Tag: september

آسٹریلیا جلد ہی فلسطین کو ریاست کو تسلیم کر لے گا، آسٹریلوی وزیراعظم کا اعلان

برطانیہ، فرانس اور کینیڈا کے بعد آسٹریلیا نے بھی ستمبر میں فلسطینی ریاست کو تسلیم کرنے کے منصوبے کا اعلان کردیا۔

غیر ملکی میڈیا رپورٹ کے مطابق کینبرا میں پارلیمنٹ ہاؤس کے کابینہ اجلاس کے بعد میڈیا سے گفتگو کرتے ہوئے آسٹریلوی وزیر اعظم انتھونی البانی نے کہا کہ ستمبر میں اقوام متحدہ کی جنرل اسمبلی کے 80ویں اجلاس میں آسٹریلوی حکومت فلسطین کو ایک خود مختار اور الگ ریاست کے طور پر تسلیم کرے گا۔

انہوں نے پیر کو کہا کہ مشرق وسطی میں امن اور غزہ میں تنازعات، مصائب اور بھوک کے خاتمے کے لیے دو ریاستی حل انسانیت کی بہترین امید ہے۔

یاد رہے کہ برطانوی وزیر اعظم نے ایک پریس کانفرنس میں کہا تھا کہ ان کا ملک اس صورت میں اگلے ستمبر میں فلسطینی ریاست کو تسلیم کر لے گا اگر اسرائیل نے غزہ کی پٹی میں خوفناک صورتحال کو ختم کرنے کے لیے بنیادی اقدامات نہیں کیے۔

فرانس کے صدر ایمانوئل میکرون نے 24 جولائی کو اعلان کیا تھا کہ ان کا ملک آئندہ ستمبر میں نیویارک میں اقوام متحدہ کی جنرل اسمبلی کے دوران فلسطین کی ریاست کو تسلیم کر لے گا۔

28 مئی 2024 کو سپین، ناروے اور آئرلینڈ نے فلسطین کی ریاست کو تسلیم کرنے کا اعلان کیا۔ اس کے بعد اسی سال 5 جون کو سلووینیا نے ایسا ہی اعلان کردیا۔ یاد رہے اقوام متحدہ کی جنرل اسمبلی میں 193 میں سے 149 ممالک نے فلسطین کو تسلیم کر لیا ہے۔

دوسری جانب حماس کے زیرانتظام وزارت صحت کے مطابق ہفتے کے بعد سے، غزہ میں غذائی قلت کے نتیجے میں پانچ افراد جاں بحق ہو چکے ہیں، جس سے بھوک سے ہلاکتوں کی کل تعداد 217 ہو گئی ہے۔

رپورٹ میں مزید کہا گیا ہے کہ 2023 سے اب تک اسرائیل کی فوجی مہم کے نتیجے میں مجموعی طور پر 61,000 سے زیادہ افراد سہید ہو چکے ہیں۔

اگست 11, 2025
برطانیہ میں 138 سال بعد گرم ترین مہینہ

لندن : برطانیہ میں گزشتہ سال شدید ترین گرمی سے بے حال ہوکر ساڑھے چار ہزار سے زائد لوگ زندگی کی بازی ہار گئے تھے۔

سال 2022کے گرم ترین دنوں میں ملک میں درجہ حرارت 40 ڈگری سے تجاوز کر گیا تھا، تاہم رواں سال ستمبر 2023کو گزشتہ 138 سال بعد برطانیہ کی تاریخ کا گرم ترین مہینہ قرار دیا جارہا ہے۔

اس حوالے سے غیر ملکی خبر رساں ادارے کی رپورٹ میں بتایا گیا ہے کہ برطانیہ میں ماہ ستمبر کو موسمیاتی تبدیلی کے اثرات کی وجہ سے 1884 کے بعد سے سب سے گرم ترین مہینہ قرار دیا گیا ہے۔

برطانوی محکمہ موسمیات کے اعداد و شمار کے مطابق 1884 کے بعد سے اب تک یہ سب سے گرم ترین ستمبر تھا، ملک بھر میں اوسط درجہ حرارت 15.2 ڈگری ریکارڈ کیا گیا۔

برطانیہ میں اس ستمبر میں ریکارڈ کیے گئے 16.7 ڈگری سینٹ گریڈ درجہ حرارت نے ستمبر 2006 میں ریکارڈ کیے گئے 16.5 ڈگری کے سابقہ ریکارڈ کو پیچھے چھوڑ دیا۔

ویلز میں ستمبر میں ریکارڈ کیا گیا 15.6 سینٹی گریڈ درجہ حرارت 2006 کے 15.2 سینٹی گریڈ سے تجاوز کر گیا۔

شمالی آئرلینڈ میں 14.2 ڈگری کا اوسط درجہ حرارت ریکارڈ کیا گیا جو اس خطے میں اب تک ریکارڈ کیا گیا سب سے زیادہ درجہ حرارت تھا۔

اسکاٹ لینڈ میں اوسط درجہ حرارت 12.8 سینٹی گریڈ کے ساتھ، یہ ریکارڈز کے مطابق تیسرا گرم ترین ستمبر تھا۔

ملک بھر میں درجہ حرارت میں اضافے کے علاوہ پورے ستمبر میں اوسط سے تقریباً ایک تہائی زیادہ بارش ہوئی۔

مزید پڑھیں : برطانیہ میں گرمی سے ریکارڈ اموات، رپورٹ نے ہوش اڑا دیئے

میٹ آفس کی طرف سے دیے گئے بیان میں اس بات کا جائزہ لیا گیا کہ برطانیہ میں ستمبر میں اوسط درجہ حرارت 15.2 ڈگری سینٹی گریڈ تک پہنچنا انسانوں کی وجہ سے موسمیاتی تبدیلیوں کے بغیر تقریباً ناممکن ہے۔

اکتوبر 3, 2023
ماہ ستمبر کیلئے درآمدی ایل این جی کی قیمت میں کمی، اوگرا نے نوٹیفکیشن جاری کردیا

اسلام آباد : آئل اینڈ کیس ریگولیٹری اتھارٹی (اوگرا) نے ستمبر کیلئے درآمدی ایل این جی کی قیمت میں کمی کردی، گیس کی قیمت میں0.94ڈالر فی ایم ایم بی ٹی یو کمی کی گئی، نوٹیفکیشن جاری کردیا گیا۔

تفصیلات کے مطابق آئل اینڈ کیس ریگولیٹری اتھارٹی (اوگرا) نے ماہ سمتبر کیلئے درآمدی ایل این جی کی قیمت میں کمی کر دی ہے۔

اوگرا کی جانب سے گیس کمپنیوں کے لیے قیمت میں کمی کا نوٹیفکیشن جاری کردیا گیا۔ نوٹیفکیشن کے مطابق سوئی ناردرن کے سسٹم کیلئے گیس کی قیمت میں0.94ڈالر فی ایم ایم بی ٹی یو کمی کی گئی ہے۔

سوئی ناردرن کے سسٹم کیلئے ایل این جی کی قیمت10.07ڈالر فی ایم ایم بی ٹی یو مقرر کی گئی ہے۔سوئی سدرن کیلئے ایل این جی کی قیمت میں0.97ڈالر فی ایم ایم بی ٹی یو کمی کی گئی ہے، سوئی سدرن کے سسٹم کیلئے ایل این جی کی قیمت 10.04 ڈالر فی ایم ایم بی ٹی یو مقرر کی گئی ہے۔

واضح رہے کہ اس سے قبل فروری میں سوئی سدرن کے لیے ایل این جی کی قیمت 10.90 ڈالر مقرر تھی، سوئی سدرن کے لیے درآمدی ایل این جی کی قیمت میں 0.65 ڈالر فی ایم ایم بی ٹی یو کمی کی گئی تھی۔

ستمبر 7, 2019
ستمبر کے چوتھے ہفتے میں مہنگائی کی شرح میں اضافہ

اسلام آباد: رواں مالی سال 2014-15ءکے تیسرے ماہ (ستمبر 2014ء) کے چوتھے ہفتے میں مہنگائی کی شرح میں 0.13فیصد کا اضافہ ریکارڈ کیا گیا ، جبکہ کم آمدنی والے طبقے کے لئے قیمتوں کے حساس اعشاریئے میں بھی 0.18 فیصد اضافہ دیکھنے میں آیا۔

پاکستان بیورو شماریات کے اعداد و شمار کے مطابق 8 ہزار روپے تک کی ماہانہ آمدنی والے طبقے کیلئے 25ستمبر کو ختم ہونے والے ہفتے کے دوران قیمتوں کا حساس اعشاریہ 0.18 فیصداضافے سے 209.70 پوائنٹس سے بڑھ کر210.08 پو ائنٹس تک پہنچ گیا ، جبکہ کمبائنڈ گروپ کیلئے قیمتوں کاحساس اعشاریہ 0.13 فیصد اضافے سے 217.46 پوائنٹس سے بڑھ کر217.74 پوائنٹس ہوگیا۔

اس ہفتے کے دوران ٹماٹر،آلو،گڑ ،گندم،آٹا ،ادرک ،سرخ مرچ ، باسمتی چاول،بیف ،چنے کی دال ،دال ماش ، ملک پاﺅڈر ،ویجی ٹیبل گھی اور نمک سمیت 15 اشیائے ضروریہ کی قیمتوں میں اضافہ ہوا،چینی ،پیاز ،کیلا، اری چاول ،انڈے،زندہ مرغی ، مسور کی دال ، مونگ کی دال ،خوردنی تیل اور ایل پی جی سمیت 11 اشیائے ضروریہ کی قیمتوں میں کمی ریکارڈ کی گئی ۔

ادارہ شماریات کے مطابق پیٹرول ،ڈیزل ، مٹی کاتیل ،گیس نرخ ، بجلی کے نرخ ،مٹن، تازہ دودھ، دھی ، باسمتی چاول ، چائے ، کپڑے اورکھلا گھی سمیت 27 اشیائے کی قیمتوں میں استحکام رہا۔

ادارہ شماریات کے مطابق گزشتہ ہفتہ کے مقابلے میں آٹھ ہزار تا بارہ ہزار آمدنی ، بارہ ہزار تا اٹھارہ ہزارآمدنی ، اٹھارہ ہزار تا پینتیس ہزار تک اور پینتیس ہزار روپے سے زائد آمدنی والے افراد کے گروپوں کیلئے قیمتوں کے حساس اعشاریے میں بالترتیب 0.16، 0.15،0.13 اور 0.09 فیصد کا اضافہ ریکارڈ کیا گیا ۔

ستمبر 27, 2014
پاکستان اسٹیل کیلئے خام لوہے کے 2 بحری جہازدرآمد کرلئے

کراچی: پاکستان اسٹیل کے لئے ماریطانیہ سے خام لوہا لے کردوبحری جہاز پورٹ قاسم پرپہنچ گئےہیں۔

اسٹیل مل کے ترجمان کے مطابق ستر ہزارمیٹرک ٹن خام لوہا درآمد کیا گیا ہے، رواں ماہ آسٹریلیا سے دو بحری جہازوں کے ذریعے ایک لاکھ دس ہزارمیٹرک ٹن میٹالرجیکل کول لایا گیا تھا، ترجمان کا کہنا تھا کہ اسٹیل ملز کے پاس ایک لاکھ ساٹھ ہزار میٹرک ٹن سے زائد میٹالرجیکل کول اورباون ہزار میٹرک ٹن سے زائد خام لوہا موجود ہے۔

ترجمان کا کہنا ہے کہ پاکستان اسٹیل میں خام مال کی مسلسل درآمد کی بدولت رواں ماہ25 فیصد پیداوار حاصل کرچکی ہے، پاکستان اسٹیل کے چیف ایگزیکٹو آفیسر ظہیر احمد خان کے مطابق پاکستان اسٹیل حکومتی مالیاتی پیکیج کی بروقت حصول کے باعث مقررہ پیداواری اہداف کو حاصل کر لے گی۔

ستمبر 26, 2014
اسٹیل ملزکومالیاتی پیکیج کی پانچویں قسط جلد ملے گی

کراچی: ملازمین کو عیدالاضحی سے قبل تنخواہیں ادا کرنے کیلئے اسٹیل ملز کو مالیاتی پیکیج کی پانچویں قسط رواں ہفتے مل جائے گی ، قسط کا حجم ایک ارب پچھتر کروڑ روپے ہے۔

پاکستان اسٹیل کے اعلامیہ کے مطابق حکومت کے منظور کردہ اٹھارہ ارب پچاس کروڑ روپے کا مالیاتی پیکیج کی پانچویں قسط ایک ارب پچھتر کروڑ روپے رواں ہفتے مل جائے گی۔

اس رقم سے ملازمین کو ڈیڑھ ماہ کی تنخواہیں ادا کردی جائیں گی ، اسٹیل ملز کے چیف ایگزیکٹو آفیسر ظہیراحمد خان کا کہنا تھا کہ حکومتی مالیاتی پیکیج کی بدولت خام مال کی مسلسل آمد سے رواں ماہ ستمبرمیں اسٹیل ملز کی پیداوار تیس فیصد تک پہنچ گئی ہے۔ آئندہ ماہ کیلئے پیداواری ہدف چالیس فیصد مقرر کیا گیا ہے۔

ستمبر 22, 2014
ستمبر کے تیسرے ہفتے میں مہنگائی کی شرح میں اضافہ

اسلام آباد: رواں مالی سال کے تیسرے ماہ ستمبر کے تیسرے ہفتے میں مہنگائی کی شرح میں 0.18فیصد کا اضافہ ریکارڈ کیا گیا ، جبکہ کم آمدنی والے طبقے کے لئے قیمتوں کے حساس اعشاریئے میں بھی 0.20 فیصد اضافہ دیکھنے میں آیا ۔

پاکستان بیورو شماریات کے اعداد و شمار کے مطابق 8 ہزار روپے تک کی ماہانہ آمدنی والے طبقے کیلئے 19ستمبر کو ختم ہونے والے ہفتے کے دوران قیمتوں کا حساس اعشاریہ 0.20 فیصداضافے سے 209.28 پوائنٹس سے بڑھ کر209.70 پو ائنٹس تک پہنچ گیا ، جبکہ کمبائنڈ گروپ کیلئے قیمتوں کاحساس اعشاریہ 0.18 فیصد اضافے سے 217.06 پوائنٹس سے بڑھ کر217.46 پوائنٹس ہوگیا۔

اس ہفتے کے دورا ن ٹماٹر، چینی ،گڑ ،انڈے،زندہ مرغی ،مٹن، گندم،آٹا ،پیاز ،ادرک ، دال ماش ،مسور کی دال ، مونگ کی دال ، چنے کی دال ، ملک پاﺅڈر ، مٹی کاتیل ، نمک اور ایل پی جی سمیت 22 اشیائے ضروریہ کی قیمتوں میں اضافہ ہوا،آلو، سرخ مرچ ،کیلا، اری چاول ،ویجی ٹیبل گھی اور خوردنی تیل سمیت 8 اشیائے ضروریہ کی قیمتوں میں کمی ریکارڈ کی گئی ۔

ادارہ پاکستان بیوروشماریات کے مطابق پٹرول ،ڈیزل ، گیس نرخ ، بجلی کے نرخ ،تازہ دودھ، دھی ، باسمتی چاول، بیف ، باسمتی چاول ، چائے ، کپڑے اورکھلا گھی سمیت 23 اشیائے کی قیمتوں میں استحکام رہا۔

ادارہ شماریات کے مطابق گزشتہ ہفتہ کے مقابلے میں آٹھ ہزار تا بارہ ہزار آمدنی ، بارہ ہزار تا اٹھارہ ہزارآمدنی ، اٹھارہ ہزار تا پینتیس ہزار تک اور پینتیس ہزار روپے سے زائد آمدنی والے افراد کے گروپوں کیلئے قیمتوں کے حساس اعشاریے میں بالترتیب 0.20، 0.19،0.19اور 0.17 فیصد کا اضافہ ریکارڈ کیا گیا۔

ستمبر 20, 2014
عالیشان پاکستان لائف اسٹائل نمائش گیارہ ستمبرسے نئی دہلی میں ہوگی

اسلام آباد :پاک بھارت چیمبر آف کامرس اینڈ انڈسٹریز (آئی پی سی سی آئی) کی انتظامی کمیٹی کے اجلاس میں فیصلہ کیا گیا ہے کہ عالی شان پاکستان لائف اسٹائل نمائش ستمبر 2014ءکے دوران نئی دہلی میں ہو گی ،آئی پی سی سی آئی کے حکام کے مطابق لائف اسٹائل نمائش 11 تا 14 ستمبر کو بھارت کے شہر نئی دہلی میں ہو گی ۔

اس دوران پاک بھارت چیمبر آف کامرس اینڈ انڈسٹریز کی انتظامی کا اجلاس 12 ستمبر کو نئی دہلی میں ہو گا، واضح رہے کہ آئی پی سی سی آئی کا قیام وفاق ہائے صنعت و تجارت پاکستان اور فیڈریشن آف انڈیا چیمبرز آف کامرس اینڈ انڈسٹری کے مابین مفاہمت کی ایک یادداشت کے تحت عمل میں لایا گیا تھا، انتظامی کمیٹی کے اجلاس میں دوطرفہ تجارت، اقتصادی تعلقات سے متعلق امور کا جائزہ لیا جائے گا

اگست 5, 2014
ہالی ووڈ:سائنس فکشن فلم "دی میزرنر”کا ٹریلر ریلیز

ہالی ووڈ کی سائنس فکشن ایکشن سے بھرپور فلم۔۔دی میز رنر۔۔کا نیا ٹریلر ریلیز ہوگیا۔ یہ کہانی ہے ایک ایسے لڑکے کی جو لفٹ کے ذرہعے ایک ایسی دنیا میں جا پہنچتاہے جہاں اس کی یاداشت کھو جاتی ہے۔۔اسے یاد ہے تو صرف اپنا نام۔۔اس دنیا میں اس کا کوئی دوست نہیں اور سب ہی انجان ہیں ۔

ایسے میں جادوئی طاقتوں اور حیرت انگیز کمالات سےاس کو ہوتے ہیں نئےتجربات۔،زندگی کا نیا رخ اسے دیکھنے کو ملتاہے۔۔غیر مرئی قوتیں اسے ختم کرنا چاہتی ہیں مگر زندگی کی جنگ لڑنی ضروری ہے۔۔ ایکشن سے بھرپورسائنس فکشن فلم۔۔ دی میز رنر۔۔ رواں سال ستمبر میں ریلیزہوگی۔

اگست 4, 2014
ورلڈ فوڈ ستمبرکے وسط میں ماسکومیں منعقد ہوگا

اپریل 15, 2014