Tag: Shafqat Mahmood

اسلام آباد: بچوں کے عالمی دن کے حوالے سے ایک تقریب میں بچوں سے خطاب میں وفاقی وزیر تعلیم شفقت محمود نے دل چسپ انداز میں اپنا تعارف کرایا۔

چیئرپرسن چائلڈ پروٹیکشن بیورو سارہ احمد کی ہدایت پر منعقدہ بچوں کے عالمی دن پر تقریب میں وفاقی وزیر شفقت محمود نے خود کو چھٹیاں دینے والا انکل کہہ کر تعارف کرایا۔

شفقت محمود نے بچوں سے سوال کیا آپ کو پتا ہے میں کون ہوں؟ میں چھٹیاں دینے والا انکل ہوں۔

وفاقی وزیر تعلیم نے اسکول کی چھٹیوں کے حوالے سے کہا کہ پچھلے سال تو بہت چھٹیاں ہو گئی تھیں لیکن اب نہیں ہوں گی، اب تعلم پر فوکس کرنا ہے تاکہ بچے پڑھ کر ترقی کر سکیں، انھوں نے یہ بھی کہا کہ اسموگ کے باعث اسکول بند نہیں ہوں گے۔

تقریب سے خطاب میں شفقت محمود کا کہنا تھا کہ کسی قوم کی تہذیب کی نشانی بے سہارا بچوں کو سہارا دینا ہے، خوشی ہے کہ چائلڈ پروٹیکشن بیورو اب 9 اضلاع میں موجود ہے، امید ہے ایک وقت ہوگا جب ملک میں کوئی بچہ بے سہارا نہیں ہوگا۔

قبل ازیں، صحافیوں سے گفتگو میں شفقت محمود نے کہا تھا کہ اب حالات ایسے نہیں ہیں کہ اسکول بند کرنے پڑیں، فیصلہ کیا ہے کہ تمام امتحانات بروقت اور مکمل سلیبس کے ساتھ ہوں گے۔

تقریب سے خطاب کرتے ہوئے چیئر پرسن سارہ احمد نے چائلڈ پروٹیکشن بیورو کی کارکردگی کے بارے میں آگاہ کیا، انھوں نے کہا بچوں کے حقوق کے تحفظ کے لیے تمام ممکن اقدامات کیے گئے ہیں، محفوظ بچے ہی ملک کے محفوظ مستقبل کی ضمانت ہیں، بچوں کے حقوق کا تحفظ ہم سب کی مشترکہ ذمہ داری ہے۔

اسلام آباد : وفاقی وزیر تعلیم شفقت محمود کا کہنا ہے کہ آن لائن پڑھائی سے طالبعلم خوش نہیں ہے کیونکہ آن لائن میں وہ بات نہیں جیسے کلاسزمیں ہوتی ہے ، وزارت تعلیم کی خواہش ہےکہ تعلیمی ادارے کھلےرہیں۔

تفصیلات کے مطابق وفاقی وزیر تعلیم شفقت محمود نے پریس کانفرنس کرتے ہوئے کہا کہ کوروناکی صورتحال میں ہم نے کئی اقدامات کئے،تعلیمی اداروں میں تدریس اور آن لائن تدریس میں فرق ہے، 24مارچ کو بنداسکولز کھولنے کا فیصلہ کیاجائے تاہم وزارت تعلیم کی خواہش ہے کہ تعلیمی ادارے کھلے رہیں۔

شفقت محمود کا کہنا تھا کہ آن لائن میں وہ بات نہیں جیسےکلاسزمیں ہوتی ہے، آن لائن پڑھائی سے طالبعلم خوش نہیں ہے، اسکول بندکرنا بڑامشکل فیصلہ ہے۔

یکساں نظام تعلیم کے حوالے سے وفاقی وزیر تعلیم نے کہا کہ آپ نےیکساں نظام تعلیم کی بات کی توہم نےاپنےملک کو تقسیم کیا ہواہے، پرائیویٹ اورسرکاری اسکولوں میں اپنا اپنانصاب ہوتاہے، ہمارےمدارس میں درس نظامی پڑھایا جاتا ہے، ان کی سرٹیفکیشن بھی مختلف ہے۔

ان کا مزید کہنا تھا کہ قوم تقسیم تھی ذہن تقسیم تھےسوچنےکا طریقہ مختلف تھا، جب سوچنےکاطریقہ مختلف ہو تو سوسائٹی میں انتشار پیداہوتاہے، نصاب میں ایساکوئی موادنہ ہوجوکسی مذہب کوٹھیس پہنچائے۔

شفقت محمود نے کہا کہ وفاق نصاب کے حوالے سے کوئی نوٹی فکیشن جاری نہیں کرسکتا، تو یہ معاملہ صوبائی حکومتوں کے سپرد کرنے کا فیصلہ کیا گیا، صوبائی حکومت نے اپنی ٹیکس بک بورڈ کو اختیار دے دیا ہے۔

وفاقی وزیر تعلیم کا کہنا تھا کہ تعلیمی میدان میں پبلشرزکی انڈسٹری کوختم نہیں کرناچاہتے، این اوسی وفاق دیتی ہے تو پھر کیا ضرورت ہےکسی سےاین اوسی لینےکی، مسئلہ یہ ہےکہ اٹھارویں ترمیم کےبعدصوبوں کےپاس اختیارات ہیں۔

انھوں نے کہا کہ اسکل ڈویلپمنٹ کا بہت بڑا پروگرام شروع کیا ہے، پروگرام میں بہت سارے لوگوں کو ٹریننگ دے رہے ہیں۔

تعلیمی ادارے بند کرنے سے متعلق شفقت محمود کا کہنا تھا کہ ہماری انتہائی کوشش ہے کہ تعلیمی ادارے بند نہ کریں ،محکمہ صحت والے دباؤڈالتے ہیں لیکن تعلیمی ادارے بند نہیں کرتے،این سی او سی کا خیال ہے اسکولوں میں کورونا کا بہت خطرہ ہے۔

وزیر تعلیم نے کہا کہ 5کروڑ بچےتعلیم سےجڑے ہیں ،کوئی انفیکشن ہواتوپھیلےگا ہم نےکوشش کی جہاں مسئلہ نہیں وہاں اسکول کھولیں رکھیں، وزیر تعلیم اور وزیر صحت سفارشات دیں گے تو اس پر عمل کریں گے۔

اسلام آباد: وفاقی وزیر تعلیم شفقت محمود کا کہنا ہے کہ تحریکوں کی کامیابی میں بیانیے کا مضبوط ہونا بہت ضروری ہے، دہشت گردی کے چیلنج کے پیچھے ایک بیانیہ ہے جس کا ہم نے مقابلہ کرنا ہے۔

تفصیلات کے مطابق وفاقی وزیر تعلیم شفقت محمود نے ایک سیمینار سے ویڈیو لنک کے ذریعے خطاب کرتے ہوئے کہا کہ قوموں کو مختلف چیلنجز کا سامنا رہتا ہے، اصل جنگ بیانیے کی ہوتی ہے۔

شفقت محمود کا کہنا تھا کہ دشمن نے ہمیشہ کوشش کی کہ وہ اپنا بیانیہ پاکستان پر مسلط کرے، تحریکوں کی کامیابی میں بیانیے کا مضبوط ہونا بہت ضروری ہے۔ دہشت گردی کے چیلنج کے پیچھے ایک بیانیہ ہے جس کا ہم نے مقابلہ کرنا ہے۔

انہوں نے کہا کہ ہم سب کو مل کر دہشت گردی کے پیچھے موجود بیانیے کو ناکام بنانا ہے۔

اس سے قبل ایک موقع پر وفاقی وزیر کا کہنا تھا کہ گزشتہ حکومتیں اتنے مسائل چھوڑ کر گئی ہیں جنہیں درست کرنے میں وقت لگے گا، 20 ارب ڈالر کا ڈیفیسٹ خسارہ چھوڑ کر گئے تھے جسے ہم نے کم کیا۔

انہوں نے کہا تھا کہ معیشت کی صورتحال سب کے سامنے تھی جسے ہم ٹھیک کر رہے ہیں، گزشتہ حکومتوں کے قرضے ہماری حکومت سود سمیت واپس کر رہی ہے۔