احمد آباد میں بھارتی اسٹار کرکٹر ویرات کوہلی کی جان کو شدید خطرہ لاحق ہوگیا جس کے بعد سیکیورٹی کے پیش نظر ناک آوٹ میچ سے قبل پریکٹس سیشن کو منسوخ کردیا گیا۔
بھارتی میڈیا رپورٹ کے مطابق احمد آباد میں بھارتی اسٹار کرکٹر ویرات کوہلی کی سیکیورٹی کو خطرہ ہے جس کے بعد رائل چیلنجرز بنگلور نے ناک آوٹ میچ سے قبل پریکٹس سیشن منسوخ کردیا۔
بھارتی میڈیا کے مطابق آج گجرات پولیس نے احمد آباد سے چار لوگوں کو دہشت گردانہ سرگرمیوں کے شبہ میں گرفتار کیا ہے، جس کے بعد سیکیورٹی وجوہات کی وجہ سے ٹیم نے پریس کانفرنس بھی منسوخ کردی گئی۔
بھارتی میڈیا کے مطابق پولیس آفیسر وجے سنگھا کہتے ہیں پریکٹس سیشن اور پریس کانفرنس کو منسوخ کرنے کی بنیادی وجہ ویرات کی سیکورٹی تھی، ویرات ہمارا قومی اثاثہ ہیں۔
بھارتی پولیس آفیسر وجے سنگھا نے کہا کہ ویرات کوہلی کی سیکیورٹی ہماری اولین ترجیح ہے، اس لیے ہم کسی طرح کا خطرہ مول نہیں لینا چاہتے۔
واضح رہے کہ آئی پی ایل میں آج بنگلور اور راجھستان کے درمیان پہلا ایلیمنٹر احمد آباد میں کھیلا جائے گا۔
