Tag: serious allegations

  • مریم  اورنگزیب جھوٹی خاتون ہیں، کسی سے مخلص  نہیں ، عطاالحق قاسمی

    مریم اورنگزیب جھوٹی خاتون ہیں، کسی سے مخلص نہیں ، عطاالحق قاسمی

    اسلام آباد : سابق ایم ڈی پی ٹی وی عطا الحق قاسمی کا کہنا ہے کہ مریم اورنگزیب جھوٹی ہیں کسی سے مخلص نہیں، مریم اورنگزیب کو میرا پتا تھا نہ کسی صحافی کا، فیصلے پر اپیل کروں گا مسترد ہوئی توجیل جاؤں گا۔

    تفصیلات کے مطابق سابق ایم ڈی پی ٹی وی عطا الحق قاسمی نے مریم اورنگزیب پر سنگین الزامات عائد کردیئے اور کہا مریم اورنگزیب جھوٹی ہیں کسی سے مخلص نہیں ، انھوں نے مریم اورنگزیب نےمیرےخلاف جھوٹا کیس بنایا، کچھ نہ ملا تو میرے خلاف پروگرام کے بجٹ کا کیس بنادیا۔

    [bs-quote quote=”پرویزرشیدعظیم ہے،ساراملبہ خود پر لے کر نوازشریف کوبچالیا” style=”style-6″ align=”left”][/bs-quote]

    عطاالحق قاسمی کا کہنا تھا کہ پروگرام کےپروموتک کاخرچہ میرے کھاتےمیں ڈالاگیا، استعفے میں بتایاتھاکہ ان لوگوں کی وجہ سےمستعفی ہورہاہوں، کچھ اور بھی پردہ نشین ہیں جنہوں نے گند اچھالا۔

    سابق ایم ڈی پی ٹی وی نے کہا استعفےسےپہلےنوازشریف کولکھا،ٹولےنےرکاوٹیں ڈالیں، مریم  اورنگزیب کو میرا پتا تھا نہ کسی صحافی کا، چیئرمین بننےسے انکار کیا ،پرویزرشید کے کہنے پر حامی بھری، پرویزرشیدعظیم ہے،ساراملبہ خود پر لے کر  نوازشریف کوبچالیا۔

    ان کا کہنا تھا کہ بطورچیئرمین میرےپاس کوئی انتظامی اختیارنہیں تھا، کچھ لوگ نوازشریف کو پھنسانا چاہتے تھے، فیصلےپراپیل کروں گامستردہوئی تو جیل جاؤں گا۔

    مزید پڑھیں : سپریم کورٹ نےعطاالحق قاسمی کی تعیناتی کوغیرقانونی قرار دے دیا

    عطاالحق قاسمی نے کہا 76 سال کےشخص کوکسی نےجیل میں ڈالناہےتوڈال دے، مر بھی گیا تو میری کتابیں گواہی دیں گی کہ میں کیا تھا۔

    یاد رہے نومبر میں سپریم کورٹ آف پاکستان نے سابق ایم ڈی پاکستان ٹیلی ویژن کی تقرری کو غیرقانونی قرار دیا تھا،48 صفحات پر مشتمل فیصلہ چیف جسٹس آف پاکستان میاں ثاقب نثار نے تحریر کیا۔

    واضح رہے کہ عطاالحق قاسمی کو 23 دسمبر2015 کو پاکستان ٹیلی ویژن کا چیئرمین تعینات کیا گیا تھا۔

  • سنگین الزامات میں ملوث113افسران و ملازمین مختلف محکموں میں تعینات

    سنگین الزامات میں ملوث113افسران و ملازمین مختلف محکموں میں تعینات

    لاہور : سنگین الزامات میں ملوث113افسران و ملازمین پرکشش عہدوں پر تعینات ہیں، افسران میں سابق وفاقی وزیر دانیال عزیز سمیت دیگر کو نوازا گیا۔

    تفصیلات کے مطابق محکمہ اینٹی کرپشن عملے کی مبینہ ملی بھگت سے سنگین الزامات میں ملوث113افسران و ملازمین پرکشش عہدوں پر تعینات کیے جانے کا انکشاف ہوا ہے۔

    اس حوالے سے ذرائع کا کہنا ہے کہ912انکوائریز اور190مقدمات کی تفتیش تاحال نامکمل ہیں، جن محکموں میں ان افسران و ملازمین کا تقرر کیا گیا ہے ان میں پاپولیشن ویلفیئر، محکمہ زراعت اور جنگلات شامل ہیں۔

    ذرائع کا مزید کہنا ہے کہ مذکورہ افسران میں سابق وفاقی وزیر دانیال عزیز سمیت دیگر کو نوازا گیا، پنجاب پولیس، محکمہ خوراک، محکمہ تعلیم کے82افسران کی انکوائری التواء کا شکار ہے۔

    ڈی جی اینٹی کرپشن پنجاب نے نامکمل انکوائری سے متعلق افسران کو الٹی میٹم دے دیا، انہوں نے کہا کہ افسران فوری طور پر ٹاسک کو مکمل کریں، تمام رپورٹس وزیر اعظم کو براہ راست بھجوائی جائیں گی۔

  • ایک ڈیڑھ ہفتے میں ریحام کی کتاب کو دفن کردوں گا، حمزہ علی عباسی

    ایک ڈیڑھ ہفتے میں ریحام کی کتاب کو دفن کردوں گا، حمزہ علی عباسی

    اسلام آباد: تحریک انصاف کے رہنما اور معروف اداکار حمزہ علی عباسی نے کہا ہے کہ ریحام خان نے الیکشن سے دو ہفتے قبل کتاب کی رونمائی کرنی ہے، دعوے سے کہتا ہوں ایک ڈیڑھ ہفتے میں ریحام خان کی کتاب کو دفن کردوں گا۔

    ان خیالات کا اظہار انہوں نے اے آر وائی نیوز کے پروگرام ’آف دی ریکارڈ‘ میں گفتگو کرتے ہوئے کیا، حمزہ علی عباسی نے کہا کہ ریحام خان نے کتاب کی رونمائی کے لیے مہم بنا رکھی ہے، میری انیلہ خواجہ سے بات ہوئی، گھٹیا الزامات پر وہ رو رہی تھیں، ریحام سے پوچھتا ہوں انیلہ خواجہ، عظمیٰ کاردار کیا عورتیں نہیں۔

    تحریک انصاف کے مطابق ریحام خان کی کتاب میں غیر اخلاقی، بے ہودہ اور گھٹیا قسم کے الزامات ہیں، ان کی کتاب میں عمران خان کے خلاف جھوٹی اور غلیظ باتیں کی گئیں، دوسری طرف شہباز شریف، حمزہ شہباز، مریم نواز بہت اچھے لوگ ہیں۔

    حمزہ علی عباسی نے کہا کہ عندلیب عباس اور میں پاکستان میں ریحام خان کو نوٹس بھیجیں گے، انہوں نے مجھ پر نقلی ای میل سے دھمکیاں دینے کا جھوٹا الزام لگایا، ریحام کہتی ہے اس کی احسن اقبال سے بات ہوئی ہے، احسن اقبال جھوٹے آدمی ہیں چار دن پہلے کہتے ہیں کوئی بات نہیں ہوئی۔

    انہوں نے کہا کہ ریحام کی کتاب سوچی سمجھی سازش کے تحت لائی گئی ہے، مسلم لیگ (ن) کا منصوبہ ہے الیکشن سے پہلے گھٹیا الزامات میڈیا کی توجہ بن جائیں جبکہ انہوں نے عمران خان کی بہنوں کے بارے میں بھی گھٹیا باتیں کیں، ریحام خان نے اپنی کتاب میں لکھا وہ نمازی اور پرہیز گار ہیں۔

    ریحام خان نے حمزہ علی عباسی کو 5ارب ہرجانے کا نوٹس بھیج دیا

     ریحام خان نے حمزہ علی عباسی سے معافی مانگنے کا مطالبہ کردیا، معافی نہ مانگنے کی صورت میں 5 ارب روپے ہرجانے کا نوٹس بھیجیں گی۔
     ریحام خان نے  کہا کہ حمزہ عباسی کہتے ہیں ان کے پاس میری کتاب کا مسودہ ہے وہ بتائیں میری کتاب کا مسودہ کہاں سے آیا حمزہ عباسی کے مطابق ریحام خان کی ٹیم کے پانچ سے چھ لوگوں میں سے ایک نے مسودہ دیا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔