Tag: shah rukh khan

خبریں ہیں کہ بالی ووڈ کے سپر اسٹارز شاہ رخ خان یار رنبیر کپور اسکرین پر طاقتور ولن کے طور پر ایکشن میں دکھائی دیں گی۔

فلموں کے سیکوئلز کی دوڑ میں بالی ووڈ اس وقت ریکارڈ بزنس کرنے میں مصروف ہے، جس کی عمدہ مثال حال ہی میں ریلیز ہونے والی بلاک بسٹر فلم  ’استری 2‘ ہے جو 15 اگست کے بعد سے اب تک کئی ریکارڈ بنا چکی ہے۔

ویسے ہی یش فرنچائز کا اگلا سیکوئل دھوم 4 کی چہ مگوئیاں جاری ہیں، اس سیکوئل کا شائقین بے صبری سے انتظار کر رہے، دھوم سیریز کی فلمیں اپنے ویلن کیلئے مشہور ہیں اور 3 سیکوئل میں اب تک جون ابراہم، رتیک روشن اور عامر خان ویلن کا کردار ادا کر چکے ہیں۔

دھوم 4 کے بارے میں گذشتہ کافی عرصے سے بھارتی میڈیا پر مختلف افواہیں سرگرم ہیں تاہم فلم کے پروڈکشن ہاؤس ’یش راج فلمز‘ کی جانب سے افواہوں کے حوالے کوئی  تصدیق یا تردید کی خبر سامنے نہیں آئی ہے۔

تاہم حال ہی میں بھارتی میڈیا کی جانب سے دعوٰی کیا جارہا ہے کہ فلم دھوم 4 کے  میکرز اس بار بالی وڈ کے کنگ  شاہ رخ خان یا رنبیر کپور میں سے کسی ایک اداکار کو بطور  ولن کاسٹ کرنے  پر غور کر رہے ہیں۔

دھوم سیریز کی خاص بات یہ ہے کہ اس میں ہیرو کے مقابلے میں ولن کو زیادہ طاقتور یا منفرد کردار میں دکھایا جاتا ہے۔

پہلی فلم میں جان ابراہم جب کہ دوسری فلم ریتیک روشن اور تیسری فلم میں عامر خان کو ولن کے طور پر دکھایا گیا تھا، فلم کا تیسرا سیکوئل کو 2013 میں ریلیز کیا گیا تھا۔

عامر خان کی جانب سے ولن کا کردار ادا کیے جانے کی وجہ سے سیریز کی تیسری فلم کے خاصے چرچے رہے تھے اور اس میں کترینہ کیف نے بھی اہم کردار ادا کیا تھا۔

دھوم سیریز کی تیسری فلم ریلیز ہوتے ہی سیریز کی چوتھی فلم بنانے کا اعلان کیا گیا تھا مگر 11 سال میں اس حوالے سے کوئی پیش رفت نہ ہوسکی۔

بالی وڈ ڈائریکٹر نکھل اڈوانی  نے انکشاف کیا کہ اداکار شاہ رخ خان نے اپنی سپر ہٹ فلم ’کل ہو نا ہو‘ کو کچرا کہا تھا۔

بالی ووڈ ڈائریکٹر نکھل اڈوانی نے یک انٹرویو میں بتایا کہ کس طرح شاہ رخ نے شوٹنگ کے دوران فلم ’دیوداس ‘ کا ’کل ہو نا ہو‘ سے موازنہ کرتے تھے۔

نکھل اڈوانی نے بتایا کہ شاہ رخ خان کو مزاحیہ انداز میں فلم پر تنقید کرنے کی عادت ہے، جب ہم فلم ’محبتیں ‘ کر رہے تھے تو شاہ رخ خان ’ارے رام ‘ کی شوٹنگ میں مصروف تھے۔

انہوں نے کہا کہ اس دوران شاہ رخ ملاقات کے لیے آئے انہوں نے کہا کہ آپ کے ساتھ جو فلم ’کل ہونا ہو‘ بنا رہا ہوں وہ کوڑا کرکٹ ہے، آپ کو دوسری فلم دیکھنا چاہیے اور دیوداس زیادہ اچھی فلم ہے، یہ شاہ رخ خان کی عادت ہے۔

واضح رہے کہ نکھل اڈوانی نے فلم ’کل ہو نا ہو‘ سے اپنی ہدایت کاری کی شروعات کی، اس فلم میں شاہ رخ خان کے علاوہ اداکارہ پریتی زنٹا، سیف علی خان، جیا بچن، سونالی بیندرے اور دیگر  اداکار شال تھے۔

یہ فلم 2003 کی سب سے بڑی بلاک بسٹروں فلموں میں سے ایک بن گئی تھی۔ فلمساز نکھل اڈوانی کبھی خوشی کبھی غم، محبتیں اور کچھ کچھ ہوتا ہے  جیسی مشہور فلموں میں ایک ایسوسی ایٹ ڈائریکٹر کے طور پر کام کیا تھا۔