ARYNews.tv | Urdu – Har Lamha Bakhabar

Tag: Shah Mehmood Qureshi

  • اسرائیلی جارحیت ، شاہ محمود قریشی نے سی این این اینکر کو آئینہ دکھا دیا

    اسرائیلی جارحیت ، شاہ محمود قریشی نے سی این این اینکر کو آئینہ دکھا دیا

    نیویارک : امریکی ٹی وی اینکر کی شاہ محمود قریشی سے گفتگو کو یہود مخالف بیانیہ قرار دیکر مسترد کرنے کی ناکام کوشش ہوگئی ، شاہ محمود قریشی نے کہا کہ اسرائیل عالمی میڈیا کو کنٹرول کررہا ہے۔

    تفصیلات کے مطابق وزیر خارجہ شاہ محمود قریشی نے سی این سی اینکر کو آئینہ دکھایا اور دوٹوک جواب دیا کہ کس طرح اسرائیل عالمی میڈیا کو کنٹرول کررہا ہے۔

    شاہ محمود قریشی کا کہنا تھا کہ عالمی میڈیا نے فلسطینوں کو منصفانہ کوریج نہیں دی ، مقامی افراد کی رپورٹ نے دنیا کو جھنجھوڑا، مقبوضہ کشمیر میں بھی یہی سب ہورہا ہے۔

    وزیر خارجہ نے کہا اسرائیل اپنےمضبوط روابط کےذریعےمیڈیاکوکنٹرول کرتاہے اور اسرائیل کو اپنے اثررسوخ کےباعث عالمی میڈیا پر بھرپورحمایت ملتی رہی ہے تاہم اسرائیل میڈیا کے محاذ پرجنگ ہارچکاہے، دنیا بھر میں اس وقت عوامی رائےاسرائیل کیخلاف ہے۔

    امریکی ٹی وی اینکر نے شاہ محمود قریشی کی گفتگو کو یہود مخالف بیانیہ قراردیکرمستردکرنے کی ناکام کوشش کی ، شاہ محمود قریشی کا کہنا تھا کہ عالمی میڈیا میں یہ تاثرقائم ہےجسےمتوازن کوریج کے ذریعےردکیا جانا چاہیئے، غزہ کی تباہی پرمقامی افرادکی ویڈیواورتصاویرنےعالمی ضمیر کو ہلا کررکھ دیا۔

    انھوں نے مزید کہا کہ غزہ کی ویڈیوز اورتصاویر دیکھ کرسڈنی سےبرسلز تک عوام سڑکوں پر نکل آئے ، لندن،نیویارک اورشکاگومیں لوگ فلسطینیوں پرمظالم کیخلاف باہر نکلے۔

    وزیر خارجہ کا کہنا تھا کہ کشمیر میں جو ظلم وستم ڈھایا جارہا ہے کیا اس پر عالمی میڈیا نےتوجہ دی، کشمیر میں ہونےوالےمظالم کو بھی دنیا کے سامنےلایا جائے۔

  • وزیر خارجہ شاہ محمود قریشی کی سیکرٹری جنرل اقوام متحدہ سے ملاقات

    وزیر خارجہ شاہ محمود قریشی کی سیکرٹری جنرل اقوام متحدہ سے ملاقات

    نیویارک : وزیر خارجہ شاہ محمود قریشی نے سیکرٹری جنرل اقوام متحدہ سے ملاقات میں کہا پاکستان فلسطینیوں کی جدوجہد کی حمایت جاری رکھنے کیلئے پرعزم ہے۔

    تفصیلات کے مطابق وزیرخارجہ شاہ محمود قریشی کی یواین سیکرٹری جنرل انتونیوگوئترس سے ملاقات ہوئی ، ملاقات میں وزیر خارجہ نے فلسطینی شہریوں اور خواتین و بچوں کی شہادتوں پر تشویش سے آگاہ کیا۔

    شاہ محمود قریشی نے کہا کہ طاقت کے بے دریغ استعمال سے 250 فلسطینی شہید ہوچکے ہیں اور زخمی فلسطینیوں کی تعداد ہزاروں میں بتائی جا رہی ہے،
    دورے کا مقصد نہتے مظلوم فلسطینیوں کے حق میں آوازبلند کرنا ہے اور عالمی برادری کی توجہ انسانی حقوق کی پامالیوں پرمبذول کرانی ہے۔

    پاکستان فلسطینیوں کی جدوجہد کی حمایت جاری رکھنےکیلئےپرعزم ہے، ملاقات میں سیکرٹری جنرل اقوام متحدہ نےسیز فائرکےاعلان کاخیرمقدم کرتے ہوئے کہا مسئلہ مذاکرات کے ذریعے حل کرنے میں مدد ملے گی۔

    وزیرخارجہ نےمقبوضہ کشمیرمیں ماورائےقتل کے واقعات سے بھی آگاہ کرتے ہوئے کہا پاکستان ہمسایوں سےپر امن تعلقات کاحامی رہاہے، مذاکرات کیلئے سازگارماحول کی ذمہ داری بھارت پرعائدہوتی ہے۔

    وزیرخارجہ نے سیکرٹری جنرل اقوام متحدہ افغانستان میں قیام امن کیلئے پاکستان کی کاوشوں سےآگاہ کیا۔

  • وزیر خارجہ شاہ محمود قریشی آج اقوام متحدہ جنرل اسمبلی میں مسئلہ فلسطین اٹھائیں گے

    وزیر خارجہ شاہ محمود قریشی آج اقوام متحدہ جنرل اسمبلی میں مسئلہ فلسطین اٹھائیں گے

    اسلام آباد : وزیر خارجہ شاہ محمود قریشی آج اقوام متحدہ جنرل اسمبلی میں مسئلہ فلسطین اٹھائیں گے ، وزیر خارجہ کا خطاب پاکستان کے میڈیا پربھی براہ راست نشر کیا جائے گا۔

    تفصیلات کے مطابق سفارتی ذرائع کا کہنا ہے کہ اقوام متحدہ جنرل اسمبلی کااجلاس آج نیو یارک میں منعقدہوگا، اجلاس پاکستانی وقت کےمطابق شام7 بجے منعقدہوگا۔

    ذرائع کا کہنا تھا کہ اجلاس میں ترکی فلسطین پرحالیہ اسرائیلی جارحیت پرقراردادپیش کرےگا، پاکستان اس قراردادکااسپانسرہو گا، قراردادپرپاکستان اورترکی دیگرممالک کی حمایت کے حصول کیلئے کوشاں ہیں، بیشترممالک نےقراردادپرحمایت کی یقین دہانی کرا دی ہے، جس کے بعد جنرل اسمبلی میں پاکستان اورترکی کی مطلوبہ اکثریت کا حصول متوقع ہے۔

    سفارتی ذرائع کے مطابق قراردادمیں 4 نکات پرزوردیاجائےگا، فلسطینیوں کاقتل عام فوری طورپررکوائےجانےکامطالبہ کیاجائےگا، موجودہ صورتحال کو اسرائیلی جارحیت کےطورپرمتعارف کرانےکامطالبہ ہوگا، اسرائیل کےجنگی جرائم پراس کےاحتساب کی بات کی جائے گی اور القدس شریف کے بطور دارلحکومت فلسطینی ریاست پر زور دیا جائے گا۔

    ترجمان نے کہا ہے کہ شاہ محمودنیویارک میں جنرل اسمبلی اجلاس میں مسئلہ فلسطین اٹھائیں گے، پاکستان مسئلہ فلسطین سےمتعلق سفارتی کوششیں جاری رکھےہوئےہے ، اسرائیلی افواج کےفضائی حملوں میں فلسطینی بچےاورخواتین شہیدہوئیں۔

    شاہ محمودقریشی مختلف ممالک کےوزرائےخارجہ ، جنرل اسمبلی صدرسمیت اہم شخصیات سےملاقاتیں کریں گے جبکہ پاکستانی سفارتخانےمیں منعقدہ کمیونٹی ایونٹ میں شرکت کریں گے اور نیویارک میں مقامی و بین الاقوامی میڈیاکےساتھ گفتگوکریں گے،ذرائع

    اس دوران وزیرخارجہ فلسطین صورت حال ، اہم علاقائی و عالمی امورپرپاکستان کا نکتہ نظرپیش کریں گے ، پاکستان نےفلسطین پرحالیہ اسرائیلی جارحیت پر پروایکٹو کردارادا کرنے کا فیصلہ کیا ہے۔

    ترجمان دفترخارجہ زاہد حفیظ نے کہا فلسطین پر اسرائیلی جارحیت کےتناظرمیں پاکستان عالمی فورمز پر فرنٹ پرہے، پاکستان اس معاملےپرتمام دستیاب عالمی فورم کوفعال کررہاہے، اوآئی سی کےحالیہ اجلاس میں پاکستان قراردادکاپرائم موورتھا۔

    ترجمان کا کہنا تھا کہ سلامتی کونسل اجلاس میں اسلامی ملکوں کےساتھ ملکر کوششیں کی گئیں، امریکا نے سلامتی کونسل اجلاس میں ویٹوکااختیاراستعمال کرلیا، جنرل اسمبلی میں امریکا کے پاس قراردادکوویٹوکرنےکااختیارنہیں ،دفتر خارجہ

    زاہد حفیظ نے مزید کہا کہ پاکستان اب جنرل اسمبلی میں فلسطین پرانتہائی اہم کرداراداکررہاہے، اقوام متحدہ جنرل اسمبلی میں دیگراسلامی ملکوں سےموثررابطہ موجودہے، اجلاس میں اسرائیلی جارحیت پرہرپہلوسےغورہوگا۔

  • عمران خان پراعتماد نہیں رکھتے تو آپ کے پاس پی ٹی آئی میں رہنے کی گنجائش نہیں رہتی، شاہ محمود قریشی نے خبردار کردیا

    عمران خان پراعتماد نہیں رکھتے تو آپ کے پاس پی ٹی آئی میں رہنے کی گنجائش نہیں رہتی، شاہ محمود قریشی نے خبردار کردیا

    اسلام آباد : وائس چیئرمین پی ٹی آئی شاہ محمودقریشی نے خبردار کیا ہے کہ جو عمران خان پراعتماد نہیں رکھتے ، ان کے پاس پی ٹی آئی میں رہنے کی گنجائش نہیں رہتی، پارٹی ڈسپلن کی خلاف ورزی کرنے والوں کی رکنیت متاثرہو سکتی ہے۔

    تفصیلات کے مطابق وائس چیئرمین پی ٹی آئی شاہ محمودقریشی نے پارٹی ڈسپلن سے متعلق بیان میں کہا ہے کہ ہمارےتمام اراکین،پارٹی ڈسپلن کے پابند ہیں، وزیراعظم نےتحفظات کااظہارکرنےوالےاراکین کودعوت دی، ان کی گفتگوسنی،انصاف کی یقین دہانی کرائی۔

    ،شاہ محمود قریشی کا کہنا تھا کہ پارٹی ڈسپلن کی خلاف ورزی کرنے والوں کی رکنیت متاثرہو سکتی ہے، امیدہے وہ ایسا نہیں کریں گے۔

    وائس چیئرمین پی ٹی آئی نے کہا کہ اعتماد کے ووٹ،فنانس بل پرکوئی پارٹی ڈسپلن کی خلاف ورزی نہیں کرسکتا، اگرعمران خان کوآپ اپنا لیڈر تسلیم کرتے ہیں توان پر اعتماد کریں۔

    ان کا مزید کہنا تھا کہ علی ظفر نےابھی اپنی رپورٹ وزیر اعظم کوپیش نہیں کی، وزیراعظم نے ان کے کہنے پرعلی ظفرکوذمہ داریاں تفویض کیں، ان کی خواہش تھی تحقیقات کیلئےانکی پسندیدہ شخصیت کونامزدکیاجائے۔

    شاہ محمود قریشی نے خبردار کیا کہ عمران خان پراعتماد نہیں رکھتے تو آپکے پاس پی ٹی آئی میں رہنے کی گنجائش نہیں رہتی، عمران خان پارٹی کے بانی چیئرمین ہیں۔

    انھوں نے کہا کہ عمران خان اورانکےووٹرزنہ ہوتےتویہ صاحبان آج اسمبلیوں میں نہ ہوتے، عمران خان کولیڈرمانتے ہیں تو پھر ان کے فیصلوں پرآمادگی کا اظہار کرنا چاہیے۔

  • شاہ محمود قریشی ترک اور فلسطینی وزرائے خارجہ کے ہمراہ اقوام متحدہ جائیں گے

    شاہ محمود قریشی ترک اور فلسطینی وزرائے خارجہ کے ہمراہ اقوام متحدہ جائیں گے

    اسلام آباد: فلسطین کی صورتحال پر عالمی برادری کی توجہ مبذول کروانے کے لیے وزیر خارجہ شاہ محمود قریشی ترکی پہنچ گئے، وہ آج ترک اور فلسطینی وزرائے خارجہ کے ہمراہ نیویارک میں اقوام متحدہ کی جنرل اسمبلی میں شرکت کے لیے روانہ ہوں گے۔

    تفصیلات کے مطابق فلسطین کی صورتحال پر عالمی برادری کی توجہ مبذول کروانے کا مشن لیے وزیر خارجہ شاہ محمود قریشی، وزیر اعظم عمران خان کی خصوصی ہدایت پر ترکی پہنچ گئے۔

    شاہ محمود قریشی ترک ہم منصب کے ساتھ کل نیویارک روانہ ہوں گے، اس موقع پر سوڈان اور فلسطین کے وزرائے خارجہ بھی ان کے ہمراہ ہوں گے۔ وزیر خارجہ نیویارک میں مختلف اہم شخصیات سے ملاقاتیں کریں گے۔

    اپنے دورے کے دوران وہ اقوام متحدہ کی جنرل اسمبلی میں فلسطینیوں پر مظالم کے خلاف آواز اٹھائیں گے، وہ مقامی و بین الاقوامی میڈیا نمائندگان سے گفتگو بھی کریں گے اور فلسطین کی صورتحال پر پاکستان کا نقطہ نظر پیش کریں گے۔

    ترکی پہنچنے کے بعد اے آر وائی نیوز سے خصوصی ٹیلی فونک گفتگو کرتے ہوئے وزیر خارجہ نے کہا کہ ترک وزیر خارجہ کے ساتھ اقوام متحدہ جنرل اسمبلی اجلاس کے لیے روانہ ہونا تھا، فلسطین کے وزیر خارجہ کی راہ میں رکاوٹیں ڈالی جارہی ہیں۔ چاہتے ہیں کہ فلسطینی وزیر خارجہ بھی جنرل اسمبلی میں ساتھ چلیں۔

    انہوں نے کہا کہ فلسطینی وزیر خارجہ کو جنرل اسمبلی نہ آنے دیا تو بڑی ناانصافی ہوگی، ہم آج کے بجائے کل روانہ ہوں گے اور فلسطینی وزیر خارجہ کا انتظار کریں گے۔

    شاہ محمود قریشی کا کہنا تھا کہ میری امید اور خواہش ہے کہ فلسطینی وزیر خارجہ پہنچ جائیں۔

    انہوں نے مزید بتایا کہ سعودی عرب کے وزیر خارجہ نے او آئی سی اجلاس کی سربراہی کی، امت مسلمہ نے فلسطین کی صورتحال پر متفقہ قرارداد منظور کی۔

    وزیر خارجہ کا کہنا تھا کہ فلسطین کی صورتحال پر دنیا میں عوامی ردعمل بہت حوصلہ افزا ہے، فلسطین کےعوام نے بھی کہا کہ ہم متفق ہو کر اپنے حقوق کے لیے اکٹھے ہوں گے، یورپی ممالک میں 65 ملین مسلمان مل کر سول سوسائٹی اور ارکان پارلیمنٹ سے رجوع کریں، یورپی ممالک میں مقیم مسلمان فلسطین پر ظلم رکوانے کے لیے دباؤ ڈالیں۔

    انہوں نے مزید کہا کہ فلسطین میں بمباری سے بجلی منقطع ہوچکی ہے اور پانی اور اشیائے خور و نوش کی سپلائی متاثر ہے، عالمی برادری فلسطین کی صورتحال پر خاموش رہے تو یہ بہت افسوسناک ہوگا۔

  • بھارت میں کورونا سے تباہی، شاہ محمود قریشی کا بھارتی عوام اور حکومت سے ہمدردی کا اظہار

    بھارت میں کورونا سے تباہی، شاہ محمود قریشی کا بھارتی عوام اور حکومت سے ہمدردی کا اظہار

    اسلام آباد: وزیرخارجہ شاہ محمود قریشی نے حکومت پاکستان اور پاکستانی عوام کی جانب سے بھارت سے اظہار ہمدردی کیا اور کہا ہمیں سیاسی غورو فکر سے بالاتر ہوکرانسانیت کیلئے سوچنا چاہیے۔

    تفصیلات کے مطابق وزیرخارجہ شاہ محمود قریشی نے کورونا وبا کے تناظر میں بھارت سےاظہار ہمدردی کرتے ہوئے کہا ہے کہ کورونا وبا کے دوران بھارت کے عوام سے حمایت کااظہارکرتے ہیں، وبانےہمارےخطے کو سخت نقصان پہنچا ہے، پاکستانی عوام کی طرف سےبھارتی متاثرہ خاندانوں سےہمدردی کااظہارکرتاہوں۔

    شاہ محمود قریشی کا کہنا تھا کہ ہمیں سیاسی غورو فکر سے بالاتر ہوکرانسانیت کیلئے سوچنا چاہیے، پاکستان سارک ممالک سےمل کروباکوشکست دینے کیلئے کام کر تا رہے گا۔

    خیال رہے کورونا نے بھارت میں تباہی مچادی ہے ، ایک دن میں کوروناکے3لاکھ46ہزارکیسزرپورٹ اور کوروناسے 2624 اموات ہوئیں۔

    بھارت کادارالحکومت نئی دہلی کورونا سےسب سےز یادہ متاثر ہے ، نئی دہلی میں ریکارڈ 353افرادجان سے گئے اور 27ہزارکیسزرپورٹ ہوئے۔

    نئی دہلی میں اسپتالوں میں آکسیجن کی قلت اور بسترکم پڑگئے ہیں اور نئی دہلی کے3اسپتالوں نے ایک گھنٹے کی آکسیجن رہ جانے کا اعلان کردیا ہے۔

  • ہم اور حلیف تحریک عدم اعتماد کا پارلیمانی اندازمیں مقابلہ کریں گے اور شکست دیں گے

    ہم اور حلیف تحریک عدم اعتماد کا پارلیمانی اندازمیں مقابلہ کریں گے اور شکست دیں گے

    اسلام آباد : وزیر خارجہ شاہ محمود قریشی کا کہنا ہے کہ پی ڈی ایم ایک غیر فطری اور عارضی اتحاد ہے ، ہم اورحلیف تحریک عدم اعتماد کا پارلیمانی  اندازمیں مقابلہ کریں گے اور شکست دیں گے۔

    تفصیلات کے مطابق وزیر خارجہ شاہ محمود قریشی نے اپنے بیان میں کہا ہے کہ ہم اورحلیف تحریک عدم اعتمادکاپارلیمانی اندازمیں مقابلہ کریں گے اور شکست دیں گے ، پی ڈی ایم کی صفوں میں اختلاف کھل کر سامنے آ چکا ہے۔

    پی ڈی ایم کے حوالے سے وزیر خارجہ کا کہنا تھا کہ پی ڈی ایم ایک غیر فطری اور عارضی اتحاد ہے ، مریم نواز اور شہباز شریف کی سوچ کا اختلاف منظر عام پرآچکا ہے اور مولانا فضل الرحمن لانگ مارچ پر تلے ہوئے تھے۔

    شاہ محمود قریشی نے کہا کہ بلاول بھٹو اسمبلیوں کا رخ اختیارکرنےکی بات کر رہے ہیں ، بلاول سمجھتےہیں احتجاجی سیاست پر عوام نےتوجہ نہیں دی جبکہ مولانا فضل الرحمان کی جماعت میں دباؤ اورکشمکش دکھائی دے رہی ہے۔

    سینیٹ انتخابات سے متعلق ان کا کہنا تھا کہ ہر سینیٹ الیکشن کے بعد مختلف پارٹیوں نے ہارس ٹریڈنگ کےالزام لگائے ، سینیٹ الیکشنز کی شفافیت پر سوالات اٹھائے گئے، گزشتہ سینیٹ انتخابات میں تو وزیر اعظم نے 20 اراکین کےخلاف ایکشن لیا، تاریخ میں کسی جماعت نےاپنےاراکین کےخلاف ایکشن نہیں لیا۔

    وزیر خارجہ نے کہا کہ شفاف انتخابات کےلیےاوپن بیلٹ کی تجویزسامنےرکھی، کیا اپوزیشن قانون سازی کیلئے ہمارا ساتھ دینے کو تیار ہے؟ سپریم کورٹ اوپن ووٹنگ پر اپنی رائے دے گی۔

    بھارت کے حوالے سے ان کا مزید کہنا تھا کہ افغان امن عمل میں مصالحانہ کرداردنیا سراہ رہی ہے ، وزیر اعظم نے بھارت کو 2قدم بڑھنےکی پیشکش کی، بھارت نے پیشکش پر توجہ مقبوضہ کشمیر میں صورتحال مزید خراب کی، مودی سرکار نےبھارتی کسانوں کوجھانسےدینےکی کوشش کی اس کےباوجود کسانوں کی آواز دبانے میں ناکام رہی۔

    کشمیر کی صورتحال سے شاہ محمود قریشی نے کہا کہ مقبوضہ کشمیر ایک تسلیم شدہ بین الاقوامی تنازعہ ہے، بھارت کا مؤقف مضبوط ہے تو گفت وشنید سے کیوں گھبرا رہا ہے، دنیا کو بار آور کرا رہے ہیں کشمیر فلیش پوائنٹ ہے ، جلد اور مستقل حل ناگزیر ہے۔

  • کچھ قوتیں ملک کو کمزور کرنے کے لیے کام کر رہی ہیں، شاہ محمود قریشی

    کچھ قوتیں ملک کو کمزور کرنے کے لیے کام کر رہی ہیں، شاہ محمود قریشی

    ملتان : وزیر خارجہ شاہ محمود قریشی نے کہا ہے کہ کشمیر بھارت کا اندرونی معاملہ نہیں، برطانوی اراکین بھی پاکستان کے نقطہ نظر کی تائید کررہے ہیں، ملک کو کمزور کرنے کے لیے کچھ قوتیں کام کر رہی ہیں۔

    یہ بات انہوں نے ملتان میں میڈیا سے گفتگو کرتے ہوئے کہی، وزیر خارجہ نے کہا کہ برطانیہ کی پارلیمنٹ میں 11 ارکان نے کشمیر پر اپنا نقطہ نظر پیش کیا،انہوں نے مسئلہ کشمیر پر پاکستان کے نقطہ نظر کی بھرپور تائید کی۔

    شاہ محمود قریشی کا کہنا تھا کہ کشمیر بھارت کا اندرونی معاملہ نہیں جبکہ بھارت دنیا کو یہ تاثر دیتا رہا ہے کہ وہاں حالات معمول پر ہیں لیکن حقیقت میں ایسا کچھ نہیں، آج بھی ہزاروں کی تعداد میں کشمیری بھارتی جیلوں میں قید و بند کی صعوبتیں برداشت کررہے ہیں۔

    انہوں نے کہا کہ کشمیری نوجوانوں کو بلاوجہ گرفتارکیا جا رہا ہے بعد میں ان نوجوانوں کو دہشت گرد قرار دے کر شہید کردیا جاتا ہے، برطانیہ کے علاوہ یورپی یونین میں بھی انسانی حقوق کی خلاف ورزی پر آواز اٹھ رہی ہے، جوبائیڈن انتظامیہ بھی انسانی حقوق کی خلاف ورزیوں پر بات کر رہی ہے۔

    شاہ محمود قریشی کا کہنا تھا کہ ملک کو کمزور کرنے کے لیے کچھ قوتیں کام کر رہی ہیں، بھارت ہمارے ملک میں فرقہ وارانہ فساد کراناچاہتا ہے، اقلیتوں کی عبادت گاہوں کا تحفظ کرنا ہماری اولین ذمہ داری ہے، بھارت بھی مسجدوں کو تحفظ فراہم کرے۔

    ایک سوال کے جواب میں شاہ محمود قریشی نے کہا کہ حکومت ذخیرہ اندوزوں اور منافع خوروں کے خلاف متحرک ہے، احتجاج کی آڑ میں قانون کو ہاتھ میں نہ لیا جائے، انہوں نے کہا کہ پی ٹی آئی نے الیکشن کمیشن کو فنڈنگ کی مکمل تفصیلات فراہم کیں، ہم سالانہ بنیادوں پر اکاؤنٹس کا آڈٹ بھی کراتے ہیں۔

    وزیر خارجہ نے کہا کہ سانحہ مچھ کے ذمہ داروں کو بے نقاب کریں گے، کچھ لوگ سانحہ مچھ کو بھی سیاست کے لئے استعمال کرنا چاہتے تھے، وزیر اعظم اور آرمی چیف سانحہ مچھ کے شہدا کے لواحقین سے ملے۔

  • وزیر خارجہ کی سعودی، قطری اور بحرینی وزرائےخارجہ کو خلیجی ریاستوں کے تنازعات کے حل پر مبارکباد

    وزیر خارجہ کی سعودی، قطری اور بحرینی وزرائےخارجہ کو خلیجی ریاستوں کے تنازعات کے حل پر مبارکباد

    اسلام آباد : وزیر خارجہ شاہ محمودقریشی نے سعودی ، قطر اور بحرینی وزرائےخارجہ سے رابطہ کرکے خلیجی ریاستوں کےتنازعات کےحل اور سعودی عرب میں کامیاب جی سی سی مذاکرات پر مبارکباد دی۔

    تفصیلات کے مطابق وزیر خارجہ شاہ محمودقریشی نے سعودی ہم منصب شہزادہ فیصل بن فرحان سے رابطہ کیا ، جس میں دونوں وزرائے خارجہ کےمابین دوطرفہ تعلقات پرتبادلہ خیال کیا گیا اور جی سی سی ممالک میں تنازعات کےحل کیلئے کاوشوں سمیت دیگرامور پر گفتگو کی گئی۔

    وزیرخارجہ نے قطر و خلیجی ممالک میں تنازعات کےحل کیلئےسعودی کردار کو سراہتے ہوئے سعودی ہم منصب کوجی سی سی سمٹ کے انعقاد پر مبارکباد دی۔

    شاہ محمودقریشی نےخلیجی ریاستوں کی دیرینہ تنازعات کےحل کیلئےآمادگی کوسراہا جبکہ دونوں وزرائےخارجہ نےعالمی سطح پرتعاون کےفروغ پرمشاورت کی۔

    وزیرخارجہ نےمسئلہ کشمیراوراسلاموفوبیاپرقراردادوں پرسعودی عرب کاشکریہ اداکیا اور وزرائےخارجہ کااہم علاقائی وعالمی امورپرباہمی مشاورت جاری رکھنے پر اتفاق کیا گیا۔

    وزیرخارجہ شاہ محمود کا کہنا تھا کہ سعودی وزیرخارجہ کی پاکستان آمد کے منتظر ہیں۔

    وزیر خارجہ شاہ محمودقریشی کا قطر کے وزیرخارجہ سے رابطہ

    وزیر خارجہ شاہ محمودقریشی نے قطر کے وزیرخارجہ محمدبن عبدالرحمان ال تھانی سے ٹیلیفونک رابطہ کیا ، وزرائےخارجہ میں دو طرفہ تعلقات،خلیجی ممالک میں تنازعات کےحل پرتبادلہ خیال کیا گیا۔

    شاہ محمود قریشی نے خلیجی ریاستوں کےتنازعات کےحل میں مثبت ردعمل پر قطری ہم منصب کومبارکباد دیتے ہوئے العلا سعودی عرب میں جی سی سی کے کامیاب اجلاس پر بھی مبارکباد دی۔

    وزیرخارجہ نے کہا کامیاب اجلاس سےخلیجی ممالک میں اعتماد، تعاون کی فضا کوفروغ ملے گا، توقع ہے خطےمیں امن و امان کی صورتحال میں بہتری آئے گi , پاکستان تمام خلیجی ممالک سےاچھےتعلقات کاخواہاں ہے۔

    وزرائےخارجہ میں پاک قطرکثیرالجہتی شعبہ جات میں تعاون کےفروغ پرتبادلہ خیال بھی کیا گیا۔

    شاہ محمودقریشی کا بحرین کے وزیرخارجہ سے ٹیلیفونک رابطہ

    بحرین کے وزیرخارجہ عبدالطیف الزیانی سے بھی شاہ محمودقریشی کا ٹیلیفونک رابطہ ہوا ، رابطے میں دونوں وزرائےخارجہ میں دو طرفہ تعلقات،باہمی دلچسپی پرتبادلہ خیال کیا گیا اور خلیجی ممالک میں دیرینہ تنازعات کےحل کیلئےکی جانیوالی سفارتی کاوشوں پر گفتگو کی گئی۔

    وزیرخارجہ نےخلیجی ریاستوں کی تنازعات کےحل کیلئےمثبت سوچ کوسراہتے ہوئے اسےخطے میں امن واستحکام کیلئےحوصلہ افزا قدم قرار دیا۔

    وزیرخارجہ نے کہا 5جنوری کوالعلا سعودی عرب میں کامیاب جی سی سی مذاکرات کا انعقاد ہوا، کامیاب مذاکرات سے جی سی سی ممبرممالک میں اعتمادکی فضا بحال ہوگی اور خلیجی ریاستوں کےدرمیان تعاون کوفروغ ملےگا ۔

    شاہ محمود قریشی نے47ویں اوآئی سی وزرائے خارجہ اجلاس میں حمایت اور مسئلہ کشمیر،اسلاموفوبیاپرپیش قراردادوں کی حمایت پر بحرینی وزیرخارجہ کاشکریہ ادا کیا۔

    وزرائے خارجہ میں مختلف شعبہ جات میں دو طرفہ تعاون بڑھانےپربھی تبادلہ خیال کیا گیا اور اہم علاقائی وعالمی امورپر مشاورت کاسلسلہ جاری رکھنےکاعزم کیا جبکہ عالمی سطح پرباہمی دلچسپی کےامورپرمشترکہ لائحہ عمل اختیار کرنے پر اتفاق کیا گیا۔

  • خواجہ آصف الزامات کا تسلی بخش جواب نہیں دے سکے، شاہ محمود قریشی

    خواجہ آصف الزامات کا تسلی بخش جواب نہیں دے سکے، شاہ محمود قریشی

    وزیر خارجہ شاہ محمود قریشی نے کہا ہے کہ خواجہ آصف پر منی لانڈرنگ اور آمدنی سے زائد اثاثوں کا الزام تھا جس کا وہ تسلی بخش جواب نہ دے سکے، نیب ایک خود مختار ادارہ ہے۔

    یہ بات انہوں نے اسلام آباد میں پریس کانفرنس سے خطاب کرتے ہوئے کہی، انہوں نے کہا کہ ن لیگی رہنما خواجہ آصف کی گرفتاری کیوں ہوئی اس کی وضاحت وہ خود بہتر طور پر کرسکتے ہیں۔

    انہوں نے کہا کہ خواجہ آصف کو کئی بارسوال نامہ بھیجا گیا لیکن وہ نیب کو مطمئن نہیں کرپائے، خواجہ آصف پر منی لانڈرنگ اور آمدنی سے زائد اثاثوں کا الزام تھا جس کا انہوں نے تسلی بخش جواب نہیں دیا اگر خواجہ آصف الزامات پر وضاحت پیش کردیتے تو گرفتاری عمل میں نہ آتی۔

    شاہ محمود قریشی نے کہا کہ قومی احتساب بیورو ایک خود مختار ادارہ ہے، نیب جس قانون کے تحت کام کررہا ہے وہ پی ٹی آئی کا بنایا ہوا نہیں، پی ٹی آئی کو نیب کا قانون ملاہے، اس کےعلاوہ نیب میں چیئرمین سمیت دیگر تعیناتیوں میں بھی پی ٹی آئی کا عمل دخل نہیں، تعیناتیوں سے پی ٹی آئی کو جوڑا جاتا ہے مگر ایسا بالکل نہیں ہے۔

    وزیر خارجہ نے بتایا کہ جب ایف اے ٹی ایف کی قانون سازی پر اپوزیشن کی2جماعتیں سے مشاورت کررہے تھے، اس کی قانون سازی میں نیب قوانین کا کیا تعلق تھا؟ فیٹف کو ڈھال بنا کر یہ لوگ نیب قوانین میں ترامیم چاہتے تھے،

    جب ان سے یہ اصرار کیا گیا کہ نیب قوانین پر بات نہ کریں تو نیب قوانین میں ترامیم پر ہی فیٹف پر بات چیت کا کہا گیا جو ہمیں قبول نہ تھی، اپوزیشن کی2جماعتوں نے نیب قوانین میں34ترامیم کا مطالبہ کیا، اپوزیشن کو دکھائی دے رہا تھا کہ آئندہ دنوں کچھ ایسا ہوگا جو ان کیلئے مشکلات پیدا کرسکتا ہے۔