ممبئی: بھارتی انتہاپسندوں نے دلیپ کمار کو بھی نہیں بخشا،شاہ رخ خان اور عامر کے بعد دلیپ کمار کو بھی آستین کاسانپ قراردے دیا۔
بھارتی وزیررام داس کدم نےمسلمان فنکاروں کو ناشکرے اورآستین کاسانپ قراردیا رام داس نے شاہ رخ،عامرخان کے ساتھ لیجنڈری اداکار دلیپ کمارکی بھی بے عزتی کی۔
ان کا کہنا تھا کہ شاہ رخ،عامرخان اوردلیپ کمار تینوں ناشکرے اورآستین کے سانپ ہیں۔
بھارتی وزیر رام داس نے کہا کہ عامرخان کو پاکستان سے اتنی ہی محبت ہے تو وہیں چلے جائیں۔
ممبئی : بالی ووڈ کنگ شاہ رخ خان نے انتہا پسندوں کو شٹ اپ کال دیتے ہوئے کہا کہ انہیں اپنی حب الوطنی ثابت کرنے کی ضرورت نہیں.
عدم برداشت کے خلاف بولنے پر انتہا پسند ہندوتنظیم بی جے پی نے بالی وڈ کے میگا اسٹارشاہ رخ خان کو بھی نہیں بخشا اور انہیں پاکستانی ایجنٹ اور ملک دشمن قرار دے دیا اور کہا کہ شاہ رخ رہتے تو بھارت میں ہیں لیکن دل پاکستان کے ساتھ ہے.
شاہ رخ خان نے انتہا پسندوں کو جواب دیتے ہوئے کہا ہے کہ انہیں اپنی حب الوطنی ثابت کرنے کی ضرورت نہیں، کوئی انہیں بھارت سے نکال نہیں سکتا۔
دنیا بھرمیں بھارت کا نام روشن کرنے والے شاہ رخ خان کا کہنا تھا کہ سچ بات کہنے پر گالیاں پڑتی ہیں، نام ، پتا مل جائے تو گالیاں دینے والوں کو ان کے گھرمیں گھس کرجواب دوں۔
یاد رہے کہ شاہ رخ خان نے بھارت میں عدم برداشت کی مخالفت اوراقلیتوں سے نارروا سلوک پرسرکاری ایوارڈز واپس کرنے والے رائٹرز،اداکاروں اورسائنسدانوں کی حمایت کی تھی.