اسلام آباد: سپریم کورٹ نے مجرم شفقت حسین کی پھانسی پرعمدرآمد روکنے کیلئے درخواست مسترد کردی اور ڈیتھ وارنٹ بحال کردیا۔
سپریم کورٹ نے شفقت حسین کی سزا پرعملدرآمد کیخلاف اپیل مسترد کردی اور اس کے ڈیتھ وارنٹ بحال ہوگئے ہیں، چیف جسٹس کی سربراہی میں سپریم کورٹ کے تین رکنی بنچ نے شفقت حسین کی پھانسی کیخلاف درخواست کی سماعت کی۔
مختصر سماعت کے بعد بنچ نے شفقت حسین کی سزا پر عملدرآمد کیخلاف اپیل مسترد کردی اور ڈیٹھ وارنٹ بحال کردیئے۔
ڈپٹی اٹارنی جنرل نے عدالت کو بتایا کہ جیل سپریٹنڈ نے پھانسی اپنے صوابدیدی اختیار کے تحت روکی تھی۔
اس سے قبل اسلام آباد ہائیکورٹ نے سزائے موت کے قیدی شفقت حسین کی پھانسی پر عمل درآمد مؤخر کردیا تھا جبکہ اس فیصلے کے بعد بعض این جی اوز کی جانب سے مجرم کی عمر کا تنازع کھڑا کرنے کے باعث سزا پر عمدرآمد روکا گیا تھا
واضح رہے کہ مجرم شفقت کو بچے سے زیادتی اور قتل کے جرم میں پھانسی کی سزا دی گئی ہے۔
