Tag: shah rukh khan

  • شاہ رخ خان کا دلجیت دوسانجھ کے لئے محبت بھرا پیغام

    شاہ رخ خان کا دلجیت دوسانجھ کے لئے محبت بھرا پیغام

    بھارتی فلم انڈسٹری کے معروف اداکارہ شاہ رخ خان نے عالمی شہرت یافتہ گلوکاردلجیت دوسانجھ کے محبت بھرے پیغام کا جواب دیکر اپنے چاہنے والوں کے دل جیت لئے۔

    دلجیت دوسانجھ کی جانب سے حال ہی میں کولکتہ میں جاری اپنے کنسرٹ کے دوران شاہ رخ خان کی آئی پی ایل ٹیم‘کولکتہ نائٹ رائڈرز‘ کی ٹیگ لائن کو سراہا گیا۔

    دلجیت دوسانجھ نے اپنے روایتی انداز میں دورانِ کانسرٹ جونہی مداحوں سے بات کرنے کیلئے مائک ہاتھ میں لیا تو پہلے ہی جملے میں کنگ خان کی کرکٹ فرنچائز کیلئے تعریفی کلمات ادا کئے۔ جس کی ویڈیو بھی سوشل میڈیا پر گردش کررہی ہے۔

    ویڈیو میں دیکھا جاسکتا ہے کہ دلجیت کولکتہ نائٹ رائڈرز کے سلوگن‘کوربو، لڑبو، جیت بو‘ کی تعریف کرتے ہوئے اسے زندگی کا بھی ضابطہ حیات قرار دے رہے ہیں، دلجیت دوسانجھ کی وائرل ویڈیو میں موجود ایپریسیئیشن نے کنگ خان کو بھی ان کی تعریف کرنے پر مجبور کردیا۔

    کنگ خان نے کہا کہ امید کرتا ہوں آپ کا ٹوور شاندار گزرے، خوشیوں کے شہر میں اپنے کنسرٹ سے مزید چار چاند لگانے پر پورا کولکتہ آپ کا مشکور ہے، خاص کر کولکتہ ٹیم کے مداح جن کی ٹیم کے سلوگن کو آپ نے پسند کیا، ڈھیر ساری محبت بھائی جان‘۔

    نرگس فخری کی بہن قتل کے الزام میں گرفتار

    واضح رہے کہ ایسا پہلی بار نہیں ہوا بلکہ اس سے قبل بھی عوامی مقامات ہوں یا سوشل میڈیا پوسٹ کنگ خان کئی بار دلجیت دوسانجھ کیلئے اپنی محبت ظاہر کرچکے ہیں۔

  • آریان خان کا ڈیبیو کس انداز میں ہو رہا ہے؟

    آریان خان کا ڈیبیو کس انداز میں ہو رہا ہے؟

    بالی ووڈ کے سپر اسٹار اداکار شاہ رخ خان کے بیٹے آریان خان نے اپنے کیریئر کا آغاز کرنے جا رہے ہیں۔

    بھارتی میڈیا کے مطابق اداکار شاہ رخ خان کے بیٹے آریان خان بطور ہدایتکار اپنے کیریئر کا آغاز کرنے جا رہے ہیں، آریان خان کے والد شاہ رخ خان نے نیٹ فلکس اور ریڈ چلیز انٹرٹینمنٹ کی مشترکہ پروڈکشن میں بننے والی اس سیریز کا اعلان لاس اینجلس میں کیا۔

    ریڈ چلیز انٹرٹینمنٹ کی پروڈیوسر گوری خان کی نگرانی میں بننے والی اس نئی سیریز کا پس منظر بالی ووڈ کی فلمی دنیا پر مبنی ہوگا جس کی کہانی ایک باصلاحیت اور پرکشش نوجوان کے گرد گھومتی ہے جو فلمی دنیا کی چمک دمک اور مشکلات کے بیچ اپنی جگہ بنانے کی جدوجہد کرتا ہے۔

     

    View this post on Instagram

     

    A post shared by Netflix India (@netflix_in)

    بھارتی میڈیا کے مطابق اس پروجیکٹ میں بالی ووڈ کی شخصیات کے کیمیوز اور منفرد کردار دیکھنے کو ملیں گے۔

    اس حوالے سے شاہ رخ خان نے کہا کہ ہم نیٹ فلکس کے ساتھ اس پروجیکٹ کو پیش کرنے کے لیے بے حد پرجوش ہیں، یہ کہانی ایک نئے انداز میں فلمی دنیا کی عکاسی کرتی ہے جس میں آریان خان کی محنت اور تخلیقی سوچ اس پروجیکٹ کو یادگار بنائے گی۔

    میڈیا رپورٹس کے مطابق سیریز 2025 میں نیٹ فلکس پر ریلیز  کی جائے گئی۔

  • شاہ رخ خان کو دھمکیاں دینے والا بھتہ خور گرفتار

    شاہ رخ خان کو دھمکیاں دینے والا بھتہ خور گرفتار

    ممبئی : بھارتی فلم انڈسٹری کے مایہ ناز اداکار شاہ رخ خان (المعروف کنگ خان) کو قتل کی دھمکی دینے والا ملزم بالآخر قانون کی گرفت میں آگیا۔

    بھارتی میڈیا رپورٹس کے مطابق ممبئی میں شاہ رخ خان کے پروڈکشن ہاؤس کو ایک فون کال موصول ہوئی، جس میں انہیں مارنے کی دھمکی اور 50 لاکھ روپے بھتہ کا مطالبہ کیا گیا تھا۔

    اس سلسلے میں کارروائی کرتے ہوئے ممبئی پولیس نے منگل کو چھتیس گڑھ کے رائے پور سے ایک وکیل کو مبینہ طور پر شاہ رخ خان کو جان سے مارنے کی دھمکی دینے اور بالی ووڈ سپر اسٹار سے گزشتہ ہفتے 50 لاکھ روپے کاتاوان طلب کرنے کے الزام میں گرفتار کیا ہے۔

    ممبئی پولیس کے ایک اعلی افسر نے 42 سالہ وکیل فیضان خان کی گرفتاری کی تصدیق کی ہے اور کہا ہے کہ رائے پور کی مقامی عدالت کی جانب سے ٹرانزٹ ریمانڈ کی منظوری کے بعد ملزم کو ممبئی منتقل کیا جارہا ہے۔

    حکام نے مزید بتایا کہ ملزم فیضان خان پیشے سے وکیل ہے اور اسے بذریعہ ٹرین رائے پور سے ممبئی لایا جارہا ہے کل بروز بدھ اسے مقامی عدالت میں پیش کیا جائے گا۔

    واضح رہے کہ گزشتہ روز بھارتی پولیس نے نامور سیاستدان بابا صدیقی پر فائرنگ کرکے انہیں قتل کرنے والے مرکزی ملزم کو ریاست اتر پردیش کے علاقے بہرائچ سے گرفتار کر لیا۔

    مرکزی ملزم شیو کمار کو یوپی اسپیشل ٹاسک فورس (ایس ٹی ایف) اور ممبئی کرائم برانچ کی مشترکہ کارروائی میں گرفتار کیا گیا جو نیپال فرار ہونے کی کوشش کر رہا تھا۔

  • شاہ رخ خان کو قتل کی دھمکی دینے والے ملزم نے اداکار کے خلاف کیا شکایت کی تھی؟

    شاہ رخ خان کو قتل کی دھمکی دینے والے ملزم نے اداکار کے خلاف کیا شکایت کی تھی؟

    بالی ووڈ کے سپر اسٹار اداکار شاہ رخ خان کو جان سے مارنے کی دھمکی دینے والے کا موبائل ٹریس کرلیا گیا۔

    گزشتہ دنوں بالی ووڈ سپر اسٹار شاہ رخ خان کو چند روز قبل موت کی دھمکی اور 50 لاکھ روپے کے مطالبے پر مبنی فون کال باندرہ پولیس اسٹیشن میں موصول ہوئی تھی۔

    بھارتی میڈیا کے مطابق یہ فون نمبر ایڈووکیٹ فیضان خان کا تھا جس نے پکڑے جانے کے بعد دعویٰ کیا ہے کہ اسے اس معاملے میں پھنسایا جارہا ہے کیونکہ اس نے شاہ رخ خان کے خلاف 1994 کی فلم انجام میں ہرن کے شکار کے خلاف ڈائیلاگ پر کیس دائر کیا تھا۔

    شاہ رخ خان کو بھی جان سے مارنے کی دھمکی

    بھارتی ریاست چھتیس گڑھ کے صدر مقام رائے پور سے تعلق رکھنے فیضان خان نے میڈیا سے گفتگو میں کہا کہ انکا فون دو نومبر کو چوری ہوگی تھا جس کی انھوں نے شکایت بھی درج کرائی تھی۔

    فیضان خان نے الزام عائد کیا کہ شاہ رخ خان کو موت کی دھمکی کسی اور نے دی ہے جو کہ اس کے فون کا غلط استعمال کر رہا ہے، میرا اس دھمکی آمیز فون کال سے کوئی تعلق نہیں ہے مجھے صرف پھسانے کی کوشش کی جارہی ہے۔

     

    View this post on Instagram

     

    A post shared by India Today (@indiatoday)

    فیضان خان کا مزید کہنا تھا کہ میں نے ماضی میں شاہ رخ خان کے خلاف شکایت درج کرائی تھی اور الزام عائد کیا تھا کہ اداکار مذہبی گروپوں کے مابین دشمنی کو فروغ دے رہے ہیں۔

    باندرہ پولیس اسٹیشن میں درج کی گئی شکایت میں 1994 کی فلم ’انجام‘ کے ایک سین کا حوالہ دیا گیا ہے، جس میں شاہ رخ خان اپنے نوکر کو اپنی گاڑی میں مردہ ہرن کے بارے میں مطلع کرتے نظر آتے ہیں۔

    فیضان خان نے مزید الزام لگایا کہ شاہ رخ خان کے مشکوک عناصر سے رابطے ہو سکتے ہیں، تاہم اس شخص نے کوئی ثبوت نہیں دیا، دوسری جانب پولیس اس معاملے کی تفتیش کر رہی ہے۔

    بھارتی پولیس ذرائع کا کہنا ہے کہ دھمکی آمیز کال کے دوران فون کرنے والے نے خود کو صرف ہندوستانی کہہ کر متعارف کرایا۔

  • سلمان خان کے بعد شاہ رخ خان کو بھی جان سے مارنے کی دھمکی

    سلمان خان کے بعد شاہ رخ خان کو بھی جان سے مارنے کی دھمکی

    بھارتی فلم انڈسٹری کے معروف اداکار سلمان خان کے بعد شاہ رخ خان کو بھی قتل کی دھمکیاں ملنے لگیں۔

    بھارتی میڈیا رپورٹس کے مطابق ممبئی میں شاہ رخ خان کے پروڈکشن ہاؤس کو دھمکی آمیز کال موصول ہوئی، جس میں انہیں مار نے کی دھمکی دی گئی۔

    رپورٹس کے مطابق فون کال جس نمبر سے آئی وہ چھتیس گڑھ کے علاقے رائے پور میں فیضان کے نام سے رجسٹرڈ ہے، کنگ خان کی ٹیم نے اس حوالے سے ممبئی پولیس کو شکایت درج کرادی ہے۔

    واضح رہے کہ اس سے قبل بالی وڈ کے سُپر اسٹار سلمان خان کو بھی لارنس بشنوئی گینگ کی جانب سے ایک بار پھر قتل کی دھمکی موصول ہوئی تھی۔

    میڈیا رپورٹس کے مطابق ممبئی پولیس کو سلمان خان کے خلاف دھمکی آمیز پیغام موصول ہوا جس میں اداکار کو دو آپشن دیے گئے کہ وہ معافی مانگیں یا پھر زندہ رہنے کیلیے 5 کروڑ روپے ادا کریں۔

    ممبئی پولیس کے ٹریفک کنٹرول روم کو گینگسٹر لارنس بشنوئی کے نام سے واٹس ایپ پر دھمکی آمیز پیغام موصول ہوا جس میں کہا گیا کہ اگر سلمان خان زندہ رہنا چاہتے ہیں تو وہ ہمارے مندر جا کر معافی مانگیں یا 5 کروڑ روپے دیں، اگر اس نے ایسا نہیں کیا تو ہم اسے مار ڈالیں گے، ہمارا گینگ ابھی تک سرگرم ہے۔

    دعویٰ کیا جا رہا ہے کہ مذکورہ دھمکی آمیز پیغام لارنس بشنوئی کے بھائی کی جانب سے بھیجا گیا ہے تاہم پولیس نے کہا کہ اس بارے میں تحقیقات کر رہے ہیں۔

    نادیہ خان نے کم عمر میں شادی کرنے کی وجہ بتا دی

    حکام کا کہنا تھا کہ پولیس دھمکی آمیز پیغام موصول ہونے کے بعد مقدمہ درج کر کے فون نمبر کو ٹریس کرنے کی کوشش کر رہی ہے۔

  • شاہ رخ خان نے سگریٹ کیوں چھوڑ دی؟ حیرت انگیز انکشاف

    شاہ رخ خان نے سگریٹ کیوں چھوڑ دی؟ حیرت انگیز انکشاف

    بھارتی فلم اسٹار شاہ رخ خان نے اپنی 59 ویں سالگرہ کے موقع پر انکشاف کیا ہے کہ اُنہوں نے اب سگریٹ نوشی سے کنارہ کشی اختیار کرلی ہے۔

    ممبئی کے علاقے باندرا میں کنگ خان نے اپنی سالگرہ کے موقع پر منعقد کی گئی ایک تقریب ’ایس آر کے ڈے‘میں شرکت کی جہاں اُنہوں نے اپنے چاہنے والوں کے ساتھ کچھ یادگار لمحات گزارے اور سوالات کے جوابات بھی دیئے۔

    شاہ رخ خان کو سوشل میڈیا پر وائرل ایک ویڈیو میں یہ کہتے ہوئے سنا جا سکتا ہے کہ میری زندگی میں اب تک ایک اچھی تبدیلی یہ بھی آئی ہے کہ میں اب سگریٹ چھوڑ چکا ہوں۔

    کنگ خان کا کہنا تھا کہ میں نے سوچا نہیں تھا کہ سگریٹ نوشی چھوڑنے کے بعد مجھے سانس لینے میں دشواری محسوس ہونے لگے گی اور اب میں ایسا محسوس کرتا ہوں، مگر ان شاء اللہ سب بہتر ہوجائے گا۔

    یاد رہے کہ کنگ خان کو 2012ء میں آئی پی ایل میں اپنی ٹیم کولکتہ نائٹ رائیڈرز اور راجستھان رائلز کے درمیان میچ کے دوران سرِ عام سگریٹ نوشی کرنے پر تنقید کا سامنا کرنا پڑا تھا۔

    شاہ رخ خان کے پاس کتنی دولت ہے؟ ہوش اڑانے والی تفصیلات سامنے آگئیں

    ان کے اس اقدام کے باعث جے پور کی ایک عدالت نے 100 روپے کا معمولی جرمانہ بھی عائد کیا تھا۔

  • شاہ رخ خان کا فلم دیوداس سے متعلق اہم انکشاف

    شاہ رخ خان کا فلم دیوداس سے متعلق اہم انکشاف

    بھارتی فلم انڈسٹری کے معروف اداکار شاہ رخ خان نے خواہش کا اظہار کیا کہ وہ چاہتے ہیں کہ بڑی فلمیں بنائیں، تاکہ ان کے والدین جنت سے انہیں دیکھ سکیں۔

    بھارتی میڈیا کی رپورٹس کے مطابق ایک پوڈ کاسٹ میں بات کرتے ہوئے کنگ خان کا کہنا تھا کہ فلمی دنیا میں قدم رکھنے سے پہلے ہی والدین گزر چکے تھے۔

    کنگ خان نے پوڈ کاسٹ میں اپنے ماضی کی فلم دیوداس کے حوالے سے بھی اہم انکشاف کیا کہ فلم دیوداس کرنے کے حوالے سے کئی سینئر اداکاروں نے منع کیا تھا مگر میری خواہش تھی کہ میں یہ فلم کروں جو باکس آفس پر ہِٹ ثابت ہوئی تھی۔

    اس سے قبل بالی ووڈ کی اداکارہ تریپتی دیمری کا کہنا تھا کہ وہ اپنی زندگی میں شاہ رخ خان جیسے شریک سفر کی خواہش رکھتی ہیں۔

    بیڈ نیوز کی اداکارہ نے حال ہی میں محبت اور تعلقات کے بارے میں اپنے خیالات کا اظہار کیا ہے، جس میں ان کا کہنا تھا کہ وہ چاہتی ہیں کہ ان کی زندگی میں کوئی ایسا شخص آئے جو کنگ خان کے اس کردار سے ملتا جلتا ہو جو انھوں نے فلم ’کبھی ہاں کبھی ناں‘ میں نبھایا تھا۔

    پریانکا سے تعلقات کی افواہیں، شاہ رخ خان نے خاموشی توڑ دی

    یوٹیوب پوڈ کاسٹ کے دوران گفتگو کرتے ہوئے تریپتی دیمری نے کہا کہ کنگ خان کی یہ رومانوی کامیڈی فلم ان کی پسندیدہ فلم ہے کیوں کہ اس میں محبت کو بہت ہی خالص انداز میں دکھایا گیا ہے۔

  • پریانکا سے تعلقات کی افواہیں، شاہ رخ خان نے خاموشی توڑ دی

    پریانکا سے تعلقات کی افواہیں، شاہ رخ خان نے خاموشی توڑ دی

    بھارتی فلم انڈسٹری کے بے تاج بادشاہ شاہ رخ خان اور معروف اداکارہ پریانکا چوپڑا کے درمیان تعلقات کی افواہیں ماضی میں بھی گردش کرتی رہی ہیں۔

    تاہم اس حوالے سے اب بھارتی اداکار نے لب کشائی کی، ایک انٹرویو میں اُنہوں نے پریانکا چوپڑا کا نام لیے بغیر افسوس کا اظہار کرتے ہوئے کہا کہ لوگ اس خاتون سے جن کے ساتھ وہ پہلے کام کر چکے ہیں، چھان بین کررہے ہیں بجائے اس کے کہ وہ انہیں عزت دیں بالکل ویسے ہی جیسے میں ذاتی طور پر ان خاتون کو بلکہ سب خواتین کو ہی عزت دیتا ہوں۔

    شاہ رخ خان کا پریانکا چوپڑا کی تعریف کرتے ہوئے کہنا تھا کہ وہ ایک چھوٹی سی معصوم لڑکی ہے، ابھی مجھے صحیح سے یاد نہیں ہے جس نے اپنا مس انڈیا یا شاید مس ورلڈ کا تاج پہنتے ہوئے میرے ساتھ اپنے سفر کا آغاز کیا تھا۔

    کنگ خان کا کہنا تھا کہ ہم نے اچھے دوستوں کی طرح اسکرین پر کچھ بہترین لمحات کا اشتراک کیا لیکن یہ بدقسمتی کی بات ہے کہ ہماری اس دوستی کو غلط رنگ میں ڈھال دیا گیا۔

    یاد رہے کہ کنگ خان نے پریانکا چوپڑا کے ساتھ فلم ’ڈان‘ میں اداکاری کے جوہر دکھائے تھے، اس دوران دونوں کے درمیان بہت اچھی دوستی ہوگئی تھی، یہاں تک کہ وہ اکثر پارٹیز، نائٹ کلبز اور دیگر اجتماعات میں ساتھ نظر آنے لگے تھے۔

    اس دوستی میں جہاں پریانکا چوپڑا سرِ عام بھارتی فلم نگری کے بادشاہ کی تعریفیں کرتی نظر آئیں تو وہیں کنگ خان نے بھی اُنہیں اپنے دل کے قریب کئے رکھا۔

    گوندا کا گولی لگنے کے بعد پہلا بیان سامنے آگیا

    اداکار کی اہلیہ گوری خان سمیت انڈسٹری کے کچھ لوگوں نے مبینہ طور پر اس دوستانہ تعلق کی مخالفت کی اور اداکار کو پریانکا سے دور رہنے کا مشورہ دیا۔

  • آئیفا ایوارڈ: شاہ رخ خان بہترین اداکار کا ایوارڈ  لے اڑے

    آئیفا ایوارڈ: شاہ رخ خان بہترین اداکار کا ایوارڈ لے اڑے

    بالی ووڈ کی سنسنی خیز فلم اینیمل کے ہیرو، اداکاری کے محاذ پر شاہ رخ خان کے وکرم راتھوڑ سے ہار گئے، بہترین اداکار کا ایوارڈ شاہ رخ خان کے نام رہا، لیکن رنبیر سنگھ کی اینیمل نے آئیفا کا میلہ لوٹ لیا۔

    ابوظہبی میں تین روزہ آئیفا ایوارڈ شو کا دوسرا دن بالی ووڈ ستاروں کے نام رہا، جہاں بالی ووڈ کے ستاروں نے انٹرنیشنل انڈین فلم اکیڈمی ایوارڈز کا میلہ سجایا، اس رنگا رنگ تقریب میں بالی ووڈ کی بڑی بڑی شخصیات نے شرکت کی۔

     

    View this post on Instagram

     

    A post shared by ARR (@arrahman)

    آئیفا 2024 میں بھارتی سنیما کے بہترین اداکاروں کو ایوارڈز سے نوازا گیا ہے، جس میں بالی ووڈ کنگ شاہ رخ خان، رانی مکھرجی، رنبیر کپور کی فلم اینیمل، ہیما مالنی، انیل کپور جیسی کئی بڑی شخصیات کے نام شامل ہیں۔

    اس سال آئیفا 2024 کے بہترین اداکار کا ایواڈ بالی ووڈ کے کنگ شاہ رخ خان کے نام رہا، کنگ خان کو فلم ’جوان‘ میں زبردست اداکاری پر ایوارڈ سے نوازا گیا، جبکہ بالی ووڈ کی خوبصورت اداکارہ رانی مکھرجی نے ’مسز چٹرجی بمقابلہ ناروے‘ میں ماں کے شاندار کردار کے لیے بہترین اداکارہ کا ایوارڈ حاصل کیا۔

     

    View this post on Instagram

     

    A post shared by IIFA Awards (@iifa)

    بھارتی میڈیا کے مطابق بالی ووڈ کے سپر استار اداکار رنبیر کپور کی فلم ’اینیمل‘ نے کئی ایوارڈ اپنے نام کیے ہیں، ہترین فلم کا ایوارڈ فلم اینیمل کے نام رہا جبکہ انیل کپور کو فلم اینیمل میں بہترین معاون اداکار کے ایوارڈ سے نوازا گیا۔

     

    View this post on Instagram

     

    A post shared by IIFA Awards (@iifa)

    اس کے علاوہ اداکارہ بوبی دیول کو فلم اینیمل کے لیے بہترین منفی کردار کا ایوارڈ ملا، بہترین موسیقی کا ایوارڈ بھی فلم اینیمل کے نام رہا، بیسٹ لرکس کا ایوارڈ سدھارتھ گریما کو سترنگا گانے پر دیا گیا۔

     

    View this post on Instagram

     

    A post shared by IIFA Awards (@iifa)

    تقریب کی ایک خاص بات یہ تھی کہ اداکار شاہ رخ خان نے نہ صرف تقریب کی میزبانی کی بلکہ اپنے منفرد انداز سے حاضرین کو محظوظ بھی کیا، اسٹیج پر ان کے ساتھ وکی کوشل اور کرن جوہر نے ساتھ دیا۔

     

    View this post on Instagram

     

    A post shared by IIFA Awards (@iifa)

     اس کے علاوہ بالی ووڈ کے کنگ نے ’’جھومے جو پٹھان‘‘ پر شاندار رقص پیش کر کے لوگوں کا دل جیت لیا، آئیفا ایوارڈ نائٹ میں ریکھا، اننیا پانڈے، جھانوی کپور، شاہد کپور سمیت کئی ستاروں نے اپنے ڈانس سے محفل میں چار چاند لگائے۔

     

    View this post on Instagram

     

    A post shared by IIFA Awards (@iifa)

  • بالی ووڈ کے سپر اسٹار اداکار شاہ رخ خان کی تعلیم کتنی ہے؟

    بالی ووڈ کے سپر اسٹار اداکار شاہ رخ خان کی تعلیم کتنی ہے؟

    شوبز انڈسٹری میں قدم رکھنے اور کامیاب ہونے کے لیے کسی خاص ڈگری کی نہیں بلکہ اچھی شخصیت، اعتماد اور کیمرے کے سامنے خود کی صلاحیتوں کو منوانے کی ضرورت ہوتی ہے۔

    اور اکثر لوگ یہ سوچتے ہیں کہ شوبز سے تعلق رکھنے والے افراد کم پڑھے لکھے ہوتے ہیں لیکن حقیقت میں ایسا نہیں ہے، بالی ووڈ کے سپر اسٹار شاہ رخ خان نے اداکاری کی خاطر جامعہ ملیہ اسلامیہ سے اپنی ماسٹرز کی ڈگری ادھوری چھوڑ دی تھی۔

    لیکن بعد میں انہوں نے اپنی تعلیم مکمل کی، شاہ رخ خان کا شمار بالی ووڈ کے پڑھے لکھے سپر اسٹارز میں ہوتا ہے، اداکار کے پاس تین اعزازی ڈگریاں بھی ہیں۔

    شاہ رخ خان نے اپنی ابتدائی تعلیم نئی دہلی کے سینٹ کولمبس اسکول سے حاصل کی جہاں انہوں نے 12ویں جماعت میں 80.5 فیصد نمبر حاصل کیے۔

    اس کے بعد وہ اکنامکس میں بیچلرز کرنے کے لیے ہنس راج کالج دہلی یونیورسٹی میں داخل ہوئے، شاہ رخ خان نے ماسٹرز کی ڈگری جامعہ ملیہ اسلامیہ سے ادھوری چھوڑ دی تھی۔

    بھارتی میڈیا رپورٹ کے مطابق شاہ رخ خان کے پاس تین اعزازی ڈگری ہے، 2009 میں اداکار کو یونیورسٹی آف بریڈ فورڈ شائر سے آرٹس اور کلچر میں ڈاکٹریٹ کی ڈگری ملی، اس کے ساتھ وہ دنیا کے پہلے غیر ملکی اداکار بنے جنہیں ملائیشیا سے ڈاٹوک کا خطاب ملا۔

    رپورٹ کے مطابق 2015 میں انہیں یونیورسٹی آف ایڈنبرا سے ہونورس کوسا میں ڈاکٹریٹ کی ڈگری ملی، 2019 میں شاہ رخ خان کو یونیورسٹی آف لا سے فلانتھروپی میں ڈاکٹریٹ کی ڈگری حاصل کی۔