Tag: shah mehmood

برمنگھم: وزیرخارجہ شاہ محمود قریشی کا کہنا ہے کہ وزیراعظم عمران خان نے مسئلہ کشمیر پر ٹھوس موقف اختیار کیا، ہم کشمیریوں کیلئے انصاف کی لڑائی لڑیں گے۔

برطانوی شہر برمنگھم میں پی ٹی آئی کی جانب سے منعقد کردہ تقریب سے خطاب کرتے ہوئے وزیرخارجہ شاہ محمود قریشی کا کہنا تھا کہ برطانیہ کے دورے کا مقصد کشمیریوں سے اظہار یکجہتی ہے۔

انہوں نے کہا کہ جون 2018 میں کشمیر میں مظالم پر اقوام متحدہ کی رپورٹ شائع ہوئی، رپورٹ میں انسانی حقوق کی تنظیموں کے ضمیر کو جھنجوڑا گیا ہے۔

وزیرخارجہ کا کہنا تھا کہ برطانوی پارلیمانی گروپ نے بھی کشمیر کے مظالم پر رپورٹ تیار کی ہے، دورے کا مقصد کشمیریوں کے ساتھ ناروا سلوک کے خلاف آواز اٹھانا ہے۔

افغانستان میں قیام امن کیلئے سہولت کاری کا عمل جاری رکھیں گے، شاہ محمود قریشی

شاہ محمود نے کہا کہ کشمیر میں بھارتی مظالم دنیا کے سامنے بے نقاب ہو رہے ہیں، بھارت جتنی پابندیاں لگالے سوشل میڈیا کو پابند نہیں کرسکتا۔

ان کا کہنا تھا کہ پاکستان کو لوٹا گیا اور سوئس بینکوں کو بھرا گیا، پی ٹی آئی کا مقصد کرسی اقتدار نہیں بلکہ نئے پاکستان کی بنیاد رکھنا ہے، منزل کے حصول اور کامیابی کے لیے قوم کے ساتھ کی ضرورت ہے۔

ان کا مزید کہنا تھا کہ برمنگھم کے لوگوں نے جس پیار کا مظاہرہ کیا اسے بھول نہیں پاؤں گا، اتنی بڑی تقریب منعقد کرنے پر منتظمین کا شکر گزار ہوں۔

لندن: وزیرخارجہ شاہ محمود قریشی کا کہنا ہے کہ کشمیریوں کا منظم طریقے سے قتل عام کیا جا رہا ہے، تین دہائیوں میں ایک لاکھ لوگ شہید اور 23 ہزار خواتین بیوہ ہو چکی ہیں۔

برطانوی دارالحکومت لندن میں ایک تقریب سے خطاب کرتے ہوئے شاہ محمود قریشی کا کہنا تھا کہ کشمیر میں ایک لاکھ 8 ہزار بچے یتیم ہو چکے، مقبوضہ کشمیر کے لوگ مسلسل بے رحم قابض کے ظلم کا شکار ہیں۔

انہوں نے کہا کہ قابض افواج ریپ کو ہتھیار کے طور پر استعمال کر رہی ہیں، بھارت تمام کشمیریوں کو دہشت گرد سمجھتا ہے، مقبوضہ وادی میں انسانی حقوق کی پامالی کی جارہی ہے۔

وزیر خارجہ کا کہنا تھا کہ پیلٹ گنز سے کشمیریوں کو بصارت سے محروم کیا جارہا ہے، مقبوضہ وادی جل رہی ہے،لوگ خوفزدہ ہیں، بھارت کیوں پوری کشمیری نسل کو قتل کررہا ہے۔

ان کا مزید کہنا تھا کہ بھارت ایل او سی پر دونوں اطراف معصوم لوگوں کو نشانہ بنارہا ہے، مقبوضہ کشمیر اقوام متحدہ کے ایجنڈے پر سب سے بڑا مسئلہ ہے، شہدا کی قربانیوں کو سلام پیش کرتے ہیں۔

بھارت سے آزادی کے لیے دنیا بھر کے کشمیری ہم آواز ہو چکے: وزیرِ اعظم

خیال رہے کہ گذشتہ روز دنیا بھر میں مظلوم کشمیریوں سے اظہارِ یکجہتی کے لیے یوم کشمیر منایا گیا، اس موقع پر ملک بھر میں تقریبات کا انعقاد ہوا اور کشمیریوں کو خراج تحسین پیش کیا گیا۔

قبل ازیں یوم یک جہتیٔ کشمیر کے سلسلے میں اپنے پیغام میں وزیرِ اعظم نے کہا تھا کہ مسئلہ کشمیر 7 دہائیوں سے حل طلب ہے، پیلٹ گنز سے نہتے کشمیریوں پر بھارتی مظالم کا سلسلہ بدستور جاری ہے۔