نیویارک : امریکہ کی عالمی شہرت یافتہ ٹینس اسٹار سرینا ولیمز نے ایلیکس اوہینین کے ساتھ اپنی منگنی کا اعلان کردیا۔
ٹینس اسٹار سرینا ولیمز نے سوشل میڈیا کی معروف کمپنی ریڈٹ کے شریک بانی ایلیکس اوہینین کو اپنا جیون ساتھی چن لیا ہے، جس کا اعلان انہوں نے سماجی رابطے کی ویب سائٹ ریڈٹ پر ایک رومانوی نظم کی صورت میں کیا۔
انہوں بتایا کہ ایک دن کچھ تاخیر سے جب وہ گھر پہنچی تو ایلیکس نے ان کا سامان پیک کر رکھا تھا، جو انہیں روم لے گئے، جہاں ایلیکس سے ان کی پہلی ملاقات ہوئی تھی ، وہاں ایلیکس نے گھٹنوں کے بل بیٹھ کر ان کو شادی کی پیش کش کی، جو انہوں نے قبول کرلی۔
خیال رہے کہ عالمی نمبر کی فہرست میں سرینا کا دوسرا نمبر ہے۔