پاکستان کرکٹ ٹیم کے کپتان اور انتظامیہ نے نائب کپتان شان مسعود کو نیوزی لینڈ کے خلاف دوسرے ایک روزہ میچ میں بھی نہ کھلانے کا فیصلہ کیا ہے۔
ذرائع کے مطابق نیوزی لینڈ کے خلاف دوسرے ایک روزہ میچ کے لیے بھی پہلے ون ڈے والی ٹیم کو برقرار رکھنے کا فیصلہ کیا گیا ہے۔
ذرائع کا کہنا ہے کہ پاکستان ٹیم کو حتمی شکل کپتان بابر اعظم، ہیڈ کوچ ثقلین مشتاق اور چیف سلیکٹر شاہد آفریدی دے رہے ہیں۔
پاک نیوزی لینڈ مقابلہ: نائب کپتان شان مسعود کو پہلا ون ڈے نہ کھلانے کا فیصلہ
واضح رہے کہ پاکستان اور نیوزی لینڈ کے مابین دوسرا ون ڈے آج کراچی کے نیشنل اسٹیڈیم میں کھیلا جائے گا شاہین یہ میچ جیت کر سیریز میں فیصلہ کن برتری لینے کی کوشش کریں گے۔
دوسرا ون ڈے آج، شاہین فیصلہ کن برتری لینے کو تیار
سیریز کے پہلے میچ میں پاکستان نے نیوزی لینڈ کو شکست دے کر ون ڈے میں فتوحات کی ٹرپل ہیٹ ٹرک مکمل کرلی۔ گزرے سال 2022 میں مسلسل 8 میچ جیتنے کے بعد 2023 کا آغاز بھی جیت کے ساتھ کیا۔