ARYNews.tv | Urdu – Har Lamha Bakhabar

Tag: sequel

  • 41سال بعد فلم "ڈسکو ڈانسر” کا سیکوئیل بنانے کی تیاری

    41سال بعد فلم "ڈسکو ڈانسر” کا سیکوئیل بنانے کی تیاری

    ممبئی : بھارت کی مشہور زمانہ فلم "ڈسکو ڈانسر” 41 سال بعد ایک بار پھر سیکوئیل کے ساتھ واپسی کے لیے تیار ہے۔

    سال 1982میں ریلیز ہونے والی متھن چکرورتی کی فلم” ڈسکو ڈانسر” بلاک بسٹر فلم تھی جو دیکھتے ہی دیکھتے پوری دنیا میں مقبول ہوگئی، اس فلم کی کامیابی کی خاص وجہ اس کا میوزک تھا جو اس زمانے مشہور موسیقار بپی لہری نے دیا تھا۔

    اب بالی ووڈ کے مخبروں نے خبر دی ہے کہ 41 سال بعد متھن چکرورتی کی فلم ڈسکو ڈانسر اپنے سیکوئیل کے ساتھ دوبارہ پردہ اسکرین پر جلوہ گر ہوگی۔

    اس فلم کا نام "ڈسکو ڈانسر ٹو” ہے فلم کے ہدایت کار نیتن کمار گپتا ہیں جو اس سے قبل "سیونی” اور "لو ان یوکرین” نامی فلموں میں اپنی صلاحیتوں کے جوہر دکھا چکے ہیں۔ فلم کی شوٹنگ روس سمیت مختلف بین الاقوامی مقامات پر کی جائے گی۔

    فلم ڈسکو ڈانسر متھن کے کردار جمی کے گرد گھومتی ہے، جو ایک اسٹریٹ ڈانسر ہے اور بعد میں بہت بڑا ڈسکو اسٹار بن جاتا ہے۔

    سال 1982 میں اس فلم کی ریلیز کے بعد اس کے مشہور گانوں جمی جمی آجا آجا، آئی ایم آ ڈسکو ڈانسر، اور یاد آ رہا ہے تیرا پیار نے فلم بینوں کے دلوں کو دھڑکا دیا تھا اور یہ فلم اپنے دور کی کامیاب ترین فلم بن گئی تھی۔

    رپورٹ کے مطابق ڈسکو ڈانسر کا کردار متھن کے بغیر ادھورا ہے، مڈ ڈے کی رپورٹ کے مطابق فلم میکرز دوسری قسط کے لیے اداکار کو شامل کرنے کے خواہاں ہیں۔

    ذرائع نے پبلیکیشن کو بتایا ہے کہ متھن سے ابھی تک رابطہ نہیں کیا گیا ہے لیکن غالباً وہ جمی کے اہم کردار میں نظر آئیں گے۔

  • نیٹ فلکس پر سب سے زیادہ دیکھی جانے والی فلم کے سیکوئل کا اعلان

    نیٹ فلکس پر سب سے زیادہ دیکھی جانے والی فلم کے سیکوئل کا اعلان

    امریکی ویڈیو اسٹریمنگ سروس نیٹ فلکس نے سال 2020 کی سب سے زیادہ دیکھی جانے والی فلموں میں سے ایک اینولا ہومز کے سیکوئل کا اعلان کردیا، اینولا ہومز مشہور و معروف سراغ رساں شرلاک ہومز (فرضی کردار) کی بہن کی کہانی ہے۔

    نیٹ فلکس نے سماجی رابطے کی ویب سائٹ ٹویٹر پر اینولا ہومز 2 کا اعلان کیا ہے، فلم کی مرکزی کردار ملی بوبی براؤن نے بھی اپنے انسٹا گرام پر اس کی تصدیق کرتے ہوئے لکھا کہ سیکوئل تیاری کے مراحل میں ہے۔

     

    View this post on Instagram

     

    A post shared by @milliebobbybrown

    نیٹ فلکس کے مطابق اینولا کا مرکزی کردار برطانوی اداکارہ ملی بوبی براؤن ہی ادا کریں گی جبکہ ان کے بھائی شرلاک ہومز کا کردار بھی پچھلی فلم کی طرح ہنری کیول ادا کریں گے جو اپنے کردار سپر مین کے لیے مشہور ہیں۔

    یاد رہے کہ شرلاک ہومز اور اینولا ہومز کا کردار تخیلاتی ہے، شرلاک کے مصنف سر آرتھر کونن ڈائل ہیں جبکہ شرلاک کی بہن اینولا ہومز کا کردار امریکی مصنفہ نینسی اسپرنگر کا تخلیق کردہ ہے، نینسی نے 50 کے قریب کتابیں لکھی ہیں جبکہ متعدد ایوارڈز بھی حاصل کیے ہیں، اینولا ہومز کے بارے میں انہوں نے 6 ناولز لکھے ہیں۔

    شرلاک ہومز کے بارے میں اب تک متعدد فلمز اور ڈرامے بنائے جاچکے ہیں جبکہ بی بی سی کی پروڈکشن سیریز شرلاک نیٹ فلکس پر بھی دستیاب ہے، اینولا ہومز کے بارے میں یہ پہلی فلم تھی جس کے ہدایت کار ہیری بریڈبر ہیں۔

    یہ فلم سال 2020 کی سب سے زیادہ دیکھی جانے والی فلموں میں سے ایک رہی جبکہ فلم نے ریلیز کے پہلے ہی ہفتے سب سے زیادہ دیکھی جانے والی فلم کا ریکارڈ قائم کیا تھا۔

    فلم کے پہلے حصے میں اینولا کو اپنی ماں یوڈوریا (ہیلینا بونہم کارٹر) کے ساتھ اکیلے رہتے ہوئے دکھایا گیا تھا جو گھر میں رہتے ہوئے اپنی ماں سے دنیا کی بہترین تعلیم حاصل کرتی ہے۔ وہ ماں سے مارشل آرٹس اور مختلف کھیلوں جیسے نیزہ بازی وغیرہ میں بھی مہارت حاصل کرتی ہے۔

    بعد ازاں یوڈوریا غائب ہوجاتی ہے اور اینولا کے بھائی اسے واپس اسکول بھیج کر روایتی طرز زندگی گزارنے پر مجبور کرتے ہیں لیکن وہ وہاں سے بھاگ کھڑی ہوتی ہے۔ اینولا نہایت مضبوط، بے خوف، ذہین اور بہادر لڑکی ہے اور اپنے سراغ رساں بھائی شرلاک سے بھی دو ہاتھ آگے ہے۔

    فلم میں خواتین کے ووٹ دینے کی تحریک سفرج موومنٹ کو دکھایا گیا ہے جو پوری ایک صدی جاری رہی جس کے بعد خواتین کو ووٹ دینے کا حق ملا۔

  • تہلکہ خیز فلم ”فیس آف” کے مداحوں کیلئے بڑی خبر آگئی

    تہلکہ خیز فلم ”فیس آف” کے مداحوں کیلئے بڑی خبر آگئی

    گزشتہ صدی90کی دہائی میں پیش کی جانے والی تہلکہ خیز فلم ”فیس آف” اب شائقین کیلئے دوبارہ نئے انداز سے پیش کرنے کی تیاری کی جارہی ہے۔

    کامیڈی اور ایکشن سے بھرپور فلم "فیس آف” نے1997 میں39 ارب روپے کا بزنس کیا تھا اور سال بھر میں سب سے زیادہ کمائی کرنے والی فلموں میں گیارہویں نمبر پر رہی تھی۔

    1997کی بلاک بسٹر فلم ” فیس آف ” کی شاندار کامیابی کے24سال بعد اس کامیڈی اور ایکشن سے بھرپور فلم کا سیکوئل بنانے کا اعلان کیا گیا ہے۔

    فلم "فیس آف” کے مرکزی کرداروں میں جان ٹریولٹا اور نکولس کیج شامل تھے، فلم کی کہانی میں دونوں کردار ایک دوسرے کی جان کے دشمن ہوتے ہیں مگر ان کے چہرے آپس میں تبدیل ہو جاتے ہیں۔

    بین الاقوامی خبررساں ادارے کے مطابق ہدایت کار ایڈم ونگرڈ ’فیس آف‘ کا سیکوئل بنائیں گے تاہم جان ٹریولٹا اور نکولس کیج کو فلم کا حصہ بنایا جائے گا یا نہیں اس بارے میں فی الحال کچھ نہیں بتایا گیا۔

    فیس آف کے سیکوئل کے بارے میں ایک رائے یہ بھی ظاہر کی گئی کہ اس فلم کا سیکوئل نہیں بلکہ فلم کو دوبارہ بنایا جا رہا ہے۔

    ہدایت کار ایڈم ونگرڈ نے سماجی رابطے کی ویب سائٹ انسٹاگرام کے ذریعے پیغام دیا ہے کہ میں فیس آف کو دوبارہ بنانے کے بارے میں سوچ بھی نہیں سکتا کیونکہ یہ ایک مکمل اور بہترین کامیڈی اور ایکشن فلم ہے۔ تاہم ہم اس کا سیکوئل بنا رہے ہیں۔

  • کرونا وائرس کے دوران مقبول ہونے والی فلم کونٹیجن کا سیکوئل بنانے کا اعلان

    کرونا وائرس کے دوران مقبول ہونے والی فلم کونٹیجن کا سیکوئل بنانے کا اعلان

    سنہ 2011 میں ریلیز کی جانے والی فلم کونٹیجن کا، جس میں ایک پراسرار وبا کا پھیلاؤ دکھایا گیا ہے، سیکوئل بنانے کا اعلان کردیا گیا۔

    فلم کونٹیجن ویسے تو سنہ 2011 میں ریلیز کی گئی تھی اور اس وقت اس نے کوئی خاص توجہ حاصل نہیں کی تھی تاہم کرونا وائرس کے پھیلاؤ کے دوران یہ فلم بے حد مقبول ہوگئی اور اس میں دکھائے گئے مناظر کو موجودہ حالات سے جوڑا جانے لگا۔

    کونٹیجن میں کرونا وائرس جیسی ایک وبا کو دکھایا گیا تھا جو ایشیائی ملک ہانگ کانگ سے ابتدائی طو پر امریکا اور بعد ازاں دیگر ممالک میں پھیلتی ہے۔

    مذکورہ فلم کا آغاز ایک خاتون سے ہوتا ہے جو ہانگ کانگ سے واپس مینی سوٹا ایک عجیب بیماری کے ساتھ واپس لوٹتی ہیں، چند دنوں میں اس کی موت ہوجاتی ہے، جس کے بعد اس کے شوہر اور دیگر افراد میں وہی علامات ظاہر ہوتی ہیں اور آہستہ آہستہ کر کے وبا ساری دنیا میں پھیل جاتی ہے۔

    9 سال قبل ریلیز ہونے والی فلم میں ایم ای وی ایک نامی وائرس کو دکھایا گیا تھا جس کا آغاز ایشیا سے ہوتا ہے اور آسانی سے کسی آلودہ چیز کو چھونے سے منتقل ہوجاتا ہے اور اس کی پہلی علامت کھانسی تھی۔

    سال 2020 میں اس فلم کی مقبولیت کے بعد اب اس کے ہدایت کار نے اس کا سیکوئل بنانے کا اعلان کردیا ہے۔ آسکر ایوارڈ یافتہ ہدایت کار اسٹیون سودر برگ نے ایک شو میں تصدیق کی کہ وہ فلم کے سیکوئل پر کام کریں گے۔

    اسٹیون کے مطابق کونٹیجن کے سیکوئل کی کہانی پہلی فلم سے مختلف ہوگی تاہم نئی فلم میں بھی پہلی کی طرح دنیا میں پیدا ہونے والے مسائل، بحرانوں اور بیماریوں پر بحث کی جائے گی۔

    انہوں نے فلم کے سیکوئل بنانے جانے کی تصدیق کی تاہم یہ واضح نہیں کیا کہ فلم کو کب تک ریلیز کیا جائے گا، نہ ہی یہ بتایا کہ فلم کی کاسٹ وہی پرانی ہوگی یا نئے اداکار لیے جائیں گے۔

    فلم ممکنہ طور پر سال 2021 کے وسط یا اختتام تک ریلیز کی جاسکتی ہے۔

  • صبا قمر بالی وڈ کی ضرورت بن گئیں، ہندی میڈیم کے سیکوئیل میں‌ بھی کاسٹ

    صبا قمر بالی وڈ کی ضرورت بن گئیں، ہندی میڈیم کے سیکوئیل میں‌ بھی کاسٹ

    ممبئی: باصلاحیت پاکستانی اداکارہ صبا قمر بالی وڈ کی ضرورت بن گئیں، اب وہ ہندی میڈیم کے سیکوئیل میں‌ بھی نظر آئیں‌ گے۔

    تفصیلات کے مطابق گذشتہ برس کامیابی کے جھنڈے گاڑنے والی صبا قمر کی فلم ’ہندی میڈیم‘ کو ملنے والے ردعمل کو دیکھتے ہوئے اب اس کا سیکوئیل بنانے کا فیصلہ کیا گیا ہے، اس فلم میں بھی صبا قمر ہی صلاحیتوں کے جوہر دکھائیں گی۔

    فلم کے سیکوئیل کے حوالے سے ہدایت کار دینیش ویجان نے اپنے ایک بیان میں کہا کہ فلم کے دوسرے پارٹ کی کہانی مکمل ہوچکی ہے، جس پرگذشتہ سال مئی یا جون میں کام شروع کیا گیا تھا، جس کی تکمیل میں سات مہینے لگے۔

    ان کا مزید کہنا تھا کہ فلم ‘‘ہندی میڈیم‘‘ کی کامیابی کو مددنظر رکھتے ہوئے ہم نے فلم کے دوسرے پارٹ کی  تیاری شروع کی، فلم کی کاسٹ جلد فائنل کر لی جائے گی اور ہم اس حوالے سے بہت پرامید ہیں۔

    خیال رہے  پاکستانی اداکارہ صبا قمر نے فلم میں بھارتی ادکار عرفان خان کی بیوی کا کردار نبھایا تھا اور اپنی پہلی ہی بالی ووڈ فلم سے فلم کی کہانی ایک ایسے گھرانے کے گرد گھومتی تھی،  جو کم وسائل کے باوجود اپنی بچی کو اعلیٰ تعلیم دلوانے کا خواہش مند ہے۔خود کو منوا لیا۔

    فلم فیئر ایوارڈز: صبا قمر کی فلم کے چرچے

    یاد رہے کہ فلم نے بکس آفس پر نہ صرف اچھا بزنس کیا، بلکہ کئی ایوارڈ بھی حاصل کیے۔ 63 ویں فلم فیئر ایوارڈ میں فلم اور صبا قمر کا چرچا سنائی دیا۔ فلم میں مرکزی کرادار نبھانے والے عرفان خان  بہترین اداکار ایوارڈ کے حق دار ٹھہرے اور فلم نے اور بہترین فلم ایوارڈ  کا ایوارڈ اپنے نام کیا۔ اب دونوں اداکار پھر ایک ساتھ نظر آئیں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بھارتی فلم بینڈ باجا بارات ٹو بنانے کی تیاریاں جاری

    بھارتی فلم بینڈ باجا بارات ٹو بنانے کی تیاریاں جاری

    ممبئی : بھارتی فلموں کی پروڈکشن کمپنی یش راج فلمز نے اپنی مشہور فلم بینڈ باجا بارات کا دوسرا پارٹ بنانے کا فیصلہ کیا ہے۔

    بھارتی خبر رساں ادارے نے بتایا ہے کہ اس فلم کے مرکزی کردار انوشکا شرما اور رن ویر سنگھ ہی اس فلم  میں اپنی اداکاری کے جوہر دکھائیں گے،جنہوں نے پہلی فلم میں بٹو شرما اور شروتی ککڑ کا کردا ادا کیا تھا۔

    فلم کی کہا نی ایک شادی کے انتظامات کرانے والی کمپنی کے گرد گھومتی ہے۔اس فلم کے ڈائریکٹر ادیتیہ چوپڑہ تھے۔

    مذکورہ فلم نے باکس آفس پر شاندار بزنس کیا تھا، یہ فلم رنویر سنگھ کی پہلی اور انوشکا شرما کی دوسری فلم تھی۔اس کے بعد یہ اداکار Ladies vs Ricky Bahlاور دل دھڑکنے دو میں ایک ساتھ نظر آئے۔

  • ہوبٹ کا تیسرےاورآخری پارٹ کا ٹریلر ریلزہوگیا

    ہوبٹ کا تیسرےاورآخری پارٹ کا ٹریلر ریلزہوگیا

    جادوئی کرشموں سے بھرپورفلمدی ہوبٹ کا تیسرےاورآخری پارٹ کا ٹریلر ریلزہوگیا،ایڈونچرسےبھرپورفلم کےجاندارٹریلر نےمداحوں کو خوش کردیا۔

    بونوں کی جادوئی دنیا میں آگیا ہےبھونچال ہنستےکھیلتےبونےاب دوچار ہیں بڑی مشکلات سے،فلم کےاس پارٹ میں ان کا اب سامنا ہے دیو ہیکل آگ اگلتے ڈریگنز سے۔

    the-hobbit-the-battle-of-the-five-armies-official-poster-header

    انہیں اب جنگ لڑنی ضروری ہے لیکن ان کے پاس طاقت نہیں،اسی لئےکرنا ہے چھوٹے چھوٹےبونوں کا عقل کا استعمال۔

    ان کی دنیا پرحاوی ہونےوالےآگ اگلتے بڑے بڑے ڈریگنز کیا کیا بونوں کی چال کے سامنے ہار جائیں گے یا پھرایک نیا امتحان ہوگا، یہی ہے پیٹرجیکسن کی ڈائریکشن میں بننے والی فلم دی ہوبٹ دی بیٹل آف دی فائیو آرمیز کی فلم کا تیسرا اور آخری پارٹ، فلم رواں سال دسمبر میں ریلیزہوگی۔