ARYNews.tv | Urdu – Har Lamha Bakhabar

Tag: shah rukh khan

  • شاہ رخ خان کی ’تجھے دیکھا تو یہ جانا صنم‘ گانے کی ویڈیو وائرل

    نوئیڈا: بالی ووڈ بادشاہ شاہ رخ خان نے ایک تقریب میں اپنے مداحوں کے لیے اپنی مشہور فلم کا مشہور گانا ’تجھے دیکھا تو یہ جانا صنم‘ گنگنا کر محفل لوٹ لی۔

    تفصیلات کے مطابق گریٹر نوئیڈا میں آٹو ایکسپو 2023 کی تقریب میں نئے ماڈل کی کار لانچ کے موقع پر اپنا مشہور اور سدا بہار رومانوی گانا گایا، اور کار کے ساتھ دونوں بازو پھیلا کر اپنا مشہور پوز بھی دیا۔

    یہ گانا شاہ رخ کے سپر ڈپر ہٹ کلاسک فلم ’دل والے دلہنیا لے جائیں گے‘ کا ہے، اپنے فیورٹ سپر اسٹار کو پسندیدہ گانا گاتے دیکھ کر تقریب میں موجود لوگ خوشی سے تالیاں بجانے لگے۔

    واضح رہے کہ شاہ رخ گاڑیوں کی ایک معروف کمپنی کے برانڈ ایمبیسیڈر ہیں، تقریب میں انھوں نے سیاہ رنگ کے سوٹ میں ملبوس تھے۔

    تقریب سے خطاب کرتے ہوئے انھوں نے کہا ’’میں آپ جیسے شان دار لوگوں سے یہ درخواست کروں گا کہ جب بھی میں نئی کار لانچ کرنے دہلی آؤں تو اسے کمپنی کی پالیسی بنا لیں کہ میں اس کار کو مفت گھر لے جا سکوں۔‘‘

    انھوں نے مزید کہا ’’میں آپ کو ایک اچھی صبح اور نئے سال کی مبارک باد دیتا ہوں، اور آپ کے لیے دنیا کی تمام بھلائیوں اور ایک صحت مند زندگی کے لیے دعا گو ہوں۔‘‘

  • مودی سرکار کو ’پٹھان‘ کے بائیکاٹ کا مطالبہ مہنگا پڑ گیا

    مودی سرکار کو ’پٹھان‘ کے بائیکاٹ کا مطالبہ مہنگا پڑ گیا

    مودی سرکار اور اس کے ایم پی ایز کو بالی ووڈ کے بادشاہ شاہ رخ خان کی نئی فلم ’پٹھان‘ کے بائیکاٹ کا مطالبہ مہنگا پڑ گیا۔

    تفصیلات کے مطابق سوشل میڈیا پر بھارتی شہری مودی سرکار سے سوال کرنے لگی ہے کہ کیا انھیں ملک میں غربت نظر نہیں آتی؟ کیا سرکار صرف اب فلموں کو مُدا بنائے گی؟

    خیال رہے کہ ریاست بہار میں شاہ رخ خان کی فلم پٹھان کے خلاف مودی سرکار کے اراکین اسمبلی کی جانب سے مقدمہ درج کیا جا چکا ہے، ایم پی ایز کی جانب سے مسلسل فلم میں کپڑوں کے رنگ پر ہنگامہ مچایا جا رہا ہے۔

    بی جے پی رہنماؤں نے فلم پٹھان میں کپڑوں کے رنگ اور گانے پر اعتراض اٹھایا تھا، تاہم شہری سوال کرنے لگے ہیں کہ مودی سرکار کو غربت، بے روز گاری، خواتین سے زیادتی کے واقعات نظر نہیں آتے، کیا سرکار صرف اب فلموں کو مُدا بنائے گی؟

    سوشل میڈیا پر لوگوں نے ایم پی ایز کو آڑے ہاتھوں لیا ہے، کسی نے تنقید کی تو کسی نے دل چسپ تبصرہ کیا۔

    کنگ خان کی نئی فلم ‘پٹھان’ پر ایف آئی آر درج

    واضح رہے کہ مدھیہ پردیش میں شاہ رخ خان اور دیپکا پڈوکون کی آنے والی فلم ’پٹھان‘ کا تنازع شدت اختیار کرتا جا رہا ہے، تھیٹروں میں فلم پر پابندی کے بڑھتے ہوئے مطالبے کے ساتھ ساتھ پیر سے شروع ہونے والے اسمبلی کے آئندہ سرمائی اجلاس میں اس مسئلے پر بحث ہونے کا امکان ہے۔

    فلم ’پٹھان‘ پر تنازعہ اس وقت شروع ہوا جب ریاست کے وزیر داخلہ نروتم مشرا نے فلم کے گانے ’بے شرم رنگ‘ پر اعتراض کرتے ہوئے یہ دعویٰ کیا کہ اس سے ہندو برادری کے مذہبی جذبات مجروح ہوئے ہیں، مشرا نے کہا کہ گانے میں استعمال شدہ ملبوسات میں جس طرح زعفرانی اور سبز رنگ کا استعمال کیا گیا ہے وہ قابل اعتراض ہے۔

    اسمبلی کے اسپیکر گریش گوتم نے ایک قدم آگے بڑھ کر شاہ رخ خان سے پوچھا کہ کیا وہ اپنی بیٹی کے ساتھ اپنی فلم ’پٹھان‘ دیکھنے کی ہمت کریں گے۔

    بی جے پی اور دائیں بازو کے دیگر گروپوں کے علاوہ کانگریس کے کچھ اراکین اور کئی مسلم تنظیموں نے بھی پٹھان کی ریلیز پر پابندی لگانے کا مطالبہ کیا ہے۔

  • شاہ رخ کو دیکھ کر ہالی ووڈ اسٹار چیخ اٹھیں ’اوہ مائی گاڈ‘ ویڈیو وائرل

    شاہ رخ کو دیکھ کر ہالی ووڈ اسٹار چیخ اٹھیں ’اوہ مائی گاڈ‘ ویڈیو وائرل

    ’اسٹار اسٹرک‘ کے بارے میں آپ نے سنا ہوگا، یعنی جب کوئی شخص کسی سپر اسٹار کو اپنے سامنے دیکھتا ہے تو اس کے منہ سے مسرت آمیز چیخ نکل جاتی ہے، یہی حالت خود ہالی ووڈ اسٹار شیرون اسٹون کی ہوئی جب انھیں پتا چلا کہ ان کے سامنے شاہ رخ خان کھڑے ہیں۔

    سوشل میڈیا پر ایک ویڈیو وائرل ہو رہی ہے جس میں بالی ووڈ سپر اسٹار شاہ رخ خان کو دیکھ کر ہالی ووڈ اسٹار شیرون اسٹون مسرت سے چیخ اٹھیں، اور ان کے منہ سے نکلا ’اوہ مائی گاڈ۔‘

    بلاشبہ، بالی ووڈ کے بادشاہ کے چاہنے والے پوری دنیا میں موجود ہیں، لیکن شیرون اسٹون جیسی اداکارہ کا شاہ رخ کے لیے اسٹار اسٹرک کا شکار ہونا حیرت انگیز اور دل چسپ ہے، کیوں کہ خود ان کے چاہنے والے لاکھوں ہیں۔

    شاہ رخ خان ایک تقریب میں شیرون اسٹون کے قریب ہی سیٹ پر بیٹھے تھے، لیکن شیرون کو یہ معلوم نہیں تھا، جب تقریب کی میزبان نے شاہ رخ کو مخاطب کیا، تب شیرون کو معلوم ہوا۔

    بعد ازاں شیرون نے کہا ’’شاہ رخ خان مجھ سے دو سیٹوں کے فاصلے پر تھے اور مجھے نہیں معلوم تھا کہ وہ وہاں موجود ہیں، میں نے آگے جھک کر انھیں دیکھا، میں اتنی آسانی سے اسٹارز سے متاثر نہیں ہوتی، کیوں کہ میں بہت سارے فلم اسٹارز کو جانتی ہوں، لیکن جب میں نے شاہ رخ کو دیکھا تو میرے ساتھ یہ ہو گیا۔‘‘

    دراصل یہ واقعہ حال ہی میں جدہ میں ریڈ سی فلم فیسٹیول میں پیش آیا تھا، جہاں شاہ رخ خان کو اعزازی ایوارڈ دیا گیا، بالی ووڈ اداکارہ پریانکا چوپڑا بھی تقریب میں شیرون اسٹون کے ساتھ حاضرین میں بیٹھی تھیں۔

    بالی ووڈ کے بادشاہ نے کاجول کے ساتھ مل کر اپنی مقبول ترین فلم دل والے دلہنیا لے جائیں گے بھی متعارف کروائی جس کی نمائش فیسٹیول میں کی گئی تھی۔

  • کنگ شاہ رخ خان جذبات پر قابو نہ رکھ سکے، وجہ کیا بنی؟

    کنگ شاہ رخ خان جذبات پر قابو نہ رکھ سکے، وجہ کیا بنی؟

    شارجہ : بالی ووڈ فلم انڈسٹری کے بے تاج بادشاہ شاہ رخ خان کو ایک تقریب کے دوران آبدیدہ دیکھ کر ان کے مداح بھی افسردہ ہوگئے۔

    تفصیلات کے مطابق شارجہ میں منعقدہ ایک بین الاقوامی بُک فیئر میں شرکت کے موقع پر بالی ووڈ فلم انڈسٹری کے معروف اداکار شاہ رخ خان کو ایوارڈ سے نوازا گیا۔

    When A Crying Shah Rukh Khan Said Mean Things To His Mother, Lateef Fatima Khan On Her Death Bed

    غیرملکی خبر رساں ادارے کی رپورٹ کے مطابق دوران گفتگو کنگ خان سے ایک سوال پوچھا گیا کہ اگر آج آپ اپنے والدین کو جو دنیا آپ نے بنائی ہے اور جو پیار آپ کو ملتا ہے، وہ دکھاتے تو وہ آپ سے کیا کہتے؟

    جس کے جواب میں انہوں نے بہت خوبصورت بات کہی جسے سن کر تقریب میں موجود شرکاء بھی نمناک ہوگئے اور تالیاں بجا کر کنگ خان کو داد  دی۔

     

    View this post on Instagram

     

    A post shared by Shah Rukh Khan (@iamsrk)

    شاہ رخ خان نے جواب دیا کہ مجھے لگتا ہے کہ میری والدہ سب سے پہلے مجھ سے کہتیں کہ تم بہت پتلے ہوگئے ہو، تھوڑا وزن بڑھاؤ، کیسا تمہارا منہ ہوگیا ہے اندر اندر، تمہارے کلّے اندر چلے گئے ہیں، کھانا تھوڑا اور زیادہ کھاؤ۔

    ان کا کہنا تھا کہ میرے مرحوم والدین کو مجھ پر فخر ہوگا کہ میں نے جس طرح اپنے تینوں بچوں کی تعلیم و تربیت و پرورش کی اسی لیے مجھے لگتا ہے کہ وہ بہت خوش ہوں گے۔ انہوں نے کہا کہ بچوں کی پرورش کامیابی نہیں، یہ ضروری ہے اور ہمیں لازمی کرنی ہوتی ہے۔

    ان کا کہنا تھا کہ زندگی کے تمام مسائل کے دوران ایماندار اور نرم دل رہیں، ایسے دن آتے ہیں جب ہمیں زندگی سے چیٹنگ کرنی پڑتی ہے۔

    انہوں نے کہا کہ ایسے دن بھی آئیں گے جب ہمیں اپنے ارد گرد لوگوں سے دھوکا کرنا پڑے گا لیکن اگر اس وقت آپ ایماندار اور نرم دل رکھیں تو آپ کو بہترین زندگی ملے گی جو اللّٰہ نے آپ کو دی ہے۔

  • کنگ خان کی شوٹنگ کے دوران بنائی گئی وڈیوز نے قہقہوں کا طوفان مچا دیا

    کنگ خان کی شوٹنگ کے دوران بنائی گئی وڈیوز نے قہقہوں کا طوفان مچا دیا

    ممبئی : بالی ووڈ کے کنگ شاہ رخ خان نے بھارتی فلم انڈسٹری کو کئی کامیاب فلمیں دیں ان کے ساتھ اس دور کی کئی نامور ہیروئنز نے بھی کام کیا۔

    سپر اسٹار شاہ رخ خان کی فلم ’’دل والے دلہنیا لے جائیں گے‘‘ کے سیٹ پر اپنے دیگر ساتھی اداکاراؤں کے ساتھ ہنسی مذاق کرتے ہوئے بنائی گئی ویڈیوز نے سوشل میڈیا پر دھوم مچادی۔

    ان کی فلموں دل والے دلہنیا لے جائیں گے، ڈر، دل تو پاگل ہے، کبھی الوداع نہ کہنا، محبتیں اور ویر زارا کے سیٹ پر کاجول، کرشمہ کپور، مادھوری ڈکشٹ، پریتی زنٹا اور کرن کھیر کے ساتھ ان کی ویڈیوز سوشل مڈیا پر خوب وائرل ہورہی ہیں۔

    ان ویڈیوزکو صارفین نے بے حد پسند کیا اور اپنے پسندیدہ اداکار کی شرارتوں اور باتوں سے خوب محظوظ ہوئے انہوں نے کمنٹس میں اس کا کھل کر اظہار بھی کیا۔

    اسی حوالے سے ایک اور ویڈیو بھی قابل ذکر ہے جس میں ہالی ووڈ سپر اسٹار دبئی کے صحرا میں ایک شوٹنگ کے دوران ہیروئن کے ہمراہ ریت کی دلدل میں پھنسے دکھائی دے رہے ہیں۔

    اس موقع پر مصر کے ایک کامیڈین رمیز گالا نے ان سے پرینک کیا جو ڈریگن کے کاسٹیوم میں اچانک نمودار ہوا، جسے دیکھ کر ہیروئن نے خوف سے چیخنا شروع کردیا اور شاہ رخ خان بھی پریشان دکھائی دیئے لیکن انہوں نے ظاہر نہیں کیا۔

    لیکن جیسے ہی وہ ڈریگن قریب آیا تو اس نے کاسٹیوم سے اپنا چہرہ نکال کر دکھایا تو شاہ رخ خان بجائے ہنسنے کے شدید غصے میں آگئے اور رمیز کو سخت الفاظ میں ڈانٹا۔

    ریت سے نکلنے کے بعد رمیز گلال ان سے معذرت کرتا رہا اور اس نے محبت کا اظہار کرتے ہوئے کہا کہ ناراض مت ہوں میں آپ کو بہت پسند کرتا ہوں۔

    اسی دوران شاہ رخ نے اسے گردن سے پکڑ کر زمین پر گرا دیا ابھی وہ اس کے منہ پر گھونسہ مارنے ہی والے تھے کہ رمیز گلال نے فلم ’’بلو باربر‘‘ کا مشہور گانا مرجانی مرجانی گایا جسے سن کر ان کے چہرے پر بے اختیار مسکراہٹ پھیل گئی۔

    بعد ازاں شاہ رخ خان کا موڈ بدل گیا اور انہوں میزبان رمیز گلال کی معذرت قبول کرلی اور مسکراتے ہوئے گاڑی میں بیٹھ کر چل دیے۔

  • گووندا نے شاہ رخ کو خود سے بہتر اداکار قرار دے دیا

    گووندا نے شاہ رخ کو خود سے بہتر اداکار قرار دے دیا

    معروف بھارتی اداکار گووندا نے کنگ خان شاہ رخ کی تعریفوں کے پل باندھ دیے، انہوں نے کہا کہ شاہ رخ نے فلم انڈسٹری کے ماحول اور چیزوں کے بارے میں بہت کم عمری میں سمجھنا شروع کیا، جو کہ میرے جیسا اداکار بھی نہیں کر پایا۔

    بھارتی میڈیا کے مطابق بالی ووڈ کے سینیئر اداکار اور کئی سنجیدہ اور کامیڈی فلموں سے شہرت حاصل کرنے والے گووندا کا کہنا ہے کہ شاہ رخ خان فلم انڈسٹری کے سمجھدار ترین اداکار ہیں اور وہ ہمیشہ بالکل درست فیصلے کرتے ہیں، وہ بہت پڑھے لکھے آدمی ہیں۔

    معروف کامیڈین شو کپل شرما کے ایک پرانے شو میں کپل سے گفتگو کے دوران انہوں نے کہا کہ شاہ رخ نے سب سے پہلے پیار اپنے آپ سے کیا۔

    گووندا کے مطابق شاہ رخ نے فلم انڈسٹری کے ماحول اور چیزوں کے بارے میں بہت کم عمری میں سمجھنا شروع کیا، جو کہ میرے جیسا اداکار بھی نہیں کر پایا۔

    گووندا کی اس گفتگو پر بہت سارے پرستاروں نے سوشل میڈیا پر اپنے ردعمل کا اظہار کیا، لوگوں نے کہا کہ دونوں سیلف میڈ اور عظیم اداکار ہیں۔

    خیال رہے کہ 58 سالہ گووندا نے اپنے فلمی کیریئر کا آغاز 1986 کی فلم لو 86 سے کیا تاہم بعض افراد کا خیال ہے کہ ان کی ڈیبیو فلم تن بدن ہے جو اسی سال ریلیز ہوئی۔

    لو 86 کے بعد گوندا نے پیچھے مڑکر نہیں دیکھا اور اگلے 4 برسوں میں چالیس فلموں میں اداکاری کے جوہر دکھائے۔

    وہ 1980 اور 1990 کے عشرے کے صف اول کے اداکار رہے اور انہوں نے فلم الزام، آنکھیں، راجہ بابو، ہیرو نمبر ون، بڑے میاں چھوٹے میاں اور حسینہ مان جائے گی جیسی کامیاب فلمیں کیں۔

    بالی ووڈ کے کنگ خان شاہ رخ اور گووندا نے کبھی بھی اکٹھے کسی فلم میں کام نہیں کیا۔

  • شاہ رخ خان ڈان کا حصہ نہیں ہوں گے؟

    شاہ رخ خان ڈان کا حصہ نہیں ہوں گے؟

    نئی دہلی: بالی ووڈ کنگ شاہ رخ خان نے ڈان 3 میں کام کرنے سے انکار کردیا، انہیں فلم کی کہانی پسند نہیں آئی۔

    بھارتی میڈیا کے مطابق بالی ووڈ کنگ شاہ رخ خان نے فرحان اختر کی فلم ڈان 3 مسترد کردی ہے، انہوں نے اسکرپٹ متاثر کن نہ ہونے کی وجہ سے اب تک فلم سائن نہیں کی۔

    شاہ رخ خان اور بالی ووڈ کے مداح کافی عرصے سے پوچھ رہے ہیں کہ ڈان کا تیسرا حصہ کب بنے گا؟ اب فرحان اختر کی فلم کی کہانی لکھنے کی تصویر سامنے آگئی ہے۔

    مبینہ طور پر شاہ رخ خان فلم کے اسکرپٹ سے مکمل طور پر قائل نہیں ہوئے، اس لیے انہوں نے فی الحال اس کی منظوری نہیں دی ہے۔

    رپورٹ کے مطابق بالی ووڈ کے بادشاہ جانتے ہیں ڈان ایک مشہور کردار ہے، جسے وہ مکمل اعتماد کے بعد ہی کرنا چاہیں گے، باکس آفس کی صورتحال بھی بدل چکی ہے، اس لیے وہ فلم سائن کرنے سے پہلے اس کی کہانی کے حوالے سے اطمینان چاہتے ہیں۔

    ذرائع کا مزید کہنا ہے کہ فرحان اختر شاہ رخ کا فیڈ بیک لینے کے بعد واپس لوٹ گئے ہیں، اب امید کی جاسکتی ہے کہ اگلی بار جب دونوں کی ملاقات ہوگی تو بالی ووڈ کے بادشاہ فلم بخوشی سائن کرلیں گے۔

  • شاہ رخ پھر دیپکا کی موت کا بدلہ لیں گے

    شاہ رخ پھر دیپکا کی موت کا بدلہ لیں گے

    ممبئی : بالی وڈ کے کنگ شاہ رخ خان کی 2023 میں آنے والی اپنی نئی فلم ’جوان‘ کا ٹریلر ریلیز کردیا گیا ہے جس کے بعد کنگ خان کے مداحوں میں خوشی کی لہر دوڑ گئی ہے۔

    بالی ووڈ کی کامیاب آن اسکرین جوڑی کے طور پر شاہ رخ خان اور دیپیکا پڈوکون ایک بار پھر ایک ساتھ فلم جوان میں نظر ٓئیں گے۔

    اس حوالے سے فلمی ذرائع کا کہنا ہے کہ شاہ رخ کی اس نئی فلم کا ٹائٹل ماضی کی مشہور و معروف فلم اوم شانتی اوم کا ہی تسلسل ہے۔

    فلم جوان میں شاہ رخ خان باپنی یوی دیپیکا پڈوکون کی موت کا بدلہ لیں گے، دلچسپ بات یہ ہے کہ یہ فلم شائقین کو اوم شانتی اوم سے شانتی پریا اور ٹام کی موت کی یاد دلائے گی۔

    کنگ خان کے علاوہ فلم میں نینتھارا، سانیا ملہوترا، پریامانی، سنیل گروور کے ساتھ یوگی بابو، سمرجیت سنگھ ناگرا اور منہر کمار بھی معاون کرداروں میں شامل ہیں۔

    مذکورہ فلم شاہ رخ خان اور ان کی اہلیہ گوری کی پروڈکشن کمپنی ریڈ چلیز انٹرٹینمنٹ ایٹلی کمار کی زیر قیادت بنائی جائے گی۔

    فلم جوان 2 جون 2023 کو پانچ زبانوں بشمول ہندی، تامل، تیلگو، ملیالم اور کنڑ میں سینما گھروں کی زینت بنے گی۔

  • شاہ رخ اور سلمان خان کے مداحوں کا خواب پورا ہونے کے قریب

    شاہ رخ اور سلمان خان کے مداحوں کا خواب پورا ہونے کے قریب

    بالی ووڈ کے دو بڑے سپر اسٹارز شاہ رخ خان اور سلمان خان کو ایک ساتھ ایک فلم میں دیکھنا مداحوں کا خواب ہے جو اب پورا ہوتا دکھائی دے رہا ہے۔

    بالی وڈ کی خبروں کی ویب سائٹ پِنک ولا کے مطابق شاہ رخ خان اور سلمان خان دونوں ایک ساتھ یش راج بینر کے سائے تلے فلم کرنے جارہے ہیں جو بھارتی سینما کی سب سے بڑی فلم ہوسکتی ہے۔

    رپورٹ کے مطابق شاہ رخ خان اور سلمان خان کی فلم کو ادتیہ چوپڑا لکھ رہے ہیں، اس فلم کا مرکزی خیال تیار کیا جا چکا ہے جبکہ ادتیہ چوپڑا اس فلم کی کہانی، اسکرین پلے اور
    ڈایئلاگ پر مزید کام کریں گے۔

    اس فلم کی کہانی رواں سال کے آخر میں شاہ رخ خان اور سلمان خان کو سنائی جائے گی اور فلم کی شوٹنگ 2023 کے آخر یا 2024 کے اوائل میں شروع کی جائے گی۔

    اطلاعات کے مطابق اس فلم میں ہرتیک روشن بھی نظر آئیں گے۔

    خیال رہے کہ 2023 میں شاہ رخ خان کی 3 فلمیں پٹھان، جوان اور ڈنکی ریلیز ہو رہی ہیں جبکہ سلمان خان کی فلم ٹائیگر 3 بھی 2023 میں ہی ریلیز کے لیے تیار ہے۔

    سلمان خان شاہ رخ خان کی فلم پٹھان میں جبکہ شاہ رخ خان ٹائیگر 3 میں مختصر کردار ادا کریں گے۔

    اس سے پہلے دونوں خان کرن ارجن، ہم تمہارے ہیں صنم، دشمن دنیا کا، کچھ کچھ ہوتا ہے، ہر دل جو پیار کرے گا، اوم شانتی اوم، ٹیوب لائٹ اور زیرو میں مکمل اور مختصر کردار ادا کر چکے ہیں۔

  • شاہ رخ خان نے اپنی بیٹی کو کامیاب اداکارہ بننے کیلئے کیا مشورہ دیا

    شاہ رخ خان نے اپنی بیٹی کو کامیاب اداکارہ بننے کیلئے کیا مشورہ دیا

    ممبئی : بالی ووڈ میں اپنے فلمی کیریئر کا آغاز کرنے والی کنگ خان کی صاحبزادی سہانا خان کوان کے والد شاہ رخ خان نے فلم انڈسٹری میں کامیابی کے گُر سکھا دیئے۔

    بھارتی میڈیا رپورٹ کے مطابق بالی ووڈ لیجنڈ شاہ رخ خان نے اپنی بیٹی سُہانا خان کو اداکاری کے شعبے میں پہلا قدم رکھنے کے موقع پر اہم مشورہ دیا ہے۔

    سماجی رابطے کی ویب سائٹ انسٹاگرام پر زویا اختر کی نئی آنے والی فلم "دی آرچیز” کا پوسٹر شیئر کرتے ہوئے اپنی صاحبزادی سُہانا خان کو خوبصورت مشورہ دیا ہے۔

     

    View this post on Instagram

     

    A post shared by Shah Rukh Khan (@iamsrk)

    اپنے پہلے پراجیکٹ کے موقع پر بیٹی سہانا خان کو مشورہ دیتے ہوئے شاہ رخ نے انہیں ذہانت سے بھرپور الفاظ میں اپنا محبت بھرا پیغام دیا۔

    بھارتی میڈیا کے مطابق اداکارہ سہانا خان نئی آنے والی فلم "دی آرچیز” سے بالی ووڈ میں ڈیبیو کرنے کے لئے پوری طرح تیار ہیں۔ شاہ رخ خان نے کہا کہ بیٹی یاد رکھنا کہ آپ کبھی بھی پرفیکٹ نہیں ہوں گے، آپ نے بطور اداکار ہمیشہ مہربان اور مزید دینے والا بننا ہے۔

    شاہ رخ خان نے کہا کہ ایک اداکارہ کے طور پر رحم دل بنیں، جیسی آپ ہو اگر ویسے ہی بنی رہوگی تو سب کے قریب رہوگی۔ کنگ خان کا مزید کہنا تھا کہ میرے بچے! آپ نے لمبا سفر طے کیا ہے لیکن لوگوں کے دل تک جانے کا راستہ ختم ہونے والا نہیں ہے، آگے بڑھو اور زیادہ سے زیادہ مسکراؤ,انہوں نے آخر میں لکھا کہ اب یہاں لائٹ، کیمرہ اور ایکشن ہوگا۔

    سہانا خان کا اپنے والد کو پیار بھرا جواب

    شاہ رخ خان کی پوسٹ پر ان کی صاحبزادی سہانا نے اپنا پیار جتاتے ہوئے کمنٹ کیا کہ پاپا! آپ کو بہت سا پیار۔ شاہ رخ خان نے یہ پوسٹ خبر شائع ہونے سے تقریباً ایک گھنٹہ پہلے شیئر کی، جس پر اس قلیل وقت میں پونے تین لاکھ سے زیادہ لائکس آگئے۔ سوشل میڈیا صارفین نے کنگ خان کی اس پوسٹ کو بہت پسند کیا۔

    واضح رہے کہ کنگ خان کی بیٹی سمیت فلمی خاندانوں سے وابستہ دیگر نوجوان اداکار زویا اختر کی ہدایت کاری میں بننے والی فلم "دی آرچیز”کے ذریعے اداکاری کے میدان میں قدم رکھ رہے ہیں۔

    دی آرچیز کا پہلا لُک 14 مئی کو جاری کیا گیا، جس میں سہانا خان کے ساتھ سری دیوی کی چھوٹی صاحبزادی خوشی کپور اور امیتابھ بچن کے نواسے آگستیا نندا بھی اداکاری کے سفر کا آغاز کر رہے ہیں۔