Tag: shah mehmood

اسلام آباد : وزیر خارجہ شاہ محمود قریشی نے شہباز شریف کے بیان پر کہا کہ ای وی ایم مشین شیطانی حربوں کو دفن کرنے کیلئے لائی جارہی ہے ، ای وی ایم شیطانی مشین نہیں بلکہ شیطانی حربے دفن کرے گی۔

تفصیلات کے مطابق وزیر خارجہ شاہ محمود قریشی نے پارلیمنٹ کے مشترکہ اجلاس سے اظہار خیال کرتے ہوئے کہا کہ ہم سب نے بڑے تحمل اور احترام سے اپوزیشن لیڈرکی گفتگو سنی، قائدحزب اختلاف کی گفتگو کو سنجیدگی سے سنا گیا ہے، یہ ایوان ایسی قانون سازی کررہی ہے جس سے ماضی کی غلطیاں دورہوں گی۔

شاہ محمودقریشی کا کہنا تھا کہ قائدحزب اختلاف نے کہا کہ ہم کوئی کالا قانون مسلط کرناچاہتے ہیں، ہم کالا قانون مسلط نہیں بلکہ ماضی کی کالک دھوناچاہتے ہیں۔

وزیر خارجہ نے کہا کہ میں اتفاق کرتاہوں کہ آج تاریخی دن ہے، حکومت ماضی کی خرابیاں تبدیل کرکےشفاف الیکشن کاارادہ رکھتی ہے، 2013میں پی ٹی آئی نے اعتراضات رکھے،جوڈیشل کمیشن کا رخ کیا، سوال یہ ہے ہم تاریخ سےسبق کب سیکھیں گےاورسمت کب درست کریں گے۔

ان کا کہنا تھا کہ ایسا ہر گز ارادہ نہیں کہ ہم بلز کو بلڈوزکرناچاہتے ہیں، حکومت نے بارہا اپوزیشن کےممبران سے رابطہ ،درخواستیں کیں، اپوزیشن کو ہم نے مؤقف پیش کرنے کاموقع فراہم کیا۔

شاہ محمود قریشی نے مزید کہا کہ حکومت ارادہ کرچکی تھی ہم نےبارہاآپ اورممبران سےرجوع کیا، آپ ای وی ایم مشین کو تذکرہ کر رہے ہیں ہم نےاس کیلئے موقع فراہم کیا، اگر عجلت میں اجلاس بلایاجاتا تو آپ ممبران کو کیسے بلاتے، 11نومبرکواجلاس کی تاریخ دےدی گئی تھی۔

وزیر خارجہ نے شہباز شریف کے بیان پر کہا کہ آپ کی تقریر اعتراف ہے کہ حکومتی صفوں میں یکجہتی ہے ، حکومت جمہوری انداز میں آگے بڑھنے کا ارادہ رکھتی ہے، ہمارے پاس عددی اکثریت نہ ہوتی تویہ بل کیسےپیش کرتے؟ آپ کی تقریرکالب لباب اعتراف ہےکہ حکومت کی صفوں میں یکجہتی ہے۔

ان کا کہنا تھا کہ قانون سازی کے عمل میں کوئی کوتاہی نہیں برتی گئی، ہم نےہر طریقے کو فالوکیا جو قانون سازی پروسیجرہیں اس میں کوتائی نہیں برتی۔

شاہ محمود قریشی نے کہا ای وی ایم کو شیطانی مشین کا نام دینا آپ کا حق ہے، ای وی ایم مشین شیطانی حربوں کو دفن کرنے کیلئے لائی جا رہی ہے، ای وی ایم شیطانی مشین نہیں بلکہ شیطانی حربے دفن کرے گی۔

وزیر خارجہ کا کہنا تھا کہ آپ نے 73 کے آئین کا ذکر کیا پارلیمنٹ کل اورآج بھی 73کے آئین پر متفق ہے، آج ہم تاریخ رقم کرنے جارہے ہیں اور تاریخی غلطی جھٹلانے جارہے ہیں۔

انھوں نے مزید کہا کہ قانون سازی کےذریعےشفاف نظام متعارف کرانےکاارادہ رکھتےہیں، شہبازشریف نےکہاکہ اسپیکرصاحب پارٹی ممبر شپ سےمستعفی ہوجائیں ، ہم پوچھتےہیں کیا آپ نےایازصادق سےیہ مطالبہ کیاتھا، ہم نےایساکوئی مطالبہ نہیں کیاتھاجوآج آپ کررہے ہیں۔

شاہ محمود قریشی کا کہنا تھا کہ پاکستان میں انتخابی اصلاحات کی ضرورت تھی، ہردورمیں انتخابی اصلاحات کاتذکرہ ہوتارہا ہے، 2013میں قانونی راستہ اختیارکیا،4حلقوں کاحوالہ دیا، جوڈیشل کمیشن تشکیل دیاگیا40کےتقریب سفارشات پیش کی گئیں۔

وزیر خارجہ نے ایوان میں کہا کہ آج جس قانون سازی کاذکرکرتےہیں اس میں پی ٹی آئی کاپوراحصہ شامل ہے، ریاست مدینہ کا تصور اور خواب ہر پاکستانی بچے کے دل میں بستاہے، پاکستان کی تحریک آزادی کےموومنٹ ریاست مدینہ کااصول تھا۔

ان کا مزید کہنا تھا کہ یہ اوورسیز پاکستانیوں کو ووٹ کا حق دیناچاہتے ہیں مگر اعتراض بھی کرتے ہیں، یہ کیسا ماجرا ہے کہ اوورسیز کا ڈالر قبول ہے مگر ان کا ووٹ دینا قبول نہیں،اوورسیزپاکستانی قوم کااثاثہ ہیں، ہم اوورسیزکوپاکستان کی پالیسی میکنگ میں حصہ دار بنانا چاہتے ہیں۔

شاہ محمود قریشی نے کہا انتخابات کوچوری سے بچانا ہے اس لئے ایوان کومؤخرنہ کیا جائے، گزارش ہے نظام کوبچانا ہے تو بل کے حق میں ووٹ دیں ضمیرکا سودا نہ کریں۔

نیویارک: وزیرخارجہ شاہ محمودقریشی کا کہنا ہے کہ وزیراعظم عمران خان سیاحت کےفروغ کیلئےپیکج دینےجارہےہیں ،شمالی علاقوں میں سیاحت کےبے شمارمواقع موجود ہے۔

تفصیلات کے مطابق وزیرخارجہ شاہ محمودقریشی نے نیو یارک میں تقریب سےخطاب کرتے ہوئے کہامسئلہ کشمیرہماری خارجہ پالیسی کااہم ستون ہے، مسئلہ کشمیرکےحل کےبغیرخطےمیں امن نہیں ہوسکتا، مسئلہ کشمیریواین قراردادوں کےمطابق حل کرناہوگا۔

وزیرخارجہ کا کہنا تھا کہ مقبوضہ کشمیرمیں انسانی حقوق کی خلاف ورزیوں پرتشویش ہے،الحمداللہ ہمیں جنگ بندی کےمقصدمیں کامیابی حاصل ہوئی، منزل ابھی دورہے،اورمسئلہ پیچیدہ ہے، دونوں جانب سےسیزفائرپرعملدرآمدکیاجارہاہے۔

شاہ محمودقریشی نے کہا فلسطین اورکشمیرکی صورتحال میں بہت مماثلت ہے، فلسطینی امن کےساتھ رہناچاہتےہیں اور پاکستانی بھی پڑوسی کے ساتھ امن سے رہنا چاہتا ہے، ہمارےمسائل ہےانہیں گفت وشنیدسےحل کیاجاسکتاہے۔

ان کا کہنا تھا کہ جلداوورسیزپاکستانی انتخابات میں ووٹ ڈال سکیں گے، اوورسیزپاکستانیوں کوووٹنگ کےاختیارسےبڑی تبدیلی آئےگی، ووٹنگ کے اختیار سے سیاستدانوں کا اوورسیز سے رویہ بدلے گا، اوورسیزپاکستانی معاشی استحکام میں کرداراداکرسکتےہیں، اوورسیزپاکستانیوں کےووٹ سےمتعلق بل لائیں گے۔

وزیر خارجہ نے کہا خارجہ پالیسی پرعمل ملک میں معاشی استحکام سےہی ممکن ہے، ملک میں سیاحت کےفروغ کیلئےبھی بھرپورکوششیں کررہےہیں، ماضی میں سیاحت کےفروغ کیلئےکچھ نہیں کیاگیا،ہمارےشمالی علاقےسوئزرلینڈسےکم نہیں۔

شاہ محمودقریشی کا کہنا تھا کہ صوبوں کےدرمیان میں پانی کی تقسیم پرغلط فہمیاں جنم لیتی ہے، ہم پانی کاصحیح استعمال نہیں کررہے،پانی ضائع ہوتاہے، دنیامیں فوڈ سیکیورٹی مسئلہ بنتاجارہاہے، ہم پانی کاصحیح استعمال نہیں کررہے،پانی ضائع ہوتاہے، ہم نےنئےڈیمزپرعملاکام شروع کردیاہے۔

انھوں نے مزید کہا ہم کاروباری نہیں،کشمیرکاسودانہیں کریں گے، کشمیرپرہماراموقف دوٹوک ہے،باعزت طریقےسےبات کرینگے، وزیراعظم عمران خان سوداگر نہیں،کشمیر کا سودا نہیں کریں گے، ہمارامقابلہ خودسےکئی گناہ بڑےدشمن سےہے۔

وزیر خارجہ کا کہنا تھا کہ خلیجی ممالک کےساتھ ہمارےتعلقات اچھےہیں، کسی کیمپ میں نہیں جارہے، سب سےاچھےتعلقات چاہتےہے، امت مسلمہ کےتمام ممالک سےاچھےتعلقات ہے۔

شاہ محمود قریشی نے بتایا کہ وزیراعظم عمران خان سیاحت کےفروغ کیلئےپیکج دینےجارہےہیں،وزیراعظم عمران خان سوداگرنہیں،کشمیرکاسودانہیں کریں گے، شمالی علاقوں میں سیاحت کےبےشمارمواقع موجودہے۔

اسلام آباد : وزیر خارجہ شاہ محمود قریشی نے اپوزیشن پر تنقید کرتے ہوئے کہا یہ تو استعفے دینے آئے تھے پھر راتوں رات کیا ہوا یہ راز نہیں کھولنا چاہتا، یہ بل پاس ہویانہ ہوہمارامؤقف واضح ہے، ادب سےچلوادب سےچلیں گے ، بات سنو،بات سنیں گے، بات کرو بات کریں گے۔

تفصیلات کے مطابق وزیر خارجہ شاہ محمود قریشی نے قومی اسمبلی میں اظہار خیال کرتے ہوئے کہا سینیٹ الیکشن اوپن بیلٹ کی ترمیم کےپیچھے ایک لاجک ہے۔

شاہ محمود قریشی کی تقریر کےدوران اپوزیشن نے شور شرابا کیا ، جس پر ٹھنڈے مزاج کے شاہ محمود کو بھی غصہ آگیا ، انھوں نے کہا میں تقریرنہیں کررہا، یہ دوغلے ہیں جمہوریت کے علمبرداربن جاتے ہیں ، اپوزیشن کا ایسا رویہ ہوگا تو ہاؤس ایسے نہیں چلےگا، حد ہوتی ہے،ہم نے بہت برداشت اور لحاظ کیا ہے ، ناپوزیشن کا رویہ ایسا ہوگا تو کوئی بھی بات نہیں کرسکے گا۔

وزیر خارجہ کا کہنا تھا کہ یہ بات کرتے ہیں تو انھیں سننا بھی پڑے گا، اسمبلی میں یکطرفہ بحث قابل قبول نہیں ہے، یہ کوئی طریقہ نہیں،اجلاس کی کارروائی  بلڈوز نہیں کرنے دیں گے ،پی پی،ن لیگ کواستعمال کرکےجمہوریت کی علمبرداربن جاتی ہے۔

شاہ محمودقریشی نے 26ویں آئینی ترمیم پرموقع دینے پراسپیکر صاحب شکریہ ادا کرتے ہوئے کہا اپوزیشن پر تنقید کرتے ہوئے کہا آج قوم انکے چہروں کو دیکھ  اور پہچان رہی ہے ، یہ نہیں چاہتےکہ ترمیم نہ ہوسکے، یہ ضمیرکےخریدوفروخت کےعادی ہیں ، عمران خان نےکہاتھاشفاف اصلاحات سے آگے بڑھنا چاہتے ہیں۔

ان کا کہنا تھا کہ جن کا کوئی نظریہ جماعت نہ ہو، وہ سینیٹ میں آتے تو ان کے مقاصد کیا ہیں، ایسےلوگوں کو بے نقاب کرنے کیلئے یہ بل لایا گیا ہے، آئے دن یہ مطالبہ کرتے تھے کہ اصلاحات چاہئے، یہ کہتےتھےشفاف انتخابات کیلئےالیکٹورل ریفارم لائےجائیں، اب یہ کسی بات کوسننے کیلئے تیار نہ تھے نہ ہیں۔

وزیر خارجہ نے کہا کہ یہ پارلیمان کےتقدس کی بات کرتےہیں آج اسی کوپامال کررہےہیں، ہم کرپٹ پریکٹسزکوہمیشہ کیلئےختم کرناچاہتےہیں، یہ اسے دمام  دینا چاہتےہیں، ہم چاہتے ہیں سینیٹ میں شفاف لوگ منتخب ہوکرآئیں ، خریدوفروخت سےآنیوالے کیاوفاق،آئین،عوام کے حقوق کا دفاع کریں گے۔

شاہ محمود قریشی کا مزید کہنا تھا کہ ایسےلوگ صرف تجوریاں بھریں گےانکامقصدقومی خزانہ لوٹناہے، تاثردیناچاہتےہیں کہ یہ بل اپنےمفاد کیلئےپیش کیا ہے ،تویہ غلط بات ہے، جنہوں نے اپنے ضمیر بیچے تحریک انصاف نے ان کے خلاف ایکشن لیا۔

انھوں نے کہا کہ کبھی نہیں ہواتھاکسی جماعت نےاپنے20ایم پی اےاٹھاکرباہرپھینک دیا، اگرآج بھی چارٹرڈآف ڈیموکریسی تسلیم کرتے ہیں تواب چہرہ کیوں بدلا ہے، سینیٹ میں مؤقف آپ نےپیش کیاتھاتوآج پیچھےکیوں ہٹ رہےہیں، ہم بوسیدہ نظام ختم کرکےبہترنظام لاناچاہتے ہیں۔

سینٹ الیکشن سے متعلق ریفرنس سے متعلق وزیر خارجہ کا کہنا تھا کہ ہم نےسپریم کورٹ کومقدم ادارہ سمجھتےہوئےریفرنس داخل کیا، معزز جج صاحبان  سے رائے لی سینیٹ انتخابات پر آئین کیا کہتا ہے ، رائے لی کیا سینیٹ انتخابات اوپن بیلٹ کے ذریعے ہوسکتے ہیں، امید ہے اعلیٰ عدلیہ اس پر غور کرکے اپنا فیصلہ صادر کرے گی۔

شاہ محمود قریشی نے کہا دوسراراستہ آئین میں ترامیم کاتھاجس کیلئےدوتہائی اکثریت چاہئےہوتی ہے ، ہم چاہتےہیں شفاف انتخابات کےدعویداروں کو بے نقاب کیاجائے، آج قوم دیکھ رہی ہے ان کے کہنےاورکرنےمیں تضاد بےنقاب ہوگیا۔

ان کا کہنا تھا کہ عمران خان نےکہااللہ کےبعدسب سےبڑی کچہری عوام کی ہے، پوچھناچاہتےہیں سینیٹ میں چورچاہئےیاایسےممبران جوپاکستان کا دفاع  کریں، قوم نےانتخاب کرناہے،ہمارے پاس دوتہائی اکثریت نہیں ہے، ان کےچارٹرڈآف ڈیموکریسی کومدنظررکھ کرہی انکوامتحان میں ڈالاہے، تاریخ دیکھے گی کہ یہ کس طرف کھڑےہوتےہیں، یہ آج پھرکرپٹ پریکٹسزکاسہارابن رہےہیں۔

وزیر خارجہ پی ٹی ایم کے حوالے سے کہا کہ آج قوم کےسامنےدودھ کادودھ پانی کاپانی ہوگیا اور ان کے چہرےبےنقاب ہوگئے، یہ تو استعفے دینے کیلئے آئے  تھے پھرراتوں رات پتانہیں کیاہوا، یہ بھی ایک راز ہے جو میں کھولنا نہیں چاہتا، منہ پر مارنےوالےآج منہ کی کھارہےہیں، آج سناہےایک بیٹھک ہوگی نئے لانگ مارچ کااعلان کیاجائےگا، کرو اعلان ہم کسی لانگ مارچ سےنہیں ،عوام کےووٹوں سےآئےہیں، ہم آئین میں رہتےہوئےجمہوریت اورپاکستان کا دفاع کرناجانتےہیں۔

شاہ محمود قریشی کا کہنا تھا کہ بیرون ملک پاکستانیوں کیلئےپی ٹی آئی دروازےکھولناچاہتی ہے، یہ لٹیروں کاٹولہ تمہارے لئےراستےبندکرناچاہتاہے، یہ بل پاس ہویانہ ہوہم اپنےاصولی مؤقف پرقائم رہیں گے۔

انھوں نے کہا کہ اب کسی پی پی،ن لیگ،جےیوآئی والےکواس بل پربات نہیں کرنےدینگے، آج قوم نےفیصلہ کرناہے،منتخب نمائندوں کاامتحان ہے، یہ بل پاس  ہویانہ ہوہمارامؤقف واضح ہے، ادب سےچلوادب سےچلیں گے ، بات سنو،بات سنیں گے، بات کروبات کریں گے۔