Tag: shahid khan afridi

شاہد آفریدی عید منانے اپنے گاوٗں پہنچ گئے

ملک کے مایہ نازکرکٹرشاہد خان آفریدی ان دنوں عید کی چھٹیاں منانے کے لئے اپنے آبائی گاؤں پہنچے ہوئے ہیں۔

پاکستانی کرکٹ کی شان سمجھے جانے والے شاہد خان آفریدی آل راوئنڈرہیں اورباؤلنگ، بیٹنگ اور فیلڈنگ تینوں شعبوں میں ہی عمدہ کارکردگی کا مظاہرہ کرتے ہیں۔

Good to be with my family before ZiM tour Posted by Shahid Afridi Official on Monday, September 21, 2015

کیمروں کی چکاچوند میں اپنی زندگی کا بیشترحصہ بسرکرنے والے اپنی نجی زندگی میں انتہائی سادہ شخصیت کے حامل ہیں اورایک عام آدمی کی سی زندگی گزارتے ہیں۔

شاہد آفریدی فاٹا کی خیبر ایجنسی سے تعلق رکھتے ہیں اور انہوں نے ضلع کوہاٹ میں واقع اپنے آبائی گاوٗں تنگی باڑہ میں ایک 16 بستروں پر مشتمل ایک اسپتال بھی قائم کیا ہے جہاں مریضوں کا مفت علاج کیا جاتا ہے۔

ان کا ماننا ہے کہ معاشرے سے انہوں نے جوعزت حاصل کی ہے تو اب ان کا بھی فرض ہے کہ سماج کی خدمت کرکے اپنا فرض ادا کریں۔

شاہد خان آفریدی کا ماننا ہے کہ شہروں کی زندگی بادشاہوں کی سی زندگی ہے جہاں ہر قسم کی سہولت میسر ہے اور اگر کسی کو زندگی کی اصل مشکلات دیکھنی ہیں تو وہ خیبر پختونخواہ کے دیہاتوں کا رخ کرے جہاں کچھ بھی نہیں ہے نا بچوں کے لئے تعلیم، نہ کھیل کے لئے میدان اورنہ ہی طبی سہولیات میسرہیں۔

شاہد آفریدی کو ان کی عوامی مقبولیت کے سبب اینٹی پولیو ممہم کا سفیر بھی مقرر کیا گیا ہے۔

شاہد آفریدی ٹی ٹوئنٹی ٹیم کے کپتان کی حیثیت سے جلد ہی قومی ٹیم کے ہمراہ زمبابوے کادورہ کریں گے۔

ستمبر 22, 2015
بھارت سیریز نہیں کھیلنا چاہتا تو پیچھے بھاگنے کی ضرورت نہیں :آفریدی

لاہور: قومی ٹی ٹوئنٹی ٹیم کے کپتان شاہد آفریدی کا کہنا ہے کہ باربار بھارت کے پیچھے بھاگنے کی ضرورت نہیں ہے بھارت کےنہ کھیلنے سے پاکستان کی کرکٹ کوکوئی فرق نہیں پڑتا۔

دورہ زمبابوے کے لئے قذافی اسٹیڈیم لاہورمیں لگائے گئے ٹریننگ کیمپ کے دوسرے روز میڈیا سے گفتگو کرتے شاہد آفریدی کا کہنا تھا کہ انہیں سمجھ نہیں آرہا کہ بارباربھارت کے پیچھے کیوں بھاگا جارہا ہے۔

آفریدی نے کہا کہ دونوں ممالک کی عوام پاک بھارت سیریزکا انعقاد چاہتی ہیں اگر دونوں ممالک کی سیریز کا انعقاد ہوا توایشیز سے بڑی سیریزہوگی۔

آفریدی کا کہنا تھا کہ کبھی کسی ٹیم کو آسان حریف نہیں سمجھازمبابوے کا دورہ ان کے اورٹیم کے لئے اہم ہے۔ ورلڈ ٹی ٹوئنٹی کیلئے معیاری ٹیم بنانے میں کامیاب ہوجائیں گے۔

شاہد آفریدی کا کہنا تھا کہ غلطیاں سب سے ہوتی ہیں اسپاٹ فکسنگ میں پابندی کا شکار ہونے والے سابق کپتان سلمان بٹ نے ان سے آکر معافی مانگی تھی اورانہوں نے سلمان بٹ کو کرکٹ جاری رکھنے کا مشورہ دیا۔

ستمبر 18, 2015
کیسنر کے مرض میں مبتلا انواراللہ کی شاہد آفریدی سے ملاقات

کراچی: آل راؤنڈر شاہد آفریدی نے کینسر کے موذی مرض میں مبتلا کراچی کے انوار اللہ کی دوائیوں کے اخراجات برداشت کرنے کا فیصلہ کیا ہے۔

بوم بوم آفریدی نے کینسر کے موذی مرض میں مبتلا سترہ سالہ انوار اللہ سے اپنی رہائش گاہ پر ملاقات کی، میٹرک کے طالب علم میں ایک سال قبل کینسر کا مرض تشخیص ہوا اور اب یہ کرکٹ لوور زندگی کی آخری گھڑیاں دیکھ رہا ہے۔

شاہد آفریدی نے اپنے پرستار کے علاج و معالج کے اخراجات برداشت کرنے کیساتھ پانچ لاکھ روپے کا چیک بھی دیا ہے۔

آفریدی کا کہنا ہے کہ کینسر کا مرض پاکستان میں تیزی سے پھیل رہا ہے، عمران خان سے درخواست کرتا ہوں شوکت خانم کراچی میں بھی بنائیں۔

انوار اللہ کا کہنا تھا کہ وہ آفریدی سے ملنے کے خواہشمند تھے، کرکٹ کیساتھ انھیں پاکستان آرمی سے بھی محبت ہے۔

اپریل 30, 2015
بوم بوم آفریدی – انوکھا ریکارڈ بنانے والے ہیں

کراچی (ویب ڈیسک) – بوم بوم آفریدی کا شمار دنیائے کرکٹ کے مایہ ناز کھلاڑیوں میں ہوتا ہے جنہیں نہ صرف پاکستان بلکہ دنیا بھرکے شائقینِ کرکٹ قدر کی نگاہ سے دیکھتے ہیں ۔

شاہد خان آفریدی کرکٹ میں کئی طرح کے ریکارڈز کے حامل ہیں۔ ورلڈ کپ 2015 میں یو اے ای کے خلاف کھیلتے ہوئے انہوں نے آٹھ ہزاررنز بھی مکمل کرلئے ہیں، آپ آٹھ ہزار رنز مکمل کرنے والے پاکستان کے چوتھے کھلاڑی ہوگئیے ہیں اس سے قبل انضمام الحق، سعید انوراورمحمد یوسف اعزازاپنے نام کرچکے ہیں جبکہ دنیا بھر میں ان کا نمبر 27واں ہے۔

اس سے قبل سنتھ جیسوریا 13430 رنز اور323رنز بنا کر ایک عمدہ آل راؤنڈ ریکارڈ بنانے میں کامیاب رہے ہیں۔

آفریدی اس وقت 395وکٹیں لے چکے ہیں اوراگر لالہ مزید پانچ وکٹیں لینے میں کامیاب ہوجاتے ہیں تو 8000 رنزاورچارسو وکٹوں کے ساتھ وہ ایک منفرد ریکارڈ بنانے میں کامیاب ہوجائیں گے۔

واضح رہے کہ دنیا کی تیزترین سینچری کا ریکارڈ بھی سولہ سال تک شاہد خان آفریدی کے پاس رہا جبکہ34 چھکوں کے ساتھ سب سے زیادہ چھکے لگانے کا ریکارڈ بھی آفریدی سے ہی منسوب ہے۔

۔

مارچ 4, 2015
آفریدی کی عمران خان کو شادی کی مبارک باد

اسلام آباد: شاہد خان آفریدی نے عمران خان سے ان کی رہائشگاہ پر ملاقات میں شادی کی مبارک باد دی۔

پاکستان کرکٹ ٹیم کے مایہ ناز آل راؤنڈر شاہد خان آفریدی نے اسلام آباد بنی گالہ میں تحریک انصاف کے کپتان عمران خان سے ملاقات کی۔

ملاقات میں شاہد خان آفریدی نے عمران خان کو شادی کی مبارکباد دیتے ہوئے اپنی خوشی کا اظہار بھی کیا اور کپتان کو دعا دیتے ہوئے کہا کہ امید ہے شادی ان کی زندگی میں بہتر تبدیلی لائے گی۔

اس موقع پرعمران خان نے شاہد آفریدی کی تواضع قہوہ اورمٹھائی سے کی۔

اس موقع پردونوں شخصیات نے آئندہ ماہ ہونے والے ورلڈ کپ 2015 کے حوالے سے تبادلۂ خیال کیا ، کپتان نے آفریدی کو قیمتی مشوروں سے بھی نوازا۔

پی ٹی آئی کے چیئرمین نے میگا ایونٹ کے لئے شاہد آفریدی اور پاکستانی ٹیم کے لئے اپنی نیک خواہشات کا اظہار بھی کیا۔

جنوری 11, 2015
شاہد آفریدی کے یادگار چھکے

دنیائے کرکٹ پرسال 1996 سے لے کرآج تک راج کرنے والے مایہ ناز پاکستانی کرکٹر شاہد خان آفریدی بے شماراعزازات کے حامل ہیں۔

انہیں اب تک سب سے زیادہ چھکے لگانے والے پاکستانی کا اعزاز حاصل ہے،1996 سے اب تک شاہد آفریدی 342 چھکے لگا کر سرفہرست ہیں۔

شاہد آفریدی سال 2015 میں ہونے والے کرکٹ ورلڈ کپ میں پاکستان کی 15 رکنی اسکواڈ کا حصہ ہیں اور قوم کو ان سے بے پناہ توقعات ہیں۔

.مندرجہ ذیل ویڈیو میں شاہد آفریدی کے سال 2014 کے شاندار چھکوں کی جھلکیاں

جنوری 8, 2015
ملک میں جو کچھ بھی ہو رہا ہے اچھا نہیں ہو رہا، شاہد آفریدی کا ٹویٹ

کراچی: پاکستان کے مایہ ناز کرکٹر شاہد خان آفریدی نے ملک کے سیاسی بحران سے متعلق سماجی رابطوں کی ویب سائیٹ ٹویٹر پر ایک پیغام میں کہا ہے کہ انہوں نے ملک کے موجودہ حالات کے بارے میں ایک برا خواب دیکھا ہے، اس وقت ملک میں جو کچھ بھی ہو رہا ہے وہ اچھا نہیں ہے اور وہ پاکستا ن کے لئے دعا گو اور پر امید ہیں ، یاد رہے کہ آزادی مارچ کے دوران پاکستان تحریک انصاف عمران خان کی جانب سے شاہد آفریدی کو تحریک انصاف کا ساتھ دینے کی دعوت بھی دی تھی۔

اگست 22, 2014
شاہد خان آفریدی نے اپنے والد سے منسوب ہسپتال کوہاٹ میں تعمیر کرادیا

جون 28, 2014