ARYNews.tv | Urdu – Har Lamha Bakhabar

Tag: security plan

  • کراچی : یوم علیؓ کے جلوس کا شیڈول جاری، سیکیورٹی پلان تیار

    کراچی : یوم علیؓ کے جلوس کا شیڈول جاری، سیکیورٹی پلان تیار

    کراچی میں یوم علیؓ کے جلوس کا شیڈول جاری کردیا گیا، جلوس نشتر پارک سے برآمد ہوگا، نماز ظہرین ایم اے جناح روڈ امام بارگاہ علی رضا کے سامنے ادا کی جائے گی۔

    کراچی میں یوم علی کے مرکزی جلوس کے سلسلے میں روٹ پر کنٹینر لگنا شروع ہوگئے، دکانوں کو تلاشی کے بعد سربمہر (سیل) کیا جا رہا ہے۔ مرکزی جلوس سی بریز، ایمپریس مارکیٹ، ریگل چوک ،ٹاور سے ہوتا ہوا حسینیہ ایرانیاں کھارادر پر اختتام پذیر ہوگا۔

    یوم علیؓ کے جلوس کی آمد سے قبل اطراف کے راستوں کو کنٹینر لگا کر بند کر دیا جائے گا، سی سی ٹی وی کیمروں اور ڈرونز کی مدد سے جلوس کے راستوں کی نگرانی کی جائے گی۔

    کراچی پولیس نے یومِ علی کے موقع پر مرکزی جلوس کے تحفظ کیلیے فول پروف سیکیورٹی انتظامات کیے ہیں۔ اس حوالے سے ایڈیشنل آئی جی کراچی جاوید عالم اوڈھو نے یومِ علیؑ کے مرکزی جلوس کے سیکیورٹی انتظامات کا تفصیلی جائزہ لیا ہے۔

    اے آر وائی نیوز کی رپورٹ کے مطابق پولیس ترجمان کا کہنا ہے کہ مرکزی جلوس کے روٹ اور اس سے متصل گزرگاہوں پر سیکیورٹی کے سخت اقدامات کیے گئے ہیں۔

    ترجمان کے مطابق مجموعی طور پر 5367 پولیس افسران اور جوان حفاظتی ڈیوٹی پرمامور ہیں، جلوس کے داخلی اور خارجی راستوں پر واک تھرو گیٹس نصب کیے گئے ہیں۔

    اس کے علاوہ جلوس میں آنے والے شرکاء کی تلاشی کیلئے بم ڈسپوزل اسکواڈ اور اسپیشل برانچ کے اہلکار بھی تعینات کیے گئے ہیں۔

    قبل ازیں ایڈیشنل آئی جی کراچی جاوید عالم اوڈھو نے اعلیٰ پولیس افسران کے ہمراہ یومِ علی کے مرکزی جلوس کے سیکیورٹی انتظامات کا تفصیلی جائزہ لیا۔

    پولیس حکام نے ایڈیشنل آئی جی کو جلوس کے داخلی و خارجی راستوں کی سیکیورٹی، حساس مقامات پر پولیس تعیناتی، اسنائپرز کی پوزیشننگ، اور سی سی ٹی وی مانیٹرنگ سے متعلق تفصیلی بریفنگ دی۔

  • محرم الحرام : سیکیورٹی پلان اور پیپلز بس سروس سے متعلق اہم اعلان

    محرم الحرام : سیکیورٹی پلان اور پیپلز بس سروس سے متعلق اہم اعلان

    کراچی : پولیس نے محرم الحرام سے متعلق سیکیورٹی پلان جاری اور سندھ حکومت نے پیپلز بس سروس کی جزوی معطلی کا اعلان کردیا۔

    تفصیلات کے مطابق ترجمان کراچی پولیس کا کہنا ہے کہ محرم الحرام کے دوران پولیس کے 17 ہزار 947 افسران اور اہلکار سیکیورٹی پر تعینات کیے جائیں گے۔

    ترجمان کے مطابق محرم کے دوران 1 ہزار 49 جلوس برآمد ہوں گے جبکہ 4 ہزار 664 مجالس ہوں گی، مجالس پر 4 ہزار 392 جبکہ جلوسوں پر 11 ہزار 628 اہلکار ڈیوٹی دیں گے۔

    کراچی پولیس ترجمان کے مطابق انتہائی حساس مقامات پر 1 ہزار 927 افسران اور جوان سیکیورٹی ڈیوٹی کے فرائض سر انجام دیں گے۔

    ترجمان کے مطابق محرم کی ڈیوٹی کےلیے ٹریفک پولیس کے 987 افسران اور جوان موجود رہیں گے۔

    پیپلز بس سروس معطل 

    علاوہ ازیں سندھ حکومت کے اعلامیے میں کہا گیا ہے کہ کراچی میں 9اور10محرم الحرام کو پیپلز بس سروس جزوی طور پر معطل رہے گی جبکہ ملیرہالٹ سے سپرہائی وے جانے والی بس سروس جاری رہے گی۔

    کراچی میں محرم کے مرکزی جلوسوں کی سیکیورٹی کے لیے اقدامات جاری ہیں، جلوس کے روٹس پر موجود تمام گلیوں، گزرگاہوں،روڈ کو سیل کیا جارہا ہے۔

    پولیس کے مطابق تمام متعلقہ گلیوں اور سڑکوں کو کنٹینرز اور دیگر رکاوٹیں لگا کر بند کیا جارہا ہے، سولجر بازار،ایم اے جناح روڈ، صدر، ریگل چوک کو سیل کردیا گیا۔

    اس کے علاوہ تبت سینٹر، جامع کلاتھ مارکیٹ، لائٹ ہاؤس کی گلیوں کو سیل کردیا گیا، بولٹن مارکیٹ اورکھارادر کے مقامات پرگلیوں کو بھی سیل کیا گیا ہے، مرکزی جلوس کے روٹ پر بیشتر راستے3روز تک بند رہیں گے۔

  • کراچی :پی ایس ایل میچز کیلئے سیکیورٹی پلان مرتب

    کراچی :پی ایس ایل میچز کیلئے سیکیورٹی پلان مرتب

    کراچی: پاکستان سپر لیگ سیزن 7 کا میلہ کل سے شروع ہونے جارہا ہے، میگا ایونٹ کو کامیاب بنانے کے لئے سیکیورٹی ڈویژن نے جامع سیکیورٹی پلان ترتیب دیے دیا گیا ہے۔

    پاکستان سپرلیگ کےساتویں ایڈیشن کا آغاز کل سے نیشنل اسٹیڈیم کراچی میں ہونے جارہا ہے،ایونٹ کیلئے تمام تیاریاں مکمل کرلی گئیں، سیکیورٹی کے حوالے اور کرونا وبا کے پیش نظر شائقین کرکٹ کے لئے اہم ہدایات جاری کردی گئیں جو کہ درج ذیل ہیں۔

    سیکیورٹی پلان

    پی ایس ایل سیزن 7 کے لئے سیکیورٹی ڈویژن نے جامع سیکیورٹی پلان مرتب کیا ہے، مجموعی طور پر 5 ہزار 650 اہلکار سیکیورٹی پر مامور ہوں گے، سیکیورٹی ڈویژن کے1700اہلکار فرائض انجام دیں گے جبکہ ایس ایس یو کے 1200 کمانڈوز بھی تعینات کیے جائیں گے۔

    اس کے علاوہ ٹریفک پولیس کے 1500، اسپیشل برانچ کے 500 اہلکار،ریپڈ رسپانس فورس کے 250 اہلکارتعینات کیے جائیں گے، کسی بھی ہنگامی صورتحال کے لیے سواٹ ٹیم ہمہ وقت الرٹ رہے گی، سندھ رینجرزاور دیگر نافذ کرنے والے ادارے کےاہلکاربھی فرائض انجام دیں گے۔HBL PSL 6: Security arrangements tightened in Karachiٹیموں کی نقل وحرکت کے دوران ماہر نشانہ باز بھی اہم تنصیبات پر تعینات کیے جائیں گے، اہلکار نیشنل اسٹیڈیم، کراچی ایئرپورٹ اور متعین روٹس پر تعینات ہوں گے،ٹیموں کی نقل وحرکت کے دوران فضائی نگرانی بھی کی جائے گی جبکہ نیشنل اسٹیڈیم کے باہر خصوصی کمانڈ اینڈ کنٹرول بس موجود ہوگی۔

    ماسک کا لازمی استعمال

    اے آر وائی نیوز کے مطابق سیکیورٹی پلان کے تحت قومی شناختی کارڈ اور کوویڈ ویکسی نیشن سرٹیفکیٹ کے حامل افراد کو اسٹیڈیم میں داخلے کی اجازت دی جائے گی، اسٹیڈیم میں داخلے کے وقت ماسک پہننا لازمی ہوگا، کرونا وبا سے متعلق این سی او سی رولز کی خلاف ورزی پر اسٹیڈیم سے نکال دیا جائے گا۔

    وہ اشیا جو اسٹیڈیم میں لانا ممنوع ہوگی

    سیکیورٹی پلان کے تحت اسٹیڈیم میں سگریٹ، ماچس، لائٹر، چاقو، دھاتی اشیا لانے کی اجازت نہ ہوگی جبکہ آتشی اسلحہ، کھلونا بندوقیں، دھماکہ خیز مواد اور پٹاخے لانا بھی سخت ممنوع قرار دیا گیا ہے۔

    گاڑیوں کی پارکنگ

    پاکستان سپر لیگ میچز کے شائقین کی گاڑیوں کی پارکنگ کے لیے پوائنٹس مختص کردئیے گئے ہیں، تمام میچز کے تماشائیوں کی گاڑیوں کی پارکنگ کے لیے حسب سابق مختلف پوائنٹس مختص کیے گئے ہیں جہاں سے شٹل سروس کے ذریعے تماشائیوں کو نیشنل اسٹیڈیم تک پہنچایا جائے گا۔PCB delighted with crowd support, quality of cricket in HBL PSL 2020 to dateڈی آئی جی سکیورٹی اینڈ ایمرجنسی سروسز ڈویژن کے ترجمان کے مطابق گاڑیاں پارک کرنے کے لیے پارکنگ گلشن اقبال میں یونیورسٹی روڈ پر بیت المکرم مسجد کے قریب حکیم سعید گراؤنڈ کو پارکنگ کے لیے مختص کیا گیا ہے جبکہ نیشنل کوچنگ سینٹر سے ملحقہ چائنا گرائونڈ صرف وی آئی پی ویز کی گاڑیوں کی پارکنگ کے لیے مختص ہوگا۔

  • عید پرسیکیورٹی انتظامات مکمل، زبردستی فطرہ جمع کرنے کی اجازت نہیں ہے، رینجرز

    عید پرسیکیورٹی انتظامات مکمل، زبردستی فطرہ جمع کرنے کی اجازت نہیں ہے، رینجرز

    کراچی: شہرقائد میں عید الفطر کے موقع پر امن و امن کو یقینی بنانے کے لیے سندھ رینجرز نے سیکیورٹی سے متعلق اقدامات مکمل کرلیے، کسی کو بھی زبردستی فطرہ جمع کرنے کی اجازت نہیں ہوگی۔

    تفصیلات کے مطابق سندھ رینجرز کے ترجمان کی جانب سے کہا گیا ہے کہ عید الفطر کی نماز کے اجتماعات، مساجد ، امام بارگاہوں اور جماعت خانوں کی سخت نگرانی کی جائے گی۔

    ترجمان رینجرز کا کہنا ہے کہ شہر کی شاہ راہوں پر رینجرز کے جوان تعینات رہیں گے، اسنیپ چیکنگ،موبائل پٹرولنگ اورموٹرسائیکل سوار دستوں کا گشت مزیدبڑھادیاگیاہے۔

    یہ بھی کہا گیا ہے کہ شہر میں عید الفطر کے موقع پر اسلحہ لےکر چلنے اورہوائی فائرنگ کی اجازت کسی صورت نہیں ہو گی اورقانون کی خلاف ورزی کرنے والوں کے خلاف کارروائی کی جائے گی۔

    رینجرز کے ترجمان کا کہنا تھا کہ گزشتہ سال کی طرح اس سال بھی کسی بھی فردیاادارےکوزبردستی فطرہ اکٹھاکرنےکی اجازت نہیں ہے ۔عوام دہشت گردی کی روک تھا م کے لیے سیکیورٹی اداروں کا ساتھ دیں اور مشکوک فردیاسرگرمی کی اطلاع فور ی طورپررینجرز ہیلپ لائن پردیں۔

  • پاکستان میں چینی باشندوں کاسیکیورٹی پلان تبدیل کرنے کا فیصلہ

    پاکستان میں چینی باشندوں کاسیکیورٹی پلان تبدیل کرنے کا فیصلہ

    اسلام آباد : چینی قونصل خانے پر حملے کے بعد پاکستان میں چینی باشندوں کا سیکیورٹی پلان تبدیل کرنے اور سیکیورٹی کے لیے پروجیکٹس کی نگرانی بڑھانے کا بھی فیصلہ کیا گیا ہے۔

    تفصیلات کے مطابق چینی قونصل خانے پر حملے کے بعد پاکستان میں چینی باشندوں کا سیکیورٹی پلان تبدیل کرنے کا فیصلہ کیا گیا ہے ، سی پیک اور دیگر منصوبوں پرکام کرنے والوں کا سیکیورٹی پلان تبدیل کیا جائے گا۔

    ذرائع کا کہنا ہے کہ منصوبوں پرکام کرنےوالےچینی باشندوں کی سیکیورٹی اسکریننگ کی جائےگی جبکہ چینی باشندوں کی سیکیورٹی کے لیے پروجیکٹس کی نگرانی بڑھانے کا بھی فیصلہ کیا گیا ہے۔

    سیکیورٹی پلان کے حوالے سے وفاقی وزارت داخلہ صوبائی حکومتوں کےساتھ کوآرڈینیشن کرے گی۔

    مزید پڑھیں : چینی قونصل خانے پرحملے کی کوشش ناکام ‘ 2 پولیس اہلکار شہید ‘ 3 دہشت گرد ہلاک

    یاد رہے گذشتہ روز چینی قونصل خانے پر حملے کی کوشش ناکام بنادی گئی تھی ، جس کے نتیجے میں دوپولیس اہلکار اور دو شہری شہید ہوئے جبکہ تین دہشت گردوں کو ہلاک کردیا گیا تھا، دہشت گردی کی اس کارروائی میں چینی قونصل جنرل اورتمام عملہ محفوظ رہا تھا۔

    بعد ازاں بھارت نواز کالعدم تنظیم بی ایل اے نے چینی قونصلیٹ پر حملے کی ذمہ داری قبول کی تھی۔

    دوسری جانب چینی قونصلیٹ پر حملہ کرنے والے تینوں دہشت گردوں کی شناخت ہوئی تھی، ایک حملہ آور کی شناخت خاران کے رہائشی رزاق کے نام سے دوسرے کی ازل خان مری عرف سنگت دادا کے نام سے جبکہ تیسرے حملہ آور کی شناخت رئیس بلوچ کے نام سے ہوئی تھی۔

  • ضمنی انتخابات کے لئے سیکیورٹی پلان تیار کرلیا ہے، آئی جی سندھ کلیم امام

    ضمنی انتخابات کے لئے سیکیورٹی پلان تیار کرلیا ہے، آئی جی سندھ کلیم امام

    کراچی : آئی جی سندھ ڈاکٹر سید کلیم امام نے کہا ہے کہ سندھ پولیس نے ضمنی انتخابات کے لئے سیکیورٹی پلان تیار کرلیا ہے، سیکیورٹی اقدامات کو ہرسطح پر غیر معمولی بنایا جائے گا۔

    یہ بات انہوں نے کراچی میں میڈیا سے گفتگو کرتے ہوئے کہی، آئی جی سندھ نے کہا کہ پولینگ اسٹیشنوں پر سیکیورٹی انتہائی ٹھوس اور مؤثر بنانے کی ہدایت جاری کردی گئیں ہیں.

    اداروں کے درمیان روابط مضبوط اور پائیدار بنائے جائیں اور سیاسی قائدین و رہنماؤں سمیت کارکنان سے تعاون ممکن بنایا جائے۔

    کلیم امام نے مزید کہا کہ بیلٹ باکسز کی ترسیل کے اقدامات کو ہر لحاظ سے محفوظ بنایا جائے گا، حساس پولنگ اسٹیشنز پر کمانڈوز کو ذمہ داریاں تفویض کی جائیں گی۔

    واضح رہے کہ ملک بھر میں قومی اور صوبائی اسمبلی کے پینتیس حلقوں میں ضمنی انتخاب کا میدان آج بروز اتوار چودہ اکتوبر کو سجے گا۔ ضمنی انتخابات کیلئے641 امیدوار میدان میں ہیں۔ ایک ہزار سات سو استائیس پولنگ اسٹیشنز حساس قرار دے دئیے گئے ہیں۔

    کسی بھی ناخوشگوار واقعے سے نمٹنے کیلئے پولنگ اسٹیشنزپر فوج تعینات ہوگی، فوج کی تعیناتی کا فیصلہ آئین کے آرٹیکل 220 اور 245 کے تحت کیا گیا ہے، انتخابات کیلئے اسلام آباد انتظامیہ نے رینجرز کی مدد طلب کرلی۔

  • کراچی شہر میں الیکشن کے روز32 ہزار 849 اہلکار تعینات ہوں گے

    کراچی شہر میں الیکشن کے روز32 ہزار 849 اہلکار تعینات ہوں گے

    کراچی: شہرقائد میں الیکشن کے روز 32 ہزار 849 اہلکار تعینات ہوں گے جب کہ 1181 پولنگ اسٹیشنز انتہائی حساس اور 2670 کو حساس قرار دیا گیا ہے۔

    تفصیلات کے مطابق کراچی میں عام انتخابات کے سیکیورٹی پلان کو حتمی شکل دے دی گئی ہے، الیکشن کمیشن کا کہنا ہے کہ 32 ہزار 849 اہلکار الیکشن کے روز تعینات ہوں گے جب کہ 10 ہزار قومی رضاکار یا سیکیورٹی گارڈز کی خدمات لی جاسکتی ہیں۔

    الیکشن کمیشن کے مطابق سیکیورٹی پلان میں ضلع شرقی میں 112 پولنگ بلڈنگز اور 254پولنگ اسٹیشنز انتہائی حساس قرار جب کہ 117 پولنگ بلڈنگز اور 220 پولنگ اسٹیشنز حساس قرار دیے گئے ہیں۔

    ضلع ملیر میں 18 پولنگ بلڈنگز اور 24 پولنگ اسٹیشنز انتہائی حساس قرار جب کہ 105 پولنگ بلڈنگز اور 138 پولنگ اسٹیشنز کو حساس قرار دیا گیا ہے۔

    ضلع کورنگی میں 138 پولنگ بلڈنگز اور 262 پولنگ اسٹیشنز انتہائی حساس قرار جب کہ ضلع کورنگی کی 206 پولنگ بلڈنگز اور 363 پولنگ اسٹیشنز حساس قرار دیئے گئے۔

    ضلع وسطی میں 63 پولنگ بلڈنگز اور 223 پولنگ اسٹیشنز انتہائی حساس قرار جب کہ ضلع وسطی کی 278 پولنگ بلڈنگز اور 747 پولنگ اسٹیشنز کو حساس قرار دیا گیا۔

    ضلع غربی میں 123 پولنگ بلڈنگز اور 215 پولنگ اسٹیشنز انتہائی حساس قرار جب کہ ضلع غربی کی 440 پولنگ بلڈنگز اور745 پولنگ اسٹیشنز حساس قرار دیئے گئے ہیں۔

    ضلع جنوبی کی تمام پولنگ بلڈنگز اور پولنگ اسٹیشنز انتہائی حساس اور حساس قرار دیئے گئے ہیں۔

    ضلع سٹی میں 84 پولنگ بلڈنگز اور 138 پولنگ اسٹیشنز کو انتہائی حساس قرار جب کہ 236 پولنگ بلڈنگز اور 363 پولنگ اسٹیشنز کو حساس قرار دیا گیا ہے۔

    سیکیورٹی پلان بی کے مطابق شہر میں 633 پولنگ بلڈنگز اور 991 پولنگ بوتھ نارمل قرار دیئے گئے ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پی ایس ایل: فائنل کے لیے ٹریفک پلان جاری

    پی ایس ایل: فائنل کے لیے ٹریفک پلان جاری

    کراچی: نیشنل اسٹیڈیم کراچی میں معنقدہ پی ایس ایل تھری کے فائنل کے پیش نظر انتظامیہ نے ٹریفک پلان جاری کر دیا ہے۔

    تفصیلات کے مطابق وزیر ٹرانسپورٹ سندھ ناصر حسین شاہ کے ہمراہ پریس کانفرنس کرتے ہوئے ڈی آئی جی ٹریفک عمران یعقوب نے کہا کہ پی ایس ایل فائنل کے لیے سیکیورٹی وجوہات کی بناء پر مخصوص شاہراہوں کو عام ٹریفک کیلیے بند کیا جائے گا۔

    عمران یعقوب کا کہنا تھا کہ بند کیے جانے والے روٹس پر شٹل سروس چلائی جائیں گی، شٹل بسوں کے لیے تین گراؤنڈز مختص کئے گئے ہیں، وفاقی اردو یونی ورسٹی گراؤنڈ، حکیم سعید گراؤنڈ اور بیت المکرم مسجد کے سامنے اتوار بازار گراؤنڈ سے شٹل بس سروس چلے گی۔

    پی ایس ایل فائنل کے لیے سیکیورٹی انتظامات مکمل

    انہوں نے کہا کہ ڈالمیا روڈ عام ٹریفک کے لیے بند کر دیا جائے گا اور حسن اسکوائر سے اسٹیڈیم کی طرف آنے والا پل بھی عام ٹریفک کے لیے بند رہے گا۔ علاوہ ازیں نیو ٹاؤن سے بھی عام ٹریفک کا داخلہ بند ہو گا لیکن اسٹیڈیم روڈ پر واقعہ نجی اسپتالوں کے لیے ڈاکٹرز، پیرا میڈیکل اسٹاف، مریض اور ایمبولینسوں کو داخلے کی اجازت ہو گی۔

    ڈی آئی جی ٹریفک عمران تعقوب نے کہا کہ پہلا ڈائی ورژن کارساز روڈ کا ٹرننگ پوائنٹ ہے جو یونی روسٹی روڈ سے دائیں جانب ہوتا ہوا اسٹیڈیم کی طرف جاتا ہے، یہ روڈ عام ٹریفک کے لیے بند کر رہے گا، عوام سے اپیل ہے کہ وہ راشد منہاس روڈ سے مڑ کر گلشن اقبال اور لیاقت آباد 10 نمبر کی طرف جائیں۔

    پی ایس ایل فائنل، کراچی کوسجا کرکھلاڑیوں کا پرتپاک استقبال کریں گے، وسیم اختر

    ان کا مزید کہنا تھا کہ شارع فیصل پر دو طرفہ ٹریفک چلیں گی، شاہراہ قائدین، راشد منہاس روڈ بھی مکمل طور کھلا رہے گا اور شاہراہ پاکستان پر ٹریفک مکمل طور پر بحال رہے گی۔

    یاد رہے کہ پاکستان سپر لیگ کے تیسرے ایڈیشن کا فائنل 25 مارچ کو کراچی کے نیشنل اسٹیڈیم میں کھیلا جائے گا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پی ایس ایل کا فائنل 25 مارچ کوکراچی میں ہوگا، نجم سیٹھی

    پی ایس ایل کا فائنل 25 مارچ کوکراچی میں ہوگا، نجم سیٹھی

    کراچی : پی سی بی کے چیئرمین نجم سیٹھی نے کہا کہ پی ایس ایل کا فائنل25مارچ کو کراچی میں ہوگا، ہماری پوری کوشش ہے کہ 15فروری تک کراچی اسٹیڈیم تیار ہوجائے۔

    یہ بات انہوں نے کراچی میں میڈیا سے گفتگو کرتے ہوئے کہی، چیئرمین پی سی بی نے کہا کہ میرے دورہ کراچی کے دو تین مقاصد تھے، وزیراعلیٰ سندھ ، ڈی جی رینجرز سے ملاقات ہوئی۔

    سب سے پہلے پی ایس ایل کے حوالے سے سیکیورٹی اقدامات پر بات چیت ہوئی، ایونٹ کیلئے پہلے سیکیورٹی پلان بنے گا، غیر ملکی ماہرین کو بلا کر سیکیورٹی پلان پر بریفنگ دیناہوگی۔

    نجم سیٹھی نے کہا کہ سندھ حکومت پی ایس ایل فائنل کیلئے بھرپورتعاون کررہی ہے، پی ایس ایل کا فائنل 25مارچ کو کراچی میں ہوگا، کراچی میں میچ کرانے سے دنیا کو امن کا پیغام جائیگا۔

    ہماری پوری کوشش ہے کہ کراچی اسٹیڈیم کو ایونٹ سے قبل مکمل کرلیا جائے،15فروری نہیں تو مارچ میں بھی مکمل ہوجائے تو کوئی فرق نہیں پڑتا، خوانخواستہ کسی وجہ پر کراچی میں میچ نہ ہوا تو پھر لاہور میں ہوگا۔

    ایک سوال کے جواب میں ان کا کہنا تھا کہ بھارت سے ہونے والے کنٹریکٹ کے حوالے سے ہم چاہتے ہیں اس پر عمل بھی ہو، اگر بھارت کو پاکستان کے ساتھ سیریز نہیں کھیلنی نہیں تھی تو پھر کنٹریکٹ کیوں کیا؟

    مزید پڑھیں: آئی سی سی ایونٹس میں بھارت پاکستان سے کھیل سکتا ہے تو سیریز کیوں نہیں؟ نجم سیٹھی

    آئی سی سی میں سب کا درجہ برابر ہے۔ چیئرمین پی سی بی نے صحافیوں سے کہا کہ مصروفیت کے باعث میڈیا کو صحیح سے ٹائم نہیں دے سکا۔

  • محرم کا آغاز، امام بارگاہوں اور مجالس کی سیکیورٹی سخت

    محرم کا آغاز، امام بارگاہوں اور مجالس کی سیکیورٹی سخت

    کراچی : محرم الحرام کے آغاز کے ساتھ ہی ملک بھر میں امام بارگاہوں اور مجالس کی سیکیورٹی کے لیے انتہائی سخت انتظامات کیے گئے ہیں۔

    تفصیلات کے مطابق عشرہ محرم میں امن و امان کو یقینی بنانے کے لیے سیکیورٹی پلان تیار کرلیا گیا ، سندھ بھر میں مجموعی طور پر پینسٹھ ہزارایک سو انتیس پولیس اہلکار سیکیورٹی پر مامور ہے جبکہ موٹر سائیکلز پر سوار افسران اور جوان پیٹرولنگ کریں گے جبکہ کراچی میں کوئیک رسپانس فورس تشکیل دے دی گئی ہے۔

    جلوس کی گزرگاہوں کی سی سی ٹی وی کیمروں سے مانیٹرنگ ہوگی جبکہ جلوسوں کی گذرگاہوں پر بم ڈسپوزل اسکواڈ سے ٹیکنکل سوئپنگ کے عملی اقدامات بھی کیئے گئے ہیں۔

    اسلام آباد میں بھی محرم کا آغاز ہوتے ہی سکیورٹی سخت کردی گئی ہے ، امن و امان کے لئے پولیس اور رینجرز نے فلیگ مارچ کیا۔

    گوجرانوالہ میں پولیس کے پانچ ہزار اہلکار سیکیورٹی کے فرائض انجام دیں گے، جلوس اور مجالس کیطرف جانیوالے راستے عام ٹریفک کیلیے بند رہیں گے جبکہ جلوس کے راستوں پر ماہر نشانہ باز تعینات ہونگے۔

    مزید پڑھیں : محرم الحرام کا چاند نظر آگیا، یوم عاشوراتوارکوہوگا

     سی پی او اشفاق خان سی پی او گوجرانوالہ اشفاق احمد خان نے اس سلسلہ میں مختلف امام بارگاہوں کا دورہ کیا اور سیکیورٹی کے انتظامات کا جائزہ لیا، سی پی او اشفاق خان محرم الحرام میں سیکیورٹی کو فول پروف بنانے کے لیے جلوسوں اور مجالس کو تین کٹیگری میں تقسیم کیا گیا ہے، جن میں 42 جلوس اور 47 مجالس کوحساس ترین قرار دیا گیا ہے۔

    پولیس کی طرف سے ابام بارگاہوں سے ملحقہ گھروں رہائش پذیر افراد کا ریکارڈ بھی چیک کیا جا رہا ہے۔

    امن و امان کی صورتحال کو بہتر رکھنے کے لیے پولیس اور پیرا ملٹری فورس کے علاوہ حساس علاقوں میں فوجی دستے بھی تعینات کیے گئے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔