لاہور : وزیر قانون پنجاب رانا ثناء اللہ نے کہا ہے کہ حمزہ شہباز شریف کو سیکیورٹی خدشات ہیں اس لیے حلقہ این اے120میں ذمہ داریاں پرویز ملک کو دی گئی ہیں۔
ان خیالات کا اظہار انہوں نے اے آر وائی نیوز کے پروگرام اعتراض ہے میں میزبان عادل عباسی سے خصوصی گفتگو کرتے ہوئے کیا،۔
رانا ثناء اللہ نے کہا کہ این اے 120 میں محترمہ کلثوم نواز کی انتخابی مہم سے حمزہ شہباز کو الگ نہیں کیا گیا ہے بلکہ کمپیئن کی ذمہ داری کیلئے پرویز ملک کا نام خود حمزہ شہباز نے ہی تجویز کیا ہے، کیوں کہ حمزہ شہباز اہم دوروں پر جاتے رہتے ہیں اور انہیں سیکیورٹی خدشات بھی ہیں۔
نواز لیگ میں اندرونی اختلافات کے حوالے سے کیے گئے ایک سوال کے جواب میں وزیر قانون پنجاب کا کہنا تھا کہ پارٹی پالیسی ہے ورنہ میں ہر معاملے پر بات کرنے کی ہمت رکھتا ہوں۔
ترجمان مسلم لیگ ن کی وضاحت
علاوہ ازیں ترجمان ن لیگ نے کہا ہے کہ شریف فیملی میں اختلافات مخالفین کی خواہش ہوسکتی ہے جو کبھی پوری نہیں ہوگی۔
ترجمان کا مزید کہنا ہے کہ پرویز ملک کو بطور صدر ن لیگ لاہور این اے120کی ذمے داری سونپی گئی ہے لہٰذا مریم نواز اورحمزہ شہباز پرویزملک کے شانہ بشانہ کام کریں گے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
