Tag: sent to jail on remand

انسدادِ دہشت گردی عدالت لاہور نے جناح ہاؤس کے اندر جلاؤ گھیراؤ کے مقدمے میں سابق وزیر خزانہ ڈاکٹر سلمان شاہ کی بیٹی خدیجہ شاہ کو شناختی پریڈ کیلئے سات دن کے جوڈیشل ریمانڈ پر جیل بھیج دیا ہے۔

قبل ازیں پولیس کی جانب سے خدیجہ شاہ کو انسداد دہشت گردی کی عدالت میں پیش کیا گیا، وہ دو گھنٹے تک قیدیوں کیلئے مخصوص وین میں موجود رہیں، خدیجہ شاہ نے احتجاج بھی کیا کہ سانس لینے میں تکلیف ہو رہی ہے وین سے باہر نکالا جاٸے۔

دوران سماعت تفتیشی افسر نے استدعا کی کہ ملزمہ کی شناخت کرانی ہے اس لیے شاختی پڑید کیلئے جیل بھیج دیا جائے، عدالت نے ریکارڈ کا جائزہ لینے کے بعد خدیجہ شاہ کو شاختی پریڈ کیلئے جیل بھیج دیا اور ان کا سات دن کا جوڈیشل ریمانڈ دے دیا۔

قبل ازیں خدیجہ شاہ کے منہ پر کپڑا ڈال کر انہیں عدالت میں پیش کیا گیا۔ خدیجہ شاہ سمیت دو خواتین کو بھی عدالت کے روبرو پیش کیا گیا تھا۔

عدالت نے خدیجہ شاہ کو کمرہ عدالت میں شوہر سے ملاقات کی بھی اجازت دی۔ خدیجہ شاہ کا کہنا تھا کہ دمہ کی مریضہ ہوں گرمی کی وجہ سے وین میں سانس لینے میں تکلیف ہو رہی ہے۔

عدالت نے ہدایت کی کہ خدیجہ شاہ کو شاخت پریڈ کے بعد 30 مئی کو دوبارہ عدالت میں پیش کیا جائے، عدالت نے طبی معاٸنہ کی بھی ہدایت کی۔ اس کے علاوہ عدالت کی اجازت پر خدیجہ شاہ نے اپنے شوہر سے بھی ملاقات کی۔ واضح رہے کہ خدیجہ شاہ نے گزشتہ روز خود اپنی گرفتاری دی تھی۔