Tag: Shah Mehmood Qureshi

گوجرانولہ: تحریک انصاف کے رہنما شاہ محمود قریشی کا کہنا ہے کہ نیا نظام لانے کے لئے نئی قیادت کی ضرورت ہے اور نئے پاکستان کے لئے کرپٹ حکمرانوں کی رخصتی کا وقت آگیا ہے۔

گوجرانوالہ میں جلسے سے خطاب کرتے ہوئے شاہ محمود قریشی نے کہا حکمرانوں کی رخصتی کا وقت قریب آچکا ہے، قوم نے نون لیگ اور پیپلز پارٹی کو مسترد کردیا ہے، لاڑکانہ اور گوجرانوالہ میں کامیاب جلسوں سے عمران خان نے ایک گیند پر دو وکٹیں گرا دیں۔

 شاہ محمود قریشی نے کہا کہ لاڑکانہ میں کامیاب جلسے کے بعد پیپلز پارٹی کے رہنماؤں کو آگ لگ گئی۔ اگر لاڑکانہ کا جلسہ کارنر میٹنگ تھی تو دعا ہے ایسی کارنر میٹنگ روز ہو۔

ان کا کہنا ہے کہ ن لیگ والے پتھر پھینک رہے ہیں، آگ لگا رہے ہیں، جلسہ ہمارا ہے تو تم کیوں ریلی نکال رہے ہو، بارات ہماری جارہی ہے، ناچ ن لیگ والے رہے ہیں، بجلی نہ ہونے سے صنعتیں بند ہورہی ہیں،نیا نظام لانے کیلئے نئی قیادت اور نیا پاکستان بنانے کیلئے کرپٹ حکمرانوں کی رخصتی ضروری ہے۔

اسلام آباد: شاہ محمود قریشی کہتے ہیں ہر صورت لاڑکانہ جائیں گے، سندھ حکومت اکیس اور پنجاب حکومت تیس نومبر سے خوفزدہ ہے۔

عمران خان کی صدارت میں پی ٹی آئی کور کمیٹی کا اجلاس ہوا۔ جس میں لاڑکانہ جلسہ، تیس نومبر اسلام آباد جلسہ، جہلم فائنرگ، وفاقی وزیراطلاعات پرویز رشید کی پریس کانفرنس سمیت اہم معاملات کا جائزہ لیا گیا۔

کور کمیٹی کے اجلاس کے بعد میڈیا سے گفتگو میں شاہ محمود قریشی نے بتایا عمران خان نے پارٹی رہنماؤں کو لاڑکانہ اور اسلام آباد جلسے کو تاریخی بنانے کا ٹاسک دے دیا ہے۔

شاہ محمود قریشی کا کہنا تھا تیس نومبر کو کارکنوں کو گرفتار کیا گیا یا کنٹینر ز لگا کر راستے بند کیے توحکومت کو نقصان ہوگا، کور کمیٹی نے جہلم میں ریلی پر فائرنگ کی شدید مذمت بھی کی، شاہ محمود قریشی کا کہنا تھا مذاکرات سے پی ٹی آئی نہیں، حکومت بھاگی، پرویز رشید کے بیان میں کوئی وزن نہیں۔