر پورٹ کی حدود میں دفعہ 144 نافذ کرنے کی تجویز دی گئی ہے۔

    اجلاس میں پتنگ بازی، کبوتر بازی، ہوائی فائرنگ اور لیزر لائٹس پر پابندی کی سفارش کی گئی۔ پشاور رنگ روڈ اور کوہاٹ روڈ پر ہوٹلوں کے ہائی بیم کو ہوائی سفر کے لیے خطرہ قرار دیا گیا۔

  • کراچی کا ساحل نوگو ایریا قرار دے دیا گیا

    کراچی کا ساحل نوگو ایریا قرار دے دیا گیا

    کراچی: سال نو کے موقع پر سندھ بھر میں دفعہ 144 نافذ کردی گئی ہے جبکہ سی ویو کو نوگوایریا قرار دے دیا گیا ہے۔

    اے آر وائی نیوز کے مطابق سال نو کے موقع پر سندھ بھر میں دفعہ 144 نافذ کرنے کا نوٹیفکیشن جاری کردیا گیا ہے، نوٹی فیکیشن کمشنر کراچی کی جانب سے جاری کیا گیا ہے۔

    کمشنر کراچی کی جانب سے جاری نوٹی فیکیشن کے مطابق سال نو کے موقع پر ہوائی فائرنگ کرنے پر پابندی عائد کردی گئی ہے، قانون کی خلاف ورزی کرنے والوں پر دفعہ 188 لاگو کی جائے گی۔

    کمشنر کراچی کے مطابق تمام چائے خانے ، ریسٹورانٹس ، پیٹرول پمپس رات 10 بجے بند کرنے کا فیصلہ کیا گیا ہے، مرکزی سڑکوں پر10سے زائد افراد کے جمع ہونے پر پابندی ہوگی، ضلع انتظامیہ امن وامان کی صورتحال کنٹرول کریگی جبکہ تمام ڈپٹی کمشنرز اپنی ٹیموں کے ہمراہ علاقوں میں موجود رہیں گے۔

    یہ بھی پڑھیں: نیو ایئر نائٹ: ہوائی فائرنگ کرنے والوں پر اقدام قتل کا مقدمہ ہوگا

    دوسری جانب سال نو پر سی ویو سمیت مخصوص علاقے 2 روز کے لیے نوگو ایریا قرار دے دئیے گئے ہیں، اے آر وائی نیوز سے خصوصی گفتگو کرتے ہوئے ایس ایس پی ساؤتھ زبیر نذیر شیخ نے بتایا کہ صرف آج نہیں بلکہ کل بھی یہی سیکیورٹی انتظامات ہونگے، قانون ہاتھ میں لینے والے اور کسی صورت سی ویو پر داخلے کی اجازت نہیں ہوگی۔

    ایس ایس پی ساؤتھ کے مطابق بغیرسلینسر موٹر سائیکل سواروں کو گرفتار کیا جائے گا، ہوائی فائرنگ پر گرفتاری اور اقدام قتل کی دفعات کے تحت مقدمہ درج ہوگا۔

    زبیر نذیر شیخ کا مزید کہنا تھا کہ سی ویو پر مخصوص مقامات پر رکاوٹیں لگادی گئیں ہیں، صرف فیملیز سال نو کی تفریح کے لیے سی ویو آسکتی ہیں، پولیس کی بھاری نفری مختلف مقامات پر تعینات ہے، ساحل کی پٹی پر زیادہ تر کاروبار 8 بجے بند کرادیا جائے گا۔

  • پشاور میں قیام امن کیلئے دفعہ 144 کا نفاذ

    پشاور میں قیام امن کیلئے دفعہ 144 کا نفاذ

    پشاور : ڈپٹی کمشنر پشاور نے شہر میں قیام امن کیلئے دفعہ 144نافذ کردی ہے، شہریوں پر موٹر سائیکل پر ڈبل سواری اور اسلحہ کی نمائش پر بھی پابندی عائد کی گئی ہے۔

    اس حوالے سے ذرائع کا کہنا ہے کہ ڈی سی پشاور کے مطابق دفعہ 144 شہر میں سیکورٹی کے پیش نظر اور امن وامان قائم رکھنے کیلئے نافذ کی گئی ہے, تاہم تازہ ترین اطلاعات  میں ابھی تک یہ واضح نہیں ہوسکا کہ اس پابندی کا نفاذ کتنے عرصے کیلئے ہے۔

    ڈپٹی کمشنر نے کہا ہے کہ دفعہ144 کے تحت پشاور میں موٹر سائیکل کی ڈبل سواری پر پابندی کے علاوہ اسلحہ کی نمائش بھی سختی سے ممنوع ہوگی، خلاف ورزی کرنے والوں کیخلاف سخت قانونی کارروائی کی جائے گی۔

    ڈپٹی کمشنر کا مزید کہنا ہے کہ اس کے علاوہ سیکیورٹی صورتحال کے پیش نظر  پشاور میں افغان مہاجرین کی نقل وحرکت پر بھی پابندی عائد کردی گئی ہے۔

  • پنجاب پولیس کی ناجائز منافع خوروں و ذخیرہ اندوزوں کے خلاف کارروائی، 12 گرفتار

    پنجاب پولیس کی ناجائز منافع خوروں و ذخیرہ اندوزوں کے خلاف کارروائی، 12 گرفتار

    لاہور: حکومت پنجاب نے اشیائے خوردونوش کی قیمتوں میں استحکام پیدا کرنے، دفعہ144کی خلاف ورزی اور ناجائز منافع خوری و ذخیرہ اندوزوں کے خلاف سخت کارروائی کرتے ہوئے کریک ڈاؤن شروع کردیا ہے۔

    تفصیلات کے مطابق پولیس نے دفعہ144کی خلاف ورزی اور ذخیرہ اندوزی کیخلاف کریک ڈاؤن کرتے ہوئے مختلف اضلاع میں 1329قانون شکنوں کو حراست میں لے لیا، دفعہ 144کی خلاف ورزی پر818،ذخیرہ اندوزوں کیخلاف21مقدمات درج کیے گئے۔

    لاہور پولیس کے مطابق مختلف اضلاع میں 1329قانون شکنوں کو حراست میں لیا گیا۔ حراست میں لئے گئے افراد میں سے 209کو وارننگ دے کر چھوڑا گیا جبکہ پرائس کنٹرول، ذخیرہ اندوزی ایکٹ کی خلاف ورزی پر 21ملزمان زیرحراست ہیں۔

    آئی جی پنجاب نے پولیس افسران کو کارروائیاں مزید تیزی کرنے کی ہدایت کرتے ہوئے کہا ہے کہ کارکردگی رپورٹ روزانہ کی بنیاد پر سی پی او بھجوائی جائے، پولیس ٹیمیں اداروں سے مل کر انسداد کورونا اقدامات میں حصہ لیں، افسران و اہلکار کورونا سے بچاؤ کی تدابیر پر عملدرآمد یقینی بنائیں۔

    ذرائع کے مطابق اس سلسلے میں جاری ہدایات میں افسران کو کہا گیا ہے کہ روز مرہ کی اشیاء مہنگے داموں پر فروخت کرنے والوں کے خلاف کریک ڈائون کرتے ہوئے ذخیرہ اندوزی کرنے والوں کو گرفتار کرکے سامان ضبط کرلیا جائے اور ضبط شدہ سامان فوری طور پر غریب لوگوں میں تقسیم کیا جائے۔

  • کرونا وائرس، پشاور میں آئندہ 2 ہفتے کے لیے دفعہ 144 نافذ

    کرونا وائرس، پشاور میں آئندہ 2 ہفتے کے لیے دفعہ 144 نافذ

    پشاور: کرونا وائرس کے پیش نظر پشاور میں آئندہ 2 ہفتے کے لیے دفعہ 144 نافذ کردی گئی جس کا نوٹیفکیشن بھی جاری کردیا گیا ہے۔

    اے آر وائی نیوز کی رپورٹ کے مطابق کرونا وائرس کے سبب پشاور میں آئندہ 2 ہفتے کے لیے دفعہ 144 کا نفاذ ہوگیا، ہر قسم کے سماجی، مذہبی یا دیگر تقریبات پر پابندی ہوگی، سرکاری یا ذاتی جگہوں پر مجمع اکٹھا کرنے پر بھی پابندی ہوگی۔

    ترجمان ضلعی انتظامیہ کا کہنا ہے کہ پابندی کا اطلاق 7 اپریل تک ہوگا، پابندی کا اطلاق اسپتالوں، کلینکس، لیبارٹریز پر نہیں ہوگا، فارماسیوٹیکل فیکٹری اور میڈیکل اسٹورز بھی کھلے رہیں گے۔

    نوٹیفکیشن کے مطابق ایک خاندان کے 2 افراد صرف اشیائے خوردونوش کی خریداری کے لیے مستثنیٰ قرار دئیے گئے ہیں۔

    مزید پڑھیں: لاک ڈاؤن مزید سخت، کراچی میں سناٹے کے ڈیرے

    واضح رہے کہ پاکستان میں کرونا وائرس کے مریضوں کی تعداد ایک ہزار 22 ہوگئی ہے، سندھ میں 413، پنجاب میں 310، بلوچستان میں 117 کرونا وائرس کے مریض ہیں۔

    اسی طرح گلگت بلتستان میں 81، پشاور میں 80، اسلام آباد 20 اور آزاد کشمیر میں ایک مریض ہے، گزشتہ روز دوپہر 12 بجے سے رپورٹ کیے گئے مریضوں کی تعداد 50 ہے، ملک میں کرونا وائرس سے انتقال کرجانے والوں کی تعداد 8 ہوگئی ہے۔

  • اسلام آباد کے مختلف مقامات پر دفعہ 144 نافذ، نوٹیفکیشن جاری

    اسلام آباد کے مختلف مقامات پر دفعہ 144 نافذ، نوٹیفکیشن جاری

    اسلام آباد: وفاقی دارالحکومت اسلام آباد کے مختلف مقامات پر دفعہ 144 نافذ کردی گئی۔

    تفصیلات کے مطابق اسلام آباد کے مختلف مقامات پر دفعہ 144 نافذ کردی گئی جس کا نوٹیفکیشن بھی جاری کردیا گیا ہے۔

    نوٹیفکیشن کے مطابق مخصوص مقامات بشمول ریڈ زون میں 5 یا اس سے زائد افراد کے اکٹھے ہونے پر پابندی ہوگی۔

    دفعہ 144 کا نفاذ اسلام آباد کے علاقوں خیابان سہروردی، تھرڈ ایونیو، فورتھ ایونیو، اور سرینہ چوک میں بھی ہوگا، 2 ماہ تک نجی ہاؤسنگ سوسائٹیز کی تشہیر پر بھی پابندی عائد ہوگی۔

    نوٹیفکیشن کے مطابق خطبہ اور جمعہ کی نماز کے علاوہ لاؤڈ اسپیکر کے استعمال پر پابندی عائد ہوگی۔

    اسلام آباد کے گردونواح میں بارودی کان کنی اور آتشبازی پر بھی پابندی ہوگی جبکہ سرکاری اہلکاروں کے علاوہ اسلحے کی نمائش پر مکمل پابندی عائد ہوگی۔

  • بابر اعظم، فہیم اشرف اور عمر اکمل کی دفعہ 144 کی خلاف ورزی

    بابر اعظم، فہیم اشرف اور عمر اکمل کی دفعہ 144 کی خلاف ورزی

    فیصل آباد: سینٹرل پنجاب کے کپتان اور ٹی ٹوینٹی کپتان منتخب ہونے والے بابر اعظم، فہیم اشرف اور عمر اکمل نے اسٹیڈیم میں موج مستیاں شروع کردیں۔

    تفصیلات کے مطابق نیشنل ٹی ٹوینٹی کپ میں قومی کرکٹ ٹیم کے تین کھلاڑیوں بابراعظم، فہیم اشرف اور عمر اکمل اقبال اسٹیڈیم فیصل آباد میں پتنگ بازی کرتے رہے، ضلعی انتظامیہ نے دفعہ 144 کے تحت پتنگ بازی پر پابندی لگا رکھی ہے۔

    ذرائع کے مطابق بارش کے باعث سینٹرل پنجاب اور سدرن پنجاب کے درمیان میچ نہیں ہوسکا تھا، میچ نہ ہونے کے فیصلے کے بعد تینوں کھلاڑی پتنگ بازی سے لطف اٹھاتے رہے۔

    نئے قومی کپتان کو پتنگ بازی کرتے دیکھ کر شائقین نے خوشی سے نعرے لگائے۔

    مزید پڑھیں: سرفراز احمد کو دیگر کھلاڑیوں کے دھکے دینے کی ویڈیو وائرل

    ادھر نیشنل ٹی ٹوینٹی میں ناردرن ایریا نے خیبرپختونخوا کو 7 وکٹوں سے شکست دی، بارش کے باعث ناردرن ایریا کو 135 کی بجائے 101 رنز کا ٹارگٹ ملا۔

    ناردرن ایریا نے مطلوبہ ہدف 3 وکٹوں کے نقصان پر 12 اوورز میں حاصل کرلیا، ناردرن ایریا کے فاسٹ بولر محمد موسیٰ کو مین آف دی میچ قرار دیا گیا۔

    محمد موسیٰ نے 38 رنز دے کر خیبرپختونخوا کے 4 کھلاڑی شکار کیے، ایونٹ میں 21 اکتوبر کو سندھ اور سدرن پنجاب مدمقابل ہوں گے۔