ARYNews.tv | Urdu – Har Lamha Bakhabar

Tag: Shahid Khaqan Abbasi

  • ٹرمپ کی افغان پالیسی ناکام ہوگی‘ وزیراعظم شاہد خاقان عباسی

    ٹرمپ کی افغان پالیسی ناکام ہوگی‘ وزیراعظم شاہد خاقان عباسی

    اسلام آباد : وزیراعظم پاکستان شاہد خاقان عباسی کا کہنا ہے کہ پاکستان دہشت گردوں کی پشت پنائی نہیں کررہا۔

    تفصیلات کے مطابق وزیراعظم پاکستان نے امریکی اخبار کو انٹرویو دیتے ہوئے کہا کہ سابق امریکی صدورکی افغان پالیسی بھی ناکامی سے دوچار ہوئی۔

    وزیراعظم شاہد خاقان عباسی کا کہنا تھا کہ امریکی صدر ڈونلڈ ٹرمپ کی افغان پالیسی بھی ناکام ہوگی۔

    وزیراعطم پاکستان کا کہنا تھا کہ پہلے دن سےکہہ رہے ہیں افغانستان میں فوجی حکمت عملی کام نہیں کرےگی افغان مسئلے کا سیاسی حل نکالنا چاہیے۔

    شاہد خاقان عباسی کا کہنا تھا کہ پاکستان دہشت گردوں کی پشت پنائی نہیں کررہا جبکہ دہشت گردی کے خلاف جنگ کی حمایت کرتے ہیں۔

    انہوں نے کہا کہ بھارت سمیت تمام ممالک سےمل کرکام کرنےکوتیارہیں اور دہشت گردی کے خلاف ہمارا تعاون غیر مشروط ہے۔

    وزیراعظم پاکستان کا انٹرویو کے دوران کہنا تھا کہ کسی کوافغان جنگ پاکستان کی سرزمین پرنہیں لڑنے دیں گے۔ انہوں نے کہا کہ افغانستان کےمعاملات افغانستان تک محدود رہنے چاہیں۔

    افغان طالبان قیادت کوئٹہ اورپشاورمیں پناہ گزین ہے، امریکی کمانڈر

    خیال رہے کہ گزشتہ روزامریکی فوجی کمانڈرجنرل جان نکلسن نے پاکستان میں دہشت گردوں کی پناہ گاہوں کا الزام عائد کرتے ہوئے کہا تھا کہ کوئٹہ شورٰی اورپشاور شورٰی حقیقت ہیں۔

    پاکستان نے دہشت گردوں کی محفوظ پناہ گاہیں ختم کردیں، آرمی چیف

    یاد رہے کہ گزشتہ روز دوشنبہ میں انسداد دہشت گردی تعاون میکینزم فورم کے اجلاس میں آرمی چیف جنرل قمر جاوید باجوہ کا کہنا تھا کہ پاکستان نے دہشت گردوں کی پناہ گاہیں ختم کردیں ہیں۔

    امریکہ نے پاکستان کو اربوں ڈالر دیئے ہیں، نتائج چاہئیں، ڈونلڈ ٹرمپ کا مطالبہ

    واضح رہے کہ گزشتہ ہفتے امریکی صدر نے الزام لگایا تھا کہ پاکستان دہشت گردوں کو پناہ فراہم کرتارہا ہے اورپاکستان میں دہشت گردوں کے محفوظ ٹھکانے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • وزیراعظم شاہد خاقان عباسی نے پورٹ قاسم پرایل این جی ٹرمینل کاافتتاح کردیا

    وزیراعظم شاہد خاقان عباسی نے پورٹ قاسم پرایل این جی ٹرمینل کاافتتاح کردیا

    کراچی: وزیراعظم شاہد خاقان عباسی نے پورٹ قاسم پر ایل این جی ٹرمینل کا افتتاح کردیا۔

    تفصیلات کے مطابق وزیراعظم پاکستان شاہد خاقان عباسی آج صبح پورٹ قاسم پہنچے جہاں انہیں ایل این جی ٹرمینل کے بارے میں بریفنگ دی گئی۔

    وزیراعظم شاہد خاقان عباسی نے پورٹ قاسم پر ایل این جی ٹرمینل کی افتتاحی تقریب سے خطاب کرتے ہوئے کہا کہ ماضی میں ایل این جی پاکستان لانے کی کوششیں ناکام رہیں۔

    انہوں نے کہا کہ ٹرمینل 330 دن کی ریکارڈ مدت میں تعمیر کیا گیا جبکہ دو پارٹیوں نے ایل این جی لانے کےلیے بولی جمع کرائی تھی۔

    وزیراعظم پاکستان کا کہنا تھا کہ ایل این جی کےٹھیکےمیں شفافیت کو مدنظر رکھا گیا اس حوالےسےچیئرمین پورٹ قاسم کا شکریہ ادا کرتا ہوں۔

    وزیراعظم کا کہنا تھا کہ امید کرتا ہوں مزید ٹرمینل بھی کم مدت میں تیار ہوں گے۔اس موقع پر ان کا کہنا تھا کہ گیس ٹربائن کے3 بڑے پلانٹ لگا رہے ہیں جبکہ صنعتوں کو گیس کی بلاتعطل فراہمی جارہی ہے۔

    وزیراعظم شاہد خاقان عباسی کا کہنا تھا کہ ایل این جی ٹرمینل پاکستان کا گیس سپلائی کا بڑاذریعہ ہے۔

    وزیراعظم شاہد خاقان عباسی کی دو روزہ دورے پر کراچی آمد

    خیال رہے کہ گزشتہ روز وزیرِاعظم شاہد خاقان عباسی دو روزہ دورے پر کراچی پہنچے تھے جہاں اُن کا استقبال سینئر صوبائی وزیر نثار کھوڑو نے کیا تھا۔

    کراچی آمد کے بعد وزیراعظم شاہد خاقان عباسی سے قائم مقام گورنر سندھ سے ملاقات کی تھی اور شہر میں امن و امان سمیت تعمیر و ترقی کے حوالے سے اہم پروجیکٹس پر تبادلہ خیال کیا تھا۔

    واضح رہے کہ وزیراعظم، تاجروں اور سرمایہ کاروں سمیت مسلم لیگ (ن) سندھ کے رہنماؤں سے بھی ملاقات کریں گے جس میں کراچی پیکیج سے متعلق بات چیت کی جائے گی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • نوازشریف کے اعلان کردہ منصوبوں کو آگے بڑھائیں گے، شاہد خاقان

    نوازشریف کے اعلان کردہ منصوبوں کو آگے بڑھائیں گے، شاہد خاقان

    کوئٹہ : وزیراعظم شاہد خاقان عباسی نے کہا ہے کہ نوازشریف کے اعلان کردہ منصوبوں کو آگے بڑھائیں گے اوربلوچستان کے ہر ضلعی ہیڈ کوارٹر میں گیس کا منصوبہ بنایا جائیگا، انہوں نے کہا کہ کسی ادارے کے ساتھ نہ کوئی محاذ آرائی ہے اور نہ ہوگی۔

    ان خیالات کا اظہار انہوں نے کوئٹہ میں اعلیٰ سطحی اجلاس سے خطاب کرتے ہوئے کیا، اس موقع پر وفاقی وزیرداخلہ احسن اقبال، قادر بلوچ، وزیر اعلیٰ و گورنربلوچستان اور کمانڈر سدرن کمانڈ بھی موجود تھے۔

    سیکیورٹی اجلاس کے بعد میڈیا سے گفتگو کرتے ہوئے وزیراعظم شاہد خاقان عباسی کا کہنا تھا کہ آج اجلاس میں تین اہم نکات پر بات چیت ہوئی اور صوبے میں امن وامان کی صورتحال پرغور ہوا۔

    اجلاس میں امن وامان سے متعلق فیصلے ہوئے، وزیراعظم نے کہا کہ سابق وزیر اعظم نوازشریف کے اعلان کردہ منصوبوں کو آگے بڑھایا جائے گا، ہرضلعی ہیڈ کوارٹر میں گیس کا منصوبہ بنایاجائیگا، ٹیوب ویلزکو سولر پینل پر لانے کیلئےاقدامات ہونگے۔

    ڈیمزسےمتعلق ماضی کے منصوبوں کوبھی جاری رکھاجائیگا، انہوں نے کہا کہ کچھی کینال کا منصوبہ کئی عشروں سے التوا کا شکار تھا، ہفتہ دس دن میں کچھی کینال کا منصوبہ مکمل ہوجائے گا، بی آئی ایس پی پروجیکٹ کو بھی مزید پھیلایا جائے گا، امید ہے، بلوچستان جلد ہی پاکستان کا امیر ترین صوبہ ہوگا۔

    انہوں نے بتایا کہ اجلاس میں سی پیک کے منصوبوں پر بھی تبادلہ خیال کیا گیا، ایک سوال کے جواب میں وزیراعظم شاہد خاقان عباسی کا کہنا تھا کہ اپنا دفاع کرنا ہرفرد اور ادارے کا حق ہوتاہے، ہم بھی اپنا دفاع کریں گے۔

     ان کا کہنا تھا کہ ہمیں نہیں معلوم کہ آصف زرداری کس چیز کی بات کر رہے ہیں، ملک و قوم کی بہتری کیلئے ڈائیلاگ ہوتے رہیں گے، آصف زرداری کوبھی شامل ہوناچاہئیے۔

  • وزیراعظم سےکمانڈرامریکی سینٹ کام جنرل جوزف کی ملاقات

    وزیراعظم سےکمانڈرامریکی سینٹ کام جنرل جوزف کی ملاقات

    اسلام آباد : وزیراعظم شاہد خاقان عباسی سے امریکی سینٹ کام کے کمانڈر نے ملاقات کی جس میں سیکورٹی صورت حال پر تبادلہ خیال کیا گیا۔

    تفصیلات کے مطابق وزیراعظم شاہد خاقان عباسی سے امریکی سینٹ کام کے کمانڈر جنرل جوزف وٹل نے ملاقات کی جس میں پاک امریکہ تعلقات سمیت دیگر امور پر تبادلہ خیال کیا گیا۔

    وزیراعظم سے جنرل جوزف کی ملاقات کے دوران وزیر خارجہ خواجہ آصف، وزیر دفاع خرم دستگیر سمیت مشیر قومی سلامتی ناصر جنجوعہ بھی موجود تھے جبکہ امریکی وفد میں پاکستان میں تعینات امریکی سفیر اور دیگر اعلیٰ حکام شامل تھے۔

    وزیراعظم شاہدخاقان کی زیرصدارت قومی سلامتی کمیٹی کا اجلاس

    یاد رہے کہ تین روز قبل وزیراعظم شاہد خاقان عباسی کی زیرصدارت قومی سلامتی کمیٹی کا اجلاس ہوا تھا جس میں آرمی چیف جنرل قمرجاوید باجوہ، ایئر چیف اورنیول چیف اور چیئرمین جوائنٹ چیفس آف اسٹاف کمیٹی جنرل زبیرحیات بھی شریک تھے۔

    اجلاس میں ڈی جی آئی ایس آئی، ڈی جی ایم آئی بھی شامل ہیں جبکہ وفاقی وزرا اور مشیر قومی سلامتی بھی شریک تھے۔

    واضح رہے کہ اجلاس میں بھارتی فوج کی اشتعال انگیزی اور پاک فوج کے بھرپور جواب پر تبادلہ خیال ہوا جبکہ ملکی مجموعی سیکیورٹی صورت حال اورخطے کے حالات پر گفتگو کی گئی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بارسلونا دہشت گرد حملہ: وزیراعظم شاہد خاقان عباسی سمیت عالمی رہنماؤں کی مذمت

    بارسلونا دہشت گرد حملہ: وزیراعظم شاہد خاقان عباسی سمیت عالمی رہنماؤں کی مذمت

    اسلام آباد: وزیراعظم پاکستان شاہد خاقان عباسی نے اسپین میں دہشت گردی کے واقعے کی شدید مذمت کرتے ہوئے کہا ہے کہ دہشت گرد خوف کی فضا پیدا کرکے عوام کے حوصلے پست کرنا چاہتے ہیں۔

    تفصیلات کے مطابق وزیراعظم پاکستان سمیت عالمی رہنماؤں نے بارسلونا میں ہونے والے دہشت گرد حملے کی مذمت کرتے ہوئے اسپین کے ساتھ یکجہتی کا اظہارکیا ہے۔

    امریکی صدر ڈونلڈ ٹرمپ نے سماجی رابطے کی ویب سائٹ ٹویٹر پر بارسلونا میں ہونے والے دہشت گرد حملے کی مذمت کرتے ہوئےکہا مدد کے لیے جو بھی ضروری ہوا کروں گا ہم آپ سے پیار کرتے ہیں۔

    برطانوی وزیراعظم تھریسا مے نے سماجی رابطے کی ویب سائٹ ٹویٹر پر بارسلونا حملے کی مذمت کرتے ہوئے کہا کہ ان کی ہمدردیاں متاثرہ خاندانوں کے ساتھ ہیں۔

    ہالینڈ کے وزیراعظم مارک رُٹے نے بارسلونا حملے کی شدید مذمت کرتے ہوئے 17 اگست کو یوم سیاہ قرار دیا ہے۔

    کینیڈین وزیر اعظم جسٹن ٹروڈو نےسماجی رابطے کی ویب سائٹ ٹویٹر پر بارسلونا حملے کی مذمت کرتے ہوئے کہا ہے کہ ہماری ہمدردیاں اور حمایت متاثرین اور ان کے خاندانوں کے ساتھ ہیں۔

    جرمن چانسلر انجیلا مرکل نے بارسلونا حملے کی مذمت کرتے ہوئے اسپین کی عوام کے ساتھ اظہار یکجہتی کا اظہار کیا ہے۔

    لندن کے میئر صادق خان نے سماجی رابطے کی ویب سائٹ پر بارسلونا میں ہونے والے وحشیانہ حملے کی مذمت کرتے ہوئے کہا ہے کہ لندن دہشت گردی کی برائی کے خلاف بارسلونا کے ساتھ کھڑا ہے۔

    سابق امریکی صدر بل کلنٹن نےسماجی رابطے کی ویب سائٹ ٹویٹر پربارسلونا حملے پر دکھ کا اظہار کرتے ہوئے کہا کہ مشکل کی اس گھڑی میں بارسلونا کی عوام کے ساتھ کھڑے ہیں۔

    فرانس کے صدر ایمانویل میکرون نے سماجی رابطے کی ویب سائٹ ٹویٹر پربارسلونا حملے کی مذمت کرتے ہوئے کہا کہ فرانسیسی عوام کی ہمدردیاں بارسلونا کے ساتھ ہیں اور ہم متحد رہیں گے۔

    سابق امریکی صدر براک اوباما نے بھی سماجی رابطے کی ویب سائٹ ٹویٹر پر اسپین میں ہونے والے دہشت گرد حملے کی مذمت کرتے ہوئے کہا ہےکہ امریکی عوام ہمشیہ اپنے اسپین کے دوستوں کے ساتھ ہیں۔

     اسپین میں حملے، 13 ہلاک 50 زخمی

    واضح رہے کہ گزشتہ روز اسپین کے شہر بارسلونا میں تیز رفتار وین نے متعدد افراد کو کچل دیا تھا جس کے باعث 13 افراد ہلاک اور متعدد زخمی ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • وزیراعظم کا سرکاری اشتہارات میں اپنی تصویر نہ لگانے کا حکم

    وزیراعظم کا سرکاری اشتہارات میں اپنی تصویر نہ لگانے کا حکم

    اسلام آباد: وزیراعظم شاہد خاقان عباسی نے اپنے پیشرو کے برعکس تمام وزارتوں کو سرکاری اشتہار یا مہم میں اپنی تصویر نہ لگانے کی ہدایت کردی۔

    تفصیلات کے مطابق وزارت اطلاعات و نشریات کی جانب سے جاری نوٹیفکیشن کے مطابق وزیراعظم شاہد خاقان عباسی نے تمام وزارتوں، ڈویژنز، وفاقی اداروں، کارپوریشنز، کمپنیوں اور محکموں کو سختی سے ہدایت کی ہے کہ وہ مستقبل میں کسی بھی اشتہاری مہم کے دوران وزیراعظم کی تصویر استعمال نہ کریں۔

    وزارت اطلاعات و نشریات کی جانب سے جاری نوٹیفکیشن میں کہا گیا ہے کہ تمام سرکاری محکمے مستقبل میں ان ہدایات پر عمل کو یقینی بنائیں۔

    یاد رہے کہ سابق وزیراعظم نواز شریف پر الزام تھا کہ انہوں نے ذاتی تشہیر پر اربوں روپے خرچ کیے، جبکہ وزیر اعلیٰ پنجاب شہباز شریف کی تصویر بھی ہر اشتہاری مہم کا حصہ بنتی ہے۔

    واضح رہے کہ سپریم کورٹ کی جانب سے پہلے ہی سرکاری عہدہ رکھنے والوں کو حکومتی اخراجات پر ذاتی مہمات نشر اور شائع کرنے سے روکا جاچکا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • سابق چیئرمین ای او بی آئی ظفرگوندل ملازمت سے برطرف

    سابق چیئرمین ای او بی آئی ظفرگوندل ملازمت سے برطرف

    اسلام آباد : سابق چیئرمین ای اوبی آئی ظفر اقبال گوندل کو کرپشن الزامات پر ملازمت سے فارغ کر دیا گیا ہے۔

    تفصیلات کے مطابق وزیراعظم شاہد خاقان عباسی نے سابق چیئرمین ایمپلائز اولڈ ایج بینیفٹس ایسوسی ایشن ظفر اقبال گوندل کو ملازمت سے فارغ کر دیا۔

    ترجمان وزیراعظم ہاﺅس کے مطابق ظفر گوندل کے خلاف کرپشن اور مس کنڈکٹ کے الزامات کی تحقیقات کےلیے اعلیٰ سطح کی کمیٹی قائم کی گئی تھی جس نے تحقیقات کے بعد وزیراعظم کو سفارش کی تھی کہ ظفر گوندل کے خلاف کارروائی کی جائے۔

    وزیراعظم نے کمیٹی کی سفارشات کا جائزہ لینے کے بعد ظفر گوندل کو ملازمت سے فارغ کرنے کے احکامات جاری کیے۔

    یاد رہے کہ 23 ستمبر 2014 کو پولیس اورایف آئی اے کے اہلکاروں نے ای او بی آئی کرپشن اسکینڈل کے مرکزی ملزم ظفر گوندل کو سپریم کورٹ کے باہر سے گرفتار کیا تھا۔

    واضح رہے کہ ظفراقبال گوندل سابق وفاقی وزیر نذر گوندل کے بھائی اور آڈٹ اینڈ اکاونٹس گروپ کے گریڈ 20 کے افسر تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • اقلیتوں کا قومی دن: وزیر اعظم کا روادار معاشرے کے قیام کا عزم

    اقلیتوں کا قومی دن: وزیر اعظم کا روادار معاشرے کے قیام کا عزم

    اسلام آباد: اقلیتوں کے قومی دن کے موقع پر وزیر اعظم پاکستان شاہد خاقان عباسی نے کہا ہے کہ حکومت پاکستان ایک روادار معاشرے کے قیام کی جدوجہد کر رہی ہے جہاں ہر شخص کے بنیادی حقوق کی حفاظت کی جائے گی۔

    تفصیلات کے مطابق آج پاکستان میں اقلیتوں کا دن منایا جا رہا ہے۔

    اس موقع پر اپنے پیغام میں وزیر اعظم شاہد خاقان عباسی کا کہنا تھا کہ ہم پاکستان کو ایک روادار اور متحمل مزاج معاشرہ بنائیں گے جہاں ہر انسان کے بنیادی حقوق کی حفاظت کی جائے گی اور ہر پاکستانی مذہب کی تفریق سے بالاتر ہو کر ملک کی ترقی و خوشحالی کے لیے کام کرے گا۔

    ریڈیو پاکستان کی رپورٹ کے مطابق وزیر اعظم نے یقین دہانی کروائی کہ قائد اعظم محمد علی جناح کے اس وعدہ کو نبھانے کی کوشش کی جائے گی جس میں انہوں نے اقلیتوں کے لیے یکساں حقوق اور مواقعوں کی یقین دہانی کروائی تھی۔

    انہوں نے تمام شعبہ زندگی خصوصاً صحت کے شعبے میں اقلیتی افراد کی خدمات کا اعتراف بھی کیا۔

    وزیر اعظم کا کہنا تھا کہ پاکستان کے تمام شہری برابر ہیں اور تمام افراد کے مذہب، ذات اور عقائد سے بالاتر ہو کر ان کے حقوق کی فراہمی یقینی بنائی جائے گی۔

    انہوں نے کہا کہ حکومت پاکستان اقلیتوں کی فلاح کے لیے متعدد اقدامات اٹھا رہی ہے جن میں ان کے لیے نوکریوں میں 5 فیصد کوٹہ اور قومی اسمبلی و سینیٹ میں آبادی کے لحاظ سے نشستوں کا مختص کرنا شامل ہے۔

    اقلیتوں کے قومی دن کی تاریخ

    پاکستان میں اقلیتوں کا قومی دن 11 اگست سنہ 1947 میں کی جانے والی بانی پاکستان قائد اعظم محمد علی جناح کی اس تقریر کی یاد میں منایا جاتا ہے جس میں انہوں نے کہا تھا، ’آپ آزاد ہیں، آپ پاکستان کی ریاست میں اپنے مندروں، مسجدوں یا کسی بھی دوسری عبادت گاہ میں جانے کے لیے آزاد ہیں‘۔

    قائد اعظم نے کہا تھا، ’آپ کسی بھی مذہب یا ذات سے تعلق رکھتے ہوں، کسی بھی عقیدے پر کاربند ہوں، کار سرکار سے اس کا کوئی تعلق نہیں‘۔

    بانی پاکستان کی اس تقریر کی یاد میں سنہ 2009 میں اقلیتوں کا قومی دن منانے کا فیصلہ کیا گیا تھا۔

    اس دن کو بطور قومی دن منانے کی تجویز سابق وزیر اقلیتی امور شباز بھٹی نے دی تھی جنہیں سنہ 2011 میں قاتلانہ حملے میں ہلاک کردیا گیا۔

    عمران خان کا پیغام

    اقلیتوں کے عالمی دن کے موقع پر چیئرمین تحریک انصاف عمران خان نے بھی خیر سگالی کا پیغام دیا۔

    اپنے پیغام میں عمران خان کا کہنا تھا کہ اقلیتی برادری کے لیے خیر سگالی کے جذبات رکھتے ہیں۔ اقلیتوں کی فلاح کے بغیر فلاحی ریاست کا خواب ادھورا رہے گا۔

    انہوں نے کہا کہ بانی پاکستان نے اقلیتوں کو مکمل آزادی اور تحفظ کی ضمانت دی تھی۔ آج بھی اقلیتیں تعمیر وطن میں بھرپور حصہ ڈال رہی ہیں۔ اقلیتوں کی فلاح و ترقی روز اول سے ہمارے منشور کا لازمی جزو ہے۔

    عمران خان کا کہنا تھا کہ خیبر پختونخواہ حکومت نے اقلیتوں کی بہبود پر بطور خاص محنت کی ہے۔

  • عوام نے پاناما کیس کا فیصلہ تسلیم نہیں کیا، وزیراعظم

    عوام نے پاناما کیس کا فیصلہ تسلیم نہیں کیا، وزیراعظم

    اسلام آباد : وزیراعظم شاہد خاقان عباسی نے کہا ہے کہ عوام نے پاناما لیکس کیس کا فیصلہ تسلیم نہیں کیا، عدالتی فیصلے کے خلاف نظرثانی کی درخواست دیں گے، ن لیگ کے ووٹرز احتجاج نہیں نواز شریف کا استقبال کررہے ہیں۔

    ان خیالات کا اظہار انہوں نے میڈیا سے گفتگو کرتے ہوئے کیا، انہوں نے کہا کہ نوازشریف کو ان کے بیٹے کی کمپنی سے تنخواہ نہ لینے پر نااہل کیا گیا، سپریم کورٹ سے فیصلے پر نظرثانی کے لیے فل بینچ بنانے کی درخواست کریں گے۔

    وزیر اعظم شاہد خاقان عباسی نے کہا کہ 62 اور 63 کی شق میں بہت ابہام ہے اسے دور کرنا چاہیے، شاید 20 کروڑ عوام میں سے کوئی بھی اس شق پر پورا نہیں اترتا، آئین میں ترمیم کا فیصلہ پارلیمنٹ کو کرنا ہے۔

    ان کا کہنا تھا کہ آف شور کمپنی بنانا جرم نہیں لیکن میری کوئی آف شور کمپنی یا بیرون ملک کوئی اثاثہ نہیں ، حکومت قانون لائی ہے جس کے تحت آف شور کمپنیاں ڈکلیئرڈ کرنا پڑیں گی۔

    ٹیکس نظام میں بہتری کے حوالے سے انہوں نے کہا کہ ٹیکس نظام بہتر بنانے کے لیے اصلاحات کرنی پڑیں گی، نادرا نمبرکو این ٹی این بنادیا جائے تو معاملہ ٹھیک ہوجائے گا۔

  • برطانوی وزیراعظم کی شاہد خاقان عباسی کووزارت عظمی کاعہدہ سنبھالنے پرمبارکباد

    برطانوی وزیراعظم کی شاہد خاقان عباسی کووزارت عظمی کاعہدہ سنبھالنے پرمبارکباد

    اسلام آباد : برطانوی وزیراعظم تھریسا مے نے وزیراعظم شاہد خاقان عباسی کو عہدہ سنبھالنے پر مبارکباد دیتے ہوئے کہا کہ آپ کے ساتھ کام کرنے کی منتظر ہوں۔

    تفصیلات کے مطابق برطانوی وزیراعظم تھریسا مے نے شاہد خاقان عباسی کو وزارت عظمیٰ کا عہدہ سنبھالنے پرمبارکباد دیتے ہوئےکہا کہ برطانیہ پاکستان کا قابل بھروسہ دوست ہے اور رہے گا۔

    برطانوی وزیراعظم تھریسا مے کا کہنا تھا کہ میں نے آپ کے ساتھیوں کے ساتھ دو طرفہ تعلقات پر بھی کام کیا۔

    افغان صدر کا وزیراعظم شاہد خاقان عباسی کو ٹیلی فون، منصب سنبھالنے پر مبارکباد

    خیال رہے کہ گزشتہ روزافغان صدر اشرف غنی نے وزیراعظم شاہد خاقان عباسی کو ٹیلی فون کیا تھا اور منصب سنبھالنے پر مبارکباد دی تھی، دونوں رہنماؤں نے خطے کر درپیش چیلنجز سے نمٹنے کےلیے مل کر کام کرنے پر اتفاق کیا تھا۔

    امریکہ کی وزیراعظم شاہد خاقان عباسی کوعہدہ سنبھالنے پرمبارکباد

    ٰیاد رہے کہ گزشتہ ہفتےامریکہ کی جانب سے نومنتخب وزیراعظم شاہد خاقان عباسی کو عہدہ سنبھالنے پر مبارکباد پیش کی گئی تھی۔

    واضح رہے کہواشنگٹن : امریکہ کی جانب سے نومنتخب وزیراعظم شاہد خاقان عباسی کو عہدہ سنبھالنے پر مبارکباد پیش کی گئی ہے۔

    تفصیلات کے مطابق واشنگٹن میں میڈیا بریفنگ کے دوران ترجمان امریکی محکمہ خارجہ ہیتھر نوارٹ نے وزیراعظم شاہد خاقان عباسی کو وزارت عظمیٰ کا عہدہ سنبھالنے کی مبارکباد دی۔

    ترجمان امریکی محکمہ خارجہ نے میڈیا بریفنگ کےدوران کہا کہ پاکستان کے نئے وزیراعظم شاہد خاقان عباسی کے ساتھ باہمی مفادات کے معاملات پر مل کر چلیں گے۔

    امریکی محکمہ خارجہ کی ترجمان کا کہنا تھا کہ امریکہ کے پاکستان کے ساتھ عوامی سطح پرمضبوط تعلقات ہیں تاہم آئندہ مستقبل میں بھی پاکستانی حکومت کے ساتھ مل کر کام کریں گے۔

    پاناما کیس: وزیراعظم نوازشریف نا اہل قرار

    واضح رہے کہ سپریم کورٹ کے فیصلے کی روشنی میں نواز شریف کے سبکدوش ہونے کے بعد وفاقی کابینہ بھی تحلیل ہوگئی تھی۔

    نواز شریف کی نااہلی کے بعد حکمراں جماعت مسلم لیگ ن کی طرف سے شاہد خاقان عباسی کو وزیر اعظم کے طور پر نامزد کیا گیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔