فن یا آرٹ پرواز تخیل کو پیش کرنے کا نام ہے، اور اس کی کوئی سرحد، کوئی حد نہیں۔
تصورات، خیالات، اور تخیل ہر شخص کا مختلف ہوتا ہے، لیکن فنکار کے اندر یہ ہنر ہوتا ہے کہ وہ اپنے ذہن میں تصویر ہوتے تخیل کو دنیا کے سامنے پیش کرسکتا ہے۔
آج ہم آپ کو ایسے ہی ایک فنکار کی تخلیقی صلاحیت دکھانے جارہے ہیں جس کی تخلیقی اڑان نے سایوں کو فن پاروں میں تبدیل کردیا۔
ونسنٹ بال نامی یہ فنکار روزمرہ استعمال کی اشیا کے سایوں کو فن پاروں میں تبدیل کردیتا ہے۔ یہ اشیا بذات خود کچھ بھی نہیں دکھائی دیتیں لیکن ان کا سایہ نہایت خوبصورت تصویر بن جاتا ہے۔
ونسنٹ مختلف انداز سے بنتے ابھرتے سایوں کے ساتھ تصاویر بناتے ہیں جس کے بعد یہ شاندار سی ڈرائنگ معلوم ہوتے ہیں۔
آئیں ونسنٹ بال کے فن پاروں سے لطف اندوز ہوں۔
