Tag: Shah Mehmood Qureshi

پشاور : تحریک انصاف کے رہنما شاہ محمود قریشی کا کہنا ہے کہ موجودہ معاشی صورتحال کے باعث ملک دیوالیہ ہونے کے قریب ہے ، مخدوش معاشی صورتحال سے نمٹنا ہمارے لیے سب سے بڑا چیلنج ہے۔

تفصیلات کے مطابق تحریک انصاف کے رہنما شاہ محمود قریشی نے اپنے بیان میں کہا ہے کہ عمران خان ملک سے جس طرح والہانہ محبت کرتے ہیں اسے پوری قوم جانتی ہے، عمران خان ہمیشہ مضبوط فوج کے داعی رہے ہیں، انہوں نے کئی فورمز پر واضح کیا جب کسی ملک کو نشانہ بنایا جاتا ہے تو اس کے اداروں کو کمزور کیا جاتا ہے۔

شاہ محمودقریشی کا کہنا تھا کہ پاک فوج ہماری قومی، جغرافیائی اور نظریاتی حدود کے تحفظ اور دفاع کی ضامن ہے، عمران خان اداروں کو مضبوط اور مستحکم دیکھنے کے حامی ہیں، اس ملک کی سلامتی اور بقاہر پاکستانی کو اپنی جان سے زیادہ عزیز ہے۔

رہنما پی ٹی آئی نے کہا کہ تاریخ بتاتی ہے جب ماضی میں ہم سے غلطیاں ہوئیں تو ملک دو لخت ہو گیا، ہمیں اپنی دفاعی قوت کے تحفظ کو یقینی بنانا ہے، مت بھولیے کہ ایسی قوتیں ہیں جو پاکستان کو اندرونی طور پر کھوکھلا کرنا چاہتی ہیں۔

ملک کی معاشی صورتحال کے حوالے سے ان کا کہنا تھا کہ اس وقت، مخدوش معاشی صورتحال سے نمٹنا ہمارے لیے سب سے بڑا چیلنج ہے، موجودہ معاشی صورتحال کے باعث ملک دیوالیہ ہونے کے قریب ہے۔

اسلام آباد: تحریک انصاف کے رہنما شاہ محمود قریشی کا کہنا ہے کہ نیب سے بچنے والوں کا اصل ایجنڈا اور پلان آج سامنے آگیا، دونوں جماعتیں اپنے اوپر کیسز راہ نجات چاہتی ہیں۔

تفصیلات کے مطابق تحریک انصاف کے رہنما شاہ محمود قریشی نے ووٹنگ مشین اور اوورسیز ووٹ سے متعلق اقدامات پر ردعمل دیتے ہوئے نیب سے بچنے والوں کا اصل ایجنڈا اور پلان آج سامنے آگیا، عمران خان نے پہلے کہا تھا یہ ذاتی مقاصد کے لئے آئے ہیں۔

شاہ محمود قریشی کا کہنا تھا کہ پاکستانی عوام سے انہیں کوئی ہمدردی نہیں، ان کا مقصد نیب کو پنجاب کا محکمہ اینٹی کرپشن بنانا ہے، ان کے خلاف مقدمات پر فیصلے آنے والے تھے۔

رہنما تحریک انصاف نے کہا کہ ن لیگ اور پی پی نیب کو بالکل بے معنی کرنا چاہتی ہے، حکمران جماعتوں کے خلاف اوپن اینڈ شٹ کیسز ہیں، دونوں جماعتیں اپنے اوپر کیسز راہ نجات چاہتی ہیں۔

ان کا کہنا تھا کہ پہلے این آراو کا سہارا لیا، اب نیب کو بے ضرر کرنا چاہتے ہیں، حکومت نے معیشت کے لئے کوئی قدم نہیں اٹھایا، یہ ذاتی ایجنڈے کو فروغ اور فوقیت دے رہے ہیں۔

شاہ محمود قریشی نے مزید کہا کہ موجودہ حکومت شفاف انتخابات میں دلچسپی رکھتی ، ان کے نزدیک بیرون ملک پاکستانیوں کی کوئی اہمیت نہیں، انہیں ڈر تھا 95 فیصد اوورسیز پی ٹی آئی کو ووٹ ڈالیں گے۔

رہنما پی ٹی آئی کا کہنا تھا کہ بیرون ملک مقیم پاکستانی ملک کا عظیم اثاثہ ہیں ، ہماری قانون سازی کا مقصد ان کا ملک سے تعلق قائم رکھنا تھا۔

اسلام آباد : وزیرخارجہ شاہ محمود قریشی نے مسلم لیگ ق کو وزارت اعلیٰ کی آفر سے متعلق جواب دینے سے گریز کرتے ہوئے کہا ق لیگ کا فیصلہ نہیں بتاسکتا اور نہ میرے پاس اختیار ہے۔

تفصیلات کے مطابق وزیرخارجہ شاہ محمود قریشی نے مسلم لیگ ق کی قیادت سے ملاقات کے بعد اے آر وائی نیوز سے گفتگو کرتے ہوئے کہاق لیگ کی قیادت سے اچھی ملاقات ہوئی ،گفتگو جاری ہے ، ق لیگ کا فیصلہ نہیں بتاسکتا اور نہ میرے پاس اختیارہے۔

شاہ محمود قریشی نے ق لیگ کو وزارت اعلیٰ کی آفر سے متعلق جواب دینے سے گریز کیا اور کہا یہ کہنا قبل از وقت ہے کہ 2 گھنٹے میں صورتحال واضح ہوگی۔

وزیراعلیٰ پنجاب کیخلاف تحریک عدم اعتماد کے حوالے سے وزیر خارجہ کا کہنا تھا کہ ن لیگ ایک طرف چوہدری صاحبان کو آفر دے رہی ہے دوسری جانب پنجاب میں تحریک عدم اعتماد لے آئی ہے، چوہدری صاحبان بھی غور کررہے ہوں گے کہ ن لیگ حقیقت میں کرکیارہی ہے۔