Tag: Shahbaz Gill

اسلام‌ آباد : سیشن عدالت نے پی ٹی آئی رہنما شہبازگل کی درخواست ضمانت پر پولیس کو ریکارڈ پیش کرنے کا آخری موقع دے دیا۔

تفصیلات کے مطابق اسلام آباد کی ڈسٹرکٹ سیشن عدالت میں تحریک انصاف کے رہنما شہباز گل کی درخواست ضمانت پر سماعت ہوئی۔

جج طاہر محمود سپرا نے درخواست پر سماعت کی، جج نے استفسار کیا تفتیشی افسر آئے ہیں ؟ ان سے رابطہ کریں پتہ کریں کہاں ہیں ؟

پولیس حکام نے بتایا کہ تفتیشی افسر سے رابطہ ہوا تھا لیکن ابھی نہیں پہنچے، ہم ابھی عدالتی حکم کے مطابق پھر معلوم کر کے بتا دیتے ہیں۔

پراسیکیوٹر رضوان عباسی کا کہنا تھا کہ ابھی ریکارڈ پیش ہو بھی جائے تو میں دلائل نہیں دے سکتا، میں نے بھی ریکارڈ دیکھنا ہے میری ابھی تیاری نہیں ، پیر کے لیےکیس رکھ لیں ہم پیش ہو جائیں گے۔

جس پر وکیل شہباز گِل نے کہا بہت زیادتی کی بات ہے پولیس مسلسل تاخیر کر رہی ہے۔

جج طاہر محمودسپرا نے ریمارکس دیئے کہ پولیس کو ریکارڈ پیش کرنے کا آخری موقع دے دیتے ہیں۔

عدالت نے ریکارڈ پیش نہ ہونے پر کیس کی سماعت پیر تک ملتوی کردی۔

یاد رہے عدالت نے پولیس سے مقدمے کا ریکارڈ طلب کر رکھا تھا ، گزشتہ روز تفتیشی افسر کے کراچی جانے کے باعث ریکارڈ پیش نہیں کیا جاسکا تھا، اس وقت شہباز گل جوڈیشل ریمانڈ پر اڈیالہ جیل میں ہیں۔

اسلام آباد: ذرائع کا کہنا ہے کہ شہباز گل کے علاج کے لیے تشکیل شدہ نئے میڈیکل بورڈ میں بھی تبدیلی کر دی گئی۔

تفصیلات کے مطابق ذرائع نے کہا ہے کہ شہباز گل کے علاج کے لیے گزشتہ روز تشکیل دیے جانے والے میڈیکل بورڈ میں ڈاکٹر عاطف انعام کی جگہ ڈاکٹر طارق عبداللہ کو شامل کر دیا گیا ہے۔

ذرائع کے مطابق ڈاکٹر عاطف انعام کلینکل مصروفیات کے باعث بورڈ سے الگ ہوئے، جب کہ ڈاکٹر طارق عبداللہ کا تعلق پمز کے شعبہ جنرل سرجری سے ہے۔

بورڈ میں جنرل سرجری، پلمانولوجی، میڈیسن، میڈیکل آئی سی یو کے ڈاکٹرز کو شامل کیا گیا ہے اور ایسوسی ایٹ پروفیسرمیڈیسن شفاعت رسول میڈیکل بورڈ کے سربراہ مقرر کیے گئے ہیں، ڈاکٹر ضیا پلمانولوجسٹ ہیں جب کہ ڈاکٹر سلمان میڈیکل آئی سی یو کے ڈاکٹر ہیں۔

شہباز گل کی صحت سے متعلق نیا میڈیکل بورڈ بنانے کا فیصلہ

پمز کے ذرائع کے مطابق یہ چار رکنی بورڈ شہباز گل کا علاج اور میڈیکل رپورٹ تیار کرے گا، جو عدالت میں پیش کی جائے گی۔

ذرائع کا کہنا تھا کہ شہباز گل کے معمول کے ٹیسٹ کیے جا رہے ہیں، انھیں کارڈیک سینٹر کے سنگل روم میں رکھا گیا ہے، ان کے کمرے میں اے سی، ٹی وی، صوفے کی سہولت میسر ہے۔

پی ٹی آئی رہنما کو پرہیزی کھانا فراہم کیا جا رہا ہے، اور وہ بھرپور نیند لے رہے ہیں، کمرے میں صبح، شام چہل قدمی کرتے ہیں، ان کا بلڈ پریشر، شوگر، دل کی دھڑکن معمول کے مطابق ہے، ڈاکٹروں نے سٹی پلمونری انجیوگرافی کرانے کا فیصلہ بھی کیا ہے۔

اسلام آباد : تحریک انصاف کے رہنما شہباز گل کے علاج کیلئے قائم میڈیکل بورڈ کے ارکان کی تعداد چھ کر دی گئی۔

تفصیلات کے مطابق تحریک انصاف کے رہنما شہباز گل کے علاج کیلئے قائم میڈیکل بورڈ کی توسیع کردی گئی۔

پمز ذرائع نے بتایا کہ میڈیکل بورڈ کے ارکان کی تعداد چھ کر دی گئی ہے ، جس میں کارڈیالوجی، پلمونولوجی، میڈیسن اور نیورو سمیت 6 ڈاکٹرز بورڈ میں شامل ہیں۔

پمز اسپتال ذرائع کا کہنا تھا کہ شہباز گل کو فوبیا، انزائٹی،دمہ کا عارضہ لاحق ہے۔

ذرائع کے مطابق میڈیکل بورڈ کے علاوہ شہباز گل سے ملاقاتوں پر پابندی عائد ہے، شہباز گل کی ٹیسٹ کی رپورٹس کا انتظارہے۔

اسپتال ذرائع کا کہنا ہے کہ ٹیسٹ رپورٹس کی بنیاد پر شہبازگل کو اسپتال سے بھجوانے کا فیصلہ ہو گا۔

اس سے قبل پمز اسپتال میں میڈیکل بورڈ کی جانب سے تحریک انصاف کے رہنما شہباز گل کا دوسری بار طبی معائنہ کیا گیا تھا۔

اسپتال ذرائع نے بتایا کہ شہباز گل کا بلڈ پریشر لیول معمول کے مطابق ہے، میڈیکل بورڈ کی تجویز پر شہباز گل کا ایچ آر سی ٹی اسکین کر لیا گیا ہے۔