Tag: shah rukh khan

بالی ووڈ انڈسٹری کے سپر اسٹار اداکار شاہ رخ خان نے بالی ووڈ کے پنجابی گلوکار کو بالی ووڈ کا بہترین اداکار قرار دیا۔

نیٹ فلکس پر ریلیز ہونے والی بھارتی اداکار دلجیت دوسانجھ کی نئی فلم ’امر سنگھ چمکیلا‘ کے بعد ان کا شمار ایسے اداکاروں میں ہورہا ہے جو تیزی سے بالی ووڈ کی نگری میں اپنی شناخت اور فین فالوونگ بنانے میں کامیاب ہو رہے ہیں۔

جمعے کو آن لائن سٹریمنگ پلیٹ فارم نیٹ فلکس پر ریلیز ہونے والی فلم ’امر سنگھ چمکیلا‘ ناظرین اور فلم بین کی جانب سے خوب پسند کیا جارہا  ہے۔

بھارتی ٹی وی چینل این ڈی ٹی وی کے مطابق اسی سلسلے میں امر سنگھ چمکیلا کے ہدایت کار امتیاز علی نے انکشاف کیا ہے کہ بالی وُڈ کے بادشاہ شاہ رخ خان نے ایک مرتبہ دلجیت دوسانجھ کو انڈیا کا بہترین اداکار قرار دیا۔

اس فلم کے کاسٹ نے نیٹ فلکس کے شو ’دی گریٹ انڈین کپل شو‘ میں شرکت کی جہاں بھارتی ہدایتکار امتیاز علی نے کہا کہ ’مجھے شاہ رخ خان نے کہا تھا کہ اگر اس ملک میں سب سے اچھا کوئی ایکٹر ہے تو اپنے دلجیت پاجی (بھائی) ہیں۔

امتیاز علی نے مزید انکشاف کیا کہ اگر دلجیت دوسانجھ ’امر سنگھ چمکیلا‘ میں کام کرنے پر رضامند نہ ہوتے تو یہ فلم بنتی ہی نہیں، مجھے تو ایسے لگتا تھا کہ اگر دلجیت نے منع کر دیا ہوتا تو یہ فلم شاید بن ہی نہیں سکتی تھی، ہم بہت خوش قسمت تھے اس سے بہتر کاسٹ نہیں مل سکتی تھی ۔

واضح رہے کہ اس فلم میں دلجیت دوسانجھ نے مشہور پنجابی گلوکار امر سنگھ چمکیلا کا کردار نبھایا ہے جبکہ اُن کے ساتھ فلم کی کاسٹ میں پرینیتی چوپڑا بھی شامل ہیں جنہوں نے امر سنگھ چمکیلا کی اہلیہ اور ساتھی گلوکارہ امرجوت کور کا کردار ادا کیا ہے۔

امر سنگھ چمکیلا پنجاب میں 1980 کی دہائی میں تیزی سے ابھرتے ہوئے سپرسٹار بنے تاہم ان کا کیریئر فحش گانوں کے الزامات کی زد میں رہا، جسے قتل کردیا گیا تھا۔