ARYNews.tv | Urdu – Har Lamha Bakhabar

Tag: shah rukh khan

  • شاہ رخ خان کی نئی فلم کی پہلی جھلک ریلیز

    شاہ رخ خان کی نئی فلم کی پہلی جھلک ریلیز

    بالی ووڈ سپر اسٹار شاہ رخ خان کے مداحوں کا طویل انتظار اب ختم ہونے کو ہے، ان کی نئی فلم ‘ڈنکی’ کی پہلی جھلک ریلیز کر دی گئی۔

    تقریباً چار سال سے شاہ رخ خان کے مداح جن لمحات کا انتظار کر رہے تھے وہ اب آنے والے ہیں، شاہ رخ نے بڑے پردے پر واپسی کا سوشل میڈیا پر اعلان اپنی نئی فلم کی خوش خبری کے ساتھ کیا ہے۔

    اگرچہ فلم ‘پٹھان’ کی تاریخ کا اعلان پہلے ہی کیا جا چکا ہے، تاہم اب ایک ایسی فلم کا اعلان کیا گیا ہے، جو ہندی سینما کو سمجھنے والوں میں سنسنی اور جوش پیدا کر سکتی ہے، وجہ یہ ہے کہ کئی بہترین فلموں کے ہدایت کار راج کمار ہیرانی اور شاہ رخ خان پہلی بار ایک فلم لے کر آ رہے ہیں، جس کا نام ہوگا ’ڈنکی Dunki‘۔

    شاہ رخ خان نے ایک ٹویٹ کے ساتھ ایک ویڈیو شیئر کی ہے جس میں وہ راج کمار ہیرانی سے فلم کے بارے میں بات کرتے نظر آ رہے ہیں۔

    شاہ رخ نے لکھا ڈیئر راج کمار ہیرانی سر، آپ میرے سانتا کلاز نکلے، آپ شروع کرو میں ٹائم پر پہنچ جاؤں گا۔ بلکہ میں تو سیٹ پر ہی رہنے لگوں گا۔ میں آخر کار آپ کے ساتھ کام کرنے کے لیے پرجوش ہوں۔ میں 22 دسمبر 2023 کو آپ سب کے لیے ڈنکی لے کر آرہا ہوں۔

    بالی ووڈ کو تھری ایڈیٹس، پی کے، سنجو اور منا بھائی ایم بی بی ایس جیسی سپر ہٹ فلمیں دینے والے راج کمار ہیرانی کی ہدایت کاری میں بنے والی اس فلم ’ڈنکی‘ کی ریلیز کا بھی اعلان کر دیا گیا ہے جو کہ 22 دسمبر 2023 میں نمائش کے لیے پیش کی جائے گی۔

    راجو ہیرانی نے بھی ایک ٹوئٹ میں لکھا کہ ’شاہ رخ، ہم نے آخرکار ایک ساتھ فلم بنانے کا فیصلہ کر ہی لیا۔ اگلے سال کرسمس پر آپ سب سے سینما گھروں میں ملیں گے۔‘

    راجو ہیرانی نے اس ٹوئٹ میں تاپسی پنو کو بھی ٹیگ کیا ہے، فلم میں تاپسی پنو اہم کردار میں ہیں، تاپسی نے بھی ٹوئٹ کرتے ہوئے لکھا ’آخر کار یہ ہو رہا ہے، شاہ رخ اور راجو ہیرانی کے ساتھ اپنی اگلی فلم ڈنکی کا اعلان کرتے ہوئے مجھے بہت خوشی ہو رہی ہے۔‘

    ڈنکی کی شوٹنگ اس مہینے شروع ہو گئی ہے، جب کہ اگلے شیڈول کی شوٹنگ پنجاب میں ہو رہی ہے، اس فلم کو راجو ہیرانی اور ابھیجیت جوشی نے لکھا ہے۔

    یاد رہے کہ شاہ رخ خان کی فلم پٹھان 25 جنوری 2023 کو ریلیز ہوگی جب کہ ان کے مداحوں کو اب ’ڈنکی‘ کا بھی بے صبری سے انتظار ہے۔

  • بالی ووڈ کے کنگ خان کس اداکار کے مداح ہیں؟

    بالی ووڈ کے کنگ خان کس اداکار کے مداح ہیں؟

    بالی ووڈ کنگ شاہ رخ خان تامل فلموں کے اداکار تھلاپتی وجے کے مداح نکلے، وجے کی نئی فلم پر انہوں نے نیک خواہشات کا اظہار کیا ہے۔

    شاہ رخ خان نے سماجی رابطے کی ویب سائٹ ٹویٹر پر فلم بیسٹ جسے ہندی زبان میں را کا ٹائٹل دیا گیا ہے، کا ٹریلر شیئر کیا۔

    شاہ رخ نے لکھا کہ وہ ہدایتکار اتلی کے ساتھ بیٹھے ہیں جو اداکار تھلاپتی وجے کے اتنے ہی بڑے مداح ہیں جتنے کہ وہ خود ہیں۔

    انہوں نے اپنے ٹویٹ میں فلم بیسٹ کی پوری ٹیم کے لیے نیک خواہشات کا اظہار بھی کیا، انہوں نے لکھا کہ فلم کا ٹریلر بہت زیادہ معنی خیز، زبردست اور مضبوط لگتا ہے۔

    یاد رہے کہ اداکار تھلاپتی وجے اپنی نئی فلم بیسٹ کے ساتھ بڑے پردے پر جلوہ گر ہونے کے لیے تیار ہیں، اس فلم کا تامل زبان میں ٹریلر 3 اپریل کو ریلیز ہوا جبکہ فلم کا ہندی ٹریلر گزشتہ روز ریلیز کیا گیا ہے۔

  • کیا شاہ رخ خان اور گوری کی علیحدگی ہونے جارہی ہے؟

    کیا شاہ رخ خان اور گوری کی علیحدگی ہونے جارہی ہے؟

    بالی وڈ کنگ خان کی اہلیہ گوری خان نے شوہر سے علیحدگی کا اشارہ دے دیا ہے، گوری خان نے انسٹا گرام پر اپنی شادی شدہ زندگی کے بارے میں تہلکہ خیز بیان جاری کیا ہے۔

    گوری نے شاہ رخ اور اپنی تصویر کے ساتھ لکھا کہ میں شاہ رخ کو چھوڑنا چاہتی ہوں۔

    گوری نے شو کافی ود کرن میں بات کرتے ہوئے کہا تھا کہ مجھے لگتا ہے کہ شاید ہم نے شادی کے بارے میں فیصلہ جلدی کرلیا، لہٰذا میں نے بریک لے لی۔ وہ میرے بارے میں بہت حساس ہے جسے میں ہینڈل نہیں کرسکتی۔

    انہوں نے بتایا تھا کہ انہیں وقت درکار ہے، وہ کئی بار ایسا کر چکی ہیں۔

    خیال رہے کہ اداکار شاہ رخ خان کی شادی گوری خان سے 25 اکتوبر 1991 میں ہوئی تھی، ان کے 2 بیٹے اور ایک بیٹی ہے۔

  • ‘نام تو سنا ہوگا نا میری جان؟’ کنگ خان کی سوشل میڈیا پر دھماکے دار انٹری

    ‘نام تو سنا ہوگا نا میری جان؟’ کنگ خان کی سوشل میڈیا پر دھماکے دار انٹری

    ممبئی: بالی وڈ کے بے تاج بادشاہ’ شاہ رخ خان ‘ کی طویل عرصے کے بعد اسکرین پر واپسی نے مداحوں کو خوشی سے نہال کردیا ہے۔

    میڈیا رپورٹ کے مطابق اداکار نے اسکرین پر واپسی کے ساتھ ہی مائیکرو بلاگنگ ویب سائٹ ٹوئٹر پر بھی ایک طویل عرصے کے بعد ٹوئٹ کیا، ایک ٹوئٹ کرنے کی دیر تھی کہ وہ ٹاپ ٹرینڈ بن گئے۔

    اُنہوں نے اپنے ٹوئٹر اکاؤنٹ پر اپنے ایک نئے اشتہار کی ویڈیو شیئر کرتے ہوئے لکھا کہ "نام تو سنا ہوگا نا میری جان” اداکار کو اس اشتہار میں اسی نئے انداز میں دیکھا جاسکتا ہے جوکہ اُنہوں نے اپنی نئی فلم ’پٹھان‘ کے لیے اپنایا۔

    مداح اداکار کی واپسی پر اپنے اپنے انداز میں خوشی کا اظہار کررہے ہیں، کچھ مداح دلچسپ میمز شیئر کررہے ہیں تو کچھ شاہ رخ خان کی واپسی کی سوشل میڈیا پر دھوم دیکھ کر انکی شہرت کا موازنہ اُن کے ساتھی بالی ووڈ اداکاروں سے کررہے ہیں۔

    جبکہ کچھ مداحوں کا کہنا ہے کہ اداکار نے اس اشتہار کے ذریعے اپنی فلم ’پٹھان‘ کی پہلی جھلک دکھا دی ہے۔

    https://twitter.com/AdityaMohan17_/status/1496385654141644800?s=20&t=baOHmYewYQfxqeRRDdxR2A

    واضح رہے کہ گزشتہ برس اکتوبر میں جب سے ان کے بڑے بیٹے آریان خان کو منشیات کے ایک کیس میں گرفتار کیا تھا تب سے شاہ رخ سوشل میڈیا پر بھی کم متحرک نظر آتے ہیں، آریا ن کو تقریباً تین ہفتے جیل میں گزارنے کے بعد ضمانت مل گئی تھی۔

    https://twitter.com/AdityaMohan17_/status/1496385654141644800?s=20&t=baOHmYewYQfxqeRRDdxR2A

  • شاہ رخ خان کی نئی تصویر کی اصل حقیقت کیا ہے؟ جانیے

    شاہ رخ خان کی نئی تصویر کی اصل حقیقت کیا ہے؟ جانیے

    ممبئی : بھارتی فلم انڈسٹری کے نامور اداکار شاہ رخ خان کی ایک تصویر ان دنوں سوشل میڈیا پر خوب وائرل ہورہی ہے، جسے ان کے مداحوں کی جانب سے خوب پذیرائی بھی مل رہی ہے۔

    اس تصویر میں انہیں سفید داڑھی اور لمبے کالے بالوں کے ساتھ دکھایا گیا ہے، شاہ رخ خان کے مداح سوشل میڈیا پر اس تصویر میں نظر آنے والے ان کے اس روپ کو پسند کررہے ہیں۔

    اس تصویر کی اصل حقیقت کیا ہے؟ آیئے ہم آپ کو بتاتے ہیں، غیر ملکی خبر رساں ادارے کی رپورٹ کے مطابق  تصویر میں اُنہیں لمبے بالوں، سفید گھنی داڑھی اور سیاہ کوٹ  پینٹ میں ملبوس دکھایا گیا ہے۔

    بہت سے صارفین کا خیال تھا کہ یہ شاہ رخ خان کی نئی آنے والی فلم پٹھان سے ان کا نیا روپ ہے لیکن یہ سچ نہیں ہے، حقیقت میں یہ تصویر سال2017 میں ڈبو رتنانی کے ساتھ ان کے پرانے فوٹو شوٹ کی تصویر کا فوٹو شاپ ورژن ہے۔

    تاہم مداحوں کو شاہ رخ خان کے لمبے بالوں کا نیا روپ پسند آیا اور انہوں نے اداکار کی تعریف میں محبت بھرے تبصروں کے ساتھ اس تصویر کو خوب شیئر بھی کیا۔

    واضح رہے کہ شاہ رخ خان آخری بار فلم زیرو میں انوشکا شرما اور کترینہ کیف کے ساتھ نظر آئے تھے، یہ فلم 2018میں ریلیز ہوئی تھی۔

    اب وہ سدھارتھ آنند کی فلم پٹھان میں دیپیکا پڈوکون اور جان ابراہم کے ساتھ نظر آئیں گے لیکن ٹیم نے ابھی تک فلم کا باضابطہ اعلان نہیں کیا ہے۔

    دوسری جانب گزشتہ برس اکتوبر میں جب سے ان کے بڑے بیٹے آریان خان کو منشیات کے ایک کیس میں گرفتار کیا تھا تب سے شاہ رخ سوشل میڈیا پر بھی کم متحرک نظر آتے ہیں، آرین کو تقریباً تین ہفتے جیل میں گزارنے کے بعد ضمانت مل گئی تھی۔

  • کیا شاہ رخ خان معافی مانگیں گے؟

    کیا شاہ رخ خان معافی مانگیں گے؟

    کیا بالی ووڈ کنگ شاہ رخ خان اپنی 2017 کی فلم ’رئیس‘ کی تشہیر کے دوران ایک شخص کی موت پر عوامی سطح پر معافی مانگیں گے؟

    بھارتی میڈیا کے مطابق فلم ’رئیس‘ کی تشہیر کے دوران ایک شخص کی موت پر شاہ رخ خان کے خلاف ودودرا کی ایک ذیلی عدالت میں متعدد درخواستیں دائر کی گئی ہیں، جن کو ختم کرانے کے لیے گجرات ہائی کورٹ میں کنگ خان کی جانب سے درخواست دی گئی ہے، جس پر آج سماعت ہوئی۔

    درخواست میں کہا گیا ہے کہ اداکار کی جانب سے کوئی جرم نہیں کیا گیا، متوفی دل کا مریض تھا اور اس کی موت کچھ اور وجوہ کے سبب ہوئی تھی۔

    بھارتی میڈیا کے مطابق ہائی کورٹ نے اس کیس کی سماعت 24 فروری تک ملتوی کر دی ہے، عدالت نے مبینہ طور پر شکایت کنندگان سے یہ بھی کہا ہے کہ اگر وہ راضی ہیں تو شاہ رخ خان کو معافی مانگنے کو کہا جائے گا۔

    خیال رہے کہ شاہ رخ خان اپنی فلموں کی تشہیر کے لیے ہمیشہ منفرد آئیڈیاز کے ساتھ آتے ہیں، ان کی فلم ‘جب ہیری میٹ سیجل’ کی تشہیر کے دوران انھوں نے 4 سو سیجل نامی لڑکیوں سے ملاقات کی تھی، اگرچہ شاہ رخ نے ہمیشہ شان دار شوز پیش کیے ہیں، تاہم بدقسمتی سے فلم رئیس کی تشہیر کے دوران افسوس ناک واقعہ پیش آیا۔

    23 جنوری 2017 کو، شاہ رخ خان فلم کی تشہیر کے لیے ٹرین میں سوار ہوئے جہاں اداکار کی ایک جھلک دیکھنے کے لیے ایک بہت بڑا ہجوم جمع ہوا، جلد ہی افراتفری مچ گئی اور پولیس کو بھیڑ پر قابو پانے کے لیے لاٹھی چارج کرنا پڑا، اس دوران ایک شخص کی موت ہوگئی۔

    فل رئیس 2017 میں ریلیز ہوئی تھی، جس میں پاکستانی اداکارہ ماہرہ خان اور نواز الدین صدیقی بھی تھے۔

  • لتا منگیشکر کی آخری رسومات: شاہ رخ خان انتہا پسندوں کی نفرت کا نشانہ بن گئے

    لتا منگیشکر کی آخری رسومات: شاہ رخ خان انتہا پسندوں کی نفرت کا نشانہ بن گئے

    برصغیر کی معروف گلوکارہ لتا منگیشکر گزشتہ روز چل بسی تھیں، ان کی آخری رسومات میں بھارتی وزیر اعظم نریندر مودی اور بالی ووڈ کے بیشتر فنکاروں نے شرکت کی تاہم ان افسوسناک لمحات میں بھی ہندو انتہا پسندوں نے تنازعے کی وجہ ڈھونڈ لی۔

    لتا منگیشکر کی آخری رسومات میں وزیر اعظم نریندرمودی سمیت ملک بھر سے معروف شخصیات نے شرکت کی جن میں بالی ووڈ کے کنگ خان شاہ رخ بھی شامل تھے۔

    سوشل میڈیا پر ان کی کچھ تصاویر اور ایک ویڈیو وائرل ہوئی ہے جس میں وہ اور ان کی مینیجر لتا کے جسد خاکی کے قریب کھڑے ہیں، مینیجر ہاتھ جوڑ کر دعائیہ کلمات ادا کر رہی ہیں جبکہ شاہ رخ دونوں ہاتھ بلند کیے دعا مانگ رہے ہیں۔

    دعا مانگنے کے بعد شاہ رخ نے اپنا ماسک اتارا اور لتا کے جسد خاکی کے اوپر پھونک دیا۔

    اس ویڈیو کا سامنے آنا تھا کہ ہندو انتہا پسندوں نے طوفان کھڑا کردیا، بیشتر افراد نے الزام عائد کیا کہ شاہ رخ نے لتا کے جسد خاکی پر تھوکا ہے۔

    ٹویٹر پر شاہ رخ خان کی یہ ویڈیو پوسٹ کی گئی اور اس پر نفرت آمیز اور تضحیکی تبصرے کیے۔

    تاہم ایسے افراد کی بھی کمی نہیں تھی جو اس عمل کے بارے میں جانتے تھے، انہوں نے نہ صرف دعا پڑھ کر پھونکنے کے عمل کی وضاحت کی بلکہ اس پر بلا وجہ کا تنازعہ کھڑا کرنے والوں کو آڑے ہاتھوں بھی لیا۔

    معروف آنجہانی گلوکارہ لتا منگیشکر کی آخری رسومات گزشتہ روز قومی اعزاز کے ساتھ ادا کی گئی ہیں، ان کے انتقال پر بھارتی حکومت نے قومی سطح پر 2 روزہ سوگ منانے کا بھی اعلان کیا ہے، اس دوران قومی پرچم سرنگوں رہے گا۔

  • شاہ رخ خان اپنی اولاد کیلئے فکرمند، خدشے کا اظہار کردیا

    شاہ رخ خان اپنی اولاد کیلئے فکرمند، خدشے کا اظہار کردیا

    ممبئی : بالی ووڈ انڈسٹری کے بے تاج بادشاہ کنگ خان آج کل اپنے بیٹے آریان خان کی گرفتاری کی وجہ سے کافی پریشان دکھائی دے رہے ہیں۔

    گزشتہ دنوں نارکوٹکس کنٹرول بیورو (این سی بی) کی جانب سے ممبئی کے ساحل پر لنگر انداز گووا جانے والے ایک کروز شپ پر پارٹی کے دوران چھاپے میں دیگر افراد کے ساتھ پکڑے جانے والے آریان خان کی گرفتاری کو اب دو ہفتے سے زیادہ وقت گزر چکا ہے۔

    نارکوٹکس کنٹرول بیورو کی ایک ٹیم گزشتہ روز شاہ رخ خان کی ممبئی میں واقع رہائش گاہ منت پر بھی پہنچی تھی، بیورو ٹیم کی آمد سے کچھ دیر قبل ہی شاہ رخ جیل میں قید بیٹے سے ملاقات کرکے واپس آئے تھے۔

    اس پوری صورتحال کے تناظر میں شاہ رخ خان کا ایک پرانا انٹرویو سامنے آیا ہے جس میں کہ انھوں نے ایک بار کہا تھا کہ میرا نام اور شہرت ان کی زندگی کو مشکل میں ڈال سکتی ہے اور میں نہیں چاہتا کہ ایسا ہو۔

    سال 2008میں جرمن ٹی وی کو اپنے انٹرویو میں شاہ رخ نے کہا تھا کہ میرا سب بڑا خوف یا خدشہ یہ ہے کہ میرے خاندان اور بچوں کو میری شہرت سے نقصان پہنچ سکتا ہے۔

    ان کا کہنا تھا کہ میری خواہش ہے کہ میں ان کے والد کی حیثیت سے تو پہچانا جاؤں لیکن یہ نہیں چاہتا کہ ان کی شناخت میرے بچوں کی حیثیت سے ہو۔

  • منشیات کیس میں نیا موڑ، کنگ خان کی مشکلات میں اضافہ

    منشیات کیس میں نیا موڑ، کنگ خان کی مشکلات میں اضافہ

    ممبئی: کروز شپ پارٹی کیس میں بڑی پیش رفت سامنے آئی ہے جہاں نارکوٹکس کنٹرول بیورو نے شاہ رخ کے قریبی شخص کو طلب کرلیا ہے۔

    بھارتی میڈیا کے مطابق کروز شپ پارٹی کیس اب مزید الجھتا ہوا دکھائی دے رہا ہے، کیونکہ این سی بی نے شاہ رخ خان کے بیٹے کی گرفتاری کے بعد ان کے ڈرائیور کو بھی طلب کرلیا ہے۔

    اس سے قبل کیس میں آریان خان کے علاوہ شاہ رخ خان کے خاندان یا اس سے متعلقہ کسی شخص سے کوئی پوچھ گچھ نہیں کی گئی تھی ایسے ماحول میں کنگ خان کے ڈرائیور کو طلب کرنا نہایت حیران کن ہے، کہا جارہا ہے کہ این سی بی کو آریان سے متعلق کچھ ضروری سوالات کے جوابات درکار ہیں۔

    عدالت نے پہلے آریان خان کو تین دنوں کے لئے این سی بی کی تحویل میں دیا تھا آج انہیں 14 روزہ جوڈیشل ریمانڈ پر بھیجا گیا ہے۔

    دوسری جانب آریان خان نے عدالت میں ضمانت کی درخواست دی تھی جو مسترد کی جاچکی ہے، کنگ خان کے بیٹے فی الحال آرتھر روڈ جیل میں ہیں، کرونا وبا کے پیش نظر انہیں ابھی بقیہ قیدیوں سے الگ قرنطینہ میں رکھا گیا ہے، آریان خان کے وکلا کا کہنا ہے کہ ایک بار پھر آریان خان کی ضمانت کے لیے سیشن کورٹ میں درخواست دیں گے۔

    یہ بھی پڑھیں: منشیات کیس، آریان خان کو کتنی سزا ہوسکتی ہے؟

    واضح رہے کہ آج کنگ خان کی اہلیہ گوری خان کی سالگرہ تھی، شاہ رخ خان کے خاندان کو امید تھی کہ آریان خان کو عدالت سے ضمانت مل جائے گی لیکن ایسا نہ ہوسکا، والدہ کی سالگرہ کی رات آریان نے جیل میں گزاری، آریان سمیت باقی ملزمان کی ضمانت کی درخواست بھی مسترد کردی گئی ہیں۔

    یاد رہے کہ آریان خان کو این سی بی نے دو اکتوبر کو ان کے دوست ارباز مرچنٹ کے ساتھ ممبئی سے گوا جانے والے کروز جہاز سے حراست میں لیا گیا تھا اور بعد میں انہیں باقاعدہ گرفتار کر کیا تھا۔

  • شاہ رخ خان کا بیٹا جیل میں کیسی زندگی گزارے گا؟

    شاہ رخ خان کا بیٹا جیل میں کیسی زندگی گزارے گا؟

    بھارتی عدالت کی جانب سے درخواست ضمانت مسترد ہونے کے بعد کنگ خان کے بیٹے آریان خان کو دیگر ساتھیوں کے ہمراہ ممبئی کے آرتھر جیل منتقل کردیا گیا، وہ وہاں مزید 13 دن عدالتی ریمانڈ پر جیل میں رہیں گے۔

    بھارتی میڈیا کے مطابق بالی ووڈ کے سپر اسٹار شاہ رخ خان کے بیٹے آریان خان کی ضمانت کی درخواست مسترد کیے جانے کے بعد انہیں ساتھیوں سمیت ممبئی کی آرتھر روڈ جیل منتقل کیا گیا ہے۔

    انڈین میڈیا رپورٹ کے مطابق سونے کا چلچہ منہ میں لے کر پیدا ہونے والے آریان خان کو ممبئی کی جیل میں دیگر عام قیدیوں کی طرح رہنا پڑے گا۔

    خیال رہے کہ پولیس حراست میں ملزم کے لیے گھر یا باہر سے کھانا منگوایا جا سکتا ہے جبکہ عدالتی ریمانڈ پر جیل منتقل کیے جانے کے بعد قانون کے تحت ملزم دیگر قیدیوں کے ساتھ معمولات گزارتا ہے۔

    شاہ رخ خان کے بیٹے اور ان کے ساتھ گرفتار دیگر پانچ ملزمان کو ممبئی کی جیل کی پہلی منزل کی اسپیشل قرنطینہ بیرک میں منتقل کیا گیا جہاں وہ پانچ دن گزاریں گے۔

    آریان خان اور ان کے ساتھی ملزمان کے کورونا ٹیسٹ کی رپورٹس منفی آئی تھیں تاہم ان کو جیل میں دیگر قیدیوں سے میل ملاپ سے قبل قرنطینہ میں رہنا ہوگا۔ آریان خان کورونا ویکسین کی دونوں خوراکیں بھی لگوا چکے ہیں۔

    جیل میں آریان خان کو دیگر قیدیوں کے ساتھ صبح 6 بجے جاگنا ہوگا جس کے بعد 7 بجے ناشتہ دیا جائے گا۔ قیدیوں کے لیے ممبئی کی جیل میں دن کا کھانا 11 بجے ہوتا ہے جبکہ رات کے کھانے کا وقت شام 6 بجے مقرر ہے۔

    ممبئی کی جیل میں قیدیوں کو ناشتے میں شیرا پوہا جبکہ دن اور رات کے کھانے میں چپاتی، دال اور چاول دیے جاتے ہیں۔ گھر کا کھانا فراہم کرنے کی اجازت کے عدالتی حکم کے آنے تک بالی وڈ کنگ سٹار شاہ رخ خان کے بیٹے کوعام قیدیوں کے ساتھ جیل کا کھانا لینا ہوگا تاہم ان کو جیل کی کینٹین سے کھانا لینے کی اجازت ہوگی جس کے لیے الگ سے قیمت ادا کی جاتی ہے۔

    انڈیا ٹوڈے کے مطابق جیل میں زیادہ تر قیدی رات کا کھانا 8 بجے کھاتے ہیں اور پلیٹ اپنے پاس ہی رکھتے ہیں۔ منشیات رکھنے کے مقدمے میں گرفتار آریان خان کے وکیل ستیش منشندے نے ضمانت کی درخواست پر دلائل میں کہا تھا کہ ان کے مؤکل کی عمر 23 برس ہے اور ان کا پہلے سے کوئی مجرمانہ ریکارڈ نہیں۔

    وکیل کے مطابق ’آریان خان معزز خاندان سے تعلق رکھتے ہیں، ان کے والدین اور رشتے دار عدالت میں موجود ہیں۔ ان کے پاس انڈین پاسپورٹ ہے اور ان کی اس معاشرے میں جڑیں ہیں وہ فرار نہیں ہو سکتے۔

    آریان خان کے وکیل نے عدالت سے کہا کہ ان کے مؤکل ضمانت پر رہائی کے بعد مقدمے کے شواہد میں تبدیلی کے لیے خطرہ نہیں۔ شواہد اور دیگر ملزمان پہلے سے ہی پولیس کی تحویل میں ہیں۔

    وکیل کے مطابق آریان خان سے کوئی ممنوعہ مواد برآمد نہیں کیا گیا اور ان کو صرف وی وی آئی  پی کا بیٹا ہونے کی وجہ سے اس سلوک کا سامنا ہے۔