Tag: Shahid Khaqan Abbasi

اسلام آباد : وزیراعظم شاہد خاقان عباسی کا کہنا ہے کہ نوازشریف نے جو کام کیے وہ آمریت اور پیپلزپارٹی دونوں نہیں کرسکے۔

تفصیلات کے مطابق کنونشن سینٹراسلام آباد میں مسلم لیگ ن کے مرکزی جنرل کونسل سے خطاب کرتے ہوئے کہا کہ وزیراعظم شاہد خاقان عباسی نے کہا کہ نوازشریف کے پہلی بارصدر منتخب ہونے پر بھی میں موجود تھا۔

شاہد خاقان عباسی نے خطاب کرتے ہوئے کہا کہ آج 30سال بعدبھی پارٹی کے ساتھ کھڑا ہوں۔

وزیراعظم پاکستان نے کہا کہ ذوالفقاربھٹوکے پھانسی کے فیصلے کوعوام اورتاریخ نے قبول نہیں کی، انہوں نے کہا کہ نااہلی کا فیصلہ ہم نے مانا لیکن عوام اورتاریخ تسلیم نہیں کرتے۔

نوازشریف بلامقابلہ مسلم لیگ ن کے صدر منتخب

انہوں نے کہا کہ عوام نوازشریف کےحق میں ہی فیصلہ دیں گے، انہوں نے کہا کہ ہم نے 8 ماہ میں وہ منشورمکمل کرنا ہے جو نوازشریف نے 4 سال پہلے شروع کیا۔

شاہد خاقان عباسی نے کہا کہ جومنصوبے نوازشریف نے مکمل کیے وہ پیپلزپارٹی اورآمرکے دورمیں مکمل نہ ہوئے۔ انہوں نے کہا کہ ہمارے دونوں کےمنصوبوں سے زیادہ نہ ہوئے توحکومت چھوڑنے کوتیارہیں۔

نواز شریف عوام کے حقِ حکمرانی کی علامت ہیں‘ احسن اقبال

وزیراعظم پاکستان نے کہا کہ یہ وہ منصوبےہیں جنھوں نے آئندہ کے10 سال کے مسائل کو حل کیا، امید ہے عوام نوازشریف کو پھرمینڈیٹ دیں گے۔

واضح رہے کہ وزیراعظم شاہد خاقان عباسی نے کہا کہ عوام کے دلوں کا مینڈیٹ عدالتی فیصلوں سےختم نہیں ہوتا، نوازشریف اورہم سب مل کر ملک کےمسائل کوحل کریں گے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

نیویارک : وزیراعظم پاکستان شاہد خاقان عباسی کا کہنا ہے کہ پاکستان کا جوہری کمانڈ اینڈ کنٹرول نظام محفوظ ہاتھوں میں ہے۔

تفصیلات کے مطابق وزیراعظم شاہد خاقان عباسی نے امریکی اخبار نیویارک ٹائمز کو انٹرویو دیتے ہوئے کہا کہ پاکستان میں دہشت گردوں کے ٹھکانے موجود نہیں ہیں۔

وزیراعظم پاکستان نے کہا کہ فوج نےافغان سرحد سے متصل دہشت گردوں کی پناہ گاہیں ختم کردیں،انہوں نے کہا کہ ہم نے ان علاقوں کا کنٹرول دوبارہ حاصل کرلیا ہے۔

شاہد خاقان عباسی کا کہنا تھا کہ امریکہ پاکستان کی کوششوں کو نہیں سراہتا، انہوں نے کہا کہ پاکستانی فوج نے طالبان کے محفوظ ٹھکانوں کو ختم کیا۔

امریکہ نے پاکستان کو اربوں ڈالر دیئے ہیں، نتائج چاہئیں، ڈونلڈ ٹرمپ کا مطالبہ

یاد رہے کہ رواں برس 22 اگست کوامریکی صدر نے الزام لگایا تھا کہ پاکستان دہشت گردوں کو پناہ فراہم کرتارہاہے اور پاکستان میں دہشتگردوں کے محفوظ ٹھکانے ہیں۔

بہت ڈو مور کرلیا، اب دنیا ڈو مور کرے، آرمی چیف

واضح رہے کہ 6 ستمبر کو آرمی چیف جنرل قمر جاوید باجوہ کا یوم دفاع کی مرکزی تقریب سے خطاب کرتے ہوئے کہنا تھا کہ افغانستان کی جنگ پاکستان میں نہیں لڑسکتے، بہت ڈو مور کرلیا اب دنیا ڈو مور کرے،عالمی طاقتیں اپنی ناکامیوں کا ذمہ دار ہمیں نہ ٹھہرائیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔