ARYNews.tv | Urdu – Har Lamha Bakhabar

Tag: Shahid Khaqan Abbasi

  • این اے57: شاہد خاقان عباسی کی ووٹوں کی دوبارہ گنتی کی درخواست مسترد

    این اے57: شاہد خاقان عباسی کی ووٹوں کی دوبارہ گنتی کی درخواست مسترد

    لاہور : سابق وزیراعظم اور مسلم لیگ ن کے  رہنما شاہد خاقان عباسی کی دوبارہ گنتی کی درخواست مسترد کر دی گئی، شاہدخاقان عباسی آبائی حلقے سے الیکشن ہار گئے تھے۔

    تفصیلات کے مطابق الیکشن ہارنے والے متعدد امیدوراوں نے ووٹ دوبارہ گننے کی درخواستیں دیں، جس میں کچھ کو کامیابی ملی گئی کچھ ناکام ہی رہے۔

    ریٹرننگ افسر نے شاہد خاقان عباسی کی درخواست پر فیصلہ سناتے ہوئے این اے 57 مری سے دوبارہ گنتی کی درخواست مسترد کردی اور صداقت علی عباسی کی جیت کو برقرار رکھا۔

    عدالت نے فریقین کے وکلا کے دلائل پر فیصلہ محفوظ کیا تھا۔

    یاد رہے کہ این اے 57 سے تحریک انصاف کے صداقت علی عباسی 136249 ووٹ لے کر کامیاب قرار پائے جبکہ ان کے مد مقابل شاہد خاقان عباسی نے 124705 ووٹ حاصل کئے۔

    مزید پڑھیں : حلقہ این اے 249، شہباز شریف کی دوبارہ گنتی کی درخواست مسترد

    اس سے قبل کراچی کے حلقہ این اے 249 سے شہبازشریف کی دوبارہ گنتی کی درخواست بھی مسترد کر دی گئی تھی اور کہا گیا تھا کہ پولنگ کے دوران امیدوار کی شکایت پر آر او کارروائی کا حق رکھتا ہے لہذا درخواست گزار کو اُسی وقت اپنے تحفظات کا اظہار کرنا تھا‘۔

    واضح رہے کہ الیکشن کمیشن نےقومی اسمبلی کےدو سو ستر حلقوں کےمکمل نتائج جاری کردئیے،  جس کے  تحریک انصاف ایک سو پندرہ نشستوں کے ساتھ پہلے نمبر پر ہے ، ن لیگ چونسٹھ سیٹوں کے ساتھ دوسری اور پیپلزپارٹی تینتالیس سیٹوں کےساتھ تیسری پوزیشن پر ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ایک شخص 9 سال حکومت کر کے ملک سے بھاگا، اسے کوئی کچھ نہیں کہتا: شاہد خاقان

    ایک شخص 9 سال حکومت کر کے ملک سے بھاگا، اسے کوئی کچھ نہیں کہتا: شاہد خاقان

    اسلام آباد: سابق وزیر اعظم شاہد خاقان عباسی نے کہا ہے کہ ایک شخص 9 سال حکومت کر کے ملک سے بھاگا، اسے کوئی کچھ نہیں کہتا، نواز شریف عوام کے حقوق کی جنگ لڑنے آرہا ہے۔

    ان خیالات کا اظہار انہوں نے اسلام آباد میں ن لیگ کی کارنر میٹنگ سےخطاب کرتے ہوئے کیا، شاہد خاقان عباسی کا کہنا تھا کہ نوازشریف اور مسلم لیگ ن کا بیانیہ ایک ہی ہے، آج ملکی سیاسی تاریخ میں ایک اہم دن ہے۔

    انہوں نے کہا کہ ملک کو ایٹمی طاقت بنانے والا شخص آج وطن واپس آ رہا ہے، نوازشریف کے لیے بڑا آسان تھا کہ وہ سمجھوتہ کر کے اقتدار میں رہتے، آج بھی وہ چاہیں تو لندن میں آرام سے رہ سکتے ہیں۔

    نوازشریف، مریم نواز کو لے کر غیرملکی ایئرلائن کی پرواز لندن سے روانہ

    شاہد خاقان عباسی کا کہنا تھا کہ نوازشریف عوام کے حقوق اور اختیارات کی جنگ لڑنے آرہا ہے، الیکشن اگر متنازعہ ہوئے تو کوئی تسلیم نہیں کرے گا۔

    ان کا مخالفین پر تنقید کرتے ہوئے کہنا تھا کہ تحریک انصاف نے سیاست میں بدتمیزی اور گالی کا کلچر متعارف کرایا، نیا پاکستان کا نعرہ لگانے والوں نے خیبرپختونخواہ میں کیا کام کیا۔

    خیال رہے کہ ایون فیلڈ ریفرنس میں سزا پانے والے نواز شریف اور مریم نواز کو لے کر غیر ملکی ایئرلائن کی پرواز لندن سے روانہ ہوچکی ہے۔

    دوسری جانب نوازشریف اور مریم نواز کی گرفتاری کے لیے نیب نے حکمت عملی تیار‏ کر لی، دو ہیلی کاپٹر لاہور ایئرپورٹ پہنچا دیے گئے ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • پنجاب ہمارا گھر ہے کسی کو ایک سیٹ بھی لینے نہیں دیں گے،شاہد خاقان عباسی

    پنجاب ہمارا گھر ہے کسی کو ایک سیٹ بھی لینے نہیں دیں گے،شاہد خاقان عباسی

    لاہور : سابق وزیراعظم شاہدخاقان عباسی کا کہنا ہے کہ دونوں حلقوں سے الیکشن لڑوں گا، پنجاب ہمارا گھر ہے، کسی کو ایک سیٹ بھی نہیں لینے دیں گے۔

    تفصیلات کے مطابق نااہلی کے فیصلے کی معطلی کے بعد سابق وزیراعظم شاہد خاقان عباسی نے میڈیا سے گفتگو کرتے ہوئے کہا کہ پنجاب ہمارا گھر ہے، کسی کو ایک سیٹ بھی لینے نہیں دیں گے، دونوں حلقوں سے الیکشن لڑوں گا۔

    شاہدخاقان عباسی کا کہنا تھا کہ میاں نوازشریف نے 100 سے زائد پیشیاں بھگتیں، شرم کی بات ہے سابق وزیراعظم کو مقدمات میں گھسیٹا گیا اور ایسے مقدمات میں گھسیٹا گیا جس میں ان کانام تک نہیں تھا۔

    سابق وزیراعظم کا مزید کہنا تھا کہ نواز شریف کے لیے انصاف کی کوئی توقع نہیں۔

    خیال رہے کہ لاہور میں ہائیکورٹ نے سابق وزیر اعظم شاہد خاقان عباسی کو این اے 57 الیکشن ٹریبونل کی جانب سے نااہل قرار دیے جانے کا فیصلہ معطل کردیا اور الیکشن لڑنے کی اجازت دے دی۔

    اس سے قبل شاہد خاقان عباسی کا کہنا تھا الیکشن سے متعلق فیصلے عوام کے پاس ہونا چاہئیے عدالتوں کے پاس نہیں، دس مرتبہ آنتخابات میں کاغذات جمع کروانے ٹیکنیکل بنیادوں پرکبھی کاغذات مسترد نہیں ہوئے اب ہورہے ہیں۔ یہ بھی منظور ہے۔

    ان کا مزید کہنا تھا کہ فیصلہ عوام کو دیں دے، عوام پچیس جولائی کو فیصلہ کرے گی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • شاہدخاقان عباسی کیخلاف توہین عدالت درخواست سماعت کیلئے منظور

    شاہدخاقان عباسی کیخلاف توہین عدالت درخواست سماعت کیلئے منظور

    لاہور : سابق وزیر اعظم شاہد خاقان عباسی کے خلاف توہین عدالت کی درخواست سماعت کیلئے منظور کرلی گئی ہے، سماعت منگل ہو گی ۔

    تفصیلات کے مطابق لاہور ہائی کورٹ راولپنڈی بنچ نے سابق وزیراعظم شاہدخاقان عباسی کےخلاف توہین عدالت کیس کی درخواست سماعت کے لیے منظور کرلی، لاہور ہائیکورٹ کے جج جسٹس طارق عباسی سماعت منگل کو درخواست پر سماعت کریں گے۔

    سابق وزیر اعظم شاہد خاقان عباسی کے خلاف توہین عدالت کی درخواست دائر کی تھی ، جس میں مؤقف اختیار کیا گیا تھا کہ شاہدخاقان عباسی نے فیصلے سے متعلق عدالت کے خلاف دھمکی آمیز اور توہین آمیز الفاظ استعمال کئے۔3

    درخواست میں شاہد خاقان، چیئرمین پیمرا ور سیکریٹری وزارت اطلاعات و نشریات کو فریق بنایا گیا ہے۔

    دوسری جانب ڈسٹرکٹ بار ایسوسی ایشن نے شاہدخاقان عباسی کے خلاف ہڑتال کردی تھی۔

    واضح رہے کہ شاہد خاقان عباسی کو لاہور ہائیکورٹ کے ایپلٹ ٹربیونل نے کاغذات نامزدگی مسترد کرکے تاحیات نا اہل قرار دیا تھا۔ نااہلی کے بعد فیصلے کے بعد ایک انٹرویو میں سابق وزیر اعظم شاہد خاقان عباسی کا کہنا تھا کہ ٹریبول جج نے میری ذات پر حملے کئے ہیں، کسی کو اس کا حق نہیں، لگتا ایسا ہے کہ ٹریبونل جج کی سیاست دانوں سےدشمنی ہے۔

    شاہدخاقان عباسی کا کہنا تھا کہ الیکشن ٹریبونل کو آرٹیکل 63،62 پر نااہلی کا اختیار نہیں، الیکشن ٹریبونل زیادہ سے زیادہ کاغذات نامزدگی کو مسترد کرسکتا ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • شاہد خاقان عباسی کو الیکشن لڑنے کی اجازت مل گئی

    شاہد خاقان عباسی کو الیکشن لڑنے کی اجازت مل گئی

    لاہور: صوبہ پنجاب کے دارالحکومت لاہور میں ہائیکورٹ نے سابق وزیر اعظم شاہد خاقان عباسی کو الیکشن ٹریبونل کی جانب سے نااہل قرار دیے جانے کا فیصلہ معطل کردیا۔

    تفصیلات کے مطابق لاہور ہائیکورٹ میں سابق وزیر اعظم شاہد خاقان عباسی کی نااہلی کے خلاف ان ہی کی دائر کردہ درخواست پر سماعت ہوئی۔

    لاہورہائیکورٹ نے شاہد خاقان عباسی کو نااہل قرار دینے کا فیصلہ معطل کرتے ہوئے الیکشن لڑنے کی اجازت دے دی۔

    خیال رہے کہ دو دن قبل اپیلٹ ٹریبونل کے جج جسٹس عبد الرحمٰن لودھی نے این اے 57 سے شاہد خاقان عباسی کے کاغذات نامزدگی پر فیصلہ سناتے ہوئے سابق وزیر اعظم کو نااہل قرار دیا تھا۔

    شاہد خاقان کی نااہلی کے لیے دائر کی گئی درخواست میں درخواست گزار نے مؤقف اختیار کیا تھا کہ سابق وزیر اعظم نے کاغذات نامزدگی میں ٹمپرنگ کی ہے۔

    بعد ازاں شاہد خاقان نے الیکشن ٹریبونل کے فیصلے کو لاہور ہائیکورٹ میں چیلنج کردیا تھا۔ شاہد خاقان عباسی کی جانب سے وکیل خواجہ طارق رحیم نے درخواست دائر کی تھی۔

    درخواست میں مؤقف اختیار کیا گیا کہ ایپلٹ ٹریبونل نے اختیار سے تجاوز کیا، ٹریبونل کے پاس آر او کے فیصلے کو منظور یا مسترد کرنے کا اختیار ہے لیکن ٹریبونل کے پاس کسی کو تاحیات نااہل قرار دینے کا اختیار نہیں۔

    سابق وزیر اعظم کی درخواست پر آج فیصلہ سنا دیا گیا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • الیکشن ٹریبونل کو تاحیات نااہلی کا اختیار نہیں، فیصلہ چیلنج کروں‌ گا: شاہد خاقان عباسی

    الیکشن ٹریبونل کو تاحیات نااہلی کا اختیار نہیں، فیصلہ چیلنج کروں‌ گا: شاہد خاقان عباسی

    اسلام آباد: سابق وزیر اعظم شاہد خاقان عباسی نے کہا ہے کہ ٹریبول جج نے میری ذات پر حملے کئے ہیں، کسی کو اس کا حق نہیں.

    ان خیالات کا اظہار انھوں‌ نے اے آر وائی نیوز کے پروگرام آف دی ریکارڈ میں‌ گفتگو کرتے ہوئے کیا. ان کا کہنا تھا کہ تاحیات نااہلی کا الیکشن ٹریبونل کو اختیار نہیں.

    [bs-quote quote=”ٹریبونل جج نے اپنے فیصلے میں مجھے مافیا کہا، ٹریبول جج نے میری ذات پر حملے کئے” style=”style-2″ align=”right” author_name=”شاہد خاقان عباسی”][/bs-quote]

    شاہد خاقان نے کہا، لگتا ایسا ہے کہ ٹریبونل جج کی سیاست دانوں سےدشمنی ہے، ٹریبونل جج کے ذاتی ریمارکس کابہت افسوس ہے.

    مسلم لیگ ن کے سینئر رہنما کا کہنا تھا کہ ٹریبونل جج نے اپنے فیصلے میں مجھے مافیا کہا، ٹریبول جج نے میری ذات پر حملے کئے. 

    شاہدخاقان عباسی کا کہنا تھا کہ الیکشن ٹریبونل کو آرٹیکل 63،62 پر نااہلی کا اختیار نہیں، الیکشن ٹریبونل زیادہ سے زیادہ کاغذات نامزدگی کو مسترد کرسکتا ہے.

    انھوں نے مزید کہا کہ یہ الیکشن پٹیشن تھی، میرے خلاف کسی قسم کا مقدمہ نہیں تھا، میرے والد نے 1974میں گھر لیا، وہی قیمت ظاہر کی تھی. اثاثوں کی مارکیٹ ویلیو کے معاملے پر مجھے نااہل کیا گیا، الیکشن ٹریبونل کے فیصلے کو چیلنج کروں گا.

    یاد رہے کہ آج این اے 57 مری سے سابق وزیراعظم شاہدخاقان عباسی کے کاغذات نامزدگی مسترد کرتے اپیلٹ ٹریبونل کے جج جسٹس عبدالرحمان لودھی نے سابق وزیراعظم کو نااہل قرار دے دیا تھا.

    این اے 57 ، سابق وزیراعظم شاہدخاقان عباسی نااہل قرار

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • این اے 57 ، سابق وزیراعظم شاہدخاقان عباسی نااہل قرار

    این اے 57 ، سابق وزیراعظم شاہدخاقان عباسی نااہل قرار

    راولپنڈی: این اے 57 مری سے سابق وزیراعظم شاہدخاقان عباسی کو نااہل قرار دے دیا اور  کاغذات نامزدگی مسترد کردئے ۔

    تفصیلا ت کے مطابق اپیلٹ ٹریبونل کے جج جسٹس عبدالرحمان لودھی نے این اے 57 سے شاہدخاقان عباسی کے کاغذات نامزدگی پر فیصلہ سناتے ہوئے سابق وزیراعظم کو نااہل قرار دے دیا ۔

    درخواست گزار نے سابق وزیراعظم شاہد خاقان عباسی کے کاغذات نامزدگی پر ٹمپرنگ کا الزام لگایا تھا۔

    یاد رہے گذشتہ روز الیکشن ٹربیونل نے شاہد خاقان عباسی کو این اے 53 سے الیکشن لڑنے کی اجازت دیتے ہوئے کاغذات نامزدگی منظوری کے خلاف درخواست مسترد کردی تھی۔

    اس موقع پر شاہد خاقان عباسی کا کہنا تھا کہ میں نے اپنے حلقے میں اٹھ دفعہ منتخب ہوا اور اپنا وقار بلند رکھا، کبھی غیر جمہوری قوتوں سے نہیں ملا، حلقے کی بہتری کے لیے کیا کام کیا،میرے اس سے بہتر جواب نہیں تھا، میں نے یہی بہتر جواب سمجھا ہے، امتحان لینے والے نے کیا غلط سمجھا ، عوام کو حق دیں کہ وہ مسترد کریں نہ کہ ریٹرنگ آفیسر کو نہیں۔

    خیال رہے کہ ملک بھر میں ریٹرننگ افسران کے اعتراضات کے خلاف اپیلوں پر فیصلوں کا آج آخری دن ہے، امیدواروں کی نظر ثانی شدہ فہرست 28 جون کو جاری ہوگی۔

    امیدوار 29 جون کو کاغذات نامزدگی واپس لے سکیں گے، 29جون کو ہی امیدواروں کی حتمی فہرست جاری کی جائے گی جبکہ 30 جون کو امیدواروں کو انتخابی نشانات جاری کیے جائیں گے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • ن لیگ سب سے بڑی جماعت ابھر کر سامنے آئے گی،شاہدخاقان عباسی

    ن لیگ سب سے بڑی جماعت ابھر کر سامنے آئے گی،شاہدخاقان عباسی

    اسلام آباد : سابق وزیراعظم شاہد خاقان عباسی کا کہنا ہے کہ ن لیگ سب سے بڑی جماعت ابھر کر سامنے آئے گی، میری ہمدردیاں اپنی جماعت کے ساتھ ہیں، جو الیکشن میں تاخیرکرے گا اس پر آرٹیکل 6 لگنا چاہئے۔

    تفصیلات کے مطابق اسلام آباد میں الیکشن ٹریبونل کے باہر میڈیا سے گفتگو کرتے ہوئے شاہد خاقان عباسی نے کہا کہ بدقسمتی ہے، قمرالاسلام کو نیب نے گرفتار کرلیا، نگران حکومت،نیب سے درخواست ہے قمر الاسلام کو رہاکریں، نامزدگی فارم میں سب کچھ لکھا ہوا ہے پھر کیوں گرفتار کیا گیا، گرفتاری 10سال رکن اسمبلی رہنے والے کی توہین ہے۔

    شاہدخاقان عباسی کا کہنا تھا کہ ساری خرابیاں ن لیگ میں نظرآتی ہیں، چیف الیکشن کمشنر سے درخواست ہے، الیکشن کے بعد تک کا انتظار کرلیں، الیکشن کے بعد جو بھی معاملات ہوں گے نمٹالیں گے۔

    سابق وزیراعظم نے کہا کہ پری پول رگنگ کو عوام کے سامنے رکھنا ہمارا کام ہے، پاکستان کے عوام خود فیصلہ دے دیں گے، انصاف ہوتے ہوئے نظر بھی آنا چاہئے، کہا تھا کیس میں میاں صاحب سے انصاف ہوتا دکھائی نہیں دے رہا، جس شخص سے 1 ارب برآمد ہوا، اس نے بھی صرف 5 پیشیاں بھگتیں، نواز شریف اب تک سو پیشیاں بھگت چکے ہیں۔

    ان کا کہنا تھا کہ اثاثہ جات کو ویب سائٹ پر ڈالنا درست نہیں، نامزدگی فارم میں پراپرٹی کی موجودگی قیمت درج نہیں ہوتی، الیکشن کا ٹائم بڑھانے کی آئین میں کوئی گنجائش نہیں۔

    شاہدخاقان عباسی نے مزید کہا کہ جوالیکشن میں تاخیرکرےگااس پرآرٹیکل 6لگناچاہئے، ن لیگ سب سےبڑی جماعت ابھرکرسامنےآئےگی، میری ہمدردیاں اپنی جماعت کے ساتھ ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • این اے53 ،سابق وزیراعظم شاہدخاقان عباسی کو الیکشن لڑنے کی اجازت مل گئی

    این اے53 ،سابق وزیراعظم شاہدخاقان عباسی کو الیکشن لڑنے کی اجازت مل گئی

    اسلام آباد : الیکشن ٹربیونل نے شاہد خاقان عباسی کو این اے 53 سے الیکشن لڑنےکی اجازت دے دی اور کاغذات نامزدگی منظوری کے خلاف درخواست مسترد کردی۔

    تفصیلات کے مطابق اسلام آباد میں الیکشن ٹرییونل کے جج جسٹس محسن اختر کیانی نے این اے53سے شاہد خاقان عباسی کے کاغذات نامزدگی مسترد کرنے کے خلاف کیس کی سماعت کی ۔

    اس موقع پر سابق وزیراعظم ذاتی حیثیت میں ٹربیونل کے سامنے پیش ہوئے۔

    شاہد خاقان عباسی کے وکیل نے دلائل دیتے ہوئے کہا کہ کاغذات نامزدگی حلف نامہ نا مکمل پر مسترد کئے گئے، آر آو نے سپریم کورٹ کے حلف نامہ کے بارے فیصلے میں غلط فہمی ہوئی اور آر آو نے اپنے اختیارات سے تجاوز کیا، آر آو نے فیصلے میں لکھا ہے کہ حلف نامہ مکمل پر نہیں کیا۔

    اس موقع پر شاہد خاقان عباسی نے کہا کہ میں نے اپنے حلقے میں اٹھ دفعہ منتخب ہوا، یہ جو میں نے جواب دیا میں نے سب سے بہتر سمجھا، حلقے میں روڈ وفاق ،صوبائی اور مقامی حکومتیں بناتی ہیں۔

    ان کا کہنا تھا کہ میں نے اپنا وقار بلند رکھا، کبھی غیر جمہوری قوتوں سے نہیں ملا، حلقے کی بہتری کے لیے کیا کام کیا،میرے اس سے بہتر جواب نہیں تھا، میں نے یہی بہتر جواب سمجھا ہے، امتحان لینے والے نے کیا غلط سمجھا ، عوام کو حق دیں کہ وہ مسترد کریں نہ کہ ریٹرنگ آفیسر کو نہیں۔

    عدالت نے این اے 53کے آر او کا فیصلہ کالعد م قرار دیتے ہوئے سابق وزیراعظم شاہد خاقان عباسی کو الیکشن لڑنے کی اجازت دے دی۔

    مزید پڑھیں: شاہد خاقان عباسی نے کاغذات نامزدگی مسترد کرنے کا فیصلہ چیلنج کردیا

    یاد رہے کہ شاہدخاقان عباسی این اے53سے ن لیگ کے امیدوار ہیں اور کاغذات نامزدگی حلف نامہ نامکمل ہونے پر مسترد کئے گئے تھے۔

    جس کے بعد سابق وزیراعظم شاہد خاقان عباسی نے این اے 53 سے کاغذات نامزدگی مسترد کیے جانے کے خلاف اپیلٹ ٹربیونل میں اپیل دائر کی تھی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • شاہد خاقان عباسی نے کاغذات نامزدگی مسترد کرنے کا فیصلہ چیلنج کردیا

    شاہد خاقان عباسی نے کاغذات نامزدگی مسترد کرنے کا فیصلہ چیلنج کردیا

    اسلام آباد : سابق وزیراعظم شاہد خاقان عباسی نے کاغذات نامزدگی مسترد کیے جانے کے ریٹرننگ افسر کے فیصلے کے خلاف درخواست دائر کردی۔

    تفصیلات کے مطابق سابق وزیراعظم شاہد خاقان عباسی نے این اے 53 سے کاغذات نامزدگی مسترد کیے جانے کے خلاف اپیلٹ ٹربیونل میں اپیل دائر کردی۔

    شاہد خاقان عباسی نے اپنے وکیل کے ذریعے سے کاغذات نامزدگی مسترد کیےجانے کے فیصلے کو چیلنج کرتے ہوئے استدعا کی ہے کہ ریٹرننگ افسر کے فیصلے کو کالعدم قرار دیتے ہوئے این اے 53 اسلام آباد سے الیکشن لڑنے کی اجازت دی جائے۔

    خیال رہے کہ ریٹرننگ افسر نے کاغذات نامزدگی کے ساتھ جمع کرانے والے حلف نامے کی شق این کے تحت سابق وزیراعظم کے نامزدگی فارم مسترد کیے تھے۔

    حلف نامے کی شق این کہتی ہے کہ امیدواروں کو اپنے حلقے میں مفاد عامہ کے کاموں کی تفصیلات فراہم کرنا ہوتی ہے۔

    واضح رہے کہ ملک بھر میں ہائی کورٹ کے ججز پرمشتمل 21 ٹربیونل بنائے گئے ہیں جہاں ریٹرننگ افسران کے فیصلوں کے خلاف آج تک اپیلیں دائر کی جاسکیں گی اور ٹربیونلز 27 جون تک اپیلوں سے متعلق فیصلے کریں گے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔