Tag: semi final

بھوبنیشور: پاکستان کی کامیابی پربھارتیوں کوآگ لگ گئی،کھلاڑیوں کے جشن پرآئی ایچ ایف کو چغلی لگائی جومسترد کردی گئی،صحافی نےپاکستانی کوچ سے بدتمیزی کی جس پرشہنازشیخ واک آؤٹ کرگئے۔

چیمپیئنز ٹرافی ہاکی کے سیمی فائنل میں شکست بھارتی سورماؤں سے ہضم نہ ہوئی،شاہینوں کے ہاتھوں ناکامی نے بھارتیوں کو اسپورٹ میں اسپرٹ بھولا دی۔پاکستان نے چیمپیئنز ٹرافی کے سیمی فائنل میں بھارت کو اسی کی سرزمین پر شکست دیکر بھارت کا غرور خاک میں کیا ملایا کہ بھارتی صحافی شہناز شیخ پر برہم ہوگئے۔

 سیمی فائنل میں کامیابی کے بعد قومی کوچ شہناز شیخ پریس کانفرنس کرنے گئے تو بھارتی صحافیوں نے شہناز شیخ پر نامناسب سوالات کی بھوچھار کردی۔ بھارت کو پاکستانی کھلاڑیوں کا جشن منانا ایک آنکھ نہ بھایا۔ میدان کی ناکامی بھارت نے پریس کانفرنس میں نکال ڈالی۔

بھوبنیشور: چیمپئینز ٹرافی ہاکی کا دوسرا سیمی فائنل آج پاکستان اور بھارت کے درمیان کھیلا جائے گا۔بھوبنیشور میں جاری چیمیئنز ٹرافی ہاکی کے سیمی فانلز مرحلے کا آغاز آج سے ہوگا۔

دوسرے سیمی فائنل میں روایتی حریف پاکستان اور بھارت مدمقابل ہونگے۔ گرین شرٹس نے گروپ مرحلے میں مایوس کن کارکردگی دکھانے کے بعد کوارٹر فائنل میں ایونٹ فیورٹ ہالینڈ کو سنسنی خیز مقابلے کے بعد دو کے مقابلے چار گولز سے شکست دی تھی۔

دوسری جانب بھارت نے بھی گروپ اسٹیجز میں ناکامی کا ازالہ ناک آؤٹ مرحلے میں بیلجیئم پر نکالا۔ پاکستان اور بھارت کے درمیان دوسرا سیمی فائنل پاکستانی وقت کے مطابق رات ساڑھےسات بجے کھیلا جائے گا۔