ARYNews.tv | Urdu – Har Lamha Bakhabar

Tag: shah rukh khan

  • آریان خان کی گرفتاری، شاہ رخ خان کو کمزور کرنے کی سازش؟

    آریان خان کی گرفتاری، شاہ رخ خان کو کمزور کرنے کی سازش؟

    بالی ووڈ کنگ شاہ رخ خان کے بیٹے آریان خان کروز پر ‘ریو پارٹی‘ کے دوران منشیات استعمال کرنے کے اعتراف جرم کرچکے اور عدالت نے انہیں سات اکتوبر تک ریمانڈ پر دے رکھا ہے تاہم کیس میں اہم موڑ آگیا ہے۔

    بھارتی میڈیا کے مطابق نارکوٹکس کنٹرول بیورو (این سی بی) کا کہنا ہے کہ اس کے افسران کو آریان خان کے پاس سے منشیات نہیں ملی ہے،

    اس کیس کو انڈین میڈیا نے بھرپور کوریج دی جبکہ سوشل میڈیا پر شاہ رخ خان پر تنقید کا نشانہ بنتے رہے، تاہم اب لگتا ہے کہ بالی ووڈ کے بادشاہ کے پرستاروں نے ٹھان لی ہے کہ انہوں نے اپنے پسندیدہ اداکار کو اس مشکل وقت میں تنہا نہیں چھوڑنا۔

    سوشل میڈیا خصوصاً ٹوئٹر پر ’آئی اسٹینڈ ود ایس آر کے‘ ٹاپ ٹرینڈز میں سے ایک ہے جبکہ ممبئی میں شاہ رخ خان کی رہائش گاہ کے باہر فینز ان سے یکجہتی کا اظہار کرنے کے لیے جمع ہوئے اور ایک بینرز بھی گھر کے باہر چھوڑ گئے، اس بینر پر انگریزی میں لکھا تھا کہ ’دنیا کے ہر کونے سے آپ کے فینز آپ سے پیار کرتے ہیں اور یہ غیر مشروط ہے’، ’ہم امتحان کے اس وقت میں آپ کے ساتھ کھڑے ہیں۔‘

    اس کیس کے حوالے سے ٹوئٹر پر کچھ لوگوں کی رائے ہیں کہ آریان خان کو صرف شاہ رخ خان کو کمزور کرنے کے لیے اس مقدمے میں پھنسایا جارہا ہے۔

    یہ بھی پڑھیں: منشیات کیس:‌ شاہ رخ‌ خان کے بیٹے نے اعتراف جرم کرلیا

    بالی وڈ کی ایک اور مشہور شخصیت کمال خان نے لکھا کہ ’اگر کوئی شاہ رخ خان کو جھوٹے الزامات لگا کر انہیں نیچے گرانا چاہتا ہے تو میں غیر مشروط طور پر ان کے ساتھ کھڑا ہوں۔‘

    دبنگ فلم میں ولن کا کردار ادا کرنے والے سونو سود نے بھی ہندی زبان میں شاہ رخ خان اور ان کے بیٹے کا نام لیے بغیر لکھا کہ ’سچ سامنے آنے میں وقت لگتا ہے، آپ خود خدا نہ بنیں۔‘

    آریان خان کے خلاف اس مقدمے پر اب تک شاہ رخ خان یا ان کی بیوی فلم پروڈیوسر گوری خان کا اب تک کوئی براہ راست بیان سامنے نہیں آیا ہے۔

  • شاہ رخ خان کے ہمشکل نے مداحوں کو چونکا دیا

    شاہ رخ خان کے ہمشکل نے مداحوں کو چونکا دیا

    بالی ووڈ کنگ شاہ رخ خان کے ہمشکل نے سوشل میڈیا پر مقبولیت حاصل کرلی، مداح ان کی شاہ رخ خان سے اس قدر مشابہت پر حیران ہیں۔

    ابراہیم قادری نامی اس شخص کی شاہ رخ خان سے مماثلت چونکا دینے والی ہے۔

     

    View this post on Instagram

     

    A post shared by Ibrahim qadri (@ibrahim__qadri)

    ابراہیم قادری کے بالوں اور ملبوسات کا انداز بھی شاہ رخ خان سے ملتا جلتا ہے اور انٹرنیٹ پر اس کی موجودگی نے متعدد افراد کو دنگ کردیا ہے، جن کی جانب سے شاہ رخ خان اور ابراہیم قادری کی مماثلت پر تبصرے کیے جارہے ہیں۔

     

    View this post on Instagram

     

    A post shared by Ibrahim qadri (@ibrahim__qadri)

    ابراہیم قادری صرف کنگ خان کے ہمشکل ہی نہیں بلکہ ان کے بہت بڑے مداح بھی ہیں۔ سوشل میڈیا پر مقبول اس صارف نے ان کی نقل کے ذریعے شاہ رخ خان کو خراج تحسین پیش کرنے کا ذریعہ ڈھونڈا ہے۔

    ان کے انسٹا گرام پر 53 ہزار سے زیادہ فالورز ہیں جس میں وہ شاہ رخ خان کے انداز میں تصاویر اور ویڈیوز اپ لوڈ کرتے رہتے ہیں۔

     

    View this post on Instagram

     

    A post shared by Ibrahim qadri (@ibrahim__qadri)

    کئی بار ابراہیم قادری کو شاہ رخ خان کے کچھ مداحوں کی جانب سے ان کے پسندیدہ اسٹار کی نقل کرنے پر تنقید کا نشانہ بھی بنایا جاتا ہے۔

  • ’بدلہ‘ کا پوسٹر ریلیز، امیتابھ بچن اور شاہ رخ خان کی دلچسپ نوک جھونک

    ’بدلہ‘ کا پوسٹر ریلیز، امیتابھ بچن اور شاہ رخ خان کی دلچسپ نوک جھونک

    ممبئی: بالی ووڈ کے لیجنڈری اداکار امیتابھ بچن کی نئی فلم ’بدلہ‘ کا پہلا پوسٹر ریلیز کردیا گیا۔

    تفصیلات کے مطابق سوجو گھوش کی ہدایت کاری میں بنائی جانے والی فلم ’بدلہ‘ میں امتیابھ بچن اور تپسی پنو مرکزی کردار ادا کررہے ہیں یہ فلم 8 مارچ کو دنیا بھر میں ریلیز کی جائے گی۔

    بالی ووڈ لیجنڈری اداکار نے سماجی رابطے کی ویب سائٹ ٹویٹر پر فلم کا پوسٹر شیئر کرتے ہوئے لکھا کہ ’بدلہ لینا ہر بار صحیح نہیں ہوتا لیکن معاف کردینا بھی ہر بار صحیح نہیں ہوتا‘۔

    ایک اور ٹویٹ میں بگ بی نے تپسی کا پوسٹر شیئر کرتے ہوئے شاہ رخ خان اور اداکارہ کا شکریہ ادا کیا اور لکھا کہ ’ہمارے پاس بھی آپ کے لیے ایک پوسٹر ہے‘۔

    قبل ازیں شاہ رخ خان نے امیتابھ بچن کو مخاطب کرتے ہوئے سماجی رابطے کی ویب سائٹ پر ٹویٹ کیا کہ ’آپ تیار رہیں!!! میں بدلہ لینے آرہا ہوں‘۔

    امیتابھ بچن نے اس ٹویٹ کا جواب دیتے ہوئے کہا کہ ’بدلہ لینے کا وقت تو گیا اور اب تو سب کو بدلہ دینے کا وقت ہے‘۔

    دوسری جانب تپسی نے بھی سماجی رابطے کی ویب سائٹ پر کنگ خان کو جواب دیتے ہوئے کہا کہ ’آپ نے غلط چیز مانگ لی، اب تو فلم بن گئی، پھر بھی اگر کچھ لینا ہے تو بدلہ کا پوسٹر لے لیں‘۔

    امیتابھ بچن، تپسی اور شاہ رخ خان نے مداحوں کو یہ خوشخبری بھی سنائی کہ فلم کا ٹریلر 12 فروری کو ریلیز کیا جائے گا۔

  • "دوست دوست نہ رہا”: معروف ہدایت کار کا کنگ خان کے ساتھ فلم کرنے سے انکار

    "دوست دوست نہ رہا”: معروف ہدایت کار کا کنگ خان کے ساتھ فلم کرنے سے انکار

    ممبئی: بالی وڈ کے کنگ کہلانے والے شاہ رخ خان اس وقت شدید مشکلات کا شکار ہیں، معروف ہدایت کار نے  ان کے ساتھ کام کرنے سے انکار کر دیا.

    تفصیلات کے مطابق پے در پے ناکامیوں کے بعد اب معروف ڈائریکٹر اور پرڈیوسر کنگ خان کے ذکر سے کترانے لگے ہیں اور ان کے ساتھ کام کرنے کا ارادہ نہیں رکھتے.

    ایسے ہی خیالات کا اظہار گذشتہ دنوں معروف ڈائریکٹر روہت شیٹھی نے اپنے ایک خصوصی انٹرویو میں کیا.

    فلم "سمبا” کے پرموشن کے موقع پر جب روہت شیٹھی سے شاہ رخ خان کے ساتھ دوبارہ کام کرنے کا سوال کیا گیا، تو انھوں نے کہا کہ فی الحال ان کا ایسا کوئی ارادہ نہیں.

    "گول مال” اور "سنگھم” سیریز جیسی کامیاب فلمیں دینے والے روہت شیٹھی کا کہنا تھا کہ اگلے تین سال کی منصوبہ بندی میں‌ کنگ خان کے ساتھ ان کا کوئی پراجیکٹ‌ نہیں.

    یاد رہے کہ شاہ رخ خان اور روہت شیٹھی نے انڈسٹری کو ’’چنائے ایکسپریس‘‘ جیسی بلاک بسٹر فلم دی تھی، جس نے تمام ریکارڈز توڑ دیے تھے.

    مزید پڑھیں: خود کو سپر اسٹار سمجھنے والے اسکرپٹ کی اہمیت کب سمجھیں گے: ودھو ونود چوپڑا

    بعد میں یہ دونوں ’’دل والے‘‘ میں ساتھ نظر آئے، مگر بڑی اسٹار کاسٹ کے باوجود وہ فلم بڑے پردے پر جاود نہیں جگا سکی.

    روہت شیٹھی کا کہنا تھا کہ وہ ’’دل والے‘‘ کی ناکامی کو بھول چکے ہیں، شاہ رخ خان کے ساتھ دوبارہ کام کرنے میں کوئی مضائقہ نہیں، مگر فی الحال ایسا کوئی منصوبہ نہیں ہے.

  • شاہ رخ خان اور کاجول پھر ایک ہوگئے؟

    شاہ رخ خان اور کاجول پھر ایک ہوگئے؟

    ممبئی: بالی وڈکی مقبول ترین جوڑی ایک بار پھر بڑے پردے پر جلوہ گر ہونے کو تیار ہے.

    تفصیلات کے مطابق انڈسٹری کو کئی بلاک بسٹر فلمیں دینے والے شاہ رخ خان اور کاجول کے دوبارہ ساتھ کام کرنے کی خبروں نے زور پکڑ لیا ہے.

    موصولہ اطلاعات کے مطابق یہ مشہور جوڑی ہندی میڈیم ٹو میں‌ نظر آئے گی.

    یاد رہے کہ ہندی میڈیم کی پہلی فلم میں عرفان خان اور پاکستانی اداکارہ صبا قمر نے مرکزی کردار نبھائے تھے. فلم بلاک بسٹر ثابت ہوئی، ہندی میڈم نے چین میں‌ بھی اچھا خاصا بزنس کیا۔

    اب کہا جارہا ہے کہ شاہ رخ‌ خان اور کاجول فلم کے سیکوئیل میں‌ دکھائی دیں گے. اسکرپٹ دونوں اداکار پڑھ چکے ہیں اور اس ضمن میں پروڈکشن ہاؤس سے مذاکرات جاری ہیں.

    مزید پڑھیں: کیریئر کی مشکل ترین فلم، شاہ رخ خان کی ٹیچر کون؟

    یاد رہے کہ کاجول اور کنگ خان نے انڈسٹری کو "دل والے دلہنیا لے جائیں‌ گے” جیسی فلم دی، جو طویل ترین عرصے تک پیش کی جانے والی بھارتی فلم کے ریکارڈ کی حامل ہے.

    یہ جوڑی "بازی گر”، "کچھ کچھ ہوتا ہے”، "کبھی خوشی کبھی غم” اور دل والے‘‘ میں بھی جلوہ گر ہوئی تھی.

    کیا دونوں اداکار ہندی میڈیم میں‌ دکھائی دیں‌ گے؟ یہ جاننے کے لیے انتظار کرنا پڑے گا.

  • شاہد کپور اور کنگ خان کے بیٹوں کی تصاویر وائرل

    شاہد کپور اور کنگ خان کے بیٹوں کی تصاویر وائرل

    ممبئی: بالی ووڈ اداکار شاہد کپور کی اہلیہ نے صاحبزادے کی پہلی تصویر شیئر کردی جبکہ کنگ خان نے بھی اپنے چھوٹے بیٹے ابراہم کی تصویر سماجی رابطے کی ویب سائٹ پر شیئر کی۔

    تفصیلات کے مطابق بالی ووڈ اداکاروں نے دیوالی کے ایک روز بعد سماجی رابطے کی ویب سائٹ پر اپنے اپنے صاحبزادوں کی تصاویر شیئر کیں، شاہد کپور نے اپنی بیٹی میشا کپور کو سماجی رابطے کی ویب سائٹ پر متعارف کرایا تو اُن کی اہلیہ نے بھی دو ماہ کے صاحبزادے کی تصویر شیئر کردی۔ دونوں نے تصاویر شیئر کرتے ہوئے ایک ہی لفظ لکھا ’ہیلو ورلڈ‘۔

    سوشل میڈیا پر شیئر ہونے والی میشا اور زین کی تصاویر کو مداحوں نے بہت پسند کیا اور دونوں کے لیے اپنی نیک خواہشات کا اظہار کیا جبکہ شاہد کپور کے بھائی ایشان کیتھر  نے ’جان بچہ‘ لکھ کر کمنٹس کیا۔

    View this post on Instagram

    Hello World 🌼

    A post shared by Mira Rajput Kapoor (@mira.kapoor) on

    یاد رہے کہ شاہد کپور کے صاحبزادے زین کی پیدائش 6 ستمبر کو ہوئی تھی جس پر اداکار نے مسرت کا اظہار کرتے ہوئے کہا تھا کہ ’خدا کا شکر  ہے کہ آج ہماری فیملی مکمل ہوگئی‘۔

    دوسری جانب کنگ خان نے بھی سماجی رابطے کی ویب سائٹ پر اپنے صاحبزادے ابراہم کی تصویر شیئر کی جو اپنی والدہ گوری کے ساتھ موجود تھا۔

    ابراہم نے جو ٹی شرٹ زیب تن کی ہوئی تھی اُس پر ماں کی محبت سے متعلق الفاظ کچھ اس طرح درج تھے کہ ’ماما میری ملکہ ہیں‘۔

    شاہ رخ خان نے تصویر شیئر کرتے ہوئے لکھا کہ ’دنیا میں رہنے والے ہر لڑکے کے لیے اگر اُس کی  ماما ملکہ ہیں تو کوئی بھی اُسے  شہزادہ بننے سے نہیں روک سکتا، اس سلسلے میں گیمز اور آئی پیڈ بھی آپ کی بہت مدد کرتا ہے‘۔

  • ‘سرحد پار ایک شخص ہے جو آپ کے لیے جان دے سکتا ہے’

    ‘سرحد پار ایک شخص ہے جو آپ کے لیے جان دے سکتا ہے’

    ممبئی : بالی ووڈ میں دو دہائیوں سے راج کرنے والے اور لاکھوں دل کی دھڑکن اداکارشاہ رخ خان آج اپنی 52 ویں سالگرہ منا رہے ہیں، انڈسٹری میں کنگ خان کی پہچان جہاں اُن کی اداکاری کی وجہ سے ہوتی ہے وہی کچھ ایسے بھی ڈائیلاگ ہیں جو سالوں گزر جانے کے بعد آج بھی مقبول ہیں۔

    تفصیلات کے مطابق بالی ووڈ اسٹار شاہ رخ خان 2 نومبر کو 52 برس کے ہوگئے، بالی ووڈ کے بادشاہ اور لڑکیوں کے دلوں پر راج کرنے والے شاہ رخ خان کو شوبز کی دنیا میں رومانس کا بادشاہ بھی کہا جاتا ہے، بالی ووڈ کا کوئی اور اداکار رومانوی کردار میں انکا مقابلہ نہیں کر سکتا ۔

    ویسے تو شاہ رخ خان کے کیے انداز مقبول ہیں مگر اُن کا منفرد اظہار محبت کافی مشہور ہے اور کئی نوجوان آج بھی اُن کے ڈائیلاگ کو استعمال کر کے اپنے دل کی خواہش پوری کرتے ہیں۔

    آئیے اُن کے مشہور ڈائیلاگز پر ایک نظر ڈالتے ہیں

    اوم شانتی اوم

    اتنی شدت سے میں نے تمہیں پانے کی کوشش کی ہے،، کہ ہر ذرے نے مجھے تم سے ملانے کی سازش کی ہے۔

    کہتے ہیں اگر کسی چیز کو دل سے چاہے تو پوری کائنات اسے تم سے ملانے کی کوشش میں لگ جاتی ہے۔

    کچھ کچھ ہوتا ہے

    ’ہم ایک بار جیتے ہیں، ایک بار مرتے ہیں، شادی بھی ایک بار ہوتی ہے اور پیار بھی ایک بار ہی ہوتا ہے۔

    پیار دوستی ہے اگر وہ میری سب سے اچھی دوست نہیں بن سکتی تو میں اس سے کبھی پیار کر ہی نہیں سکتا کیوں کہ دوستی بنا کبھی پیار ہوتا ہی نہیں۔

    جب تک ہیں جاں

    تیری آنکھوں کی نمکین مستیاں ، تیری ہنسی کی بے پرواہ گستاخیاں ، تیرے زلف کی لہراتی آندھیاں نہیں بھولوں گا میں ، جب تک ہیں جاں ، جب تک ہیں جاں۔

    دل والے

    دل  تو ہر کسی کے پاس ہوتا ہے لیکن سب دل والے نہیں ہوتے۔

    دل والے دلہنیا لے جائیں گے

    سنریٹا، بڑے بڑے دیشوں میں چھوٹی چھوٹی باتیں ہوتی رہتی ہیں۔

    اگر وہ مجھ سے پیار کرتی ہے تو پلٹے گی،پلٹ…پلٹ…پلٹ

    چلتے چلتے

    یاد رکھنا کہ دنیا کے کسی کونے میں کوئی خوش ہیں کیوں کہ تم خوش ہو۔

    ویر زارا

    اگر کبھی کہیں بھی کسی دوست کی ضرورت پڑے تو بس اتنا یاد رکھنا کہ سرحد پار ایک شخص جو آپ کے لیے اپنی جان بھی دے سکتا ہے۔

    محبتیں

    محبت بھی زندگی کی طرح ہوتی ہے، ہر موڑ آسان نہیں ہوتا، ہر موڑ پر خوشی نہیں ہوتی، پر جب ہم زندگی کا ساتھ نہیں چھوڑتے پھر محبت کا ساتھ کیوں چھوڑ دیتے ہیں۔

    کبھی خوشی کبھی غم

    دوستی کے علاوہ بھی کچھ رشتے ہوتے ہیں ، کچھ رشتے جو ہم سمھجتے نہیں ، کچھ رشتے جو ہم سمجھنا نہیں چاہتے، کچھ رشتے جن کا کوئی نام نہیں ہوتا صرف احساس ہوتا ہے، کچھ رشتے جن کی کوئی دیوار نہیں ہوتی کوئی سرحد نہیں ہوتی ، ایسے رشتے جو دل کے رشتے ہوئے ہیں، پیار کے رشتے ہوئے ہیں، محبت کے رشتے ہوئے ہیں۔

    بازی گر

    کبھی کبھی کچھ جیتنے کیلئے کچھ ہارنا پڑتا ہے اور ہار کر جیتنے والے کو بازی گر کہتے ہیں۔

  • فلم ’زیرو‘ ’معذور لڑکی کی سچی محبت کو ٹھکرانے والا پستہ قد شخص‘

    فلم ’زیرو‘ ’معذور لڑکی کی سچی محبت کو ٹھکرانے والا پستہ قد شخص‘

    ممبئی: بالی ووڈ کی نئی فلم ’زیرو‘ کا ٹریلر  جاری کردیا گیا جس نے آتے ہی ہر طرف دھوم مچادی، تین منٹ کی مختصر ویڈیو اب تک کی بلاک باسٹر ثابت ہوئی۔

    تفصیلات کے مطابق بالی ووڈ کے کنگ خان کی 53ویں سالگرہ کے موقع پر ہدایت کار آنند ایل رائے نے اپنا وعدہ پورا کرتے ہوئے فلم زیرو کا ٹریلر جاری کردیا۔

    شاہ رخ خان کے مداحوں کو رواں برس ریلیز ہونے والی فلم کا بے صبری سے انتظار ہے یہی وجہ ہے کہ زیرو کا ٹریلر آتے ہی بلاک بلاسٹر ثابت ہوا۔

    اس فلم میں شاہ رخ خان پستہ قد (بونے) شخص کا کردار ادا کررہے ہیں جس کی عمر 38 برس ہے، علاوہ ازیں زیرو میں انوشکا شرما امیر گھرانے کی معذور لڑکی بن کر سامنے آئیں اور کترینہ کیف نے مرکزی کردار ادا کیا۔

    مزید پڑھیں: فلم زیرو: مسٹرپرفیکٹ کنگ خان کی اداکاری کے معترف

    ریڈ چلی انٹرٹینمنٹ کی جانب سے جاری ہونے والے 3 منٹ 14 سیکنڈ دورانیے کے ٹریلر میں دکھایا گیا ہے کہ شاہ رخ خان اپنے لیے لڑکی تلاش کررہے ہیں اس دوران ان کے ہاتھ انوشکا کی تصویر لگتی ہے۔

    کنگ خان کو انوشکا دیکھتے ہی پسند آجاتی ہیں اور پھر وہ انہیں دیکھنے کے لیے ایک اسکول کی تقریب میں پہنچ جاتے ہیں مگر اسٹیج پر نظر پڑتی ہے تو وہ ہکا بکا رہ جاتے ہیں کیونکہ یہ لڑکی ’انوشکا‘ دماغی فالج کی وجہ سے معذوری کی زندگی وہیل چیئر پر گزار رہی ہیں۔

    شاہ رخ خان انوشکا سے محبت کا اظہار کرتے ہیں اور پھر دونوں ایک دوسرے کے قریب ہوجاتے ہیں بعد ازاں اداکارہ کترینہ کیف کی انٹری ہوتی ہے جو فلم اسٹار کا کردار ادا کررہی ہیں۔

    ویڈیو میں دکھایا گیا ہے کہ کنگ خان کا انوشکا سے بریک اپ ہوجاتا ہے جس کے بعد وہ کترینہ کی محبت میں گرفتار ہوجاتے ہیں مگر یہ کہانی بھی کامیاب ہوتی نظر نہیں آئی۔

    ٹریلر کے آخر میں یہ بھی دکھایا گیا ہے کہ شاہ رخ خان اسپیس شپ میں بیٹھ کر خلا میں جاررہے ہیں۔  فلم میں شاہ رخ خان باؤا سنگھ، انوشکا شرما عافیہ اور کترینہ کیف اپنا ہی کردار نبھا رہی ہیں۔

    فلم کی ہدایت کاری کے انجام آنند ایل رائے نے انجام دیے جبکہ پروڈیوسر کنگ خان کی اہلیہ گوری خان ہیں، ٹریلر لانچنگ تقریب میں تینوں بڑے ستاروں نے شرکت کی۔

    ٹریلر دیکھیں

    یاد رہے کہ دو روز قبل بالی ووڈ انڈسٹری کے مسٹر پرفیکٹ عامر خان نے سماجی رابطے کی ویب سائٹ پر مداحوں کو مطلع کیا تھا کہ انہوں نے آنند ایل رائے کی ہدایت کاری میں بنائی جانے والی فلم ’زیرو کا ٹریلر دیکھ لیا‘۔

    بالی ووڈ انڈسٹری میں عامر خان وہ واحد شخصیت ہیں جنہوں نے سب سے پہلے یہ ٹریلر دیکھا تھا۔ مسٹر پرفیکٹ اسے دیکھ کر شاہ رخ خان کی اداکاری کے معترف نکلے، انہوں نے دیگر اداکاروں کی بھی تعریف کی تھی۔

    یہ بھی دیکھیں: کنگ اور دبنگ خان کی مداحوں کے لیے عیدی، ”زیرو“ کانیا ٹیزر ریلیز

    یہ بھی یاد رہے کہ ہدایت کار نے پہلے ہی اعلان کردیا تھا کہ فلم کا ٹریلر شاہ رخ خان کی سالگرہ کے روز جاری کیا جائے گا اور یہ ہم سب کی طرف سے اُن کے لیے تحفہ ہوگا۔ فلم 21 دسمبر کو سینما گھروں میں نمائش کے لیے پیش کی جائے گی۔

    واضح رہے کہ کنگ خان 2 نومبر کو اپنی 53 ویں‌ سال گرہ منائیں گے۔ ہدایت کار آنند ایل رائے  اس سے قبل” تینو ویڈ منو“ جیسی بلاک بسٹر فلم بنا چکے ہیں۔

    زیرو میں کنگ خان کے ساتھ کئی معروف فلمی شخصیات مختصر کردار کریں گی جن میں سلمان خان بھی شامل ہیں۔

    کنگ خان نے اپنی 53ویں سالگرہ اہل خانہ کے ساتھ منائی اور اہلیہ کو اس موقع پر مٹھائی بھی کھلائی جبکہ شاہ رخ خان نے گھر کے باہر جمع ہونے والے مداحوں کا بالکونی میں آکر شکریہ بھی ادا کیا۔

     

  • آپ سے ملاقات باعثِ عزت ہوگی، شاہ رخ خان بھی ملالہ کے مداح نکلے

    آپ سے ملاقات باعثِ عزت ہوگی، شاہ رخ خان بھی ملالہ کے مداح نکلے

    ممبئی: بالی ووڈ کنگ شاہ رخ خان بھی ملالہ یوسف زئی کے مداح نکلے، انھوں نے پاکستانی نوبل انعام یافتہ شخصیت کے ساتھ ملاقات کو اپنے لیے باعثِ عزت قرار دے دیا۔

    تفصیلات کے مطابق بالی ووڈ سپر اسٹار شاہ رخ خان نے ملالہ سے کہا کہ ان کے ساتھ ملاقات میرے لیے باعثِ عزت ہوگی، شاہ رخ نے کہا ’پاکستانی نوبل انعام یافتہ اور تعلیم کے لیے جدوجہد کرنے والی ملالہ یوسف زئی سے ملنا باعثِ عزت ہوگا۔‘

    [bs-quote quote=”ملالہ یوسف زئی نے بھارتی اداکار کو ایک ٹویٹ کے ذریعے کہا کہ وہ آکسفرڈ میں ان کے آنے کی منتظر ہے” style=”style-7″ align=”left” color=”#dd3333″][/bs-quote]

    پاکستان کی بیٹی ملالہ یوسف زئی نے بھارتی اداکار کو ایک ٹویٹ کے ذریعے کہا تھا کہ وہ آکسفرڈ یونی ورسٹی میں ان کی آمد کی منتظر ہیں، جس پر شاہ رخ خان کے جواب نے سب کو چونکا دیا۔

    خیال رہے کہ ابتدا میں آکسفرڈ یونی ورسٹی کے لیڈی مارگریٹ ہال کے پرنسپل ایلن رسبریجر نے شاہ رخ خان کو دعوت دی تھی کہ وہ یونی ورسٹی میں طلبہ سے گفتگو کریں۔

    یہ بھی پڑھیں:  ملالہ یوسف زئی کا ایک اور بڑا اعزاز

    رسبریجر نے شاہ رخ کو لکھا کہ میں لیڈی مارگریٹ ہال کا پرنسپل ہوں اور چاہتا ہوں کہ آپ طلبہ سے گفتگو کریں، وہ آپ کو بہت چاہتے ہیں۔

    بعد ازاں ملالہ یوسف زئی نے سماجی رابطوں کی ویب سائٹ ٹویٹر پر کہا کہ وہ شاہ رخ خان کی طرف سے یونی ورسٹی آنے کے لیے حامی بھرنے کی منتظر ہیں۔

    شاہ رخ خان نے جواب میں کہا کہ مجھے وہاں آتے ہوئے بہت خوشی ہوگی، اور آپ سے ملنا باعثِ عزت ہوگا، اپنی ٹیم سے کہوں گا کہ جلد سے جلد اس ملاقات کو شیڈول کرے۔

  • کنگ خان، اب بنیں گے مارول کے سپرہیرو!

    کنگ خان، اب بنیں گے مارول کے سپرہیرو!

    واشنگٹن : ہالی ووڈ کی ایکشن اور تھرلر سے بھرپور سپرہیروز فلمز بنانے والی کمپنی مارول نے مستقبل میں کنگ خان کو سپر ہیرو طور پر کاسٹ کرنے کا فیصلہ کرلیا۔

    تفصیلات کے مطابق شائقین کے لئے ایونجرز، انفینیٹی وار بلیک پینتھر جیسی بلاک بسٹر سپرہیرو فلمز بنانے والی کمپنی مارول سپر ہیرو کی تلاش میں بھارت پہنچ گئی۔

    ذرائع کا کہنا ہے کہ سپرہیروز پر مشتمل ایکشن فلمیں بنانے والی کمپنی مارول نامور بالی ووڈ اداکار شارخ خان کو مستقبل میں اپنی فلم میں سپر ہیرو کے طور پر پیش کرنا چاہتی ہے۔

    مارول کمپنی کے ترجمان نے بھارتی خبر رساں ادارے کو انٹرویو دیتے ہوئے بتایا کہ مارول ایسی شخص کو اپنی سپر ہیرو سیریز میں لینا چاہتی ہے، جو بھارتی ثقافت سے ہم آہنگ ہو۔

    بھارتی خبر رساں ادارے نے مارول کمپنی کے نائب صدر اسٹیفن ویکر نے مستقبل کی منصوبہ بندی کے حوالے سے گفتگو کرتے ہوئے کہا کہ مارول بھارتی ٹیلنٹ لیا تو شاہ رخ خان فلم میں کاسٹ کیا جائے گا۔

    خیال رہے کہ شارخ خان پہلے ہی بالی ووڈ کی ایکشن اور رومینس سے بھرپور فلم ’را ون‘ میں سپر ہیرو کا کردار ادا کرچکے ہیں۔

    تجزیہ کاروں کہنا ہے کہ ’ممکن ہے ’را ون‘ کو ہی مارول کی سپر ہیرو سیرز میں شامل کرلیا جائے کوئی دوسری ایکشن فلم بنائی جائے۔