ARYNews.tv | Urdu – Har Lamha Bakhabar

Tag: Shahbaz Sharif

  • نیب نے شہباز شریف کی اہلیہ اور بیٹیوں کو سوالنامہ بھجوادیا

    نیب نے شہباز شریف کی اہلیہ اور بیٹیوں کو سوالنامہ بھجوادیا

    لاہور : نیب لاہور نے شہباز شریف کی اہلیہ نصرت شہباز، بیٹی جویریہ اور رابعہ کو بزریعہ ڈاک سوالنامہ بھجوا دیا، چیرمین نیب جسٹس ر جاوید اقبال کی ہدایت پر طلبی کے نوٹسز کینسل کر دئیے تھے۔

    تفصیلات کے مطابق نیب نےشہبازشریف کی اہلیہ اور بیٹیوں کوسوالنامہ بھجوادیا، نصرت شہباز،جویریہ اوررابعہ کوبذریعہ ڈاک سوالنامہ بھجوایاگیا، سوالنامہ میں مبینہ منی لانڈرنگ اور بنکوں مین انے والی رقوم کے حوالے سے پوچھا گیا ہے۔

    گزشتہ روز چیرمین نیب جسٹس ر جاوید اقبال کی ہدایت پر طلبی کے نوٹسز کینسل کر دئیے تھے ،جس کے بعد چیرمین نیب کی ہدایت پر بزریعہ ڈاک سوالنامہ بھجوائے گئے۔

    مزید پڑھیں : چیئرمین نیب نے شریف خاندان کی خواتین کوجاری طلبی کے نوٹسز منسوخ کردیئے

    یاد رہے 13 اپریل کو نیب نے اثاثہ جات کیس میں شہباز شریف خاندان کے خلاف تحقیقات کا دائرہ کار مزید وسیع کرتے ہوئے شہباز شریف کے پورے خاندان کو بیان کیلئے طلب کیا تھا۔

    نیب نے منی لانڈرنگ کیس میں نصرت شہباز کو 17 اپریل کو ذاتی حیثیت میں طلب کیا جبکہ اثاثہ جات کیس میں 18 اپریل کو رابعہ شریف اور 19 اپریل کو جویریہ شریف کو بھی طلب کیا گیاتھا۔

    واضح رہے کہ نیب نے گزشتہ ماہ شہباز شریف کی دو بیگمات کے اثاثوں کی تفصیلات بھی حاصل کرلی تھیں، نصرت شہباز 69 لاکھ 56 ہزار پانچ سو شیئرز کی مالک اور تہمینہ درانی کے پاس گوادر میں چار کنال کے پلاٹ اور ایک ایکڑ بیش قیمت زمین کا انکشاف ہوا تھا۔

  • شہباز شریف کی بیٹی کے گھر نیب ٹیم کی آمد، اہلیہ اور بیٹیوں کا نام ای سی ایل میں ڈالنے کی سفارش

    شہباز شریف کی بیٹی کے گھر نیب ٹیم کی آمد، اہلیہ اور بیٹیوں کا نام ای سی ایل میں ڈالنے کی سفارش

    لاہور: قومی احتساب بیورو (نیب) کی ٹیم نے اپوزیشن لیڈر شہباز شریف کی بیٹی کے گھر منی لانڈرنگ کیس میں نوٹس پہنچا دیا.

    تفصیلات کے مطابق آج نیب  ٹیم کی نوٹس کی وصولی کے لیے شبہاز شریف کی بیٹی کے گھر آمد ہوئی، البتہ ترجمان ن لیگ، مریم اورنگزیب کے بیان کے بعد صورت حال گمبھیر ہوگئی.

    مریم اورنگزیب کا موقف

    مریم اورنگزیب نے الزام عائد کیا کہ نیب کی ٹیم نے پولیس کے ہمراہ ماڈل ٹاؤن میں شہباز شریف کی صاحب زادی کے گھر کا محاصرہ کر لیا ہے۔

    مریم اورنگزیب کی جانب سے اس کارروائی کو چھاپے قرار دیتے ہوئے قابل مذمت اور تشویش کا باعث قرار دیا گیا.

    نیب کا موقف

    البتہ نیب نے موقف اختیار ہے کہ سابق وزیراطلاعات نے میڈیا سے غلط بیانی کی،  شہباز شریف کی بیٹی کے گھرچھاپہ نہیں مارا، نوٹس وصول کرانے گئے تھے.

    نیب کے مطابق طلبی کا نوٹس ذاتی طورپر جاکر وصول کرایا جاتا ہے، پولیس کی واحد گاڑی نیب ٹیم کی سیکیورٹی کے لئے ساتھ تھی، مخصوص عناصرنیب کو بدنام کرنے کے لئے من گھڑت پروپیگنڈا کر رہے ہیں.

    خیال رہے نیب نے آج شہباز شریف کی اہلیہ اور 2 بیٹیوں کو منی لانڈرنگ اور آمدن سے زائد اثاثے بنانے کے کیس میں طلب کرتے ہوئے ان کے نام ای سی ایل میں ڈالنے کی سفارش کی ہے۔

  • اثاثہ جات کیس : نیب نے شہباز شریف کے پورے خاندان کو بیان کیلئے طلب کر لیا

    اثاثہ جات کیس : نیب نے شہباز شریف کے پورے خاندان کو بیان کیلئے طلب کر لیا

    لاہور : نیب نے اثاثہ جات کیس میں شہباز شریف خاندان کے خلاف تحقیقات کا دائرہ کار مزید وسیع کرتے ہوئے شہباز شریف کے پورے خاندان کو بیان کیلئے طلب کر لیا ہے۔

    تفصیلات کے مطابق نیب لاہور کی جانب سے شریف فیملی کیخلاف آمدن سے زائد اثاثہ جات کیس میں بڑی پیش رفت سامنے آئی ، نیب لاہور نے شہباز شریف کے پورے خاندان کو بیان کیلئے طلب کر لیا ہے۔

    نیب ذرائع کا کہنا ہے حمزہ شہباز کو 16 اپریل اور نصرت شہباز کو 17 اپریل کو ذاتی حیثیت میں طلب کیا گیا ہے۔ حمزہ شہباز کو آئندہ ہفتہ دو دن کیلئے تحقیقات کیلئے طلب کیا گیا ہے، حمزہ شہباز کو چنیوٹ نالہ کیس میں 15 اپریل اور آمدن سے زائد اثاثہ جات میں 16 اپریل کو طلب کیا گیا۔

    اثاثہ جات کیس میں 18 اپریل کو رابعہ شریف اور 19 اپریل کو جویریہ شریف کو بھی طلب کر لیا گیا ہے۔

    مزید پڑھیں : حمزہ اورسلمان شہباز کی ٹیلی گرافک ٹرانسفر کی داستان منظر عام پر آگئی

    گذشتہ روز زائداثاثے اور مبینہ منی لانڈرنگ کیس میں اپوزیشن لیڈر پنجاب اسمبلی حمزہ شہباز نیب کے سامنے پیش ہوئے تھے ، حمزہ شہباز سے منی لانڈرنگ اور اثاثہ جات سےمتعلق پوچھ گچھ کی گئی، حمزہ شہباز نے کہا تھا مالی معاملات سلمان شہباز دیکھتےہیں، میں صرف سیاسی معاملات دیکھتاہوں۔

    اس سے قبل 9 اپریل کو اپوزیشن لیڈر شہبازشریف احتساب عدالت میں پیش ہوگئے مگرنیب میں پیش نہ ہوئے، نیب نے شہبازشریف کوآج آمدن سےزائداثاثہ جات کیس میں طلب کیا تھا۔

    واضح رہے کہ نیب نے گزشتہ ماہ شہباز شریف کی دو بیگمات کے اثاثوں کی تفصیلات بھی حاصل کرلی تھیں، نصرت شہباز 69 لاکھ 56 ہزار پانچ سو شیئرز کی مالک اور تہمینہ درانی کے پاس گوادر میں چار کنال کے پلاٹ اور ایک ایکڑ بیش قیمت زمین کا انکشاف ہوا تھا۔

  • شہباز شریف نے ملک سے باہر جانے کی تیاری کرلی

    شہباز شریف نے ملک سے باہر جانے کی تیاری کرلی

    اسلام آباد : ن لیگ کے صدر اور اپوزیشن لیڈر شہباز شریف نے ملک سے باہر جانے کی تیاری کرلی، ان کا کہنا ہے کہ طبی معائنے اور پوتے پوتی کو دیکھنے لندن جارہا ہوں۔

    تفصیلات کے مطابق اپوزیشن لیڈر شہبازشریف نے سماجی رابطے کی ویب سائٹ ٹوئٹر پر اپنے تازہ پپغام میں کہا ہے کہ لندن کا مختصر دورہ کرنے جا رہا ہوں تاکہ اپنے پوتا پوتی کو دیکھ سکوں۔

    وہاں جاکر اپنا طبی معائنہ بھی کراؤں گا اور انشااللہ جلد وطن واپس آؤں گا، عدالتی حکم پر مجھے ضمانت ملی، میرا نام ای سی ایل سے نکالا جاچکا ہے۔

    ان کا مزید کہنا ہے کہ اللہ نے میرے چھوٹے بیٹے سلمان شہباز کو اولاد نرینہ سے نواز ا ہے جبکہ بڑے بیٹے حمزہ شہباز کو شادی کے 20سال بعد اولاد کی نعمت دی ہے ۔

    حمزہ شہباز کی نو مولود لڑکی کا پیدائش کے ایک ہفتے بعد دل کا آپریشن ہوا لیکن میں نے ابھی تک دونوں پوتا پوتی کو نہیں دیکھا کیونکہ میں حراست میں رہا اور میرا نام ای سی ایل میں بھی موجود تھا۔

    شہباز شریف نے مزید کہا ہے کہ حمزہ شہباز کی نو مولود بچی کا لندن میں دل کا آپریشن ہوا لیکن نام ای سی ایل میں ہونے کی وجہ سے وہ اپنی بچی کو بھی نہیں دیکھ سکا۔

  • اپوزیشن لیڈرشہبازشریف نےنیب طلبی کےنوٹس کواہمیت نہ دی

    اپوزیشن لیڈرشہبازشریف نےنیب طلبی کےنوٹس کواہمیت نہ دی

    لاہور : اپوزیشن لیڈر شہبازشریف نے نیب طلبی کےنوٹس کواہمیت نہ دی اور پیش نہیں ہوئے ، شہبازشریف کوآج آمدن سےزائداثاثہ جات کیس میں طلب کیاگیا تھا۔

    تفصیلات کےمطابق اپوزیشن لیڈر شہبازشریف احتساب عدالت میں پیش ہوگئے مگرنیب میں پیش نہ ہوئے، نیب نے شہبازشریف کوآج آمدن سےزائداثاثہ جات کیس میں طلب کیا تھا۔

    نیب کی جانب سے شہباز شریف سے پوچھ گچھ کے لیے نیب نے بارہ سوالوں پر مشتمل سوال نامہ بھی تیار کرلیا، شہبازشریف کے خلاف بیٹوں کی ملی بھگت سےمنی لانڈرنگ کاالزام ہے۔

    امجد پرویز نے کہا شہبازشریف نےتحریری جواب کےذریعےنیب کوآگاہ کردیاہے۔

    نیب ذرائع کا کہنا ہے نیب کوابھی تک شہبازشریف کاجواب موصول نہیں ہوا، نیب تفتیشی ٹیم دفتری اوقات تک جواب یاان کی آمدکاانتظارکرے گی ، شہبازشریف کےآج پیش نہ ہونےپرقانون کےمطابق کارروائی ہوگی۔

    یاد رہے احتساب عدالت نے رمضان شوگر ملز کیس میں نامزد سابق وزیر اعلیٰ پنجاب شہباز شریف اور ان کے صاحبزادے حمزہ شہباز پر فرد جرم عائد کی تھی تاہم  دونوں نے صحت جرم سے انکار کیا تھا۔

    مزید پڑھیں : رمضان شوگر ملز کیس: شہباز شریف اور حمزہ شہباز پر فرد جرم عائد

    گذشتہ روز نیب نے شہباز شریف کو طلبی کا نوٹس ان کی رہائش گاہ96ایچ ماڈل ٹاؤن پر دیا جہاں شہبازشریف کےملازمین نے نوٹس وصول کیا تھا۔

    اس سے قبل نیب نے20نومبر2018 اور3دسمبر کو شہباز شریف کو سوالات دیے تھے، نوٹس کے متن میں کہا گیا تھاکہ اپنے والد میاں شریف کی جانب سے حصے میں ملنے والی جائیداد کی تفصیلات بھی فراہم کی جائیں۔

    واضح رہے کہ نیب نے گزشتہ ماہ شہباز شریف کی دو بیگمات کے اثاثوں کی تفصیلات بھی حاصل کرلی تھیں، نصرت شہباز 69 لاکھ 56 ہزار پانچ سو شیئرز کی مالک اور تہمینہ درانی کے پاس گوادر میں چار کنال کے پلاٹ اور ایک ایکڑ بیش قیمت زمین کا انکشاف ہوا تھا۔

  • آمدن سے زائد اثاثہ جات کیس، شہباز شریف آج نیب میں طلب

    آمدن سے زائد اثاثہ جات کیس، شہباز شریف آج نیب میں طلب

    لاہور: آمدن سے زائد اثاثہ جات کیس میں تفتیش کے لیے سابق وزیراعلیٰ پنجاب شہباز شریف کو نیب نے آج طلب کرلیا۔

    تفصیلات کے مطابق شہبازشریف آج نیب میں پیش ہوں گے، طلبی کانوٹس شہبازشریف کی رہائش گاہ پر دے دیا گیا، طلبی پر آمدن سے زائد اثاثوں سے متعلق پوچھ گچھ کی جائے گی۔

    پوچھ گچھ کے لیے نیب نے بارہ سوالوں پر مشتمل سوال نامہ بھی تیار کرلیا، انیس سو پچاسی سے ابتک اثاثوں کی وضاحت مانگی جائے گی۔

    بینکنگ ٹرانزیکشن سے متعلق بھی تفصیلات لی جائیں گئی، نیب شہباز شریف سے غیرملکی بینک اکاؤنٹس سے متعلق پوچھ گچھ کرے گی، فضل داد، قاسم قیوم کے ذریعے منی لانڈرنگ سے متعلق بھی پوچھا جائے گا۔

    نیب کی تحقیقاتی ٹیم آمدن سے زائد اثاثہ جات سے متعلق شہباز شریف سے تحقیقات کرے گی۔ نیب نے شہباز شریف کو طلبی کا نوٹس ان کی رہائش گاہ96ایچ ماڈل ٹاؤن پر دیا جہاں شہبازشریف کےملازمین نے نوٹس وصول کیا۔

    دبئی کی کمپنی برلاس آصف زرداری اور شریف خاندان کی آلہ کار نکلی، پاور پلے میں انکشاف

    اس سے قبل نیب نے20نومبر2018 اور3دسمبر کو شہباز شریف کو سوالات دیے تھے۔ نوٹس کے متن میں کہا گیا ہے کہ اپنے والد میاں شریف کی جانب سے حصے میں ملنے والی جائیداد کی تفصیلات بھی فراہم کی جائیں۔

    اس کے علاوہ قومی احتساب بیورو نے شہباز شریف سے غیرملکی بینک اکاؤنٹس اور الیکشن کمیشن میں جمع کرائی گئی تحفہ میں ملی گاڑیوں کی تفصیلات بھی ساتھ لانے کی ہدایت کی ہے۔

  • اپوزیشن لیڈر شہباز شریف کل نیب میں طلب، نوٹس رہائش گاہ پر موصول

    اپوزیشن لیڈر شہباز شریف کل نیب میں طلب، نوٹس رہائش گاہ پر موصول

    لاہور: قومی اسمبلی میں اپوزیشن لیڈر شہباز شریف کو قومی ادارہ احتساب (نیب) نے نو اپریل کو طلب کرلیا، سابق وزیراعلیٰ پنجاب کو طلبی کا نوٹس ان کی رہائش گاہ پر دے دیا گیا۔

    تفصیلات کے مطابق نیب نے شہباز شریف کو آمدن سے زائد اثاثہ جات کیس کے سلسلے میں کل بروز منگل مورخہ نو اپریل کو طلب کرلیا۔ نیب نے انہیں دیے گئے سوالات کے جواب کے لیے طلب کیا ہے۔

    نیب کی تحقیقاتی ٹیم آمدن سے زائد اثاثہ جات سے متعلق شہباز شریف سے تحقیقات کرے گی۔ نیب نے شہباز شریف کو طلبی کا نوٹس ان کی رہائش گاہ96ایچ ماڈل ٹاؤن پر دیا جہاں شہبازشریف کےملازمین نے نوٹس وصول کیا۔

    اس سے قبل نیب نے20نومبر2018 اور3دسمبر کو شہباز شریف کو سوالات دیے تھے۔ نوٹس کے متن میں کہا گیا ہے کہ اپنے والد میاں شریف کی جانب سے حصے میں ملنے والی جائیداد کی تفصیلات بھی فراہم کی جائیں۔

    اس کے علاوہ قومی احتساب بیورو نے شہباز شریف سے غیرملکی بینک اکاؤنٹس اور الیکشن کمیشن میں جمع کرائی گئی تحفہ میں ملی گاڑیوں کی تفصیلات بھی ساتھ لانے کی ہدایت کی  ہے۔

    واضح رہے کہ نیب نے گزشتہ ماہ شہباز شریف کی دو بیگمات کے اثاثوں کی تفصیلات بھی حاصل کرلی تھیں، نصرت شہباز 69 لاکھ 56 ہزار پانچ سو شیئرز کی مالک اور تہمینہ درانی کے پاس گوادر میں چار کنال کے پلاٹ اور ایک ایکڑ بیش قیمت زمین کا انکشاف ہوا تھا۔

    ذرائع کے مطابق 96 ایچ ماڈل ٹاؤن کی رہائش گاہ اور مری کا گھر نصرت شہباز کے نام ہیں، جن کی مالیت 18 کروڑ 65 لاکھ 81 ہزار 384 روپے ہے۔

    نیب کا کہنا ہے کہ شہباز شریف نے تہمینہ درانی کو ڈیفینس سمیت 8 قیمتی پراپرٹیز تحفے میں دے رکھی ہیں، تہمینہ درانی کے پاس گوادر میں چار کنال کا پلاٹ اور ایک ایکڑ بیش قیمت زمین بھی ہے۔

    ذرائع کے مطابق نصرت شہباز کے اثاثوں کی مالیت 22 کروڑ 56 لاکھ 35 ہزار 970 جبکہ تہمینہ دروانی 57 لاکھ 65 ہزار کی مالک ہیں، نصرت شہباز کے پاس قصور اور فیروز والا میں 810 کنال کی زرعی زمین بھی ہے، جس کی مالیت صرف 26 لاکھ ظاہر کی گئی ہے۔

  • شہبازشریف کی ترک صدر کو بلدیاتی انتخابات میں کامیابی پر مبارکباد

    شہبازشریف کی ترک صدر کو بلدیاتی انتخابات میں کامیابی پر مبارکباد

    لاہور : اپوزیشن لیڈر شہبازشریف نے ترک صدررجب طیب اردوان کو بلدیاتی انتخابات میں کامیابی پرمبارکباد دیتے ہوئے کہا آپ کی کامیابی ترک عوام  کا آپ پر بے مثال اعتماد کاثبوت ہے جبکہ ترک صدر کا کہنا تھا میں نوازشریف کی صحت یابی اورتندرستی کےلیےدعاگوہوں۔

    تفصیلات کے مطابق اپوزیشن لیڈر شہبازشریف نے ترک صدر رجب طیب اردوان سے ٹیلی فونک رابطہ کیا اور انھیں بلدیاتی انتخابات میں کامیابی پرمبارکباد دیتے ہوئے کہا آپ کی کامیابی ترک عوام کا آپ پر بے مثال اعتماد کا ثبوت ہے۔

    ترک صدر نے خیرسگالی کے جذبات اور مبارکبادپر شہبازشریف کا شکریہ ادا کیا اور کہا پاکستان اورترکی بھائی ہیں ہمیشہ کی طرح ساتھ رہیں گے۔

    رجب طیب اردوان نے سابق وزیراعظم نوازشریف کی صحت کے بارے میں دریافت کیا اور کہا میں نواز شریف کی صحت یابی اورتندرستی کے لیے دعاگوہوں۔

    اس سے قبل یکم اپریل کو شہباز شریف نے سماجی رابطے کی ویب سائٹ ٹوئٹر پر ترکی زبان میں جاری پیغام میں کہا تھا وہ اپنے بھائی رجب طیب ایردوان کو ان کی جماعت کے بلدیاتی انتخابات میں کامیابی پر دلی مبارکباد دیتے ہیں ، انھوں نے ثابت کردیا ہے کہ سیاسی کامیابی عوامی خدمت کےبل بوتے پر حاصل ہوتی ہے، اور یہ کامیابی ان کی قیادت پر عوام کے اعتماد کا نتیجہ ہے ۔

    یاد رہے وزیراعظم عمران خان نے سماجی رابطے ویب سائٹ ٹوئٹر پر اپنے پیغام میں ترک صدر رجب طیب اردوگان کو مقامی سطح پر الیکشن میں کامیابی پر مبارکباد دیتے ہوئے کہا تھا پاکستان کےعوام ان کی مزیدکامیابیوں کےلیےدعاگوہیں۔

    خیال رہے ترک صدر کی جماعت جسٹس اینڈ ڈیولپمنٹ پارٹی نے اتحادیوں کے ساتھ ملکر بلدیاتی انتخابات میں کامیابی حاصل کی ہے۔

  • شہبازشریف کا نام ای سی ایل سے نکال دیا گیا، وزات داخلہ

    شہبازشریف کا نام ای سی ایل سے نکال دیا گیا، وزات داخلہ

    اسلام آباد : وزات داخلہ نے اپوزیشن لیڈر شہبازشریف کا نام ای سی ایل سے نکال دیا گیا، ای سی ایل سے نام لاہور ہائی کورٹ کے حکم پر نکالا گیا۔

    تفصیلات کے مطابق وزارت داخلہ نے اپوزیشن لیڈر شہبازشریف کانام ای سی ایل سےنکال دیاگیا اور نوٹی فکیشن کردیا ، لاہورہائی کورٹ کےحکم پرای سی ایل سےنام نکالاگیا۔

    یاد رہے 26 مارچ کو لاہور ہائی کورٹ نے شہباز شریف کا نام ای سی ایل سے نکالنے کا حکم دیا تھا، ان کا نام گزشتہ ماہ نیب کی سفارش پر ای سی ایل میں ڈالا گیا  تھا، جس کے خلاف 28 فروری کو شہباز شریف نے اپیل دائر کی تھی۔

    مزید پڑھیں : لاہورہائی کورٹ کا شہباز شریف کا نام ای سی ایل سے نکالنے کا حکم

    فروری میں ہی لاہور ہائی کورٹ میں جسٹس ملک شہزاد اور جسٹس مرزا وقاص پرمشتمل بینچ نے شہبازشریف کی رمضان شوگر ملز اور آشیانہ اسکینڈل کیسز درخواست ضمانت پرسماعت کرتے ہوئے ان کی ضمانت منظور کی تھی اور 10 ، 10لاکھ کے 2 ضمانتی مچلکے جمع کرانے کی ہدایت بھی کی تھی۔

    خیال رہے  22 فروری کو وزارت داخلہ نے نیب کی سفارش پر اثاثہ جات کیس میں سابق وزیراعلیٰ پنجاب اور اپوزیشن قومی اسمبلی شہباز شریف کا نام ایگزٹ کنٹرول لسٹ (ای سی ایل) میں داخل کیا تھا جس کے خلاف 28 فروری کو شہباز شریف نے اپیل دائر کی تھی۔

  • شہباز شریف کا حکومت سے پیٹرول اور ڈیزل کی قیمتوں میں ہوشربا اضافہ واپس لینے کا مطالبہ

    شہباز شریف کا حکومت سے پیٹرول اور ڈیزل کی قیمتوں میں ہوشربا اضافہ واپس لینے کا مطالبہ

    لاہور : اپوزیشن لیڈر شہباز شریف نے حکومت سے پیٹرول اور ڈیزل کی قیمتوں میں ہوشربا اضافہ واپس لینے کا مطالبہ کرتے ہوئے کہا قیمتوں میں اضافے پر دستخط کرتے وزیراعظم کے ہاتھ نہیں کانپتے؟

    تفصیلات کے مطابق اپوزیشن لیڈر شہباز شریف نے پیٹرولیم مصنوعات کی قیمتوں میں اضافے کے حوالے سے سماجی رابطے کی ویب سائٹ ٹوئٹر پر حکومت سے پیٹرول اورڈیزل کی قیمتوں میں ہوشربااضافہ واپس لینے کا مطالبہ کرتے ہوئے کہا مہنگائی کے سونامی نے عوام کا جینا مشکل کردیا ہے، قیمتوں میں اضافےپردستخط کرتےوزیراعظم کےہاتھ نہیں کانپتے؟

    یاد رہے حکومت نے پیٹرولیم مصنوعات کی قیمتوں میں اضافے کا اعلان کیا تھا ، جس کے مطابق پٹرول اور ہائی اسپیڈ ڈیزل کی قیمت میں چھ چھ روپے فی لیٹر اضافہ کیا گیا ہے، نئے نرخوں کے بعد پیٹرول اٹھانوے روپےنواسی پیسےاور ڈیزل ایک سو سترہ روپے تینتالیس پیسے کا ہوگیا۔

    مزید پڑھیں : حکومت نے پیٹرولیم مصنوعات کی قیمتوں میں پھر اضافہ کر دیا

    مٹی کےتیل کی قیمت تین روپے فی لیٹر بڑھ گئی، اب مٹی کا تیل نواسی روپےاکتیس پیسے اور لائٹ ڈیزل اسی روپے چون پیسے فی لیٹر ملےگا جبکہ لائٹ اسپیڈ ڈیزل کی قیمت بھی تین روپے بڑھادی گئی۔

    اوگرا نے پٹرول گیارہ روپے اکیانوے پیسے اورہائی اسپیڈ ڈیزل گیارہ روپے سترہ پیسے بڑھانے جبکہ مٹی کا تیل چھ روپے پینسٹھ پیسےاور لائٹ ڈیزل چھ روپے انچاس پیسے مہنگا کرنے کی تجویز دی تھی۔